سخان مركزي او عادي [الأرشيف] - منتديات شبكة الأسهم القطرية

مشاهدة النسخة كاملة : سخان مركزي او عادي

ابو تميم11

15-01-2013, 02:57 PM

السلام عليكم ورحمة الله
عندي استفسار الله يجزيكم خير بخصوص السخان
هل اركب مركزي او عادي؟
وين الي يدوم وماتكون خراباته وايد؟
احسن نوعية ومن وين؟
كم يكلف؟
واذا مركزي هل لازم اسوي التمديدات قبل صبية السقف او بعد العظم
ومشكورين مقدما

الزلزال

15-01-2013, 03:04 PM

انا عندي مركزي في البيت وله تقريبا 8 سنوات وشغال مثل الساعه
من تدمر

Chambray

15-01-2013, 06:52 PM

المركزي أفضل

وهناك نوعين
ويختلفون بختلاف الكهرباء

نوع : 3 فيس ( سريع التسخين ) للعمارات والفنادق والبيوت الكبيرة
ونوع : سنغل فيس ( بطئ التسخين ) وعادة للبيوت والفلل ، وعاده يكونون ( سخانين 2 )

ZURICH

15-01-2013, 10:46 PM

مرحبا ابوتميم

من رأيي ركب سخان مركزي وواكب التطور :)

سخان في السطح ماتسمع له صوت ونسبة أمان عالية

وفي الصيانة العمال مايدخلون البيت ,, الشغل في السطح

كان في عرض من شركة تدمر خذيت منهم سخانين مع فلاتر ومكثفات

و جهاز تبريد 2 طن روتري وماكينتين ضخ ماي ،، بسعر 10500

مع اضافة 2500 ريال في حال تركيب الشركة للسخانات والمكيف على بايبات نحاس انجليزي اصلي

وهذا افضل لضمان وجودة التركيب ،، وكله مع الضمان ،،

المنسى

15-01-2013, 10:52 PM

وين مكان شركه تدمر

معماري قطري

15-01-2013, 10:58 PM

ولد شرق

16-01-2013, 08:17 AM

ضوى

16-01-2013, 08:29 AM

المركزي أفضل بكثير .. ويجيك نظام كامل فلتر وضاغط ومكائن تدوير للماي الحار وتبريد للصيف .

بس أفضل لك لكل هالتجهيزات تسوي غرفة فوق السطح ولتستخسر سوها خرسانة ورتبها بحيث تكفي لكل التجهيزات .. ووقت التنفيذ بعد بناء العظم .. وبالتوفيق.

صج المقاول يقهر يوم اني قلت له هالكلام قالي البلدية مشى حترضى وحيخالفونا ، انقهرت يوم شفت كلامك الحين بس للحين فيها وباصدمه الحين ، عصبت انا

ابو تميم11

16-01-2013, 08:35 AM

مشكورين كلكم ماقصرتوا الله يجزيكم خير
ويسهل اموركم استفدت كثير من مشاركاتكم
وخبراتكم خلاص مركزي انشاء الله ونواكب التطور

سهم عتيج

16-01-2013, 10:56 AM

صج المقاول يقهر يوم اني قلت له هالكلام قالي البلدية مشى حترضى وحيخالفونا ، انقهرت يوم شفت كلامك الحين بس للحين فيها وباصدمه الحين ، عصبت انا

الحمدلله أنه تداركت هالشي أثناء البناء وعملت الغرفة,, وماقال شي المقاول او الاستشاري,, بل على العكس,, يقولون البلدية تفرض عليك انك تعمل مظلات للخزانات قبل اعطاء الرخصة,, فسويت الغرفة..

ضوى

16-01-2013, 11:13 AM

الحمدلله أنه تداركت هالشي أثناء البناء وعملت الغرفة,, وماقال شي المقاول او الاستشاري,, بل على العكس,, يقولون البلدية تفرض عليك انك تعمل مظلات للخزانات قبل اعطاء الرخصة,, فسويت الغرفة..

