تجاربكم على السكاي لايت

[MAZEN37]

مرحبا للاخوان
صراحه صور الفتحات العلويه والاضاءه الخارجيه بالنت جميله
لكن يبقى السؤال الازلي ينفع عندنا او لا جو حار جدا اغلب السنه
من واقع تعايشكم لاهل الخبره بالفتحات بالسقف سواء قبب او مستطيل شرايكم هل يستحق التفكير بعملها او انسى الموضوع

[معماري قطري]

مرحبا للاخوان
صراحه صور الفتحات العلويه والاضاءه الخارجيه بالنت جميله
لكن يبقى السؤال الازلي ينفع عندنا او لا جو حار جدا اغلب السنه
من واقع تعايشكم لاهل الخبره بالفتحات بالسقف سواء قبب او مستطيل شرايكم هل يستحق التفكير بعملها او انسى الموضوع

شوف إخوي مازن .. انا ركبت في بيتي 4 سكايلايتات بمختلف الأنواع باذكرها لك .. بس صدقني كنت شوي متشكك وخايف لكن والحمد لله تفاجأت بشيء غريب .. إن بيتي صيف وشتاء حرارته معتدلة وكنت متخيل الشمس بتضغط على التكييف طلع عندي العكس .. في الصالة مركب 6 مكيفات سبلت نادر اللي أشغلها كلها ولو شغلتها يكون لتوزيع الهواء ويكون الكمبريسور مقصر عليه يعني مضبوط على درجة 26 .. وفيه ملاحظة مهمة إن السكايلايت منفذ لخروج الحرارة من البيت لبرا ولتجديد حركة الهواء بسبب إن الهواء الساخن يرتفع فوق والبارد ينزل تحت بسبب اختلاف الكثافة.

ركبت قبة قطر 3 متر ونص وفيها 8 قطع من البلاستك المحبب " البولي كاربونيتد شيتس " وسويت سكايلايت هرمي 2.4 في 1.2 في صالة توزيع صغيرة 3 في 5 وخليت القزاز دبل بس بدون تظليل وطلعت الشمس تنعكس على الحايط وعلى الأرضية وحطيت له صور في المنتدى بس ما اذكر في أي موضوع بالضبط .. وهذا طلع صراحة روعة وأول الفجر تشوف النور بدأ يطلع ووقت المطر تسمع صوت المطر .. بس خفت من البرق وسئلت مهندس كهربه قال لي لتخاف البرق لو يضرب يضرب في الألمنيوم وعندنا يكون فوق في الغالب، وعلى فكرة هذي الصالة نهائياً ما فيها تكييف بس يجيها الهواء من حولها.

غطيت ممر بين المطبخ الخارجي والداخلي ببلاستك بعد وبدون تكييف حرارته مقبولة وإنارته الطبيعية قوية ومنتشره .. وحطيت صف من الطوب الزجاجي وتحسفت اني ما سويت صفين فوق بعض أو أكثر.

في الأخير لو تبي مساعدة في التوزيع انا مستعد أقترح عليك .. ولو تبي تشوف على الطبيعة حياك باراويك .. خطتي الجديدة للبيت الجديد سكايلايت في بعض الحمامات وسكايلايت في المطبخ.

[MAZEN37]

اشهد انك ما قصرت اخوي معماري وبميزان حسناتك
فعلا انا كنت متخوف من الفكره بس اقنعتني بدوران الهوا الحار للاعلى
وشجعتني من تجربتك
عموما تسوي فيني معروف تصورلي المجموعه الي عندك ان فيها كلافه
ووين سويتهم لاني حاليا لازم اقرر قبل صب السقف الثاني
بس فكرة السكاي لايت بالحمام قويه ههه
اشكرك مقدما

[معماري قطري]

اشهد انك ما قصرت اخوي معماري وبميزان حسناتك
فعلا انا كنت متخوف من الفكره بس اقنعتني بدوران الهوا الحار للاعلى
وشجعتني من تجربتك
عموما تسوي فيني معروف تصورلي المجموعه الي عندك ان فيها كلافه

هذي صورة حق صف الطوب الزجاجي .. وهو أرخص سكايلايت سويته ويشع النور في الصالة من أول الصبح للمغرب لأنه جهة الجنوب.

http://im35.gulfup.com/ifmt1.jpg (http://www.gulfup.com/?z5kud9)

وهذي صورة قريب المغرب.

http://im17.gulfup.com/unv21.jpg (http://www.gulfup.com/?6cotgz)



ووين سويتهم لاني حاليا لازم اقرر قبل صب السقف الثاني
بس فكرة السكاي لايت بالحمام قويه ههه

فكرة السكايلايت في الحمام تجي تقريباً مثل ذيه وتوفر لك نور كافي ودفء وخصوصية أفضل.

http://im33.gulfup.com/uo7d1.bmp (http://www.gulfup.com/?7xc7fm)



اشكرك مقدما

بتبدأ المباراة باروح أشوفها وباكمل بكره مع باقي الصور سامحني.

