ان كان من حقكم أنكم تفرحون فمن حقنا اننا انام نومة هنية

[البحار00]

صراحه الواحد مب عارف شيقول ولا شيخلي


حفلات الخطوبة وأعياد الميلاد الي تصير في البيوت

يعني لازم دي جي وازعاج للناس لين نص الليل مافي احترام للجيران

جيراني عندهم حفله في البيت وصراحه لا انا ولا عيالي قادرين انام

من الإزعاج وصوت الاغاني شغلنا المكيفات اليوم بس علشان نتفادى الإزعاج

ولا في فايده

المفروض من الداخليه تتدخل وتحط حد للمصخرة الي صايرة في بعض

البيوت

انتظر تعليقاتكم

[امـ حمد]

اي صحيح الحفلات الا تصير في البيوت مزعجه
بالذات حفلات الأعرس للرجال لين الصبح

[وطن]

الله يعينك يا اخوي

في ناس لين 12 و يسكرون الاغاني عشان الجيران
وفي ناس لين الفجر

مره اتصلت في الشرطة 3 مرات
ولا سوو لي شي
والمصيبة ان كان بنص الاسبوع

والسامري كأن عندي في الغرفة
لين الساعة 3 تقريبا اذا مب اكثر

:(

[تغلبية]

المفروض يكون فيه قانون .. اذا الناس ما احترموا الجيرة يجبرهم القانون

لين الساعة 12 وبس ..

[green mark]

من المفترض أن تتدخل وزارة الداخلية أو وزارة الأوقاف بقانون يحدد وقت لهذه الأحتفالات وخاصة الميكروفنات ............. بس مشكلتهم مب متفرغين مشغولين في أسكات ميكروفونات قراءة القرأن في المساجد أوقات الصلوات لأنها تزعج وخاصة المسيحيين والهندوس والبوذيين والمنافقين من المسلمين .

[غايه الطواش]

والله ياخوي الكريم ماعرفنا ويش السواه ؟؟

لي صار عرس فالفنادق قلتوا البيت عن المخاسير ولي صارت الوناسه والفرح فالبيت قلتوا ازعاج الجيران

افراح لجارك تري حفلاتهم مب كل يوم يوم فالسنه ،،،، مو قادر تستحمل

بالعكس ياماصارت حولنا عروس وحفلات قلنا الله يهنيهم ...

الواحد بهالزمن مو راضي يستحمل وناسه جاره

بس اخبر كان فو قانون ان بعد الساعه 12 مافي اغاني او الصوت عالي مادري اذا انا غلطانه صححوني

[Aaziz]

اذا كان الموضوع موضوع عرس او خطوبه ،،، و هو جار فا يفضل اني استحمل مجرد ليله و بتعدي .
هو المفروض من نفسه هذا الجار يحس بجيرانه و يحط نفسه مكانهم .

ولكن بعض الناس ماياخذها بهذي الطريقه .
و انا اشوف ان الواحد يستحمل و يعدي هي مجرد ليله وحده .

[intesar]

نعم خبري كان هناك قانون حتى منتصف الليل ويتم إغلاق المسجل ولا الدي جي ولا اللي كان حاطينه..

[الأصيلة]

أنا بعد جربت مرة وأتصلت بالشرطة
قال خلي الناس تفرح ..
قلت له الوقت متأخر جدا...
نبغي نصلي مانقدر ونبغي نرقد ومانقدر
قال اش صلاته بعد ها الحزة...؟
ولا سوى لي شيء وقعدت أعاني لين خلصت الوصلة ...!!!

[غايه الطواش]

أنا بعد جربت مرة وأتصلت بالشرطة
قال خلي الناس تفرح ..
قلت له الوقت متأخر جدا...
نبغي نصلي مانقدر ونبغي نرقد ومانقدر
قال اش صلاته بعد ها الحزة...؟
ولا سوى لي شيء وقعدت أعاني لين خلصت الوصلة ...!!!

هههههههههه
رزيل الشرطي

[الأصيلة]

هههههههههه
رزيل الشرطي

ايوا الله صدمني..!!
توقعت يتعاطف معاي صراحة...
كانت الساعة 1 ونص ...
مع إن الحفل كان بنادي رياضي قريب من بيتنا
ولا كان له لزمه الحفل ..
غير إن ليلة جمعة كأن والله ...
وكانوا مستطربين على حساب راحتنا...