يبي يوفر على نفسه لكن ان شاء الله باخليه يسويها

Qt.1

16-01-2013, 12:19 PM

يبي يوفر على نفسه لكن ان شاء الله باخليه يسويها

لتسكتين عنه وانا اخوج , المقاولين يبون ايوفرون بأي طريقه خليه ايسويها خرسانه بعد ماعليج منه, انا بعد مسوي غرفه مفتوحه فوق السطح احذى البنت هاوس حق السخانه.

Chambray

16-01-2013, 12:21 PM

صج المقاول يقهر يوم اني قلت له هالكلام قالي البلدية مشى حترضى وحيخالفونا ، انقهرت يوم شفت كلامك الحين بس للحين فيها وباصدمه الحين ، عصبت انا

لازم يكون مرسوم بالخرائط
المقاول يلتزم بالخرائط
واي شئ مخالف للخرائط يخالف عليه

الحل سهل جداً

الخرائط تودونها البلدية وتاخذون رخصه لغرفه السخان خلال 10 دقايق بس ..

بن غيث

16-01-2013, 12:24 PM

:nice:
لازم يكون مرسوم بالخرائط
المقاول يلتزم بالخرائط
واي شئ مخالف للخرائط يخالف عليه

الحل سهل جداً

الخرائط تودونها البلدية وتاخذون رخصه لغرفه السخان خلال 10 دقايق بس ..

معماري قطري

16-01-2013, 01:53 PM

صج المقاول يقهر يوم اني قلت له هالكلام قالي البلدية مشى حترضى وحيخالفونا ، انقهرت يوم شفت كلامك الحين بس للحين فيها وباصدمه الحين ، عصبت انا

المصري كله شعاره ريح دماغك .. تحتاجين الغرفة فوق أحد الحمامات وأفضل يكون قريب من الرئيسي .. علشان سرعة وصول الماي الحار .. وتنبني فوق حوائط موجودة في الدور التحتي .. وممكن يكون الطابوق 10 سم المفرغ أو الأحمر علشان خفة الوزن .. وأفضل تكون بعرض مترين وطول حسب الإمكانية .. انا سويتها 6 وتوفرت مساحة كافية للخزان في جهة والصخانات وباقي العدة .. بس نصيحة لوح التحكم للكهربه حاولوا تخلونه مرتفع شوي على الحائط ومحمي عن الماي.

نسيت أوضح نقطة لو ما هي بموجودة في الرسومات تخليصها سهل شكل ما قالوا الإخوان وحتى لو خالف المقاول وسواها محد يلاحظ وبتكون إضافة جيدة .. الإرتفاع حتى لو مترين كفاية أو مترين وشوي بس يكون فيه مجال ينفتح تانكي الماي للصيانة

ضوى

16-01-2013, 01:59 PM

دوختوني باصور لكم

ضوى

16-01-2013, 06:52 PM

http://www.gulfup.com/?uCRide

المنسى

16-01-2013, 08:54 PM

كم ضمان السخانات المركزية لو سمحتو لانى رحت تدمر وقالى 5 سنين وأنا الى سمعته 10 سنين

معماري قطري

16-01-2013, 09:02 PM

http://www.gulfup.com/?ucride

شغل نظيف ومرتب بس يبي له حماية وحتى بدون رخصة بلدية بهالوضع يمكن هم يطلبون الغرفة .. خليهم يركبون طابوق بس الله يعين ألحين بتكون شغلة الطابوق مزعجة يبين لي إنهم ركبوا العازل الحراري والمائي ولو مسوينه قبل بيكون أحسن .. إذا موجودة الغرفة في الخرائط أو مذكوره في العقد لازم يسويها وإذا لا ما لكم الا الحل السهل وهو عمل غرفة من الحديد بإرتفاع نازل علشان ما تشوه المنظر وتثبيتها يكون في الحائط وبدون حفر في الأرضية حتى ما يخترب العازل.

معماري قطري

16-01-2013, 09:06 PM

كم ضمان السخانات المركزية لو سمحتو لانى رحت تدمر وقالى 5 سنين وأنا الى سمعته 10 سنين

ركبها ولا تهتم .. الأمريكية زينه وفيه بعد فرنسية عند شركة الطيب مرهم وفاضل بينهم .. انا اللي عندي من الطيب لها ما شاء الله 7 سنين وتوني من كم يوم مسوي صيانة للفلتر ويجي الماي نظيف .. وبعدين لازم تركب ثنتين كل وحده تشتغل 12 ساعة في اليوم بمؤقت خاص.

