استشاره في إسطنبول

[sos 12]

السلام عليكم ورحمه الله وبركاته

ممكن مساعده في رحله إلى تركيا ... الفترة 9 أيام ... راح اقعد اول 3 أيام في إسطنبول وتقريبا حجزت في Rixos Pera istanbol ... شرايكم في هذا الفندق ؟ ... وممكن اترشحولي فندق أحسن منه ... وناوي أن شاء الله أروح بورصة 3 أيام في فندق هيلتون بورصة ... وعندي 3 أيام مب عارف اخطط أروح وين .. ارجع إسطنبول ولا أروح مكان ثاني ... طبعا الرحلة هذي حق عيالي خاطرهم يشوفون الثلج ... وناس قالوا لي بورصة مب محتاجه 3 أيام ... وأنا محتار الصراحة .. ياليت من الي عنده خبره يوجهني ويساعدني على تخطيط الرحلة ... وشكرا

[الصقر999]

أخوي العزيز اسطنبول يبيلها أكثر من 3 أيام يعني ممكن تخلي 3 ايام اسطنبول بعدين 3 بورصة وبعدين 3 اسطنبول وزعهم على الأسواق والمتاحف ورحلات البسفور وعندك بعد حديقة المجسمات المينيا تورك حلوة حق العيال والاكواريوم في منطقة فلوريا وبورصة حلوة 3 أيام خصوصا ألحين موسم التزلج وانشاء بيستانسون اليهال مع الثلج

[طاش]

تروح وترجع بالسلامة

[al_jo0ory]

اسطنبول بروحها يبي لها اسبوعين علشان تستانس فيها عدل ... لو تخليها 6 أيام في اسطنبول و3 في بورصة بيكون حلوو مع إن بورصة رحت لها فالصيف وأحس يوم أو يومين وايد عليها عاد مادري شلون تكون بالشتا ... وإذا تقدر تروح يلوا بيكون أحسن وأحسن بالنسبه لي هي أحسن من بورصه بواااااايد

[الخزرجي قطر]

شوف منتدى زاد المسافر او منتدى العرب المسافرون
في بوابة السفر الى تركيا وراح تحصل معلومات كثيره ووافيه

[abdo222]

6 ايام في اسطنبول ممتازه، والحين الجو يسمح بيوم او يومين بالكثير في بورصه (انا اشوف لو تاخذون رحله يوم واحد الى بورصه كفايه ومب لازم تنامون في بورصه شوفوا قروب الحران عندهم عروض زينه) بورصه حلاتها في منطقه الجبل "جبل يولدغ" والحين كله ثلج، والثلج موجود في منطقه "يالولا" بعد،

بخصوص الفندق انصح ب مرمره الي في "تقسيم"

[BoAof]

خلها 3 ايام اسطنبول وعقبه 3 بورصه وعقبه 3اسطنبول

بخصوص الفنادق عن نفسي جربت كمبنسكي فوق الممتاز وجربت غراند حياه فوق الممتاز
واذا انت تحب الزحمه جرب مرمره تقسم مكانه استراتيجي في اول شارع تقسيم الحلو فيه انك تطلع من الفندق على شارع تقسيم مباشرة

وبورصه سكنت في الهلتون وانصحك فيه وبقوه من اجمل فنادق بورصه واحدثها
ولا تنسى تمر على مطعم حجي دايخ لانه جد يدوخ
بورصه هاديه ومافيها زحمه حلوه للرحلات والشواء في الشتاء اجواء مميزه

واي استفسار انا حاضر
تروح وترجع بالسلامه تركيا مستحيل احد يروح لها وما يفكر يرجع لها مره ثانيه من جمالها

[ماجد البدر]

نعم اخي العزيز بورصة حلوة في الشتاء و3 ايام فعلا كثيره ممكن يومين لانك بتروح الثلج وبيلعبون العيال وبعدين ماعندك شي في الصيف قعدنا يومين ونشوفهم طوال جدا الحين مع الشتا بيكونون اوكي بورصة مش بعيده عن اسطنبول تقدر تروح الصباح و ترجع في الليل بس تاكد الحجز بالعبارة لو تشوف مكتب الطيار وموقعه في ميدان تقسيم او تبحث عن عنوانه في النت هو يرتب رحلات و معروف وثقة
او تروح بنفسك و تحجز بنفسك
اسطنبول في الشتا ممكن تروح المتاحف و المولات مثل مول جواهر مول ومدينة مني تورك وتروح جولة بالبسفور مع ان الجو بارد جدا تقدر تروح اوكاريوم اسطنبول احواض السمك وبعض الاسواق الشعبيه

[ماجد البدر]

مكاتب الحران م ايمدحونها وفيها مشاكل في عدم الدقة و الله اعلم

[sos 12]

