تحذير وتنبيه من بعض النسوة المشبوهات

[دلة الرسلان]

السلام عليكم ورحمة الله وبركاته

صارت الأسبوع الماضي ثلاث مواقف غريبة لأشخاص مقربين مني مع نساء من جنسية عربية

يلبسون عبايات ونقابات واحداهن بدون نقاب في محلات شارع الشافي وفي فيلاجيو .

تقول فلانه في كارفور احس حد يتبعني ألا ذي الحرمة وراي من مكان لآخر وشكلها مقزز !!

القذلة على جنب والصدر مكشوف وتذمر من ها الشباب اللي مايخلونها بحالها تقول وتحاول

تمسك يدي يابلفيت بترويني شاب يلحقها وتقول لها هذا هو شوفيه وبصوت عالي !!

تقول فلانة قلت لها اول شي تستري وبعدين تبلي على الناس وكانت شديدة في الكلام معها

وتركتها .

الموقف الثاني : في سوبرماركت في شارع ال شافي بعد وحدة من الأهل ركبت معها في

المصعد مبرقعة من نفس الجنسية تقول ويوم جيت اطلع للطابق الأول وتمسك في ايديني وتجود

فيني :لا .. لا انتي معاي أنا خايفة ،تقول فلانة 2 نفضت يدها وقلت فكيني وطلعت .

فلان 3 بعد ماركب سيارته في نفس الشارع ألا الدريشة تدقها عليه مبرقعة من نفس الجنسية

تقول له بميوعة : ليش تمشي ولا توصلنا معك !!

الهدف هو التحذير ، الله العالم شنهي نيتهم ذا الحريم وكلهم ثلاثينيات وطالع ولكن وضعهم

وتصرفاتهم غريبة وفي مدة خمسة ايام .

[R 7 A L]

لاحول ولا قوة الا بالله
شكراً على التنبيه\
\
للأسف الجهه المعنية بهذة النوعية في سابع نومة

[قلم صادق]

جزاك الله خير على التنبيه .... بس مسكه اليد تخوف .. ليش ..

[بوحمد111]

لا حول ولا قوة الا بالله

يمكن نوع جديد من الطراره الله يكفينا شرهم

والمفروض الحذر منهم

اشكرك على التحذير

[أسير الأحلام]

للأسف من آمن العقوبة اساء الأدب ...

وطبعا الجهة المسؤولة عن ردعهم نايمة فالعسل وبالتالي هم يزيدون نشاطهم ..

الله المستعان ..

لازم نسوي شي مثل نظام الصحوات الي في العراق بس ينطبق على الفرجان والمناطق لمحاربة هالظاهرة وغيرها من قبل ابناء المنطقة .. وعدم انتظار استيقاظ الجهات المسؤولة

[شبح الصمت]

الله يجزاكم خير عالتنبيه

واحد من الشباب يذكر سالفه لخويه

يقول واقف فالسد اشوي الا باب السيارة ينتفح الا وحده اطلعت وركبت جمبه الرجال تبلعم خير أختي اش تبين قالت له وصلني قالها نزلي واسمحي لي قالت وصلني مادري لين وين

قالها لا بوصلج ولا شيء واسمحي لي وخلج فالسيارة بنزل الحين المحلات وبرجع ان شفتج بلغت عنج الشرطة

قام الرجال وشل بوكه ونزل من السيارة وطنش لها وخلها فالسيارة وخذ كم فره وكان يراقبها ونزلت والا شافها !!

مب تبلي هذه اسمه تسويق على قولت واحد مره كتب في المنتدى

الحرير الابيض او مدري والله نسيت وكانوا يقصدون بما معناة تبيع نفسها لاجل الفلوس

استغفر الله العظيم

الله يبعدنا عن هالاشكال والله يحفظ قطر وآهلها من شر هالنفوس

[راشد محمد]

لا حول ولا قوة الا بالله

[المرحب]

لا حول ولا قوة الا بالله

[مبتدئة]

انتشر سواد الله

الله يكفينا الشر ويحصّن الشباب عن هالأشكال

[دااانة قطر]

الله يجزاكم خير عالتنبيه

واحد من الشباب يذكر سالفه لخويه

يقول واقف فالسد اشوي الا باب السيارة ينتفح الا وحده اطلعت وركبت جمبه الرجال تبلعم خير أختي اش تبين قالت له وصلني قالها نزلي واسمحي لي قالت وصلني مادري لين وين

قالها لا بوصلج ولا شيء واسمحي لي وخلج فالسيارة بنزل الحين المحلات وبرجع ان شفتج بلغت عنج الشرطة

قام الرجال وشل بوكه ونزل من السيارة وطنش لها وخلها فالسيارة وخذ كم فره وكان يراقبها ونزلت والا شافها !!