[MAZEN37]

بانتظار ابداعاتك معماري

[Bozizoo]

اشهد انك ما قصرت اخوي معماري وبميزان حسناتك
فعلا انا كنت متخوف من الفكره بس اقنعتني بدوران الهوا الحار للاعلى
وشجعتني من تجربتك
عموما تسوي فيني معروف تصورلي المجموعه الي عندك ان فيها كلافه
ووين سويتهم لاني حاليا لازم اقرر قبل صب السقف الثاني
بس فكرة السكاي لايت بالحمام قويه ههه
اشكرك مقدما

اخوي توزيع المكيفات مهم جدا
ونصيحه خل مكيف قريب من الاسكاي لايت
لان مثل ما ذكر اخوي معماري قطري الهواء الساخن يرتفع الى اعلى
ويمكن يسبب لك مشاكل اخرى

[معماري قطري]

ما ادري ليش ما تطلع بعض الصور عندي .. أتمنى تطلع عندكم.

هذي صورة من تحت للسكايلايت الهرمي وهو مثل ما ذكرت بعرض 1.2 م وطول 2.4 م وعميق شوي ومرتفع بحيث محد يطيح فيه صدفة.

http://im32.gulfup.com/mmRS1.jpg (http://www.gulfup.com/?nV6pLn)

سطوع النور على الحائط.

http://im35.gulfup.com/X8BL1.jpg (http://www.gulfup.com/?NCZdag)

وهنا سطوع النور على الأرضية، وعلى فكرة هذي الصالة ما فيها تكييف وجوها حلو يجيها براد من الغرف المجاورة.

http://im17.gulfup.com/Lk7x1.jpg (http://www.gulfup.com/?VeWnum)

[معماري قطري]

السكايلايت السابق سويته عن طريق قطر يو بي في سي بس بألمنيوم خاص تيوبلار .. وكلفني في 2005 12000 ريال وبقزاز دبل بس بدون عازل ولا عاكس .. وعلى كلامهم تم عمله في إمارة الشارقة.

وهذي صورته بعد المغرب بشوي.

http://im33.gulfup.com/w0os1.jpg (http://www.gulfup.com/?CTOiIo)

وهذي صورة إنعكاس النور على الأرضية.

http://im18.gulfup.com/1evD1.jpg (http://www.gulfup.com/?21D8Gf)

وباشوف إن شاء الله صور القبة أو باصورها.

[بن غيث]

في بعد طريقة ثانية للسكاي لايت .. وهي طريقة النفق الشمسي


http://www12.0zz0.com/2013/01/17/10/528026815.jpghttp://www12.0zz0.com/2013/01/17/10/338759055.jpg


وهي غير منتشرة لآعتماد الناس على الاضاءة الصناعية

http://www12.0zz0.com/2013/01/17/10/446725316.jpg

ويمكن ان تركب في اي مكان في المنزل

[معماري قطري]

نجي لصور القبة اللي أتمنى تكون واضحة.. وهي فيها 8 فتحات زجاجية منحنية مع سقف القبة وسويتها بالبلاستيك المحبب الفاتح .. البولي كاربونيتد شيتس .. وبس أسست لها بجلسة ككسرة في الخرسانة تخفي الفريم ويبين فقط البلاستيك وتخلي ثبات البلاستيك والفريم جيد.

http://im17.gulfup.com/5Wq21.jpg (http://www.gulfup.com/?VPqGSL)

http://im34.gulfup.com/yV0H1.jpg (http://www.gulfup.com/?oj7zUH)

وأخيراً المنطقة اللي فوقها القبة هي إستراحة الدرج اللي ماخذة إنحناء القبة وهنا تبين شدة الإنارة وانتشارها وقت الظهر.

http://im19.gulfup.com/PSpg1.jpg (http://www.gulfup.com/?6prY7S)

[معماري قطري]

في بعد طريقة ثانية للسكاي لايت .. وهي طريقة النفق الشمسي


http://www12.0zz0.com/2013/01/17/10/528026815.jpghttp://www12.0zz0.com/2013/01/17/10/338759055.jpg


وهي غير منتشرة لآعتماد الناس على الاضاءة الصناعية

http://www12.0zz0.com/2013/01/17/10/446725316.jpg

ويمكن ان تركب في اي مكان في المنزل

هلا بن غيث .. ذي عبارة عن تيوب مبطن بمادة عاكسة وتخلي نور الشمس ينعكس داخل التيوب ويوصل لأي جزء من المبنى .. وأتوقع لازم بتكون موجودة في قطر أو بتوصل قريب.

[بن غيث]

صحيح وصفك .. وبعد توفر طاقة لتعكسها بعد غياب الشمس ..

وأن شاء الله بتكون موجودة قريب بقطر .. حسب رغبة الناس لهذه التقنية البسيطة

[MAZEN37]

ما شاء الله جميل وابداع
تسلمون ( معماري وغيث )على الرد ومتابعة الموضوع انا استفدت واتمنى لكم الخير
شيء مهم الي مسويه معماري في بيتك ومفيد وانشاء الله راح اسوي مثلك المستطيل عجبني جدا
لكن هل يتطلب لعمل فتحه بالسقف مراجعة التخطيط العمراني لازم رخصه او عادي اخلي المقاول يسويها ما يعارضون وقت اتمام البناء

[معماري قطري]

نسيت شيء مهم وهو سعر درايش القبة اللي كان 4000 ريال للثمان حبات يعني الوحدة ب 500 ريال، ولو سويتها زجاج معشق بتطلع كثير أغلى وبتخف كمية النور.

