يطلب 3 ملايين دولار للمشاركه في البطوله!!!!

[الدوحه1]

لاعب الجولف "تايجر وود" يطلب 3 ملايين دولار فقط لاغير لمجرد المشاركه في بطولة قطر للجولف!!!

الاتحاد القطري للجولف رفض طلبه وقالوا انه لايستحق ال 3 ملايين دولار؟؟

المصدر:
http://www.cbssports.com/golf/blog/eye-on-golf/21540955/qatar-says-tiger-woods-not-worth-3-million

[كاشف]

كم جراحا او استشاريا للامراض المنتشرة في قطر انتشارا محيرا يمكن جلبهم بنصف او ربع هذا المبلغ؟

[almaf1a]

الرفض للملبغ او للمبدأ

[أسير الأحلام]

المفروض خلاص البطولة صارت معروفة ودولية ... وإذا تايجر يبغي يشارك يدفع رسوم وتكاليف جيته واقامته عليه .... مب يندفع له .... كفاية تبذير للمال العام في المجال الرياضي ... تعبنا من هالخرابيط

[نوفة قطر]

عسى عمره ما شارك

-

[ع.م]

يارب تحرم كل طمعان في بلادي من خيرها..

[العقل الحر]

تايغر وود من اهم الشخصيات الرياضية في عالم الغولف

ومجرد طلبه يكلف الكثير ولكن يبدو انه بالغ واستهتر بالمستضيف

وجاه الرد والرفض وخير فعلوا

وشاكر لك على الموضوع

[أسد الجزيرة]

تايغر ود يستاهل 3 ملايين يدخلها في اسبوع من الدعاية

[راشد محمد]

موب لازم يشارك ,,

[ابوحشر]

وقفت على تايغر

يستاهل

[همر]

هذي مشكلتنا.. ندفع له ولغيره مبلغ اعلى من الجائزه الاولى

لمجرد المشاركه.. ويجي حضرته يستجم ويتصرمح ويقدم مستوى

مثل وجهه او يسخن حق بطوله ثانيه اهم !!!!

الحمدلله ان ربعنا قالوا لا .. اخيراااااااا ...

اخاف بس الميزانيه هي السبب...

[الدوحه1]

قطر تدفع 4 ملايين دولار لاسبانيا من اجل نقل المباراه الوديه بين اسبانيا ويوروغواي الى الدوحه!!!
المباراه الوديه من المفترض ان تقام اصلا في البرتغال!!

وحنا في فريجنا صار لنا اكثر من سنتين نصلي في بورتكابين لان الاخوان في وزارة الاوقاف للحين ماحصلوا متبرع مع العلم ان الارض مخصصه من زمان والمخططات جاهزه.
والفريج كله عوايل قطريه؟؟؟

المصدر:
http://www.arabianbusiness.com/qatar-pays-spain-4m-move-football-match-485446.html

[ابوحشر]

قطر تدفع 4 ملايين دولار لاسبانيا من اجل نقل المباراه الوديه بين اسبانيا ويوروغواي الى الدوحه!!!
المباراه الوديه من المفترض ان تقام اصلا في البرتغال!!

وحنا في فريجنا صار لنا اكثر من سنتين نصلي في بورتكابين لان الاخوان في وزارة الاوقاف للحين ماحصلوا متبرع مع العلم ان الارض مخصصه من زمان والمخططات جاهزه.
والفريج كله عوايل قطريه؟؟؟

المصدر:
http://www.arabianbusiness.com/qatar-pays-spain-4m-move-football-match-485446.html

لاحول ولا قوة الا بالله

[ارين]

طلب اللاعب للملايين هو استغلال فرصة من قبله .. نظراً لسمعة قطر الغنية ولما يعرف عنها اهتمامها بالرياضة ..
وأعتقد هو لم يطلب ذلك وإلا وهو حاسبها بينه وبين نفسه ..
سواء تم تلبية طلبه أو لم تتم فلن يخسر شيئا وإلا ما جازف بطلبه ..

[البارع]

اماان الاوان لوضع حد لهذا السخف

[Abdullah_89]

احسن

خخخخخخخخخخخ

[مرتبش]

يمكن طلب من قبل وعطوه .. واكيد هو عارف كل اللي يحتاج يعرفه عن قطر

[Bin Hood]

يا اخوان بعيد عن موضوع الرفض

تايجر ودز اغلى لاعب في تاريخ الرياضة

عندما تشاجر مع امرأته اسهم الشركات الراعية له نزلت !

