،، العادات المضحكة عند النوم للاطفال ،،

[ضوى]

صباحكم سعادة وفرح وجو جميل يشع البهجة والفرح في القلب

موضوعي خفيف ان شاء الله لنهاية هذا الاسبوع وان شاء الله يعجبكم ويحفزكم للمشاركة :)

بسم الله ابدا الموضوع وبالصلاة والسلام على النبي الصديق الأمين عليه افضل الصلاة والسلام ..

كنت فيما مضى اسمع عن عادات غريبة للاطفال اثناء النوم من الأباء والامهات من حولي وكنت اقول معقول فيه اطفال كذا ، غريب ، لاني لم اعاني الحمد لله في اطفالي الثلاثة قبل العليا ، ولكن منذ قدوم العليا نور العين تلاشى هذا الاستغراب بعد ما فاجئتني بعادات حلوة صحيح بس متعبة لي ،
كمثال لما اعنيه من عادات النوم لدى الاطفال ما كانت تقوله اختي انه ولدها الكبير يمسك شفايفها وينام وياويلها اذا التفت يمين او يسار لازم على جهة واحدة لين يستغرق تمام في النوم !!! والصراحة هذي صدقتها فيها لانه مارسها معاي :secret:

واحدة من صديقاتي تقول ولدها ماينام الا لما يمسك اذنها لدرجة كم مرة يجرحها ويطلع دم :eek5:

مديرتي تقولي ولدها الصغير ماينام لين الحين عمره 6 سنوات الا وهو ماسك شعرها !!

الصراحة اشياء غريبة ومتعبة واشوفها ضارة ولازم مايتعود الطفل عليها ،

اسم الله على بنتي اهون منهم شوي عادتها الغريبة في النوم هي كالتالي :-

لازم المها من عالجنب ولازم راسها يضرب في حنجي ولازم يدي تحت راسها واليد الثانية لامتها وحاطة اصابعي على خداها وتلصق بطريقة متعبة :( ، اتيبس طول الليل من نومتها الغريبة وياويلي لو تحركت تقعد وتعصب وتهاوش وتقول ماما ماما ، مامي مامي ولازم نرجع لنفس الوضعية ، مستحيل تنام اذا محد يلمها وينام معاها ولازم انا مب اي احد بس اذا اضطرت مسكت ابوها :)


هاي بعض العادات عند الاطفال في النوم ، وياترا انتوا شنهي عادات اطفالكم في النوم وطقوسهم الغريبة ؟؟


انتظر مشاركاتكم اللي اكيد بتخلي الموضوع ممتع ان شاء الله

[شبح الصمت]

عليه أفضل الصلاة والسلام

يالبيه اليهال كفايه اياديهم الصغيره وكفايه يوم يجون وينحشرون وسط حضنج

انا بنتي الصغيره ما تنام إلا وهي على كتفي وقبل لا تنام مدري تسوي حركات اتم تمسح على وجهي وعلى رقبتي لين تنام وادخل يدها في الفانيله

الله يخلي لكم عيالكم ويخلي لنا عيالنا

:p
اللهم آمين

[ضوى]

عليه أفضل الصلاة والسلام

يالبيه اليهال كفايه اياديهم الصغيره وكفايه يوم يجون وينحشرون وسط حضنج

انا بنتي الصغيره ما تنام إلا وهي على كتفي وقبل لا تنام مدري تسوي حركات اتم تمسح على وجهي وعلى رقبتي لين تنام وادخل يدها في الفانيله

الله يخلي لكم عيالكم ويخلي لنا عيالنا

:p
اللهم آمين



اللهم امييييييييييييييييييييييييييين

ايه والله فديتهم اليهال كفاية ايدهم الصغيرة الحنونة وتحس نعومة الدنيا كلها فيها والا الابتسامة والا الضحكة والا البوز صج صج صج فرحة الدينا ربي لا تحرم احد منهم

[حميداني]

ما شاءالله عالموضوع جداً حلو
الله يحفظ اعيالكم لكم

[بنت مريخ]

ولدي ماينام الا ويده الثنتين حولين رقبتي ويمسك بقو
فديته يتكلم بصيغه الجمع يقولي أخاف تشردون عنا
ههههههه

[الزلزال]

زينه الحياه المال والبنون

[sara jsm]

واحد من عيال عمي مايرقد الا ومفتاح سيارة ابوه في ايده ,, وان شالوه منه يقعد ويتم يصيح ,, :o
وواحد ثاني مايرقد الا والمصاصه في ايده ,, وحاضن البرنوص ,,

اشياء غريبه فعلا ,, بس ترى حتى احنا الكبار لنا طقووس ,,
ممكن اي حركة ماتخلينا نرقد ,,

[رذاذ]

عادة ولدي قبل النوم يمسك يدي ويحطها على فمها ويشلها مع اصدار صوت با باب با باباباباااباباابابااباباابا

الحركه الثانية امسك يده واقعد انفخ عليها بالقوة مع اصدار صوت نفس محرك الطيارة ويقعد يضربني على فمي .

الحركه الثالثة يشل المصاصة اللاهيه من حلجة يعطني اياها مره ويعصب وياحطها في فمه الين ما ينام وهي في فمه .