[النهار]

اقسم بالله في بعض الاحيان نسمع الدق كنه في الغرفه عندنا تعال دور من وين جاي الصوت تحصله من الفريج الثاني وسط الاسبوع لين قبل صلاة الفجر

[الأصيلة]

يعني يمنعون صوت الصلاة الجهرية في المساجد
حتى مايزعجون الناس..
وأصوات الأغاني يخلونها عادي ما تزعج...

[ريم 28]

مستانسين يا اخوي بنتهم عرست

اذا حد راح لهم وقال قصروا ولا طفوه مشكله ترا

الحريم في الوناسه بيسون اي شي

حتئ الجيش ما يمنعهم من الطرب هههههه
امزح

بس عديها مثل ما قالوا الاعضاء
ومبروك لبنت جيرانكم

[عقار]

يا جماعه ، هي ليله كل وين ووين تنعاد ؟؟؟!!!
خلوا الناس تفرح ، وبعيد عن خساير الفنادق
آخرتها قاعدين في بيوتكم مشغلين قناة ونااااسه تشوفون بو ضرس مكسووور خخخخخخخ

[Dana’1]

هههه
إحنا مرات نسمع سامري..ومرات أغاني باكستانية على ما أظن على كيف كيفكم هههههه أنواع الإزعاج
والصوت بالليل وعلى هالبرد يسري على ما قالوا...حتى لو بأخر الحي

[R 7 A L]

كلها ليلة وساعات


لازم فية تضحيات ياخوي

[مابدل العادات]

أذا عرس أو خطوبه معليه الواحد يستحمل له كمن ساعه

ولاكن إذا كانت حفله يوم ميلاد وهاي الخرابيط الي اصلا موب عندنا فاهني الواحد لازم مايسكت ولازم الداخليه تتدخل في هاي الأمور

[حميداني]

الرسول وصى لسابع جار

وان جارك عنده احتفال لمناسبه خاصه فالمفروض تتحمله هالكمن يوم وما تنغص عليه فرحته حتى لو يات على حسابك , سبحان الله يدور الزمن وتكون عندكم مناسبه في البيت ومظاهر الاحتفال تكون عندكم فراح تحبون من هالجار انه يكون متفهم وان ما تفهم فيكفيكم الشرف ان انتو من فيه الخير والاحترام للجار قدام ربنا سبحانه

الله يقويكم وربي يصبركم ويعينكم على هالكم من يوم

[qatari911]

يعني يمنعون صوت الصلاة الجهرية في المساجد
حتى مايزعجون الناس..
وأصوات الأغاني يخلونها عادي ما تزعج...

اختي الاصيلة هذا الي صار معي
فندق لاسيغال فيه ديسكو فوق في الطابق العاشر ومفتوح كأنه بلكونه كبيره
ومن بعد الساعه 10:30 الى الفجر وديسكو شغال والصوت عالي جدا جدا
انا كنت في زيارة لصديق ساكن في العمارة الي جنب الفندق صدقيني اني ماستحملت ازعاجهم
الا يقولي كل يوم على هالحال
ولما كلمت الشرطه قالو لي احنا مالنا سلطه عليهم لازم تروح شرطة السد
والله ماخليتها في خاطري رحت للشرطة السد وادخل على الضابط واشرح له القصه والازعاج الي صاير تتوقعين شنو رده؟؟؟
قال حتى لو رحنا معك ودخلنا الفندق اذا كان معه تصريحه بمزاولة العمل مانقدر نسوي شي ؟؟؟؟:eek5:
قلتله افهم من كلمك لو افتح بيت واقلبه ديسكو وعندي تصريح ماتقدر تسوي شي قال نعم انا في هالحظه:eek5::eek5::eek5::eek5:
قلتله طيب اجل ليش طلع قرار بتسكير الميكروفونات المساجد مانسمع الا الاذان والاقامة ؟؟؟
يعني صوت الاذان يلوث البيئة
والاغاني والازعاج هذا مايلوث البيئة؟؟
ولما شافني عصبت قالي روح امن الاعاصمة وهم بيفيدونك<<<<<<تصريفه من قلب
مع انه للامانه ماكان راضي بهالديسكو الي بلاسيغال مافيه تفاعل من الجمهور على حسب كلامه
قبل ما اطلع من عنده قالي لو كل مواطن او مقيم شاف شي وبلاغ صدقني ماكان هذا الي صار بس الشكوى لله
طبعا هذا الكلام الساعه 12:00بلليل
اسف على الاطاله
واحب اقول لصاحب الموضوع
اذا جارك عنده حفلة فأتحمله لانه لليله وتنتهي يمكن عرس او خطوبة:shy:

[راشد محمد]

كلها ليله وتعدي,,تحملوا..وانتوا ان شاء الله اذا عرسوا بناتكم بتسوون مثلهم..

[نوار قطر]

الله يعينكم الصراحه وهي ليلة وتعدي ومب كل يوم هالاغاني والطقطقه والناس بتسندر

[البحار00]

تسلمون علا تعليقاتكم

والحمدلله البارحة قدرنا أنام شوي

هههههه

مشكلتي ساكن في فريج اغلب هله

يحبون الطرب والوناسه

ولا عاد ذاك البيت الي كل خميس نطاطيه ودي جي

الله يبارك لهم

وهذانا مستحملين

[ام جراح%]

[quote=غايه الطواش;8666806]والله ياخوي الكريم ماعرفنا ويش السواه ؟؟

لي صار عرس فالفنادق قلتوا البيت عن المخاسير ولي صارت الوناسه والفرح فالبيت قلتوا ازعاج الجيران

افراح لجارك تري حفلاتهم مب كل يوم يوم فالسنه ،،،، مو قادر تستحمل

بالعكس ياماصارت حولنا عروس وحفلات قلنا الله يهنيهم ...

الواحد بهالزمن مو راضي يستحمل وناسه جاره

بس اخبر كان فو قانون ان بعد الساعه 12 مافي اغاني او الصوت عالي مادري اذا انا غلطانه صححوني[/quote





صح كلامك

[Engineer]

:nice:
من المفترض أن تتدخل وزارة الداخلية أو وزارة الأوقاف بقانون يحدد وقت لهذه الأحتفالات وخاصة الميكروفنات ............. بس مشكلتهم مب متفرغين مشغولين في أسكات ميكروفونات قراءة القرأن في المساجد أوقات الصلوات لأنها تزعج وخاصة المسيحيين والهندوس والبوذيين والمنافقين من المسلمين .

[الخزرجي قطر]

هي ليله وحده يتحملها الواحد واسرته علشان جيرانهم

[حميداني]

تسلمون علا تعليقاتكم

والحمدلله البارحة قدرنا أنام شوي

هههههه

مشكلتي ساكن في فريج اغلب هله

يحبون الطرب والوناسه

ولا عاد ذاك البيت الي كل خميس نطاطيه ودي جي

الله يبارك لهم

وهذانا مستحملين

ان السالفه فيها كل اسبوع عيل من حقك تتحرك فانت من حقك تنام وترتاح
لو انا منك اروح لجاري المغرب او وقت متأخر من العصر وان الخدامه اطلعت لي اطلب الاب

سلم عليه وابتسم له وعرف عن حالك انك جاره وقوله باحترام وهم تنازل فيها بعد شوي
كلمه انك على راسي من فوق ولو تنزل الصوت وتخلي اليهال يهدون شوي من بعد الساعه 11 او حتى عشره ان بغيت علشان انك تحتاج تنام في هالاوقات وقوله يجزاك الله خير ... العاده الناس الطيبه الي فيها خير على طول ترحب وتقولك ابشر وما تسمع صوت

كل شي بالهداوه ينحل ان شاءالله .. وان جارك مافيه نخوه ونذل بعد ما صبرت عليه كم من اسبوع وهو يسوي هالحركه ومب امعبرك فعليك بالسلطات ومطالبتك لحقك

نومه هنيه ان شاءالله لنا ولكم

[M&F]

ليش حسستوني ان كل يوم يصير عرس عند بيوتكم !!

بدال ما تستانسون وتوسعون الصدر:nice:

بصراحه انا ما اشوفها مشكله وما جات على يوم واحد في السنة والا في الشهر :victory:


و جعل ايامنا كلها افراح في افراح :fight: