تضرب خط من بيتكم للدوام ؟!

[ام ناصر1]

السلام عليكم ..
يكسرون خاطري الي دواماتهم بعيده عن بيتهم ويضطرون يضربون
خط يوميا لاماكن عملهم ...هل تعاني من هالشي وفي اي شارع تصادف صعوبات اكثر ولحظات انتظار مملة وباي ساعة تضطر الخروج في الصباح ...
وشالسبب الي يضطرك لهالشي غير لقمة العيش ؟!

[عاهد بن علي]

من معيذر للجامعه :anger1: من الجامعه لمعيذر:anger1:
من معيذر للدوام :anger1: من الدوام للسوق :anger1: من السوق للبيت:anger1:

[قطرية مثقفة]

انه مشواري مش طويل يعني تقريبا نصف ساعة بس بعد ألف وأدور في الشوارع الداخلية علشان أتجنب الزحمة ،،،، أعتبر المشوار طويل ومتعب حق حرمه ،،، بس شسوي ظروف شغل زوجي والدريول مخليته للعيال فمافي حل ثاني ،،،، إن شاء الله أحصل نفس وظيفتي في مدرسة قريبه من بيتي السنة الجايه وأفتك من هالعناء اليومي ،،،،

[Most Wanted]

من المعمور لين لفان كل يوم 170 كيلو بس حق الدوام
ومن غير شي خط 22 فبراير هو الماساه
ورأضي بالدوام والحمدلله على كل حال

[MAZEN37]

30 كيلو اوصل بعد 40دقيقه
قبل والله 13دقيقه ايام اللولو

[قلب صادق]

الحمدلله على كل حال

كل يوم اضرب خط من العزيزية لدخان والعكس

والمتعب ان الدوام شفتات لدرجة انني انعس احيانا وانا اسوق خصوصا لما اكون طالع من دوام الليل

الحمدلله اولا وأخيرا

[رجل الجزيرة]

من السيلية لين مؤسسة حمد الطبية من الساعة 6 لين تقريبا الساعة 7 بس إلي يقهرني إشارات شارع سلوى كل إشارة 10 دقائق.

[GENIUS]

من الوكرة لغاية أبراج الكورنيش جهة السيتي سنتر كل يوم عذاب مع زحمة الكورنيش تبدأ الزحمة من منتجع شرق لغاية دوار الإعلام

[زقرتي ومزاجي]

الله يكون بعونكم ويصبركم

[بومحمد 00]

من الشماليه لين أبراج الدفنه

ان تاخرت ربع ساعه بس

[النجلا]

المشكله مب في المسافة اذا جات عالمسافة تهون لكن المشكلة في الزحمة ..

والله يعين الجميع

[H H]

من الوكير ليييين الجامعه وخذلك زحمة الكورنيش وقرفها والوقت ياخذ مني ساعه
وبعض الاحيان ساعه وربع مع انها تقريبا 25 كيلو والاخوان الي فوق يقطعون ثلاثين كيلو فاقل من اربعين دقيقه ماشالله
اذا في سر قولولنا اياه وخلونا نستفيد والا دلونا على طريق مختصر يفكنا من زحمة الكورنيش وقلقها :(


الله يعين الجميع

[وطن]

10 كيلو اقطعهم في 30 دقيقه تقريبا
crazy

[بنت مريخ]

من مريخ لين أبراج الدفنه اطلع 6،30 أوصل 7،15
زحمه في زحمه

[راشد محمد]

فعلا كل واحد يدور لقمه عيشة ..الحمد لله والشكر على كل حال

[نور الحور]

الله يعينكم ..

شغلي القديم كان في أبراج الدفنة وكانت المشكلة في الزحمة مع إن الطريق مو بعيد وايد خاصة مع الخط السريع ..لكن الحمدلله الله أبدلني بشغل خمس دقايق عن بيتي .. مع الزحمة 10 دقايق وان كثر ربع ساعة ..الحمدلله نعمة والله تستحق الشكر

[ذيب ازغوى]

من ازغوي الى السيليه
تقريبا 40 كيلو في 12 دقيقه

ههههه السر اداوم قبل الزحمه

[وطن]

من ازغوي الى السيليه
تقريبا 40 كيلو في 12 دقيقه

ههههه السر اداوم قبل الزحمه

على سرعة كم

ماشاء الله عليك

[بوعلي2]