مب تبلي هذه اسمه تسويق على قولت واحد مره كتب في المنتدى

الحرير الابيض او مدري والله نسيت وكانوا يقصدون بما معناة تبيع نفسها لاجل الفلوس

استغفر الله العظيم

الله يبعدنا عن هالاشكال والله يحفظ قطر وآهلها من شر هالنفوس



الأفضل ان الوااحد يتصل عالشرطه على طول
يعني لو تبلت عليه وقاالت هو اللي جاايبني هني او عذر ثااني
اما ان يخليها ويمشي زين انها عدت على خير
حسبي الله عليهم


الله لايحطنا في هالموااقف

[alnoida]

من اي جنسية
ياريت حد يعطيني واحد خاص

[نور الحور]

بسم الله .. الله يكفينا شرهم ..
أما أنت يا شبح الموقف اللي ذكرته صج صج يخرع .. كان ممكن تتبلى عليه ويروح فيها لولا ستر الله ..
وأعتقد يسمونها تجارة الرقيق الأبيض والعياذ بالله ..الله يكفينا شرهم

[غير عنهم]

يجب عدم السماح بعض الجنسيات من دخول البلاد لكي لا تنتشر الفوضى بمعنى الكلمه

[المهاجر]

الاجراء الصحيح في مثل هالمواقف

ابلاغ الجهات الرسميه عن طريق العمليات 999


وعدم تركهم يمرحون وينصبون على الناس

وقد يتبلون على الشباب ويتهمون بالتحرش وخلافه

السكوت عنهم يخليهم يتمادون اكثر واكثر

[امـ حمد]

لا حول ولا قوة الا بالله
الله يكفينا شرورهم يارب

[ذيب ازغوى]

اماا في قطر ؟؟؟؟؟!!!!

[لاجل QT]

مرة في كارفور ماسكة يدة بنتى الصغيرة وانطر عيالي ..الا وحدة دش على عرض صباح الخير ياقميل..انا تفاجاءت من الجراءة مدري اضحك ولا شاسوى بس:(
الا وحدة اشمتن:(

ترا قطرية مبرقة ..وتمت تسولف ليش واقفة برة كارفور قلت لها انطر عيالي وتسال اسئلة بايخة:( المهم حسيت استغفرالله مدري انشالله اكون غلطانة:( المهم ماعطيتها وية

قالت يلا باي ياقميل:(

كمان:(

المهم ادخلت كارفور والحقت شابيين ووقفتهم وتقعد تتكلمهم معاهم..من بعيد اشوف الموقف الشباب مع انهم مغزلجيين بس انحرجو من جراءتها يبون يفلتون:(

[بنت مريخ]

امس الساعه ثمان الا ربع عند الروابي جاءتني حرمه شكلها مريب لابسه بطوله قصيره ونظارات طبيه ومعاها بنتين لابسين انقبه ما ارتحت لهم الا تقولي بطلي الديرين انا من الامارات رديت عليها اسفه الاتسئلني عن مطوع قلت لها ماعرف اسمه وعقب دخلت السوبرماركت

[رايق البال x]

هذولا شبكة من زمااااااان في قطر توكم منتبهين لهم
يطرون من الحريم ويستدرجون الرجال ... يعني يبون فلوس بأي طريقة
والله العظيم انهم جوني لين بيتي زوجها موصلها بسيارته وراح وهوي تقول انا كنت امشي وجيت ابي ماي وبعدين فتحت سالفة الطرارة

[بوجاسم 75]

صباح الخير

الحذر ثم الحذر ثم الحذر

[نوفة قطر]

إذا لم تستحي فأصنع ما شئت

!

