مقابلة عمل في قطر غاز

[the_end]

الســــلام عليكم
أخباركم


أنا عندي ان شاء الله مقابلة عمل في قطر للغاز الأسبوع الجاي
وبصراحة مرتبك شوي


فبغيت حد يفيدني عن مقابلاتهم العادة كم شخص يقابلك؟
وايش الأسئلة الي ممكن انهم يسألوني؟

أنا تخصص فايننس
حد يعرف إيش أقسام الشركة وأي قسم ممكن يناسبني
لأني خايف انه يسألوني بأي قسم حاب أشتغل وبصراحة أنا ماعندي معلومات عن شركتهم


ومشكـــورين

[بن غيث]

شعورك بالخوف ... هو دليل نجاحك أن شاء الله في المقابلة :)

[Bin Hood]

اخوي ابادلك الشعور الخوف من المقابلة

لكن ابشرك ان شاء الله الامور طيبه

ما عندي فكرة عن قطر للغاز لكن

بشكل عام المقابلة تركز على الشخصية بالدرجة الاولى
( طريقة الكلام , الرد على السؤال بوضوح , وغيرها من الامور الي تبين الشخصية )

ومن ثم اللغة يعتبر امر هام جدا اذا كنت مقدم ielts او tofel ودرجة طيبه اذكرها

اما عن التخصص ممكن يسألك على الاساسيات

PV , FV , NPV

Income statement balance sheet

حاول قدر الامكان تبين انك سعيد بهذه الفرصة وانك راح تثبت روحك في الشغلة
وقولهم انك سريع التعلم quick leaner

وضروي انك تدخل موقع قطر للغاز وخذ خلفية عن الشركة والمدير التنفيذي ومدراء الاقسام الي ممكن تشتغل فيها , لان هذه معلومات ممكن تبين لهم ان عندك خلفية عن الشغل

يعني سوق نفسك في حدود المعقول

والله يوفقك

[ولد شرق]

السلام عليكم

اخوي انا فايننس واشتغلت قبل 6 سنوات في هاذي الشركه

اولا لاترتبك ابدا
الاسئله تعتمد اصلن اذا انت Fresh graduated ولا شغال قبل في شركة ثانيه

اسئله عامه لاتدعو للقلق
بس عندي تعقيب على الاخ بن هود من واقع تجربتي منع شركات الغاز ال Income statement balance sheet مايسألون عنهم لأنك بتحصلها في الساب حاهزة

اهم شي اخوي خلك هادي وحاول اتجاوب على كل شي بثقه وامورك ان شاء الله بتتسهل

[qatarman8008]

في المقابلة .. بشكل عام .. في كل الشركات ..
غالبا ما يتم تحديد هوية الشخص وتوجهاته وانطباعاته وطموحاته .. ومدى ملائمته لشغل هذه الوظيفة وقدرته على الانخراط بجو العمل والتاقلم مع الجو المحيط به .. وهكذا ..
مثلا للفايننس يجب ان يكون الشخص متابع وملم بامور الاقتصاد ..
للعلاقات العامة .. المظهر والابتسامة واسلوب التحدث ..
لادارة العمليات .. شخصية قوية ملامح وجه قاسية ..

والباقي عندك ..

[نوفة قطر]

بشكل عام اهم شيء الثقه بالنفس .. والراحه فالكلام

ادخل موقع الشركه وحاول تعرف عنها اكثر عشان يحسون انك فعلاً عارف وين داش

وجاوب بثقه حتى لو ماعرفت الجواب حاول تاخذ السؤال فصالحك حتى لو جاوبت جواب بعيد شوي عن السؤال

والله يوفقك

-

[Al-Kuwari]

رد سابق لي ممكن يفيدك

http://www.qatarshares.com/vb/showpost.php?p=8335490&postcount=36

بالتوفيق

[خالد_قطر]

أولا ربي يوفقك

خلك هادي وفي البداية تكون الربكة طبيعية بس لا تخليها اطول معاك.
في بداية المقابلة بيعرفون عن نفسهم ثم بيعطونك فرصة خمس دقائق تتكلم عن نفسك ولا اطول عنها وتكلم بثقة.
في بعض المدراء يسأل عن التخصص مثل ما قال لك بن هود بسألك عن أساسيات المحاسبة.

وبين لهم انك تعرف عن نشاط الشركة طبعا بالاطلاع عنها وسؤال المختصين وانك مهتم تشتغل معاهم.

وغن شاء الله يفيدونك الشباب أكثر

[the_end]

مشكورين اخواني ما قصرتوا
وايد طمنتوني واستفدت من ردودكم
جزاكم الله خير