انا دوام او مب دوام شبه يوميا سيارتي تمشي 350 كيلو متر من الشمال الى الدوحه واخلص مشاويري بالدوحه وارجع شمال

الله يرحمنا برحمته

[دنيا الاسهم]

الحمد لله على كل حال

[أبو بكر سالم]

من المطار والشغل في المطار ههههه

[ضوى]

الحمد لله من مسيمير لين متطقة مؤسسة حمد نص ساعة واكثر زحمة صج بس سهالات الحمد لله

[تغلبية]

مآسي :rolleyes2: الله يكون بعونكم ويسهل عليكم

الحمدلله شغلي رايح راد على خط 22 فبراير
في الروحة اذا كثرت 20 دقيقة
والرجعة 7 دقايق
الحمدلله ربي ع النعمة :shy:

[al_jo0ory]

انا مب كاسره خاطري الا البنت اللي بيتهم في مسيعيد واداوم في جامعة قطر ... المسافه تصييييح الله يحفظها :(

[ll vip ll]

عيل وشو تقولون عن الامارات والسعوديه .....!!!

قولو الحمدلله

[Dana’1]

^^
إي والله السعودية شي ثاني الله يعينهم

أخوي إذا جاء لقطر وأجتمع مع الشباب الي هنا وتكلموا عن مكان أو منطقة يقولهم وين بالضبط...يقولون بعييييد مشوار يتم يضحك يقول طيب بعيد كم يعني؟!!
لما يحسبها تطلع ظ¢ظ¥ كم تقريبا..!!



انا مب كاسره خاطري الا البنت اللي بيتهم في مسيعيد واداوم في جامعة قطر ... المسافه تصييييح الله يحفظها

بنت عمي يوميا تقطع 336 كم تقريبا عشان تكمل الدراسة
168 رايح و 168 رادة يوميا ما عدا الخميس والجمعة
والحمدلله باقي لها سنة وتتخرج إن شاءلله

[لاجل QT]

:weeping:

احس كل يوم اسافر:weeping:

الخط عور ظهري:weeping:

[ذيب ازغوى]

على سرعة كم

ماشاء الله عليك

140 وعند الردار اخفف

[R 7 A L]

يطلع الواحد شوي بدري وامورة مية المية

لازم فيه تضحيات


الله يعين اللي عنده اطفال
لايقدر ينزلهم بدري والمدرسة فاضية واذا تأخر صادته الزحمة

[الجوكر90]

السلام عليكم
من الروضه لين الجامعه 21 كيلو
وانا رايح الصلح ساعه لين ساعه وربع فخط 22 فبراير
50 دقيقه لين ساعه الكورنيش

صدقوني اذا رحت اكمل دراستي برع باخذ شقه عند الجامعه
اذا مافي برقد فالجامعه فاضي لهم تنا اتم اعاني طول الوقت

[بوحارب]

من ازغوى الى راس بوفنطاس المسافة ظ£ظ§ كيلو تقريبا

بس ان شاء الله انتقل للادارة فالكرنيش خلاص هرمنا من شغل المحطات

ام ناصر الموضوع مافيه يكسرون خاطري وتعب وحرام

لقمة العيش تبي جهد واجتهاد وانا ولدج

[shaikhaaaa]

من مسيمير للهلال مدرسة بنتي ومن الهلال للدفنة أطلع 6وربع وأوصل الدوام 7وربع لكن إذا إتأخرت عن الطلعة خمس دقايق أو دقيقة أوصل الدوام 7 ونص أو ثمان إلا ربع وكل يوم أغير إتجاهي عن الزحمة عشان ألقى مكان أقل في الزحمة وما في فايدة الطريق اللي أروح اليوم ما فيه زحمة بعد كم يوم مليان من يدلون الطريق خلاص كلهم يروحون عليه وأضطر أغير طريقي ثاني يوم عشان ألقى البديل .