بس الحركه الاكثر يسويها في يلعب بدراجتة ويطلع كل شوزات امه وييغير اماكنهم


قطــــــــر لووف شاف ولدي شله تصدقون ما يبي يرجع لي من كم يوم


بسم الله مشالله عليه بكل شي يتدخل فيه طالع لابوة
http://www.qatarshares.com/vb/attachment.php?attachmentid=82365&stc=1&d=1358423065

[نوار قطر]

فديييييت اليهااااال وفديت حركاااتهم

فديتها بنتي تعلمت من صغرتها ان لا زم المهًّا وراسها على ذراعي والعب في شعرها لين ترقد بس صج تعبتني ماشالله كبرت وللحين ماترقد الا اذا لميتها وحطت راسها على يدي ،،، لي قلت لها رقدي يابنت تقول اول عطيني يدج ،،،:rolleyes2:

[عاهد بن علي]

عادة ولدي قبل النوم يمسك يدي ويحطها على فمها ويشلها مع اصدار صوت با باب با باباباباااباباابابااباباابا

الحركه الثانية امسك يده واقعد انفخ عليها بالقوة مع اصدار صوت نفس محرك الطيارة ويقعد يضربني على فمي .

الحركه الثالثة يشل المصاصة اللاهيه من حلجة يعطني اياها مره ويعصب وياحطها في فمه الين ما ينام وهي في فمه .

بس الحركه الاكثر يسويها في يلعب بدراجتة ويطلع كل شوزات امه وييغير اماكنهم


قطــــــــر لووف شاف ولدي شله تصدقون ما يبي يرجع لي من كم يوم


بسم الله مشالله عليه بكل شي يتدخل فيه طالع لابوة
http://www.qatarshares.com/vb/attachment.php?attachmentid=82365&stc=1&d=1358423065

الحركه ( الثانيه ) ما حب صوتها :anger1::anger1::anger1:

[راشد محمد]

انا بنتي ما ترقد الا وبرنوصها الصغير وياها..تاخذه واها ويزحف وراها لين ما ينظف البيت..

[Qatari1981]

للأمانه انا تقيدت بكلام دكتوره من اول مارزقني الله بالذريه

الا وهي ان عودت ولدك في يوم على خمس دقايق من حاجه
ما فغداً لن يسكت من الصياح الا بعد 10 د وان تماشيت معه فبعدها لن يسكت
الا بعد 20 د من البكاء وهكذا الين تصبح عاده وعندها يكون انت تحت رحمته
وفوق هذا راح تخرب ولدك او ابنيتك ان تعود على شيء والسبب دلعك له

[نوار قطر]

للأمانه انا تقيدت بكلام دكتوره من اول مارزقني الله بالذريه

الا وهي ان عودت ولدك في يوم على خمس دقايق من حاجه
ما فغداً لن يسكت من الصياح الا بعد 10 د وان تماشيت معه فبعدها لن يسكت
الا بعد 20 د من البكاء وهكذا الين تصبح عاده وعندها يكون انت تحت رحمته
وفوق هذا راح تخرب ولدك او ابنيتك ان تعود على شيء والسبب دلعك له


اي حلو ان نعلم اليهال ونعودهم بس عاد مب انخليهم ينفلقوون من الصياح ونقول بيصيحون وبيسكتون ،،،، ولازم ندلع اليهال عيل شلون بيحسوون بمحبتنا لهم شلون بيحسوون فينا ،،، يعني نكون وسط مااندلعهم الدلع الماصخ ولا نكون جافين قاسيين عليهم

[البرق الصاعق]

اي حلو ان نعلم اليهال ونعودهم بس عاد مب انخليهم ينفلقوون من الصياح ونقول بيصيحون وبيسكتون ،،،، ولازم ندلع اليهال عيل شلون بيحسوون بمحبتنا لهم شلون بيحسوون فينا ،،، يعني نكون وسط مااندلعهم الدلع الماصخ ولا نكون جافين قاسيين عليهم

بجد كلامك درر وحلو ليت الكل نفس تفكيرك

[نوار قطر]

بجد كلامك درر وحلو ليت الكل نفس تفكيرك

تسلم اخوي :nice:

[aspirin]

كمثال لما اعنيه من عادات النوم لدى الاطفال ما كانت تقوله اختي انه ولدها الكبير يمسك شفايفها وينام وياويلها اذا التفت يمين او يسار لازم على جهة واحدة لين يستغرق تمام في النوم !!! والصراحة هذي صدقتها فيها لانه مارسها معاي :secret:









الصراحه ما اقدر اعلق على الموضوع لان الولد كبير وينام مع امه ؟؟

[ضوى]

الصراحه ما اقدر اعلق على الموضوع لان الولد كبير وينام مع امه ؟؟

ماشاء الله عليكم

ولدها الكبير حاليا عمره 7 وعمره يوم كان ينام عندها سنتين وانا قلت الكبير يعني البكر لانه عندها غيره اصغر


اقروا بصفو نية مب كل شي تفسرونه غلط يعني ولد 5سنين بينام عند امه !

