يافرحة ما تمت ياللجنة الطبية

[ابوعلي]

السلام عليكم ورحمة الله وبركاته

من اسبوعين الحمدلله المرضى ومرافقينهم بتايلند افرحوا بتطبيق نظام الزيادة في المصروف الاسبوعي والي فعلا هالزيادة فكت ازمتهم بعد ما كان المريض ومرافقه يدفعون مبالغ اضافية من جيوبهم

لان في السابق كان يدوب المصروف يكفي السكن وشي بسيط من مصاريف الاكل وطبعا هناك مصاريف ثانيه مثل غسيل الملابس والمواصلات والاتصالات بالاضافة الى الأكل

الحمدلله ديرتنا بخير ونعمه والمرضى ومرافقينهم الله يكون بعونهم بالسفر والغربة وهالامر صعب عليهم ونجي نحملهم اعباء اضافية

الكثير مستائين من الي صار وتم مراجعة اللجنة الطبية ولكن الجواب ان هناك تعليمات من الدوحة بوقف المصروف الاضافي



نتمنى نحصل رد من اللجنة الطبية بالدوحة

[المهاجر]

عليكم السلام ورحمة الله وبركاته

الله يشفي كل مريض ويردهم سالمين متعافين وتقر عين اهلهم بهم

احتمال اخوي ابوعلي إن في تعديل او قرارات جديده ستصدر ولهذا تم ايقاف القرار بالزياده

وإن شاء الله يكون شي افضل للمرضى فالدوله ماتقصر ودائماً سباقه في مثل هالأمور

والله يحفظ قائنا ووالد الجميع

سمو الأمير وولي عهده الأمين

وتأكد إن ما وقفوا هالأمر إلا إن هناك أمر افضل للجميع

الله يشفي والدتك يارب وترجعون سالمين

[عاهد بن علي]

عسى الله يشفي كل مريض

[لطيف الروح]

الله لا يحدنا لهم ولا لاغيرهم

[بصمة قطرية]

في قرارات كثيرة بتصدر قريب ..
الله يكون بالعون ..
الله يشفى مرضانا و مرضاكم و مرضى المسلمين ..

[intesar]

نتمنى الخير إن شاء الله..

[حمد 2002]

الله يشفي مريضكم والله لايحوجنا لهم انشاءالله

[وحيد-الشوق]

اللجنة الطبية من اسمع هالأسم تجيني الضيقه

لجنة ظالمة همها ذل المواطن وبهدلته يطلع لك العلاج وتسافر يليت ترتاح الي يزيدونك هم ومرض مافي تمديد ماجانا رد ماوصلنا ايميل مافي ضمان مالي في المستشفى وخرابيط وايد مالها اول ولا تالي تراكض في الدوحة وفي الغربة بعد

[الخزرجي قطر]

الله يشفي ويعافي كل مريض ويردهم سالمين الى ديرتهم واهلهم
ويعينكم على الغربه وتتيسر اموركم مع اللجنه الطبيه ان شاءالله

[Aaziz]

السلام عليكم

بخصوص تايلند. اعتقد غرد الساعي قبل فتره بان الزياده لن تشمل تايلند فقط و ستشمل باقي الدول.
و اعتقد السبب ان مرضا تايلند جاتهم زياده قبل اشهر بسبب ان تقييم المصروف الاسبوعي لهذه الدوله كان قديم و خلال اخر سنتين زادت تكلفه المعيشه في تايلند و السكن بشكل كبير و المخصصات باقيه مثل ماهي. ولكن تقرر لهم زياده خاصه قبل اشهر. هذا الي انا اعرفه

و ما ادري حسب فهمي من الموضوع كانه تصرف لهم زياده خاصه او شي و تم وقفها.

الاكيد ان العلاج في الخارج فيه تغييرات كثيره و نقول عله خير و في مصلحة المريض ان شاءالله

[Abdullah_89]

اللجنة الطبية من اسمع هالأسم تجيني الضيقه

لجنة ظالمة همها ذل المواطن وبهدلته يطلع لك العلاج وتسافر يليت ترتاح الي يزيدونك هم ومرض مافي تمديد ماجانا رد ماوصلنا ايميل مافي ضمان مالي في المستشفى وخرابيط وايد مالها اول ولا تالي تراكض في الدوحة وفي الغربة بعد



بالضبط :rolleyes2:


كلامك صح 100% :nice:

[بوحارب]

فيه استشاري اعرفه يقول اللجنة عندنا متعبه وترسل على كيفها وعلى حسب المزاج وليس على حسب الحاله

لين متى هالخربطة في اللجنة !!!

الله يشفي مريضكم اخوي بوعلي وجميع مرضى المسلمين :)

[دنيا الاسهم]

الله يشفي جميع مرضى المسلمين اللهم امين

[ابوعلي]

عليكم السلام ورحمة الله وبركاته

الله يشفي كل مريض ويردهم سالمين متعافين وتقر عين اهلهم بهم

احتمال اخوي ابوعلي إن في تعديل او قرارات جديده ستصدر ولهذا تم ايقاف القرار بالزياده

وإن شاء الله يكون شي افضل للمرضى فالدوله ماتقصر ودائماً سباقه في مثل هالأمور

والله يحفظ قائنا ووالد الجميع

سمو الأمير وولي عهده الأمين

وتأكد إن ما وقفوا هالأمر إلا إن هناك أمر افضل للجميع

الله يشفي والدتك يارب وترجعون سالمين

اللهم اميين

والله يجزي كل خير سمو الامير عسى الله يحفظه ويحفظ ولي العهد ماقصروا ولا يقصرون على اهل قطر

ولكن اخوي المشكلة في اتخاذ قرار وثم ايقافه بسبب كلمة ان هل تعتبر تايلند من شرق اسيا ولا جنوب شرق اسيا لان قرار صرف الزيادة لدول ذات اتجاه معين على الخريطة في اسيا

[La Bella]

ميزانيت العلاج في الخاااارج مفتوووحة بدووون سقف اعلى
وذالك بفظل الامير حفظة الله
بس اللجنة الطبية هي الي تضيق على خلق الله

[ابوعلي]

عسى الله يشفي كل مريض

اللهم امين

[asd111]

اعتقد المبلغ اللي كان يعطونه لكل واحد 75دولار وسار 150دولار والشخص عليه
السكن والأكل والتنقل وغسيل الملابس وكل شئ اعتقد أن حتى بعد الزيادة ما تكفي
ليش يرجعونها .لو وصل صوتي وصوتك وصوت الغير لسمو الأمير وولي العهد ما عندي شك أن ما يقصرون هم قاعدين يساعدون الغير مشكورين اشلون اعيال البلاد

[┋أَجِوَدًيّ┋]

عوايدهم مهب شي جديد عليهم


ياللجنة الطبية: اعتبروا أن سبستيان رايح يعالج


ومشوا السالفة


!!!

[ابوعلي]

الله لا يحدنا لهم ولا لاغيرهم

ياخوي هذا حق من احقوقنا مش تفضل من اي احد

[روز باريس]

صدقت اخوي ابو علي هذا حق من حقوقنا محد يتفضل علينا الدولة في خير ونعمة

[ابوعلي]

في قرارات كثيرة بتصدر قريب ..
الله يكون بالعون ..
الله يشفى مرضانا و مرضاكم و مرضى المسلمين ..

اللهم امين

ولكن نتمنى هالقرارات تنصدر بعد دراسة وافيه ولصالح المواطن ومافي تراجع لأي قرار

يعشمون الناس ويفرحونهم وعقب يقولون بالغلط للاسف