معقولة ؟؟!! باقي على رمضان 6 شهور !!!

[مشاكل]

سبحان الله

تسارع الايام والساعات والدقايق كل ماله يزيد بشكل رهيب !!
رمضان تحس ان ماله شهر من يوم خلص !!
واليوم انصدمت يوم شفت التقويم ان بكره غرة ربيع الأول !!! حد يصدق ؟؟
يعني باقي على رمضان 6 شهور او بمعنى ثاني نفس المدة اللي راحت !!
حتى الأوقات الصعبة صارت تمر بسرعة !!
اخبر قبل ايام الطيبين كانت الساعة بيوم واليوم بسبوع والاسبوع بشهر !!
كنت شاك انه مع تقدم العمر يحس الواحد ان الايام تمر بسرعة ،،، لكن يوم اسأل اليهال اشوفهم يبادلونا نفس الشعور ،،، يعني سيم سيم :weeping:
الواحد منّا صار يكبر بسرعة وهو مايدري وعلى باله لين الحين شباب !!
شسالفة ؟؟
هل منكم احد له تفسير لهذي الظاهرة ؟
أم انه بالفعل آخر الزمان :weeping:

انا عندي تفسير لكن قبل لاأقوله ابي اعرف رايكم فالموضوع !!!

اللهم اني اسألك العفو والعافية والمعافاة فالدين والدنيا والآخرة
اللهم اني اسألك حسن الخاتمة

[ANONYMOUS]

اقتربت الساعه

[راس مشعاب]

من اشراط الساعة

[خليفـة]

الايام تركض
وكله من عمرنا
سبحان الله

خليفــة

[مشاكل]

اقتربت الساعه


من اشراط الساعة
ربي سلم سلم


الايام تركض
وكله من عمرنا
سبحان الله

خليفــة
اي والله من عمرنا ياخليفة
مابي اكبر :weeping: ابي اتم صغير :shy:

[فتى الجود]

لا اله الا الله

سبحان العلي العظيم

صدمنى موضوعك

الله يبلغنا رمضان لا فاقدين ولامفقودين

اللهم أعنا على ذكرك وشكرك وحسن عبادتك
على الوجة الذي يرضييك عنا

[مشاكل]

من اهم اسباب تسارع الايام من وجهة نظري الآتي :
- توفر وسائل الاتصالات بكافة اشكالها مما جعل العالم متقارب وعلى اتصال مباشر .
- الدوام ماكل ثلثين اليوم .
- كثرة الاحداث .
- توفر وسائل ملئ الوقت وخصوصاً بعد ماأصبحت سهلة الحمل كالبلاك بيري والايباد وغيرهم الامر الذي يجعلها ترافقك اينما كنت وفي كل وقت .
- انشغال الناس بالدنيا عن الزيارات والتواصل الاجتماعي وتباعد البيوت وعلى اثرها تباعدت القلوب .

[مشاكل]

أخبر قبل كانت تمر علينا اوقات نقول فيها : اوفففففف ملل !!!
الحين مافيه كلش !!؟؟

كانت بداية الاسبوع يوم السبت ننطر الجمعة على أحر من الجمر ونقول اوهووووه باقي اسبوووووووووع لين الجمعة !!؟؟
الحين مافيه كلش !!؟؟

[مشاكل]

لا اله الا الله

سبحان العلي العظيم

صدمنى موضوعك

الله يبلغنا رمضان لا فاقدين ولامفقودين

اللهم أعنا على ذكرك وشكرك وحسن عبادتك
على الوجة الذي يرضييك عنا
شفت شلون اخوي فتى الجود :weeping:
والله صدمة صج
اللهم اجعل ايامنا مليئة بطاعتك وخير اعمالنا خواتيمها

[ريتويت]

والعمر يمر بسرعه والله

[تاسيتوس]

ما يمديك تغمض عيونك إلا عمرك سبعين

[بوخالد911]

سبحان الله

الايام تجررررررررررررررررري بسررررررررررررررعة

[حياة]

الله يطول اعمارنا على طاعته ويبلغنا رمضان
اعوام عديده وازمنه مديده

[نور الحور]

صح مشاكل ! الكل ملاحظ ويحس بالوقت شلون يرررررررررررررركض .. حتى عيالي يقولون يمه الأسبوع ما يمدي .. الكل حاس بهالسرعة وطبعا من علامات الساعة ..
وعشان جذي لو لاحظت إن حتى أعمار الناس صارت كأنها صغيرة .. اللحين تلقى شاب ولا شابة 25 أو 26 سنة تقول يحليلهم يهالو :eek5:
ولول بنت ال18 تلقاها مرة راعية بيت ومعيلة بعد !
مرور السنوات بسرعة خلى سن النضج يتأخر .. مع إن في المقابل المعلومات والانفتاح الالكتروني خلى الواحد مطلع وعارف ..
والغريب صج وألاحظة بقوة .. من سرعة الزمن تلقى الناس تبي تصغر عمرها ..
حتى المراهقين .. أنا أختي وربعها كل وحدة تصغر نفسها مع إنهم للحين في الطعشات !
وكل يقول أبي أكون صغير لأنهم يحسون العمر يجري من بين يدهم ..
الأهم من ذلك .. مو أسباب مرور الزمن بسرعة .. لكن الأهم العمل الصالح والإعداد للآخرة .. اللهم اجعلنا ممن طال عمرهم وحسن عملهم ومتعنا الله وإياكم بالصحة والعافية والسلامة من كل فتنة وشر

[الخزرجي قطر]