يعطيكم العافيه وماقصرتوا ... فعلا نصائح مفيده ... ما عندكم فكره عن الفندق الي في إسطنبول (ريكسوس بيرا إسطنبول ) ... واش ترشيحكم من الفنادق الي في إسطنبول ... وكلمت سائق قالي أكون معاك اليوم كامل على ظ،ظ§ظ* دولار ... هل المبلغ هذا واجد؟ بيني وبينكم مابي عوار راس لان عيالي اقل من ظ،ظ* سنين وسالفه التكاسي ممله إذا كل واحد ومشوار اقعد أتكاسر معه وهواش إلا ليش ما شغلت العداد .. الخ
هل احد من الإخوان امجرب واحد زين وثقه يكون معاي الفترة هذي... وشكرا

[ماجد البدر]

المبلغ مش واضح مادري ليش ياريت تكتب المبلغ او تكتبه كتابه على العموم اعتقد اسعارهم من 100 الى 150 دولار لليوم مع اخذ في الاعتبار ان بترولهم غالي وبيكون معاك افضل بكثير من التكاسي اشكال و الوان لو نسيت عنده شي راح عليك

[ماجد البدر]

بنسبة الى الفنادق فندق فريزر روعه ونظيف واثاث راقي وعبارة عن شقق وكل شي تحت عنده ولكنه بعيد شوي على ميدان تقسيم بعيد على المشي ولكن بسيارة قريب

تحته مطعم حلاق كارفور كوفي اضافة الى الفندق نفسه فيه حديقة والعاب اطفال ومسبح قد لاتشاهدهم امامك ولكن تحتاج الى السؤال عنهم موفق ان شاء الله

[sos 12]

المبلغ مش واضح مادري ليش ياريت تكتب المبلغ او تكتبه كتابه على العموم اعتقد اسعارهم من 100 الى 150 دولار لليوم مع اخذ في الاعتبار ان بترولهم غالي وبيكون معاك افضل بكثير من التكاسي اشكال و الوان لو نسيت عنده شي راح عليك

المبلغ مائه وسبعون دولار ... طيب أتعرف حد تعاملت معه تعطيني رقمه .. وشكرا

[ماجد البدر]

لا والله ماعندي حد معين ولكن مكتب الطيار الي مقره في ميدان تقسيم كثير يمدحونه وتعاملت معاه على الشحن وناس مرحبيبن و بشوشين
عادتا اخذ سيارة ايجار من النت او من المطار واطلع فيها واسوق بنفسي بس السواقة ممله بنفسك خاصة في اسطنبول تتوهق مع المواقف و الدلاله سائق بيومية وايد احسن
و السيارة الايجار تسوقها بنفسك تصلح لو بتطلع خارج اسطنبول روعه من قلب وميزاتها كثيره

[وحش قطر]

اتصلي بضبطكم

[abdo222]

170 غالي كتكسي فقط !

شركه الحران انا تعاملت وياهم في تقريبا 7 او 8 رحلات, وارتحنا وياهم الحمدلله, كنا في الشتاء فكان عدد الناس الي ويانا ما يتعدى ال 6 والحلو كلهم خليجين, وحتى اعطونا اخر رحله بنص السعر :) لاننا كنا وياهم في كل الرحلات تقريبا,,

انا انصح فيهم لانه اسعارهم مباشره وتدفع قبل ما تتحرك لو تبي, والسعر متضمن المواصلات من والى, والاكل وتذاكر الدخول, واشترط دائما يكون المرشد وياكم لو شفته قعد في الباص قولوه تعال ويانا,,
بخصوص الاطفال تقدر تتفاصل وياهم كلهم يتكلمون عربي, وبالشتاء زباينهم شوي, فتقدر تفاصلهم شوي بالاسعار,,

[عوآآآآشـي]

يعطيكم العافيه على المعلومات لاني قريب رايحة تركيا ان شاء الله

[ولد الغانم]

مرحبا أخوي/ عندي واحد باسطنبول عنده فان صغير اليوم بـ 150$

وعندي واحد في بورصة بـ 130$ بس سيارتة صغيره

وثنينهم ممتازين .. وهم ايسوون لك جدول اذا انت مادل

بخصوص رحلتك 3 ايام اسطنبول و 3 ايام بورصة و 3 ايام اسطنبول

وبورصة بتستانس فيها مع هالسايق بيضبطك

:victory:

[sos 12]

مرحبا أخوي/ عندي واحد باسطنبول عنده فان صغير اليوم بـ 150$

وعندي واحد في بورصة بـ 130$ بس سيارتة صغيره

وثنينهم ممتازين .. وهم ايسوون لك جدول اذا انت مادل

بخصوص رحلتك 3 ايام اسطنبول و 3 ايام بورصة و 3 ايام اسطنبول

وبورصة بتستانس فيها مع هالسايق بيضبطك


:victory:
يعطيك ألف عافيه .. ممكن الرقم الرجال الي في اسطنبول وبورصة .. جزاك الله خير.

[امواج]

ممكن رقم شركة الحران جزاكم الله خير

[نورهان88]

شركة الحران ,,,,

00905333955557

عمر 00905335931500