فالاعب يطلب المبلغ لاسمه وليس استغلالاً لاحد

[بوخالد911]

والله مادرررررررررررررررررري شقوووووووووووووول

!!!!!!!!!!!!!!!!!!


:(

[عيون الدوحة]

سبحان الله اول مره يطلعون اذكياء

[مشتاقة لقطر]

على قولة الخدامات

خلي ولي

[فتى الجود]

السلام عليكم

لا حد يسبق الأحداث

بيوافقون

وهو عارف

ان هناك من سيدفع هالمبالغ

[أبو بكر سالم]

علي باله داش بنك مب دولة من كثر ماعطوهم خلاص صارت عاده عندهم

[طرف محايد]

قطر تدفع 4 ملايين دولار لاسبانيا من اجل نقل المباراه الوديه بين اسبانيا ويوروغواي الى الدوحه!!!
المباراه الوديه من المفترض ان تقام اصلا في البرتغال!!

وحنا في فريجنا صار لنا اكثر من سنتين نصلي في بورتكابين لان الاخوان في وزارة الاوقاف للحين ماحصلوا متبرع مع العلم ان الارض مخصصه من زمان والمخططات جاهزه.
والفريج كله عوايل قطريه؟؟؟

المصدر:
http://www.arabianbusiness.com/qatar-pays-spain-4m-move-football-match-485446.html


المشكلة من الاوقاف وليس من الدولة

[PLATINUM]

صلوا على النبي ياجماعه

3 ملايين دولار بالنسبه حق تايغر وودز ولاحاجه

يطلعها في يومين عادي

واذا احنا مابندفع هو ماراح يخسر اي شي عادي

الرجال رياضي معروف ومحترف وله اسمه و وزنه

مش جاي ينصب عليكم او يشحت كم مليون

[درع الوطن]

طيب مايقبل بــ مليونين ونص ؟؟ :tease:

[دنيا الاسهم]

يا حرام ليش ماعطوة مسكين يستاهل اكثر ،، يقولون سوى ديسكونت وبعد ما وافقوا يا ترى ليش وش السبب

خلة يستانس حالة حال المنتخب السنغالي ،، القطري ،، كلن لعب ونصب وراح



والبقية تاتي

[رجل مثالي]

لو يعطون هذا المبلغ مساعدات للي محتاج في تكملة بناء بيته الي يتكون من اسرة

من زوج وزوجة واعيال كبار والذين عليهم ديون مختلفة من ظروف

الحياة المختلفة و بعد ممكن يساعدون الاسر المتعففة

المحتاجة افضل من ان يعطون هذا المبلغ للاعب تنس ايش نستفيد منه

[رجل مثالي]

المشكلة من الاوقاف وليس من الدولة



اسمحلي على المداخلة الله يحفطك هذا المبلغ ممكن يبني عشر مساجد بالراحة

[Store]

لا حول ولا قوة الا بالله

عساهم دوم هالشكل

[BIG-VEGA]

3 ملاين بس !!!!!

بلاكت هذا شكله غبي
مايدري انه ممكن يعطونه اضعاف :shy:

[طبيب قطري]

هههه معقول ارفضوا طلبه ! غريبه مع انه ماطلب مبلغ كبير!

[الـخـالـدي]

سبحان الله اول مره يطلعون اذكياء

ان شاء الله دوم يطلعون اذكياء ونسمع اخبار تفرح ههههه

[الدوحه1]

عرض 37 مليون دولار على ديفيد بيكام للعب في الدوري القطري لمدة سنتين؟؟
37 مليون دولار = 135 مليون ريال لمدة سنتين!!
يعني 5.5 مليون ريال في الشهر!!