[معماري قطري]

ما شاء الله جميل وابداع
تسلمون ( معماري وغيث )على الرد ومتابعة الموضوع انا استفدت واتمنى لكم الخير
شيء مهم الي مسويه معماري في بيتك ومفيد وانشاء الله راح اسوي مثلك المستطيل عجبني جدا
لكن هل يتطلب لعمل فتحه بالسقف مراجعة التخطيط العمراني لازم رخصه او عادي اخلي المقاول يسويها ما يعارضون وقت اتمام البناء

والله إسئلهم إحتياط بس أتوقع بيكون تغيير بسيط محد بيهتم له .. تدري أنا كان السكايلايت وايد صغير يمكن متر في متر وجاي بزاوية 45 وغيرته وقت التنفيذ كبرته لمتر وعشرين في مترين وأربعين ولا حد إهتم .. بعدين إنت تقدر تسويه مرتفع بحيث يبين من بعيد .. بس تسوي له جدران طابوق من الجوانب .. وتقدر تسوي جدران طابوق من الجوانب بشكل مايل قليل وتركب سكايلايت مسطح مثل الدريشة يطلع لك وايد أرخص .. وتقدر تسويه مقوس .. يعني مثل المستطيل بس فيه تقوس لأعلى وبدال ما تحط قزاز عادي قبل الصب تركب طوب زجاجي على الفريم وتركب الحديد حول الطوب وتصب الخرسانة ويبقى الطوب الزجاجي مكشوف ويدخل النور .. بس هذي الطريقة تحتاج ناس تعرف شتسوي .. ونفس الشيء تسوي قبة موزع فيها الطوب الزجاجي بشكل غير منتظم وتقدر تحط ألوان لو حبيت من الطوب الزجاجي.. هذي الطريقة كان مدير شركة فيصل العطية الله يذكره بالخير قايل لي عنها ومسويها في مدرسة في الأُردن .. عدي به من حول 15 سنة ما ادري إذا موجود أو لا بس حاول تسئل عنه لو تبي تفاصيلها.

[MAZEN37]

مشكور اخوي معماري والله يفتح عليك ويزيدك من علمه ما قصرت

[معماري قطري]

مشكور اخوي معماري والله يفتح عليك ويزيدك من علمه ما قصرت

العفو يا اخوي ما سويت الا الواجب

اليوم الظهر صورت صور بس خليتهم معتمين علشان تبين تفاصيل القبة وطريقة فتحات الإنارة.

http://im32.gulfup.com/wqy11.jpg (http://www.gulfup.com/?WxtVce)

معليش العيال معلقين أعلام من اليوم الوطني للحين.

http://im33.gulfup.com/wc9i1.jpg (http://www.gulfup.com/?lX2FFk)

وهنيه تبين القبة وهي في إرتفاع دورين من الصالة الأرضية وارتفاع أقل شوي من الصالة العلوية وفي الفاصل بين الإرتفاعين يجي الطوب الزجاجي اللي واضح هنيه.

http://im31.gulfup.com/0ozW1.jpg (http://www.gulfup.com/?HIZkCR)

وهنا تبين الصورة أوضح والفريم الألمنيوم يبين مخفي في كسرة الخرسانة اللي سويتها يركب عليها الفريم ويكون ثابت ومعزول من كل الجوانب عزل قوي عن تسريب الماي ويعطي شكل جمالي بحيث يبين البلاستيك المحبب ينشر النور ومنحني بإنحناء القبة.

http://im31.gulfup.com/6eyQ1.jpg (http://www.gulfup.com/?Z1dUDn)

أتمنى الصورة وضحت وسامحوني على الإطالة.

[مرتبش]

ماشالله القبة عجيبة..
الضوء الطبيعي يرد الروح .. فكرة الطابوق الزجاجي حلوة بسيطة وفعالة

[معماري قطري]

ماشالله القبة عجيبة..
الضوء الطبيعي يرد الروح .. فكرة الطابوق الزجاجي حلوة بسيطة وفعالة

مشكور إخوي .. هذي كنت مخطط لها من الأساس وكانت أصغر وكانت نيتي أسويها كلها بلاستيك خاص وتتركب .. بس تورطت ما حصلت حد ذاك الوقت يسويها ووقت التنفيذ ما قصر المقاول .. أو بالأحرى فورمان المقاول .. سواها بدون زيادة سعر وجاب ناس يشوفونها وخذ الخشب سوى قبتهم نفس الشيء بالضبط .. ووقت الصبغ الصباغ يقول سونا فوق مكان القبة .. مع إن الجو كان حلو ذاك الوقت .. بس السبب إن الحرارة ترتفع لفوق ويكون داخل القبة أكثر مكان حرارة في البيت وتحتها الجو معتدل.