المنسى

16-01-2013, 09:14 PM

ركبها ولا تهتم .. الأمريكية زينه وفيه بعد فرنسية عند شركة الطيب مرهم وفاضل بينهم .. انا اللي عندي من الطيب لها ما شاء الله 7 سنين وتوني من كم يوم مسوي صيانة للفلتر ويجي الماي نظيف .. وبعدين لازم تركب ثنتين كل وحده تشتغل 12 ساعة في اليوم بمؤقت خاص.

وين مكان الطيب الله لا يهينك وكم لضمان

معماري قطري

16-01-2013, 09:30 PM

وين مكان الطيب الله لا يهينك وكم لضمان

كانوا ورا العالم الجديد ألحين أظن على طريق المطار بس أحسن شوف رقمهم واتصل لهم .. والضمان نسيت شكثر عطوني . تنظيف الفلتر المفروض كل سنتين ويكلف حول 700 ريال يغيرون فيه مواد ورمل نظيف بس انا توني مسوي أول مره يعني خذت فوق 6 سنين.

المنسى

16-01-2013, 09:44 PM

كانوا ورا العالم الجديد ألحين أظن على طريق المطار بس أحسن شوف رقمهم واتصل لهم .. والضمان نسيت شكثر عطوني . تنظيف الفلتر المفروض كل سنتين ويكلف حول 700 ريال يغيرون فيه مواد ورمل نظيف بس انا توني مسوي أول مره يعني خذت فوق 6 سنين.

يعطيك العافيه ماقصرت

captin

17-01-2013, 06:22 AM

السخان المركزي وانت مغمض بدون لا تشاور ولاتتردد

الطيب
انا اخذت عندهم سخانات حق فليتين للإيجار تعاملهم ممتاز ومكانهم
قبل ما توصل العالم الجديد تدخل مجموعة المحلات اللي قبل
على اليمين

اللوز

17-01-2013, 12:53 PM

لعيون صاحب الموضوع وصاحبة الصورة الاخت ( ضوى )
وانصحكم بمحل البحرية

http://im18.gulfup.com/Yp8Y1.jpg (http://www.gulfup.com/?p6JfHe)

معماري قطري

17-01-2013, 10:58 PM

وضحت الصورة شوي أكثر اللي معلق عليها الأخ اللوز .. وصحيح ليش خالطين شوي بي بي آر وشوي نحاس؟ وتبين لي السخانات لزق على الأرضية بدون شيء تحت يحميها.

http://im17.gulfup.com/J0dQ1.jpg (http://www.gulfup.com/?WRpxEw)

بالنسبة للبليوت الأسود فيه منه بلجيكي سميك وقوي وهذا ممكن يستخدم كجدران جانبية وكسقف للغرفة ويحتاج وصلات حديد وبراغي للتثبيت في الحائط وفي خرسانة أرضية التانكي وبدون الحفر في أرضية سقف البيت.

ممكن نعرف أي شركة اللي مركبين النظام ذيه؟ وليش ما انصحوا بالغرفة قبل؟

ضوى

18-01-2013, 01:10 AM

وضحت الصورة شوي أكثر اللي معلق عليها الأخ اللوز .. وصحيح ليش خالطين شوي بي بي آر وشوي نحاس؟ وتبين لي السخانات لزق على الأرضية بدون شيء تحت يحميها.

http://im17.gulfup.com/j0dq1.jpg (http://www.gulfup.com/?wrpxew)

بالنسبة للبليوت الأسود فيه منه بلجيكي سميك وقوي وهذا ممكن يستخدم كجدران جانبية وكسقف للغرفة ويحتاج وصلات حديد وبراغي للتثبيت في الحائط وفي خرسانة أرضية التانكي وبدون الحفر في أرضية سقف البيت.

ممكن نعرف أي شركة اللي مركبين النظام ذيه؟ وليش ما انصحوا بالغرفة قبل؟

تدمر يامعماري !!!!

ضوى

18-01-2013, 01:15 AM

الحين الخطأ من من ؟ المقاول والا تدمر ؟؟

معماري قطري

18-01-2013, 02:02 AM

الحين الخطأ من من ؟ المقاول والا تدمر ؟؟

الإثنين ومشترك معاهم الإستشاري بالتأكيد .. يعني فكري فيها بالعقل معدات هشكل مصنوعة علشان تكون محمية من عوامل الجو وهم ما يهمهم بيسون شيء حق سنة أو سنتين وبعدين انتي اللي بتتعبين.

بس لتهتمين الغرفة تستوي وبسهولة حتى لو تبين طابوق بس يقصون له بالمنشار الكهربائي ويركبون عازل جديد وزاوية عليه عن تسريب الماي للسطح .. بس عازل جزئي بدال اللي بيخترب .. وممكن يقصون بدون ما يوصلون لعازل الماي ويحافظون عليه ويبنون فوقه .. ولا غرفة حديدية ومثبتة في غرفة بيت الدرج وبتكون أرخص وأسهل وبتغطيها غرفة بيت الدرج مب مبينه بسهولة.

مكين

18-01-2013, 10:06 AM

مشكلة المركزي اذا اخترب

ما تلقى ماي حار في البيت كله

واذا كان برد مثل هالايام الله يعينك

معماري قطري

18-01-2013, 02:38 PM

مشكلة المركزي اذا اخترب

ما تلقى ماي حار في البيت كله

واذا كان برد مثل هالايام الله يعينك

صح بس نادر يخترب .. يمكن أكثر شيء تخترب العوامة الإلكترونية وتصليحها في دقايق .. وتأثيرها إن البرشر ما يشتغل ويجيك الماي ضعيف أو يخلص الماي فوق عندك بدون ما تشتغل المضخة تحت .. وإستبدالها سهل في نص ساعة إذا اللي يبدل شاطر.

الحمد لله عندي النظام كله في غرفة مفتوحة جزئياً ناحية الجنوب وللحين السخانات ما فيها مشكلة وأشغلها استويت صيف شتاء لأن في الصيف مبرد الماي يخليه بارد وانا مقصر عليه لأقل درجة فأحتاج شوية ماي ساخن .. والسخانات يتبادلون الشغل كل 12 ساعة وحدة تشتغل ووحده ترتاح، ولو إحترق العنصر اللي يسخن فيها إستبداله سهل وفي دقايق وبدون ما تنفتح بالكامل، وإنها تسرب ماي صعبه إذا كانت محمية من المطر والرطوبة وهذي مجهزة لكي تعيش عمر طويل.

تصدقون في أمريكا يسون غرفة خاصة في البيسمنت أو في الدور الأرضي ويكون فيها السخان والبرشر والفلتر، وتكون مغلقة ومحمية وتعيش عندهم عمر، وبالنسبة لوحدات التكييف الداخلية نفس القصة بعد ومنها تطلع دكتات لكل البيت.

ضوى

03-02-2013, 09:59 AM

اخوي معماري

بما انا نتكلم بنفس الموضوع

قمت ببناء شبه غرفة للحفاظ على السخانات لكن غير مغلقة بالكامل مفتوح من جهة لسهولة صيانة الخزان وخلافه راح اصورها لك ان شاء الله وتقولي رايك

حسن

06-02-2013, 10:27 PM

المركزي أفضل بكثير .. ويجيك نظام كامل فلتر وضاغط ومكائن تدوير للماي الحار وتبريد للصيف .

بس أفضل لك لكل هالتجهيزات تسوي غرفة فوق السطح ولتستخسر سوها خرسانة ورتبها بحيث تكفي لكل التجهيزات .. ووقت التنفيذ بعد بناء العظم .. وبالتوفيق.

راي من راي معماري وعلى فكره انا بيتي سخان مركزي وفقط وحده
وعلى 8 حمامات وركب سيركوليشن وجهاز تبريد
ماا الفلاتر مانصحك فيها شغلتها شغلانه
ولما تنظف نفسها طيرك ماي الخزان كامل

captin

07-02-2013, 01:40 PM

السوأل الحين

عندنا في الدوحة شركتين رائدتين في هذال المجال

الأقدم والأكثر سمعة هي الشركة البحرية والنظام المتكامل عندهم
يشمل خزنين 80 ليتر ونظام التسخين والفلتر والمبرد بسعر تقريبي
15,500 ريال شامل التركيب والضمان .