-

[رآعي موآجيب]

ترى مسكة اليد لثانيتين ممكن تختفي بعدها ساعة روليكس ديتونا من اللي هابين فيها العالم هاليومين :rolleyes2:

بس ان شاء الله تكون الساعه من شارع نانا :victory:


وعليكم بـ 999

[حسن]

صباح الخير

الحذر الحذر ثم الحذر من النسوان

[BeN QaTaR]

ههههههههههههههه وآلله حآلة

آذكر آلوآلد قآل لنآ عن موقف وحده مع بنتهآ تلحقة في آلسوبر مآركت تتحرش به وإنحرج منهآ وكل هذآ بنيه إنهآ إتحآول فيه يدفع لهآ آلحسآب آلوآلد قط عليهآ مبلغ كآش وقآلهآ مآعندي غيرة وتوكلي .. وبس وآلله ركب سيآرتة بيحرك إلآ دآزتلة آلبنت إتقولة إمي إتسلم عليك وإتقولك إدفع لنآ إجآر آلشقة .. آلوآلد رد عليهآ روحي لأمك وآلله يستر عليكم وحرك مصدوم

[ضوى]

جزاك الله خير يا دلة على التنبيه

[الركادة]

انا جاتني وحدة في عيادة الدوحة فالسد

تقولي ماعندي فلوس للفحوصات وامي مرة كبيرة ...الخ
معني ماشفت معاها حد ..قلت مسكينة وعطيتها اللي عندي
جان تقولي لا ما يكفي .. لمحت فلوس سعودية تقولي عطيني هالفلوس
وانا مصدومة من جرائتها


نفسها جاتني عند عيادة سميرة الطائي بعد فالسد
هي نستني بس انا تذكرتها نفس الكلام ونفس الجنسية
ما عطيتها ولا شي

قلت لها تبين روحي الجمعيات الخيرية وما بيقصرون معاج انا ما عندي

الطيبة ما تنفع لازم الواحد يكون حذر معاهم

[رآعي موآجيب]

انا جاتني وحدة في عيادة الدوحة فالسد

تقولي ماعندي فلوس للفحوصات وامي مرة كبيرة ...الخ
معني ماشفت معاها حد ..قلت مسكينة وعطيتها اللي عندي
جان تقولي لا ما يكفي .. لمحت فلوس سعودية تقولي عطيني هالفلوس
وانا مصدومة من جرائتها


نفسها جاتني عند عيادة سميرة الطائي بعد فالسد
هي نستني بس انا تذكرتها نفس الكلام ونفس الجنسية
ما عطيتها ولا شي

قلت لها تبين روحي الجمعيات الخيرية وما بيقصرون معاج انا ما عندي

الطيبة ما تنفع لازم الواحد يكون حذر معاهم



وليش تعطينها كاش !!

قولي لها أدخلي على الطبيب وأنا بدفع الكشفيه

[رمح الضعاين]

هالنوعيه في منهم في المنتدى

الي يوصفون نفسهم على انه براءه وعفويه والله اعلم بخفاياها


انا اطالب كل امرأه ان تحترم نفسها وتلتزم الادب في الحديث والتعبير والمشي واللبس

لان كما قلت سابقا" قطر صغيره وممكن اي فتاه تنفضح حتى لو كانت خلف الشاشه

واعتقد الموضوع لايستحق ان تفضح المرأه اسرتها من اجل ان تجذب انتباه الاخرين

عموما المرأه المشبوهه في الاماكن العامه تنعرف من لبسها واسلوبها ومشيتها وطريقه اللبس





ستر الله على الجميع


اخوكم

[شيزكيك]

الاسبوع الي راح شفت وحده ورا الرويال بلازا ومشيت عنها

واول امس شفت 2 يكلمون واحد حسبتهم معاه بس هو عطاهم شي في يدهم وحرك كانوا احذا القراند هايبر ماركت الي في الخريطيات

تراهم يقصون ويستعطفون الراييل

[دنيا الاسهم]

يا جماعة الحذر منهم ولا تعطونهم شي خلهم يولون
انا وحدة صادتني ونا توني بنزل عيادة دكتور خاص الا وحدة تدق علي باب الدريشة تخرعت منها قلت لها شتبين
قالت لي : يا الطيبة لوسمحتي ممكن شوي قلت لها روحي الجمعيات الخيرية ماعطيتها وجة لان ما احب الكذب والاستعطاف الكاذكب كلش
خليتها ودخلت العيادة وبعد ما طلعت الا نفس المرة ومنقبة وكلامها يبين انها سورية ومعاها وحدة كأنهم عصابة شافتني وصدت وراحت حق مراة قطرية تطر وتستعطفها قالت لها القطرية : ليش تلبسين نفس لباسنا وتشوهين سمعة القطريين ... وبعدين قالت لها انتظري شوي بتصل للشرطة .. وكانت فية سيارة تنتظرهم وقامت دخلت السيارة بسرعة وقامت المراة القطرية تصور رقم السيارة للتبليغ عنهم ما شفت الا المرة السورية تركض في الشارع ورفيجتها معاها يركضون وخلوا السيارة تمشي بروحها
قسم بالله هذا اللي صار وهذولا حرامية الحذر منهم وبلغوا الشرطة عنهم للحفاظ على امن قطر

