سؤال محيرني

[ام جراح%]

:shy:السلام عليكم ورحمة الله وبركاته

شخباركم؟؟
بغيت استفسر الحين اذا حصلت محل ولا مطعم ولاصالون الخ..مبالغين في السعر شلون اوضحلهم هالشي ...؟؟لاني استحي واحس باحراج :shy:اتناقش معنه واضح ان السعر مبالغ فيه؟؟
فشسوي اتصل على طول حماية المستهلك ولا اناقشهم ؟؟؟:shy::shy:

[ابوعلي]

وعليكم السلام وحمةً الله وبركاته

اذا عندج فواتير قديمه وفواتير جديده كاثبات بلغي عليه حتى ما تحرجين نفسج

[Aaziz]

ايه ليش انا اقدم فواتير جديده و فواتير قديمه ... ماتعلمنا على ثقافه الاحتفاظ بالفواتير لان حقك ضايع و الفاتوره ماتعتبر اثبات لحقك في بعض المواقف ،، لاتقدر ترجع ولا تستبدل ولا تبين حقوقك .

حمايه المستهلك يبون حاله الشكوى توصلهم لي مكانهم لا و بالاثبات ،،، اذا انت شتسوي كجهة مسؤوله .

ليش هم مايسمعون شكاوي الناس الي يتواصلون وياهم و اذا تكررت اكثر من شكوى على نفس المحل يروحون هم يتحرون . لو كانت الشكوى بخصوص زياده اسعار ،، يطلب موظف حماية المستهلك السجلات الي تثبت الاسعار القديمه و الاسعار الي حاطها المحل في تسعيرته .
وفي حال ثبت تلاعب من قبل المحل في ارشفه فواتيره ،، هنا تسحب رخصة المحل .

[mE mYself & i]

نصيحه, لاتعبين عمرج ولا تسوين شي حمايه التجار عايشين في العسل

[شموخ دائم]

,

,


مرحبا

بارك الله فيك

الحياء والخجل من اجمل صفات الانسان

ولكن هذا ما يمنع نتعود على بعض الامور الي نحس انها فيها مبالغه علينا

انا اذا شفت السعر مبالغ فيه
اتدرج بالكلام معاه
مثلا اقوله انا شفت هذا الشي بسعر اقل في احد الاماكن
واتركه يبرر وانا كاني ما اسمعه وبعد ما يخلص
اقوله
ياريت تعيد النظر في السعر هذا رايي الشخصي
لانه راح ياثر عليك وعلى سمعه المكان

واتركه وامشي

انشاء الله تتعودين وطريقه الحديث البسيطه هذا راح تخيك مع الوقت
اكثر طلاقه بالحديث بهذا الموضوع

بارك الله فيك
,

,


اخوك

شموخ دائم