سؤال يمكن يكون غبي ؟؟

[Small Investor]

السلام عليكم

اخواني انا اسمع عن محافظ ومحافظ واكتتاب في محافظ واستثمار في محافظ

حاولت اني افهم شنهو عملهم بالظبط وماقدرت ..... هل اني مثلا اقول بتسليمهم مبلغ ويقومون هم بالاستثمار به وثم ياخذون نصيبهم من الفوائد واخذ انا راس المال وفوقه الفوائد ؟؟

[Qatari 1980]

سؤال جداً غبي :dance

بس أنا بعد ودي أعرف الجواب مثلك ...:confused:

[المراقب]

تشتري منهم الوحدات.

مثلا محفظة اموال سعر الوحدة 100 ريال، يشغلوا الفلوس وكل شهر يعدلوا سعر الوحدة إما صعودا أو نزولا ويمكنك حينه تبيع الوحدات.

وهم فقط يأخذو منك عمولة عن شرائك الوحدات منهم، مثلا نصف في المائة.

[Small Investor]

سؤال جداً غبي :dance

بس أنا بعد ودي أعرف الجواب مثلك ...:confused:

تدري ياكتاب الذكريات توقعت اني الغشيم الوحيد وكان خاطري اسال هذا السؤال من زمان .... بس كنت مستحي ... وحتى فكرت اني اسوي نك نيم جديد عشان هالسؤال ..




تشتري منهم الوحدات.

مثلا محفظة اموال سعر الوحدة 100 ريال، يشغلوا الفلوس وكل شهر يعدلوا سعر الوحدة إما صعودا أو نزولا ويمكنك حينه تبيع الوحدات.

وهم فقط يأخذو منك عمولة عن شرائك الوحدات منهم، مثلا نصف في المائة.

طيب .... يعني الوحده هذه مب مظمونه يعني ياربح يا خساره ... نفس يوم اشتري مثلا سهم ناقلات 22 ريال وبعد فتره يرتفع ولا يخسر والوحدات نفس الشي ... يعني لو مافي حظ انا خسران خسران ... يعني احط فلوس في البورصه احسن على الاقل اكون مع عامة الناس وعلى قولة المثل ( الحشرة مع الناس عيد )

[حمد]

تدري ياكتاب الذكريات توقعت اني الغشيم الوحيد وكان خاطري اسال هذا السؤال من زمان .... بس كنت مستحي ... وحتى فكرت اني اسوي نك نيم جديد عشان هالسؤال ..





طيب .... يعني الوحده هذه مب مظمونه يعني ياربح يا خساره ... نفس يوم اشتري مثلا سهم ناقلات 22 ريال وبعد فتره يرتفع ولا يخسر والوحدات نفس الشي ... يعني لو مافي حظ انا خسران خسران ... يعني احط فلوس في البورصه احسن على الاقل اكون مع عامة الناس وعلى قولة المثل ( الحشرة مع الناس عيد )

اخوي عندك امثله موجوده حاليا ... شركة اموال .. . قبل اقل من سنه على ماعتقد ... سووا اكتتاب في محفظه خاصه فيهم ... كان سعر الاكتتاب 100 ريال للوحده ونتيجه .. للهبوط الحاصل في البورصه والخساره الي شملت الكل .. نزل سعر الوحده عندهم الى 59 على مااعتقد ... يعني لو فكرت تطلع بتبيع الوحده الي شريتها على 59 ... فلو كنت شاري 1000 وحده بسرع 100 الف .. بتبيعهم الحين وبتحصل على 59 الف فقط ... علما ان هناك رسوم للخروج ورسوم للدخول وسوالف .. مكتوبه وتوقع عليها .

المهم

اذا انك تبي تدخل .. اقرأ الكلام الي بتوقع عليه عدل ... قبل لتكتتب

والله يوفقك

[قطر]

المحافظ اللي راح تشترك فيها تاخذ فلوسك وتشغلها لك

طبعا اغلبها عندنا مضاربه ..

نهاية الشهر يقولون لك كم سعر الوحده او نسبة الربح او الخساره

مره 1% ربح مره 2% ومره خساره 14% عادي ..

ايش الفايده منها ؟

الفايده الله ايسلمك ..

للي يبي مضاربة لكن مايعرف لها
وللي يبي يشغل فلوسه من باب التنويع ومايقدر يتابع البورصة
يعطيهم وهم ايشغلونها له ..

طبعا الربح محتمل مثله مثل الخساره ...
ولازم تتوقع خسارة جزء من راس المال

لان اي محفظه تضمن لك رأس المال مع نسبة ارباح تعتبر ربوية..

بالنسبة لمحفظة اموال أبدا ماانصح حد يدخل فيها ... عن تجربه بطريقة المعامله
خصوصا ان سابقا كانت تدار بتوجيهات من شعاع كابيتال واتوقع الحين انفصلوا لان الطريقة اختلفت كثير ..


هذا مالدي من معلومات :)

[المراقب]

هناك محفظة جديدة إسلامية تطرح للكل في دبي وأبو ظبي ويبدأ الإكتتاب فيها 15 يولو القادم. وهي تعمل لمد 5 سنوات. وتضمن لك رأس المال بعد 5 سنوات. أي لو حصلت خسارة بعد خمسة سنوات تعوض لك.

أما الربح فهو متوقع بحدود 40% كما قالوا.

قبل الخمس سنوات لا ضمان لرأس المال. يعني يمكن تربح ويمكن تخسر.

كل محافظ المنطقة خسرة هذا العام من 40 إلى 60%
للأسف.

سابقا كانت تحقق ربح 100% إلى 200%!!!
ولكن الصورة تغيرت الأن.

الدخول في أموال هناك رسوم للدخول ولا يوجد رسوم على البيع.