[m.m.76]

نفس الطرارة السورية اللي قالت لي ان اسمها ام محمد دخلت البيت لا احم ولا دستور وعيونها تلاقط بالبيت تفترر والله انها تكلمني وعيونها مش ثابته كأنها تدور احد بالبيت... شوي اشرت على سرير ولدي المولود قالت هذا تبينه ولا اخذه؟؟ عطيتها فلوس قلت لها خلاص اطلعي ..سحبت يدي قامت تحبب فيها بصراحة خفت بعدها طردتها ..واتوقع هي نفسها اللي حذر منها الاخ عبدالعزيز المري اللي كتب برودكاست عنها.

[فراغ]

الحذر يا نسوان
يقولك في دوله مجاورة فيه عصابة اسيويه
ينطرون النسوان عند صالات الاعراس
وهم طالعين يكممونهم ويشلحونهم ذهبهم ويشلون عليه

[لاجل QT]

الحذر يا نسوان
يقولك في دوله مجاورة فيه عصابة اسيويه
ينطرون النسوان عند صالات الاعراس
وهم طالعين يكممونهم ويشلحونهم ذهبهم ويشلون عليه

محد يلبس ذهب الحين ..كلة ماركات

اللى بتبوقهم بيطيحون في جبدها

[بوحمد1]

سلم يارب سلم

[QTR-1978]

لو كل شخص صادفه هالموقف بلغ الجهات المعنيه كان ولا شفتوا منهم احد وبتخفتي هذا الظاهره اللي تشوه السمعه ولاتنسون قطر في تطور والسياحه في بداية ازدهارها عندنا ومن الملاحظ خلال السنتين الماضيه ان عدد الخليجين في تزايد لكن اهل قطر طبعهم الطيبه وكله نقول حرام مانبي نسوي لهم سالفه وياخذونهم الشرطه
:anger1: ف لازم نكون يد وحده لمكافحة هذه الظاهره :anger1:

[بو علاوي]

يا جماعة الحذر منهم ولا تعطونهم شي خلهم يولون
انا وحدة صادتني ونا توني بنزل عيادة دكتور خاص الا وحدة تدق علي باب الدريشة تخرعت منها قلت لها شتبين
قالت لي : يا الطيبة لوسمحتي ممكن شوي قلت لها روحي الجمعيات الخيرية ماعطيتها وجة لان ما احب الكذب والاستعطاف الكاذكب كلش
خليتها ودخلت العيادة وبعد ما طلعت الا نفس المرة ومنقبة وكلامها يبين انها سورية ومعاها وحدة كأنهم عصابة شافتني وصدت وراحت حق مراة قطرية تطر وتستعطفها قالت لها القطرية : ليش تلبسين نفس لباسنا وتشوهين سمعة القطريين ... وبعدين قالت لها انتظري شوي بتصل للشرطة .. وكانت فية سيارة تنتظرهم وقامت دخلت السيارة بسرعة وقامت المراة القطرية تصور رقم السيارة للتبليغ عنهم ما شفت الا المرة السورية تركض في الشارع ورفيجتها معاها يركضون وخلوا السيارة تمشي بروحها
قسم بالله هذا اللي صار وهذولا حرامية الحذر منهم وبلغوا الشرطة عنهم للحفاظ على امن قطر

نفس الموقف صادني اول امس ..كنت واقف قدام مركز طبي خلف اللاند مارك بنفس المواصفات.
المهم كنت انتظر زوجتي الطبيبة في هذا المركز وماشفت الا اثنين منقبات يقربون عالسيارة وبدأت السوالف ...على قاعدين نسوي تحليل وماعندنا فلوس ,,ووو ...ووو ومن هالسوالف..
قلت لها اذا تبين هالمركز انا اخليهم يسوولج التحليل ببلاش ..فظلت تلح وتلح لين اخر شي عطيتها وراحت لزبون ثاني تطر منه.
المشكلة كاشخات ومايبين عليهم انهم طرارات ...

[شبح الصمت]

الرجاء وضع ارقام التواصل للجهة المعنية عن الابلاغ عنهم

لكي يتم توخي الحذر منهم

[الخزرجي قطر]

لاحول ولا قوة الا بالله العلي العظيم
الله يستر علينا وعلى اهالينا ويبعد عنا كل شر

[امـ حمد]

بارك الله فيك على التنبيه
وجزاك ربي جنة الفردوس

[غزلان]

الله يحمينا من شرهم

[Locale]

عند عيادة حسن العبدلله جوني ثنتين لكن ماعرفت شنو جنسيتهم
لبسهم نفس لبسنا وكلامهم نفس كلامنا
وعلى قولة زوجي من كثرهم صرنا مانعرف منو العيار ومنو الصاج

[بوالبيض]

اكثر الجنسيات من الاردن .... مشكله كبيره لزم يشفون لها حل ضروري

[حاير]

لا حول ولا قوة الا بالله


مره عند خياط لكزس الي خلف اللاندمارك أول ماصفيت ولا ثنتين بس ماعطيتهم ويه ودخلت الخياط وأول ماشافونني طالع من الخياط إلا ويجون صوبي .. سويت نفسي ماشوفهم وركبت الموتر وحركت


والله يستر على الجميع

[المقاول]

طبعا الجميع فهم المواقف انها طرارة او جرارة قد يكون
الموضوع اكبر من كذا .. كلنا نعلم ان قطر الحبيبة مستهدفة
من اعداء كثر .. قد يكون الموضوع عمل اسخباراتي فأرجو
الانتباه والتبليغ فورا .. ان شاء الله الاجهزة الامنية قايمة
بالواجب .. بس المواطن هو رجل الامن الاول .

[qatari 111]

قلة ادب

[توشيبا]

واحد من الشباب كان قاعد ويانا الا اخوه يتصله واخوه شخص عاقل وملتزم

قال له ابغي موترك وخذ موتري بسافر لي ............... ويوم رراح له حصل مع اخوه ثنتين من هالنوعيات عطاه موتره ويوم ركب موتر اخوه حصل شنطه
والشنطه مليانه اسامي شباب وكلها طلاسم سحريه

اتصل فينا و اخذنا الشنطه وديناها عند مطوع في مدينه خليفه علي طول قال سحر والحمدالله فك سحرها

سبحان الله الاوراق علي شكل مربع صغار وفيها اسامي شباب واذا حطها المطوع في طاسه فيها ماي ويقرا ايات من القران الكريم تتفتت مثل الرماد وتختفي والماي مثل ماهو صافي

وبعدها يمكن في ربع ساعه الا اخوه يتصله يقول الحقني وياي بنات مادري وين رايح انا

اللي صدمني ماتتوقعون شكثر اسامي الشباب
بس هالسالفه من كم سنه

[الفا برافو]

وقفتني وحده في مواقف المستشفى الاهلي ونا محرك السياره بروح اخذ زوجتي من عند باب المستشفى .. كانت منقبه بس من لهجتها تعرف انها مب قطريه.. كانت تبيع لوحات صغيره فيها ايات قرانيه وتطلب المساعده
اخذت منها لوحه وعطيتها المقسوم... الا تقولي انت لحالك ولا معك حد.. سالت ليش قالت ابيك توصلني اذا لحالك !!!!
عطيتها نظره مش ولا بد...ومشيت عنها
الصراحه .. مابي اظلم بختي واقول انها تبيع اللوحات بس عذر عشان تتصيد بس والله الوضع ماكان يطمن...

[MAZEN37]

كثير هي المواقف والكل حصل معاه لكن
الواحد مب متعود على اذية الناس وخصوصا الحريم سبحان الله
صراحه انا ما اقدر ابلغ لكن امشيهم بطريقه مهذبه والناس اجناس
والواحد ما يدري ظروف الناس والله يستر على الجميع

[qtrose]

هالنوعيه في منهم في المنتدى

الي يوصفون نفسهم على انه براءه وعفويه والله اعلم بخفاياها


انا اطالب كل امرأه ان تحترم نفسها وتلتزم الادب في الحديث والتعبير والمشي واللبس

لان كما قلت سابقا" قطر صغيره وممكن اي فتاه تنفضح حتى لو كانت خلف الشاشه

واعتقد الموضوع لايستحق ان تفضح المرأه اسرتها من اجل ان تجذب انتباه الاخرين

عموما المرأه المشبوهه في الاماكن العامه تنعرف من لبسها واسلوبها ومشيتها وطريقه اللبس





ستر الله على الجميع


اخوكم


ستر الله عليك أخوي !!!

شلون عرفت أن في من المشتبهات معانا بالمنتدى

ممكن توضح أكثر؟؟؟ :eek5:

[بـن عدوان]

لازم نجوف حل ..

كل ما سكتنا زاد الوضع ...

[معماري قطري]

المشكلة تهون إذا التصيد في الأماكن العامة وبس لكن فيه منهم من يدخل البيوت .. انا حتى جرس ما ركبت والسبب هذي الأشكال والبياعين بعد .. ولو طقوا الباب الحمد لله محد يسمع داخل واللي بيزور يعرف الأرقام وبيتصل قبل .. بس مره خلينا الباب مفتوح وجا رجال بغترة وعقال بس مؤكد انه غريب وسرق سيكل صغير وقطه في بدي سيارة وشرد والخدامه حاولت تصيد رقم السيارة لف سرعة قبل لتشوفه.

ما لنا ألا نقول من أمن العقاب أساء الأدب.

[بريق الحق]

هاي الاشكال تعطيها اطراق وتتصل فالشرطه ويشلونها المشكلة مافي توعية ومافي تعاون من جهات الامن في هاي الاشياء بس فالحين يخشون الرادار

[حياة]

امس انا في اسباير قريب من فيلاجيو وراحت بنتي الكبيره تطلب كوفي
ولاشافت الا ذيك الحرمه عبايه راس ونقاب وتمسكها من ايديها بنتي ماتت
خوف..وكانت فلسطينيه تطر .... ايش الحل مع هالاشكال؟

[┋أَجِوَدًيّ┋]

وين العضيد ؟!

ولا مآخذين اجازة البيات الشتوي ؟!!

[m.m.76]

الواحد اول مايصادفه مثل هالموقف مايعرف يتصرف..ينسى وهم حسبي الله عليهم يخسبقونك بالكلام مايخلونك تفكر شتسوي..الحين بسجل رقم العضيد واول مانشوف هالاشكال بنتصل لهم اكيد .

[alfahad1]

عيادة الدوحه منتشرين هناك بكثره تقول عندي تحليل وسعره 250 ريال وما عندي

المشكله المره الاخيره عطيتها 50 قالت بس تبي تردها لي هههههههههه قالت انت محتاج هالمبلغ

[بصمة قطرية]

مصخت بصراحة مع هالأشكال
شالمعنى من مسكة اليد ..!!!!
صدق اللي قال
من أمن العقوبة أساء الأدب ..
الله يكفينا شرهم ..

[alnoida]

من تقريبا ساعة كنت في سفاري

جاتني وحده ماشاء الله دبه وكبيره في السن واعتذرت لها ومشيت
الا مطرشه اللى معاها لكن صغيره وباين عليها الارتباك وتطلب ادفع لهم "المقاضي"
وتقول الله يعلم بحالنا
اخذت نظرة على مقاضيهم (على قولتها) صراحة ماهي مشتريات ناس على قد حالهم
المهم اعتذرت ومشيت
صراحة عيالي أولى بفلوسي
لكن الحق لم ألاحظ في كلامهم ميوعه اوتلميح لشئ ابعد من المساعده الفوريه

[alsoq]

والله شي يخوف
قد يكونون مصابين بامراض معديه ويتصيدون الشباب اللي توهم

هولاء تحصلهم مجموعه لا يعملون مفردآ

[بريق الحق]

امس انا في اسباير قريب من فيلاجيو وراحت بنتي الكبيره تطلب كوفي
ولاشافت الا ذيك الحرمه عبايه راس ونقاب وتمسكها من ايديها بنتي ماتت
خوف..وكانت فلسطينيه تطر .... ايش الحل مع هالاشكال؟

الحل ان تتصل حق الشرطه وتبلغهم وتسطرها بطراق يغمى عليها لين مايون الشرطة وياخذونها

[سان سيمون]

أنا يوم الثلاثاء عند عيادة الدكتورة حمده الانصاري واقفة برى العيادة اكلم السايق وفي غفلة يطلعون لي ثنتين منقبات من بين السيارات يتسحبون والله افجعوني اول ما انتبهت عليهم قالوا الشيخة لو سمحتي من الروعة والخوف قلت لا ماراح اسمح واشرد داخل العيادة وأبلغهم وارسلوا البوي لهم علشان يطردهم ،،،، طبعا كنت قارية الموضوع من قبل و على طول جاء في بالي وشردت منهم ،،،، جبانة

[ريم 28]

وجودهم عند العيادات بهذه الطريقه استغلال واضح ولابد من ردعهم
نفس الموقف عند عيادة الكيالي تقول أختي مسكت يدها تبغي 800 تقول
وعقب صادتها تركب سياره وفيها منقبات

تذكرت الموضوع وهي تقول السالفه.