[بونووف]

قبل شقى من الخيسه لين راس لفان اسبوعيا 72 كيلو تقريبا... لكن الحمدالله الحين من الدوحه لين لوسيل ماخذ 7 دقايق من الدوام لين البيت

[بونووف]

انا دوام او مب دوام شبه يوميا سيارتي تمشي 350 كيلو متر من الشمال الى الدوحه واخلص مشاويري بالدوحه وارجع شمال

الله يرحمنا برحمته

تحمل على الخط وشوي شوي

الله يحفظك

[راشد محمد]

الحمد لله على كل حال

[PGR]

من نعيجة الدوحه الى راس لفان المدة ساعة الى ساعة وربع ,, الخط اللي اعاني منه 22 فبراير

[المبرمج صلاح]

من ازغوي الى السيليه
تقريبا 40 كيلو في 12 دقيقه

ههههه السر اداوم قبل الزحمه

ما شاء الله
اكيد وظيفة عسكرية دوام يبدا 5.30 ص

انا تقريبا اقطع في اليوم من 250 الي 300 متنقل بجميع مناطق الدوحة حسب ظروف الشغل ومرات لايتجاوز 50 كيلو
الحمدلله على كل شي

[غايه الطواش]

اربع دقايق

[ضوى]

يطلع الواحد شوي بدري وامورة مية المية

لازم فيه تضحيات


الله يعين اللي عنده اطفال
لايقدر ينزلهم بدري والمدرسة فاضية واذا تأخر صادته الزحمة


والله يارحال عانيت وكنا نطلع خمس ونص والدنيا خرمس وانزلعيالي بدري يكسرون خاطري بس كل واحد مدرسته بصوب انزل الكبير اللي ماخاف عليه وعقب البنت وعقب الصغير وعقب اروح دوامي طبعا اكون بالوقت المناسب ويمكن كانت الزحمة اخف من الحين بس بعد كان زحمة ، التضحيات مطلوبة زي ماقلت والحمد لله

[ام علي1981]

من المشاف الى الخيسة
دماااااااااااااار يومي

[مهندس اسهم]

من الوكير الى راس لفان 230 كيلو روحه ورجعه
اطلع الساعه 6 الا عشر واوصل 7 ونص
معاناة من الدوار قبل مجمع الاديان ومساكن بروه لين اللاند مارك زحمه مب طبيعيه
لكن الحمد لله على كل حال

[captin]

مرحبا الأخت أم ناصر

الحمدلله إحنا في قطر وأطول مشوار ما ياخذ أكثر من ساعة إلى ساعة ونصف
بالنظر والمقارنة مع دولة مثل السعودية أو حتى الإمارات أو عمان .

وطلب الرزق والسعي له يتطلب لاشك من الإنسان بذل الجهد والوقت.
وكثير من الناس يرفض عرض وظيفي مغري عندما يكون مكان العمل
بعيد عن سكنه مثل مسيعيد او راس لفان او دخان لانه تعود طول عمره على مشاوير
قصيرة . أعرف كثير من الاصدقاء في بعض دول الخليج اللي كل يوم يضرب خط 250 كيلو رايح و 250 كيلو ياي للدوام .

أنا صار لي سنوات طويلة من مرحلة الدراسة الجامعية الى الآن وانا رايح ياي
بين الخور والدوحة وفي كثير من الأيام مرتين في اليوم من الصبح الى العصر
في الدوام وبعد المغرب أيضا المكتب الخاص والسوق والمناسبات الاجتماعية المختلفة.

في المستقبل القريب راح تقصرمسافة الطريق بشكل كبير بعد ما أنتقل لمسكني الجديد في منطقة حزم المرخية بالدوحة إن شاء الله .

[Riku3]

صارت عندي مناعه من ملل المسافات الطويله .. من الروضه لين الجامعه والعوده لين شارع حمد ثم العودة الظهر للجامعة الى الروضه .. اتغدى ثم اطلع دوامي الثاني من الروضه الى صوب الستي سنتر وارجع بالليل لين الروضه .. هذا غير ان دوامي الصباحي يتطلب جولات خارجيه بالسياره :] .. وغير اني اودي الاهل بيت اهلها بالعزيزية كل كم يوم قبل لا اروح دوامي الثاني ..

موظف الوكاله يقولي حرام عليك وين تروح انت كل شهر تجي سرفس ههههه .

الحمد لله ارتحت من هذا كله من سنه ..1 - خذت للاهل سياره :/ .. 2 - طلعت من دوامي الثاني .. 3 - انتقل دوامي الرئيسي من شارع حمد لين الدائري الثالث وصار المشوار ربع ساعه بس :] .

الحمد لله على كل حال .