المصدر:
http://www.arabianbusiness.com/qatar-eyes-32m-deal-for-beckham-report-485089.html

[monatee]

ارفضوه يمكن لان شعره مب اشقر وعيونه زرق :telephone: مالقيت لهم عذر ثاني

[غايه الطواش]

المبلغ مايعتبر كبير علي تايغر وود وخاصه ان احنا دفيعه
اقصد هم :)

[الدوحه1]

نادي الغرافه القطري يدفع 14.7 مليون دولار(حوالي 54 مليون ريال) للاعب Luiz de Carvalho ليلعب للنادي لمدة 18 شهر!!
يعني راتب اللاعب الشهري حوالي 3 ملايين ريال!!
سؤال: هل فعلا نادي الغرافه يملك هذا المبلغ؟؟

المصدر:
http://english.alarabiya.net/articles/2013/01/16/260814.html

[Aozomblue]

طيب مايقبل بــ مليونين ونص ؟؟ :tease:

انا بقبل بمية و خمسين الف :tease::tease:

[كاشف]

عرض 37 مليون دولار على ديفيد بيكام للعب في الدوري القطري لمدة سنتين؟؟
37 مليون دولار = 135 مليون ريال لمدة سنتين!!
يعني 5.5 مليون ريال في الشهر!!


المصدر:
http://www.arabianbusiness.com/qatar-eyes-32m-deal-for-beckham-report-485089.html


صور ديفيد بيكام في افغانستان يساند قوات الصليب المحتلة

http://www.theaustralian.com.au/news/gallery-e6frg6n6-1225870522086?page=6

[مكين]

ارجو ان ما يغيرون رأيهم

[بوحمد1]

صبر جميل والله المستعان

[R 7 A L]

يا خسارة لاعبنا المحبوب
ماراح نشوفة مباشرة :(


! ! !

[الأصيلة]

يارب تحرم كل طمعان في بلادي من خيرها..

آميييييييييييييييييين

[ولد شرق]

تايغر ود يستاهل 3 ملايين يدخلها في اسبوع من الدعاية

اخوي اسمحلي اقول وجهة نظري وارجو انك تتقبلها قبول حسن

ردك مايتناسب مع توقيعك...

[Qt.1]

ترى ياجماعه تيقر وودز من اشهر لاعبين الغولف ترى مجرد حضوره يتعبر اكبر دعايه للبطوله , حتى يمكن ناس من دول ثانيه اتيي اتشوفه في قطر , وبخصوص المبلغ ترى ولاشي بالنسبه حق لاعب بحجمه , تدرون كم تقدر ثروته تقريبا 500 مليون دولار , وراتب سنوي يقدر بــ 85 مليون دولار سنويا !! شنو 3 مليون احسه معطيهم خصم !!

[عيون الدوحة]

ترى ياجماعه تيقر وودز من اشهر لاعبين الغولف ترى مجرد حضوره يتعبر اكبر دعايه للبطوله , حتى يمكن ناس من دول ثانيه اتيي اتشوفه في قطر , وبخصوص المبلغ ترى ولاشي بالنسبه حق لاعب بحجمه , تدرون كم تقدر ثروته تقريبا 500 مليون دولار , وراتب سنوي يقدر بــ 85 مليون دولار سنويا !! شنو 3 مليون احسه معطيهم خصم !!

:eek5:
أنا مادري ليش امي وابوي حنو علي وخلوني أدخل المدرسة والجامعة
لو مسجليني في نادي الغولف وطلعت محترفة :shy:وايد أبرك

[بويعقوب]

نادي الغرافه القطري يدفع 14.7 مليون دولار(حوالي 54 مليون ريال) للاعب Luiz de Carvalho ليلعب للنادي لمدة 18 شهر!!
يعني راتب اللاعب الشهري حوالي 3 ملايين ريال!!
سؤال: هل فعلا نادي الغرافه يملك هذا المبلغ؟؟

المصدر:
http://english.alarabiya.net/articles/2013/01/16/260814.html


وماخفي كان أعظم :shy:

[الزلزال]

ههههههههههههههههههههههه لاتعليق

[التيما]

لو طلب عشرين ولا خمسين مليون كانوا وافقوا .. بس لمن قال 3 ملايين ماعجبهم ..

[حميداني]

والله مادري على شنو مستانسين , من كثر ما اتطالعون قولف الحين
شنو يعني تايقر وود

[elders]

والله مادري على شنو مستانسين , من كثر ما اتطالعون قولف الحين
شنو يعني تايقر وود

هههههههههههههههههههههههههههههههههههههههه

[شميرام]

أشو رفضو

[فراغ]

انا موافق اشارك بالبطوله بشرط عشى كاليوم صحن كيمه