استفسار عن تانكي الماء فوق البيت

[ابـو مــحــــمـــــد]

السلام عليكم

عندي البنت هاوس مأخذ مساحه من سطح البيت الثلث تقريبًا
وحبيت أحط تانكي الماء فوق البنت هاوس لان بيكون معاها
الساخن المركزي وجميع أغراضه بس السباك قال لي ممنوع
من قبل كهرماء ما يعطونك موافقه

مدري شرايكم

[شموخ دائم]

,


,


مرحبا


نص الدوحه توانكي الماي فوق البنت هاوس
خاصه اذا البنت هاوس عباره عن غرفه وحمام
بيكون لازم التانكي فوق البنتهاوس
وعاده يكون في الخريطه موضح كذا

هذا الي انا اعرفه واشتغلنا فيه كثير

مع ان اكثر الناس يفضل التانك بالسطح مو فوق البنتهاوس
لانه من ناحيه جماليه افضل


انا انصحك ( تمشي على الخريطه ) افضل
وتانكي الماي يكون فوق احد الحمامات
لان الجسور مالته قريبه من بعض
وتتحمل ثقل الماي بسهوله واقصر واسهل لانسياب الماء
مباشره للحمامات




,

,


اخوك


شموخ دائم

[معماري قطري]

مع شموخ دائم فيما قال وأزيد إن المشكلة بيزيد إرتفاع البيت .. والتخطيط محدد إرتفاع معين لكل منطقة وإذا زدته بغرفة أو حتى تانكي بيكون واضح وبيشوه المنظر.

أفضل تسوي غرفة كاملة للتانكي وللسخان والفلتر والكهربة الخاصة بهم فوق حوائط حمام لتوزيع الوزن على الحوائط.

[bu_khalaf]

تأكد من البلدية اول لأني مركب خزانات فوق السطح قالوا لي شيلهم وممنوع تركب اي خزانات فوق وهذا قانون جديد توه مطلعينه

[معماري قطري]

شفت ثلاث بيوت جنب بعض وكلهم حاطين توانكي فوق السطحوالبيوت كبار .. لا ودرج حديد طالع سيدة مشوه المنظر

[البرق الصاعق]

الي سمعته حاليا ممنوع وضع خزان ماي فوق اي ملحق في البيت او مجلس بس تانكي ارضي وتانكي فوق سطح البيت

[البرق الصاعق]

http://www.qatarshares.com/vb/showthread.php?t=534370

[ابـو مــحــــمـــــد]

شاكر لكم يا إخوان على المشاركات