اول ابريل الإمارات: فرض رسم بـ 5 دراهم على كل مسافر قادم

[al_maystro]

اول ابريل الإمارات: فرض رسم بـ 5 دراهم على كل مسافر قادم

أصدر الشيخ محمد بن راشد آل مكتوم نائب رئيس دولة الإمارات حاكم دبي قرارا بفرض رسم الاستعلام المبكر عن المسافرين القادمين للدولة عبر المنافذ الجوية، بقيمة 5 دراهم على كل مسافر قادم عبر المنافذ الجوية.

وبحسب صحيفة "البيان الإماراتية" يبدأ العمل بالقرار اعتبارا من الأول من شهر أبريل القادم.

واستثنى القرار المنشور في العدد الأخير للجريدة الرسمية من الخضوع للرسم كل من الأطفال الذين لا تتعدى أعمارهم السنتين وطاقم أفراد الطائرات والمسافرين الذين لا تكون دولة الإمارات هى وجهتهم الرئيسية "ركاب الترانزيت" خلال 12 ساعة من الوصول.


ويتم تحصيل الرسم المقرر عن كل مسافر قادم للدولة عبر المنافذ الجوية عند اصدار تذكرة السفر بغض النظر عن مكان شراء أو إصدار تلك التذكرة.

[WhiteBeard]

مبلغ بسيط ومحد راح يحس فيه، لكن بيعتبر لدبي مصدر دخل كبير وهام، خطوة ذكية جداً.

[بطل الفريج]

لوكان القرار على الاجانب لكان منصف لدولة الامارات بس الخليجي ليش يدفع ( خليجنا واحد )

[الزلزال]

وهذا القرارشامل المواطنين الاماراتيين ؟

[عاهد بن علي]

خليجنا واحد

[بوعلي2]

خمس دراهم بتدخل ذهب ع دبي

[monatee]

بيدخلون ذهب

[daekan]

التذكره فية ضرايب ليش ال 5 درهم ولو انها قليلة

[سهم ماينزل]

لو كان من غير الخليجيين أتوقع بتكون فكرة ممتازة جداً أتمنى تطبيقها عندنا على الكل عدى الخليجي

[al_maystro]

هذه ضريبه وليست رسوم والضريبه تبقى ضريبه حلى لوكانت درهم واحد

هذه مجرد بدايه لخطوات اخرى قادمه

[ابن الجزيرة]

اعتقد ان هذا الاجراء مخالف لكل الاتفاقيات المبرمة بين دول مجلس التعاون


هناك مبدا يسمى المعاملة بالمثل

[بوحارب]

فلوس يحبيبي مافيها خليجنا واحد وشعبنا واحد

[سهم عتيج]

يعني معناتها بس راح يحصلون اكثر من 200 مليون درهم سنويا من القادمون الى مطار دبي
وأعتقد ان هذه الخطوة ستكون تمهيدا لرفع الرسوم مستقبلا

دبي أصبحت غالية جدا ، وأخشى يجي اليوم اللي يفرضون فيه رسوم على الخطوة اللي راح تمشيها بدبي :rolleyes2:

[(المهندس)]

ندفع 185 ريال عند وصولنا دبى كأجانب عرب

[بصمة قطرية]

مبلغ بسيط ومحد راح يحس فيه، لكن بيعتبر لدبي مصدر دخل كبير وهام، خطوة ذكية جداً.

فعلاً راح يكون مصدر دخل كبير ..

[إينشتاين]

ندفع ضرايب على غرشة الماي الي نشتريها من السوبرماركت في لندن وغيرها وماتذمرنا ولاقلنا شي !!!!

[كازانوفا]

ندفع ضرايب على غرشة الماي الي نشتريها من السوبرماركت في لندن وغيرها وماتذمرنا ولاقلنا شي !!!!

سبحان الله لما صارت بدوله عربيه صار في تعجب واساله ؟؟

لعله خيرر :nice:

[بوخالد911]

1 ابريل

كذبة ابريل

صح لو لأ؟

[م. عبدالعزيز]

اعتقد ان هذا الاجراء مخالف لكل الاتفاقيات المبرمة بين دول مجلس التعاون


هناك مبدا يسمى المعاملة بالمثل

صحيح

نتمنى ان يتم استثناء مواطني دول مجلس التعاون من هذا القانون

[بومحمد المطاوعه]

ماشاءالله

الصراحه قرار حلو

اشجع هالقرار

صحيح مبلغ بسيط لي ولاكن للدوله مدخول قوووي

ومن هالمبلغ يتم التعديل والتطوير في المطار ولا داخل الدوله

وعاشت الامارات

وخليجنا وااااااااااحد

[حفيد الأنصار]

