كيف اقدر اوصل ل 10 مليون

[عيون الدوحة]

مرحباً اعضاء
اذا كان راتبي يتراوح بين ال 20 الف و 25 الف
كيف اقدر اوصل للمبلغ المطلوب
ابي اقتراحات وحلول واقعية وخلال كم سنة :shy:
ماعندي مشكله بتجميد مبلغ محترم كل شهر لان لايوجد على الراتب اللتزامات

[jassim69]

بعد 75 سنه اذا كان صرفك كل يوم 10 ريال فقط!!!!

[ANONYMOUS]

يالله بالحياه

[حمد 2002]

المفروض الموضوع بالاستراحه !!!!

بالتوفيق

[MAZEN37]

مالك الا شركات التمويل والبنوك

[خوي الدرب]

تزوج ثرية تجاوزت الثمانين ؛ وأشتر جيب أبو حوض وكل يوم طلعها رحلة :)

[مكين]

أنا ابي أوصل لين المئة الف ماني قادر وراتبي اكبر من راتبك

[عمر الفاروق]

اهم شي ان الله يبارك في المال ويجعل رزقك كفافا

الدنيا زائله والقضيه قضيه مال ورزق قد كتب لك قبل ان

ان تولد كتب الملك رزقك واجلك وهل انت شقي او سعيد

فالعبره في العمل لان المال سيذهب للورثه الاهم العمل

والبركه

[مشاكل]

تذكرت قصة الملياردير الامريكي الثري زوج السيدة كندي
اول مادرى انه صاده مرض السرطان - الله يجيرنا ويجيركم - قال : انا مستعد ادفع نص ثروتي مقابل علاجي من مرض السرطان !!
ومرت الايام وتدهورت صحته ،،،
وهو على فراش الموت قال : انا مستعد ادفع ثروتي كلها مقابل ساعة وحدة اعيش فيها صحيح معافى !!!

[khaldoon]

يا حليلك يا عيون الدوحة..... 10 مليون مرة وحده..... بس يعجبني تفاؤلك بالحياة .... احييك

[ريتويت]

عشره مليون مره وحده!!!!!! طيب لو الراتب خمسه وعشرون الف كيف اقدر اجمع لمليون ريال بس؟؟؟ وكم سنه؟؟

[تاسيتوس]

اشتر على الإشاعة وبيع على الخبر

[ANONYMOUS]

من العنوان جا على بالي ظ،ظ* مليون لايكس او فولورز

[بن غيث]

:vampire:
تزوج ثرية تجاوزت الثمانين ؛ وأشتر جيب أبو حوض وكل يوم طلعها رحلة :)

[صفقه]

33 سنه اذا وفرت شهريا 10 آلاف ريال من راتبك ... مع نسبه مخاطره بسيطه ان شاءالله .. وممكن تزيد او تقل في حدود 3 سنوات ..

وممكن لو سخرت موارد ثانيه بالأضافه الى اللي توفره من راتبك ان تقل المده بشكل كبير .

[عيون الدوحة]

هااااي مادري الموضوع ليش راح النقاش الاقتصادي
أنا كنت بنزلة في الاستراحة
بكل بساطة أخذ لي جواز كميروني وأجي محترف في منتخب قطر وخلال سنه ال 10 مليون بحسابي

وانا وحدة فتاة عيون الدوحة

[صفقه]

هااااي مادري الموضوع ليش راح النقاش الاقتصادي
أنا كنت بنزلة في الاستراحة
بكل بساطة أخذ لي جواز كميروني وأجي محترف في منتخب قطر وخلال سنه ال 10 مليون بحسابي

وانا وحدة فتاة عيون الدوحة



ياليت الناس عندها جدية في مثل هالمواضيع علشان تفيد وتستفيد :weeping:

[معماري قطري]

إذا توفير شهري وكل شهر 10000 ريال يبي لج 83 سنه وشوي، وإذا بتجمعين 10000 وبتدخلين البورصه وحظج بيكون زين وبتكونين منتبهه للسوق ومتابعه مضاربات مع استثمار طويل الأجل بتقدرين تختصرين الوقت وايد واحتمال الخساره وارد.

[Chambray]

ياليت الناس عندها جدية في مثل هالمواضيع علشان تفيد وتستفيد :weeping:

نفس ماتفضلت

ياريت يكون هناك جديه في مثل هالمواضيع


يغلق الموضوع لعدم الجديه في طرحه