[راشد محمد]

والله يارحال عانيت وكنا نطلع خمس ونص والدنيا خرمس وانزلعيالي بدري يكسرون خاطري بس كل واحد مدرسته بصوب انزل الكبير اللي ماخاف عليه وعقب البنت وعقب الصغير وعقب اروح دوامي طبعا اكون بالوقت المناسب ويمكن كانت الزحمة اخف من الحين بس بعد كان زحمة ، التضحيات مطلوبة زي ماقلت والحمد لله

:omg:5 ونص الله يعينج..
احس تقضين يومج كله في السيارة

[راشد محمد]

صارت عندي مناعه من ملل المسافات الطويله .. من الروضه لين الجامعه والعوده لين شارع حمد ثم العودة الظهر للجامعة الى الروضه .. اتغدى ثم اطلع دوامي الثاني من الروضه الى صوب الستي سنتر وارجع بالليل لين الروضه .. هذا غير ان دوامي الصباحي يتطلب جولات خارجيه بالسياره :] .. وغير اني اودي الاهل بيت اهلها بالعزيزية كل كم يوم قبل لا اروح دوامي الثاني ..

موظف الوكاله يقولي حرام عليك وين تروح انت كل شهر تجي سرفس ههههه .

الحمد لله ارتحت من هذا كله من سنه ..1 - خذت للاهل سياره :/ .. 2 - طلعت من دوامي الثاني .. 3 - انتقل دوامي الرئيسي من شارع حمد لين الدائري الثالث وصار المشوار ربع ساعه بس :] .

الحمد لله على كل حال .
زين غيرت دوامك وطلعت سيارة لللاهل لانه فعلا الزحمه تذبح

[معماري قطري]

من معيذر للجامعه :anger1: من الجامعه لمعيذر:anger1:
من معيذر للدوام :anger1: من الدوام للسوق :anger1: من السوق للبيت:anger1:

الله يعينك كفايه انك عايش في معيذر .. انا مرور هناك ما احب امر من سواقة البشر الغير طبيعية.

[معماري قطري]

الحمد لله على ما أنا فيه من نعمه

قبل كان بيني وبين دوامي 5 إلى 10 دقايق وألحين ربع ساعة وحولها والحمد لله.

[مسمس12]

من بيتي للدوام 10 دقايق

لكن اضطر اضرب مشوار40 دقيقة اودي اعيالي عند امي

متى يكبرون وارتاح :eek3:

[dream~qa]

من بعد ما عرفت ناس في السعودية يوميا ساعتين رايحين للدوام وساعتين رادين للبيت

أعتبر خطوطنا ومسافاتنا قمة في الدلع .

[بوحمد111]

عن نفسي من عين خالد الى مسيعيد يوميا 55 كيلو تقريبا وانتظر اليوم الي اتقاعد فيه واتفرق لبيتي وصيد السمك وحلوه الواحد يصير مدير نفسه

[ام جراح%]

انا اضرب خط يوميا من الخريطيات الين قريب اشارات المنتزة
ززززززززززززززحمة ولاالحوادث الشبه يوميه الله يكفينه شرها

[musel999]

من معيذر لرآس لفان
90 كيلو قريبا ساعه لانه دوامي 6 الصبح لين 6 المغرب شفت صباح اطلع مبكر الساع 5
ودوم الليل من 6 المغرب لين 6 الصبح اطلع 5 المغرب
شفتات 12 ساعه

[كريمه زيد]

شغلي احذا بيتي بعز الزحمة اخذ خمس دقايق هههههههه الحمد لله

[moh5773]

من الوكرة لين مسيعيد والحمدلله مافي زحمة لان خط واحد واخذ 13 دقيقة والحمدلله

[vip-30003]

الله يكون بعونكم

انا من بيتي للدوام ثلاث دقايق

[العلم]

الله يعين ... تعبنا والله ....

أنا من بيتي لين الدوام ساعة ونص ... الصباح والظهر ...

[ام ناصر1]

شكرا جزيلا على مشاركتكم ...والله يحفظكم ويعينكم وييسر اموركم ....

[لاجل QT]

الله يعينك كفايه انك عايش في معيذر .. انا مرور هناك ما احب امر من سواقة البشر الغير طبيعية.

هههههههه

في معيذر والريان السواقة تختلف فيها عن اي مكان اخر في العالم:nice:

انا ادخل عندهم اتشهد اولا:(

ناس طير ناس تشقح فوق السيارة ناس ماتدري من وين تطلع في وجهك..والكل متسعيل بطريقة غريبة:eek5:

والضحية حاضنة السكان لسان حالها يقول طلعونى من هنى:weeping:

الله يهديهم