الله يبلغنا واياكم شهر رمضان الكريم
الله يعيده علينا وعليكم وعلى جميع المسلمين بالخير

[abo0o0od QtR]

تسارع الزمن من اشراط الساعه


اللهم ثبت قلوبنا على دينك وارزقنا حسن الخاتمه

[مبتدئه]

اي والله كلامك صحيح الايام تركض نسأل الله حسن الخاتمه

[حميداني]

الروتين , كانك متخدر عايش ايامك بدوامه
معاك في الراي مشاكل قام الواحد يحس ان الوقت يتقلص والايام تمشي بسرعه

وهذي من اشراط الساعه واغلب العلامات الصغرى اطلعت
والناس للحين متخدره بدوامة الروتين ومحد يبي يطلع من قوقعته لانه مرتاح فيها ويحس بالامان
لانها أقرب من انه تقريباً يعرف جزء من وش ممكن يصير بكره فنادر من هو مستعد يخطو خطوه جريئه
فلسطين ما تحررت الا قامت تتحول لاسرائيل تحت اعينا وسوريا كل يوم تتكفخ واحنا في دايرتنا خايفين ان تركناها ما ترجع مثل اول و بورما انضربت لين ما قالت بس واغلب مسلميها تم ابادتهم
انكون صريحين مع بعض ان كل ما انشوف الحين هو مجرد ضرب دفوف وتطبيل علشان انريح ضميرنا
ونحن وهم واحنا هذا غير الي يجوك يضربون التالي والداني انهم هم من يتحرك

المسلم لا يعتدي ولا يعتدى عليه

ذاك خايف مب ناوي يقوم ومن قام مب عارف وين يروح فيفسد بدل ما يصلح ويخرب بدل ما يعدل
المبكي المضحك ان اغلبنا عارف كثير وساكت

يقولك سوريا انضربت وقاعده وتباد ومحد لها , الكل عارف شالحل لكن الاغلب يختار يماطل
جارك احترق داره انا وانت ندري ان اقل ما انسويه هو انعينه نخرج هله ونساعده في اطفاء بيته

هه لكن جواب الاغلبيه للاسف الحين لاي معضله تصير
ادعي لهم ... الله يساعدهم
الناس صار على بالها الدعاء تعويذه .. شي تبيه ويصير
الدعاء ابركه وتحتاج انك تتحرك وتتوكل لاجل ربنا ينزل بركته في ما تبغاه

اليهود لما قالو لموسى اذهب انت ربك فقاتلا .. وين العزم ؟
ما شوفها فرقت وايد عن ما نسويه
الحمدالله على الاقل البعض يضحي بماله في سبيل هذا الشي .. لكن عمره المال ما كان بديل عن النفس
يموتون موت بطيئ واحنا يا برودنا نطالع

الله مب ناطرك انت تدعي لاجل يساعدهم يا حبيبي , الله كاتب هذا الي يصير وبيتم يكتبه لجيل ورى جيل
لين ما يطلع الجيل الكفؤ الي فعلاً بيكمل مشوار الاسلام يرد الحق ويرد مكانته
المسلمين في مهانه رضو ان ابو لانه الواقع .. قالوعنهم عالم ثالث هزو روسهم قالو صح
اتركو العلم وتحفظو عليه باسامي واعذار حتى وصلوه بالدين وانه هو المعرقل
عم في كثار النرجسيه والتطرف وكبح الاراء والخوف على المناصب والكراسي الين ما صار منهج يتبع

هذا احنا الحين .. غثاء وصدق رسول الله
عسى الله يكتب لنا بيوم نكسر هذا السد ونترك هذا الروتين الي صار كأنه مخدر نحتاجه علشان نعيش

يمكن الايام تمشي بسرعه لانه العالم نفسه مل منا

[حسن]

اي تسار ع الزمان الى قام يمر علينا الاسبوع هوا
حتى رمضان اللي طاف كان خمس جمع بعد كم سنه بيسير
ست جمع يالله بحس الخاتمه

[moonبنتnight]

السنة تنطوي 00
حتى الناس ما تحس لا عمر ركض 00
يالله بطاعتك ورضاك 00

[ع.م]

لين الواحد راح البر يكون يومه طويييل لأنه ابتعد عن صخب المدينة ووتيرة الحياة المتسارعة..

أنا أشوف التطور التكنولوجي سبب كبير في هالشي نفس ماقال أخونا مشاكس..

وبعد زحمة الشوارع تخلي يومك ضايع فالطريق فالشارع أو في البحث عن باركنج.. أيام قبل يمديك تطلع وتتسوق وتاكل وترجع البيت وتو الناس.. يعني صار الوقت يمر بسرعة واليوم يخلص بسرعة وانت شاير في الزحمة..

وبعد هجر القرآن له دور يخلي مافي حياتنا بركة ولافي وقتنا بركة..

وبعد ساعات العمل الطويلة سبب كبير..

اهتماماتنا وطموحاتنا صارت وايد مانلحق على كل شي.. ويمر العمر ما انتبهنا له.. أول أي شي يفرحنا وحياتنا بسيطة نطلع قيمتها صح ونعيش كل يوم بكل تفاصيله ننتبه لها عدل ماتتفلت من يدنا نفس حبات الرمل الحين.. حتى الناس ماقمنا نطالعهم في عينهم ماعاد في تواصل روحي عميق بس كلن مستعيل على ولاشي..

المقيال القصير والقومة من الفجر هالعاملين كانوا مخلين الواحد يستفيد من يومه وهو مصحصح وسعيد.. ووايد ناس هجروا هالشيئين..

وأسباب وايد والله..