فكرررة حلوة صراحة ,, وبتعود بالنفع على الامارات
بس الله يستر لاتتطور الى أكثر من كذا

[الخزرجي قطر]

بالرغم من ان المبلغ بسيط ماكان له داعي لأن فيه رسوم على التذاكر تندفع مع التذكره
سابقا كان يتم تحصيل رسوم مغادره او وصول من المطارات وتم الغائها اشوف رجعت مره ثانيه

[وحيد-الشوق]

للهدرجة يبون يلقطون فلوس وليش 5 دراهم

مع اشد احترامي اشوفها فكره استغلالية ومال امها داعي

مادري ليش تذكرت كيوتل والفواتير الورقية الي تجيك عالبريد اذا ماكنسلتها بيحسبون 5 ريال عليك هههههه

[fhd4]

شركات الطيران راح يستغلون الفرصة والتذاكر راح تزيد اكثر من 50 ريال بحجة الرسوم …

[تغلبية]

فكرة ذكية كمصدر دخل للدولة .. أو ضريبة كما قيل .. وأتمنى تطبيقها في قطر ..

5 ريال لا تذكر بالنسبة للسائح الخليجي .. ويحق لها الامارات بفرض هذا الرسم على كم التطوير والتنمية الحاصل فيها

[w4rr10r]

كذبة ابريل :)

[غزلان]

الله يعين

[naklan]

5 ريالات اجلكم الله قيمة دخول دورة مياة في لندن
ليش معترضين مطار يفتح النفس وكونترات بالهبل ومعاملة طيبة
مطارنا كان ياخذ اكثر منهم رسوم 30 ريال واضن حولوها في قيمة التذاكر
وهو حتى كراسي في قاعة الانتظار الاخير ما تلقى المبلغ بسيط
وما يستاهل وبيكون عائد لهم بلد مافيه نفط ولهم الحق
بالاستفادة ورأيي بيفيدهم ولن يضرنا
والله يوفقهم :)

[R 7 A L]

نسيتوا جسر الملك فهد ( جسر البحرين )
كم يأخذون ؟

[أسير الأحلام]

اول ابريل الإمارات: فرض رسم بـ 5 دراهم على كل مسافر قادم

أصدر الشيخ محمد بن راشد آل مكتوم نائب رئيس دولة الإمارات حاكم دبي قرارا بفرض رسم الاستعلام المبكر عن المسافرين القادمين للدولة عبر المنافذ الجوية، بقيمة 5 دراهم على كل مسافر قادم عبر المنافذ الجوية.

وبحسب صحيفة "البيان الإماراتية" يبدأ العمل بالقرار اعتبارا من الأول من شهر أبريل القادم.

واستثنى القرار المنشور في العدد الأخير للجريدة الرسمية من الخضوع للرسم كل من الأطفال الذين لا تتعدى أعمارهم السنتين وطاقم أفراد الطائرات والمسافرين الذين لا تكون دولة الإمارات هى وجهتهم الرئيسية "ركاب الترانزيت" خلال 12 ساعة من الوصول.


ويتم تحصيل الرسم المقرر عن كل مسافر قادم للدولة عبر المنافذ الجوية عند اصدار تذكرة السفر بغض النظر عن مكان شراء أو إصدار تلك التذكرة.



يجب المعاملة بالمثل بفرض رسم الاستعلام المبكر عن المسافرين القادمين للدولة من الإمارات العربية المتحدة عبر المنافذ الجوية والبرية بقيمة 5 ريال على كل مسافر قادم عبر المنافذ الجوية والبرية دون تحديد عمر للرسوم.

[أسير الأحلام]

5 ريالات اجلكم الله قيمة دخول دورة مياة في لندن
ليش معترضين مطار يفتح النفس وكونترات بالهبل ومعاملة طيبة
مطارنا كان ياخذ اكثر منهم رسوم 30 ريال واضن حولوها في قيمة التذاكر
وهو حتى كراسي في قاعة الانتظار الاخير ما تلقى المبلغ بسيط
وما يستاهل وبيكون عائد لهم بلد مافيه نفط ولهم الحق
بالاستفادة ورأيي بيفيدهم ولن يضرنا
والله يوفقهم :)

حتى ضريبة الخروج من مطار دبي او اي دولة مشمول في قيمة تذكرتك لما تصدرها وراجع تفاصيل التذكرة ... بهذا في الامارات تاخذ رسوم دخول وخروج .... وهالحركة واضحة لمن يفهم في الطيران وطريقة إصدار التذاكر .. على فكرة دبي عندها نفط وتصدره بعيد عن منظمة اوبك

[أسير الأحلام]

فكرة ذكية كمصدر دخل للدولة .. أو ضريبة كما قيل .. وأتمنى تطبيقها في قطر ..

5 ريال لا تذكر بالنسبة للسائح الخليجي .. ويحق لها الامارات بفرض هذا الرسم على كم التطوير والتنمية الحاصل فيها

إذا مبدأ المعاملة بالمثل هو الصحيح .. يجب فرض رسوم 10 ريال على كل مسافر يصدر تذكرة قادم للدوحة من الامارات بغض النظر عن جنسيته او عمره ... بعد احنا عندنا مطار جديد ينبني ولازم له مصاريف وصيانة للمطار القديم وتقديم الخدمات الأرضية والجوية و 10 ريال ولا شي بالنسبة للأماراتيين او اي مقيم في الامارات او مسافر عن طريقها للدوحة

[أسير الأحلام]

لو كان من غير الخليجيين أتوقع بتكون فكرة ممتازة جداً أتمنى تطبيقها عندنا على الكل عدى الخليجي

تطبيقها على الكل ... وعلى الخليجي الي دولته بطبقها عليك فقط

[أسير الأحلام]

ماشاءالله

الصراحه قرار حلو

اشجع هالقرار

صحيح مبلغ بسيط لي ولاكن للدوله مدخول قوووي

ومن هالمبلغ يتم التعديل والتطوير في المطار ولا داخل الدوله

وعاشت الامارات

وخليجنا وااااااااااحد


حلو ياريت يطبقونه عندنا على كل مسافر قادم من اي دولة تفرضه علينا وعقبها بنشوف ردت الفعل

[♫ احسـاسـ طفلـهـ ♫]

شخصيا اشوفه خطوه مناسبه لهم ويستفيدون منها ولكن فرضها على الخليجين تحته مليون خط احمر !! وقطر اولى بفرض الرسوم وخصوصا الحين صار التوافد عليها من الخليجين بكثره وغير الخليجين ايضا .. وقطر اولى لسببين اولهم ان في مطار جديد سيكون الاكبر من بين العرب .. والسبب الثاني ان كاس العالم 2022 سيقام فيها ومع ذلك ما سمعنا انها تبي تفرض هالرسوم :rolleyes2:

[أسير الأحلام]

شخصيا اشوفه خطوه مناسبه لهم ويستفيدون منها ولكن فرضها على الخليجين تحته مليون خط احمر !! وقطر اولى بفرض الرسوم وخصوصا الحين صار التوافد عليها من الخليجين بكثره وغير الخليجين ايضا .. وقطر اولى لسببين اولهم ان في مطار جديد سيكون الاكبر من بين العرب .. والسبب الثاني ان كاس العالم 2022 سيقام فيها ومع ذلك ما سمعنا انها تبي تفرض هالرسوم :rolleyes2:

100 % معاج بكل كلمة :victory:

[تركي الشهراني]

اتمنى يتم تطبيقه عندنا في قطر

[راشد محمد]

الفال لنا..خل يطبقونه على الاجانب عندنا بس

[ابوحشر]

الاتحاد قوووووووه

[بومحمد المطاوعه]

حلو ياريت يطبقونه عندنا على كل مسافر قادم من اي دولة تفرضه علينا وعقبها بنشوف ردت الفعل

ان شاءالله يطبقونه عندنا

واتمنى يفعلون هالشي

[QTR-1978]

اخبر قبل لما كنا نروح البحرين واحنا رادين الدوحه فالمطار عقب كونتر التذاكر كنا ندفع 3 دينار وعقب ضافوها للتذكره انا اشوف مافيها شي ال 5 درهم في مقابل العمران والتنظيم اللي قاعد يصير ف دبي شوارع عدله مولات اماكن ترفيهيه فنادق مب خساره فيها

لكن انا سمعت ان اللي يدخل قطر عن طريق البر وسيارته مب قطريه يسووي لها تأأمين ب 150 او 160 الكلام هذا صحيح والا والا
البحرين اقل 3 دينار والسعوديه 70 والامارات 100 ممكن نعرف ليش هالمبلغ اذا كان صحيح

[Rashid554]

5 دراهم لو نحسبها على عدد المسافرين خلال عام 2012 بتطلع لها اقل شي ربع مليار سنوياً

[Bin Hood]

أخاف بدل ما تزيد 5 درهم تزيد 500 درهم !

[لولو2022]

15000000= 5x 3000000