شركة تدمر النظام متكامل مع التركيب بسعر تقريبي 13000 ريال .

أيهما الأفضل من ناحية التجربة والتعامل ؟؟؟

وممكن نحط كخيار ثالث مؤسسة الطيب اللي عندهم سخان أمريكي اسمه ماستر كرافت أعتقد
لكنهم شغالين على المشاريع التجارية أكثر المجمعات والشقق السكنية .

بن غيث

07-02-2013, 02:04 PM

ما شاء الله عليك .. خبرتك جيدة في المقاولات .. واتمنى لك الاستمرار في هذا المجال الجميل

وتستاهل هذه ..

http://www11.0zz0.com/2013/02/07/11/275832023.jpg

ZURICH

07-02-2013, 08:44 PM

معلومات استفدت منها اخوي

شاكر لك

العفو يالغالي

مثل ما استفيد من هذا المكان ،، احاول افيد غيري

حياك الله

بوNasser

08-02-2013, 02:18 PM

السلام عليكم ورحمة الله
انا تجربتي مع البحرية مش ولابد
رغم جودة منتجاتهم

ركبت معاهم نظام تسخين عدد 2 سخان وفلتر ومضخة ماي تقريبا في 2002

بعد تقريبا 5 سنوات اقل ازيد شوي بدلت السخانات مرتين بسبب تسريب الماي من جسم السخان
و بدلت المضخة مرة
http://www.ab2004.com/muntada/heater005.jpg

طايحين فوق السطح وكل مرة الشركة يقولون بنشلهم ويتكيسلون وانسى انا الموضوع.
طبعا شمعات التسخين بعد بدلتهم تقريبا مرتين لكل سخان.

وصلحت واشرات الفلتر 3 مرات (يتم يصب ماي ما يوقف، :كأنه دايما في وضع التنظيف)
http://www.ab2004.com/muntada/heater006.jpg

والحين عندي سخان يسرب وبيبدلونه (طبعا بفلوس مع انه يمكن على الضمان وما خلص 5 سنوات، بس انا ماعندي فاتورة، واهم بعد ما عندهم في السجلات اي تاريخ) كل اللي يعرفونه ان السخان انتاج 2008 ومتوقعين انهم ركبوه في نفس السنة بس ما يدرون اي شهر.
كل اللي بيسوونه انهم ما راح ياخذون اجرة التركيب.
http://www.ab2004.com/muntada/heater004.jpg
--------------------------

انتهينا من البحرية الحين اخطاء كانت في البداية (وقت التشطيب، والتركيب) ما انتبهت لها الا بعد حدوث مشاكل السخان

1- رغم المساحة الكبيرة تقريبا 2.5 في 4.5 متر،((ما عليكم من الفلتر الوسخ ان شاء الله باغيره لين فضيت))
http://www.ab2004.com/muntada/heater003.jpg

لكن الاخوان المصريين جمعوا السخانات ورى بعض وجنبهم الخزان والفلتر!!!!! صار المكان ضيق هذا اولا وثانيا وهو الاهم لو بغيت اغير السخان الثاني لازم احرك الاول!!!!
http://www.ab2004.com/muntada/heater001.jpg
http://www.ab2004.com/muntada/heater002.jpg

2- مضخة التدوير ركبوا لي واحدة بس كان ودي لو كنت مركب ثنتين.
http://www.ab2004.com/muntada/heater007.jpg

3- البلاط تحت الخزان والسخانات ياليته كان اكبر وفيه ميلان فعلي للخارج، الميلان موجود بس مش كثير احيانا نحتاج نشطف بقايا الماي للخارج

4- مشكلة الغبار ما ادري شنهو حلها ، فتحة غرفة الخزان باتجاه الشرق بس يمكن مروحة تبريد الخزان تسحب هوا وغبار.

5- عندي مكيف سبليت داخل البيت وقص علي فني المكيفات وخلاني احط الكمبريسور في غرفة الخزان لذلك في الصيف يصير المكان حار (بقة).

هذي اخطائي في البنيان

ودمتم سالمين