[aspirin]

ماشاء الله عليكم

ولدها الكبير حاليا عمره 7 وعمره يوم كان ينام عندها سنتين وانا قلت الكبير يعني البكر لانه عندها غيره اصغر


اقروا بصفو نية مب كل شي تفسرونه غلط يعني ولد 5سنين بينام عند امه !





ماشاء الله علي :d دوووم وليس يوم ,
وانتي المفروض كان ذكرتي عمر الولد بدل كلمه كبير ؟؟

على العموم حصل خير وانا يوم صغير وكان عمري 4 سنوات تقريبا كنت انام واصابع ايديني الثنتين متشابكه هذا ما قالته لي امي .

[بصمة قطرية]

انا بنتي ما ترقد الا وبرنوصها الصغير وياها..تاخذه واها ويزحف وراها لين ما ينظف البيت..

هاي حركة ولدي من صغره :secret:
الحين في صف أول و لين اليوم يمسك برنوصه
و صبعه في حلجه :rolleyes2:

[حنان k]

هاي حركة ولدي من صغره :secret:
الحين في صف أول و لين اليوم يمسك برنوصه
و صبعه في حلجه :rolleyes2:



وماهي البرنوصه ؟؟ :shy: والله ما عرفتها وعجز مخي يفك الشفره :rolleyes2:

[حفيد الأنصار]

وماهي البرنوصه ؟؟ :shy: والله ما عرفتها وعجز مخي يفك الشفره :rolleyes2:






مثلك .. عجزت أعرف

[حميداني]

وماهي البرنوصه ؟؟ :shy: والله ما عرفتها وعجز مخي يفك الشفره :rolleyes2:

برنوص عائد على الصبي , فيقال برنوصه هو
برنوصه

وله مسميات اخرى مثل الحاف او غطاء السرير

:) حبيت اوضح لا اكثر

[لاجل QT]

عاد النومة العجيبة عندي:eek5:

كل وحدة عندها غرفة خاصة ماستر

والنومة وين:(

على سرير الفقيرة لله:weeping:

اكتساح واحتلال جماعي لسريري:weeping: ..تخيلو 4 ينامون على سرير واحد كانة مركب سيرلانكى مهرب لة عمال:weeping:

طبعا غير الترفس والكدمات والتلطش بالايدي اثناء النوم:weeping:

احس انى مستغلة اموميا:weeping:

على قولت عادل امام سيبين الشئة ونايمين في اوضة

يلا حلالهم ههههههههه:nice:

شاسوي:shy:

[لاجل QT]

وماهي البرنوصه ؟؟ :shy: والله ما عرفتها وعجز مخي يفك الشفره :rolleyes2:

برنوص= بطانية

لحاف:)

[بصمة قطرية]

وماهي البرنوصه ؟؟ :shy: والله ما عرفتها وعجز مخي يفك الشفره :rolleyes2:

يمسك برنوصه
الكلمة عائدة له يعني الطفل
البرنوص أصل الكلمة
و أعتقد كلمة برنوص ما يبي لها تفسير ..
الكل يقول برنوص ..!!!

[ضوى]

الله يخلي لكم عيالكم ياااارب ويحفظهم

[شبح الصمت]

الصراحه ما اقدر اعلق على الموضوع لان الولد كبير وينام مع امه ؟؟




اخوي ممكن وتسمح لي اتكلم

شوف الله يسلمك الولد في نظر امه طفل
احنا في نظر امهاتنا الله يطول بأعمارهم أطفال مهما بلغنا من العمر
اهي لها نظرة غير عن الأب

انا يوم مره ضربني الدول وكنت أتلم وكان عمري قريب الـ 14 سنه ضربوني ابره ورديت البيت ما قدرت انام اتقلب واتلم جات امي الله يحفظها ومسدتني ولمتني ونمت ترى الأم احساس صعب على احد يحس فيه غير الي يحترم امه ويحبها

الله يقدرنا ونرد جمايلها بالطاعه والحب
والله يسامحنا ان قصرنا في حقوق والدينا

والله يغفر لنا ولكم إن شاء الله

[الغني بالله]

وماهي البرنوصه ؟؟ :shy: والله ما عرفتها وعجز مخي يفك الشفره :rolleyes2:

البرنوص = البرنوس
http://ar.wikipedia.org/wiki/%D8%A8%D8%B1%D9%86%D9%88%D8%B3

[ضوى]

للرفع

[منهم وفيهم]

موضوع رائع اختي ضوى

[qatarman8008]

البنات عجيبين في حركات النوم .. واذا جيت تغطيها من البرد تقول لك شكرا يا بابا ..
اما الاولاد بس تقرب وجهك منه تبي تبوسه .. اشوي الا ضاربك كف سوبلكس .. شعب جنجل ..
الحق علي اني جيت ابوسك بالدب ..

[ضوى]

الاولاد دفشين عكس البنات الله يحفظهم كلهم يااارب

[NINA RICCI]

انا بنتي الله يحفظها ماتنام الا بحظني واذا نامت حطيتها في سريرها .. الحمدلله مب متعبتني وايد

والله يخليلكم عيالكم