تسجيل الدخول

مشاهدة النسخة كاملة : ناوي افتح مطبعة ,مشورتكم


ffxxx
14-01-2013, 01:04 PM
وش الاشياء الي اقدر اسويها
غير الطباعة العادية وطباعة البزنس كارد والفواتير
كيف اجيب لي زباين او كيف اخليهم يجوني
وفي الاخير هل هو مربح
كم عامل احتاج وتخصصاتهم
وكم من الوقت لين يوقف المحل ويبدى الشغل الزين
اتمنى تفيدوني بخبراتكم
شموخ دائم
14-01-2013, 01:09 PM
,

,


مرحبا


موفق ان شاء الله


اخوي الكريم

قبل كل شي هل عندك ( رخصه مطبعه ) ؟؟
اخذتها او ناوي تقدم عليها !!

وغريبه ما سئلت عن مصدر المكائن !!

ولي عوده ان شاء الله



,

,


اخوك


شموخ دائم
ffxxx
14-01-2013, 02:01 PM
مرحبا ومشكور على الرد
ماسألت عن المكاين لاني للحين ماعندي رخصة
قلت اول اسئل واشوف هل يصلح المشروع وله سوق في قطر يعني يمشي
بعدين بسوي بحث عن المكاين وانواعها ومن وين اقدر اجيبها
هي مجرد فكرة للحين قلت بسألكم واخذ من خبراتكم
واذا في نصيب ببتدي على بركة الله
شموخ دائم
17-01-2013, 11:51 AM
,

,


مرحبا


الله يعطيك العافيه وتتوفق بالفكره والتنفيذ الصحيح

الفكره طيبه

وتحتاج ترتيب معين للمكان المراد تحويله مطبعه
وخاصه الاجهزه الكهربائيه تحتاج طاقه اكبر من الكهرباء العاديه للمحلات

تحتاج ( مدير ) خبره بهذا المجال ما تقل خبرته عن 10 سنوات
لان راح يفيدك بترتيب العماله والفنيين وتنفيذ طلبات الزبون
والافضل خبره بدول الخليج لتشابه العمل

تحتاج مصمم ( جرافيك ) لعمل البطاقات والشعارات وتنسيقها
وعرض ( سامبل ) على الزبون قبل الطباعه

التسويق على الشركات والهيئات والمدارس والمناقصات الحكوميه
لان كل اوراق المراسلات والليترهد توفره المطابع


ياريت ( تطلع الرخصه ) قبل كل شي لان بتواجهك
بعض التحديات عليك تجاوزها وتوفير الشروط الي بيطلبونها

بالتوفيق لك

,

,

اخوك


شموخ دائم
راشد محمد
17-01-2013, 12:11 PM
انا اشوف الوزارات والهيئات هم الاشخاص المستفيدين من مشروعك..
اهم شي اسعارك تكون غير مرتفعة..
وبالتوفيق
AL-ANSARI
17-01-2013, 10:35 PM
اخوي المجال هذا صعب والربح فيه هامشه صغير. نصيحة لوجه الله شوف لك شي غيره الا اذا عندك زباين او هيئة حكومية تتعامل معاها باستمرار.
STAR2012
21-01-2013, 06:36 PM
اذا عندك مطبعة حاول تضيف عليها طباعة تي شيرتات وكابات واكواب فيها شغل وقت المهرجانات
الخمسه شموع
30-01-2013, 01:18 PM
ممكن توزع مجال شغلك الى بطاقات الاعراس واعياد الميلاد

وممكن تتفق مع مدارس او شركات خاصه

هل عندك حد واصل ممكن يعمل لك دعاية ؟؟

هل ميزانيتك مناسبة ؟؟ فكر ايضا في احتمالية عدم الكسب المتوقع؟؟

تقدر تنافس مطابع قديمه ولها سمعتها ؟؟

يبي لك دعاية قويه جدا

من وجهة نظري مشروعك جيد ولكن نحتاج الى اسعار منافسه

بالتوفيق
عبد الله
30-01-2013, 01:32 PM
السلام عليكم ورحمة الله وبركاته

ترخيص الدفاع المدني شوي صعب لأن المطابع لها تجهيزات خاصه للحمايه من الحريق ومخازن الورق بعد نفس الشيء. تأمين المطابع غالي أيضاً.....رأيي تبتدي على صغير مثل وكالة إعلان , طباعة تيشيرتات بزنس كارد كروت أفراح و لترهيد وشوي شوي تتوسع لأن بعض المكاين بالملايين ويبيلها عمال صيانة وغيره .....الله يوفقك
طير شلوى
30-01-2013, 02:10 PM
الله يوفقك