المساعد الشخصي الرقمي

مشاهدة النسخة كاملة : اسعار الكتب في الشمال الاطلنطي


Dany
13-01-2013, 10:00 PM
السلام عليكم ورحمه الله وبركاته


انا طالبه في كليه الشمال

عاد اللي درس او يدرس هناك فاهم النظام

انا ما عندي سبونسر حالياً وادفع من حسابي عالدراسه والكتب

سعر الكورس 4 شهور ب 10 الاف ريال واعتبره سعر مقبول

بس تعالوا شوفوا اسعار الكتب الخياليه

اله حاسبه من 300 - 700 ريال؟

كتاب المحاسبه ب 600 ريال

يعني لو انا اخذ 5 مواد وبدفع على كل كتاب 700 و600 مب حرام؟

والمشكله الاستاذ يقول اللي ما عنده كتاب لا يحضر واخر شي ما نستخدمه......

متحالفين علينا!!

اشرايكم بالموضوع بشكل عام مب بس الشمال ممكن في جامعات ثانيه تتبع نفس النظام :eek5:؟
Mohammed2
13-01-2013, 10:16 PM
دايما أسعار الكتب غاليه في الكليات والجامعات

تقدرين تستعيرين الكتب اللي تحتاجينها من طلاب ماخذين المواد اللي عليج هالكورس

في طلبه خلصو المواد اللي عليج احين والطلبه دايما ياخذون كتب من طلبه اخرين


او طرشيلي اسامي الكتب اللي تحتاجينهم هالكورس وان شاء الله بحصل لج
abdo222
14-01-2013, 02:00 PM
فتحنا من تقريبا 4 سنين مشروع "وقف للكتب" حطينا كتب نظيفه جنها جديده للناس الي يحتاجونها, ويستعملونها كورس كامل بشرط انهم يردونها اول ما يخلصون منها + ما يكتبون فيها شيء,,

الكتب كلها خذوها طلاب اول اسبوعين, وبعد ما انتهى الكورس محد رد الكتب, او الكتب حالتها حاله, او الي يقول ابيها كورس ثاني, تعبنا من ملاحقه الناس,
اقترحنا على الكليه يسوون منتدى او مكتب رسمي بالكتب النظيفه المتوفره ! لان معظمنا كان الكتاب ما ينفتح الا كم مره طول السمستر وما يتم استعماله بعدها, الكليه تكسلت,

قمنا نستأجر من المكتبه و كان عادي يقعد الكتاب ويانا طول الكورس (كل شهر نجدد الاستأجار)
Al-Kuwari
14-01-2013, 03:47 PM
دايما أسعار الكتب غاليه في الكليات والجامعات

تقدرين تستعيرين الكتب اللي تحتاجينها من طلاب ماخذين المواد اللي عليج هالكورس

في طلبه خلصو المواد اللي عليج احين والطلبه دايما ياخذون كتب من طلبه اخرين


او طرشيلي اسامي الكتب اللي تحتاجينهم هالكورس وان شاء الله بحصل لج

اخوي صحيح الكتب غالية لكن مايكون الكتاب الواحد ب700 !!

انا طالب في بريطانيا

5 كتب استعملهم سنة اكاديمية كاملة بـ 1200 ريال قطري تقريباً
qatar.syria
14-01-2013, 07:40 PM
الحل بسيط ...
خذ الكتاب من احد الزملاء واذهب به الى المكاتب او المطابع الرخيصة واطلب منهم صورة طبق الاصل منه

مع ملاحظة ان يكون الجلدة الخارجية ملونة نفس لون الكتاب الاصلي

ثم ادخل فيها على الفصل على اساس معاك كتاب جديد ، بهالطريقة المدرس ما لح يشك بالموضوع...
برويقن
16-01-2013, 01:44 PM
أنا كنت ادرس هناك ماعليج من المدرس

اهم شئ اشتري الحاسبة و كتاب المحاسبة والرياضيات والكمبيوتر لان هذي الكتب الي تحتاجينها في كل محاضرة ولازم يكونون معاج والكتب تستخدم لفصلييين أما الباقي لاتشترينهم بس كذا المدرسين اول الأيام يقولون وين الكتب وعقب خلاص يسكتوووون

الله يوفقج