المساعد الشخصي الرقمي

مشاهدة النسخة كاملة : عاجل جدا بنتي تبكي كل يوم ..


QAT2020
18-01-2013, 01:22 PM
السلام عليكم.

عاجل جدا بنتي تبكي كل يوم .. رجاء مطلوب عيادة اسنان تربط الاطفال للعلاج نفس الصحه المدرسية لان مواعيد الصحه بعيده جدا واللي يعرف احد يقرب لي موعد له مني دعوه في ظهر الغيب والله ، وذلك لان عندي طفلتي تعبت معاها لاتستجيب لاي دكتور او دكتورة اسنان تجلس تصيح وتصارخ وتسكر فمها وهي تشتكي من تسوس في الاسنان وكل يوم تصيح وانسكتها بالادول .
جربت كل الطرق معها تحفيز تهديد ترغيب وعد وعيد كل شيء ما فيه فايده اريد :cry2::cry2::cry2: حلاً رجاء .. عاجل جدا بنتي تبكي كل يوم ..
ورده البنفسج
18-01-2013, 03:31 PM
شوفي اختي عندج عياده الكندي في النصر تدخلين صور المخازن بكون على يدج اليسار وكملي سيده لين ما تاخذين الشارع اجباري يمين عيادة الكندي على يسارج
في دكتور تحت له باب بروحه يسار الدرج اسمه محمد نبيه
ممتاز وحلو شغله ومرتب والرجال ما عنده خرابيط انا اسوي اسناني عنده
النهار
18-01-2013, 03:37 PM
في دكتوره هنديه كبيره في العمر شاطره في الاهلي تخصص اطفال
صار مع ولدي نفس الشي سبحان فقط عندها فج حلجه
أبورودي
18-01-2013, 04:55 PM
نصيحه اخى لا تستعمل الترهيب مع ابنتك لان نفس المشكله كانت مع ابني
الحل الوحيد انك تطلب موعد فى الرميله وتعمل علاج اسنان كامل تحت تخدير كلى وتقوم بمعالجه كل الاسنان مره واحده ولايوجد بها خطوره مطلقا
طبعا انا مقيم لم استطع تحصيل موعد سريع فذهبت للقاهره وسويت العمليه فى مستشفى اسنان متخصص تحت تخدير كلى والحمدلله الامور طيبه

لكن نصيحه لا داعى للتخويف او ترهيب الطفل اطلاقا الموضوع فعلا صعب نفسيا على الاطفال
واذا تبي معلومات اكثر راسلنى برقمك على الخاص
تقديري
feva qatar
18-01-2013, 05:01 PM
في الكيالي دكتور اوس شاااطر وواخذت له ولدي الحمدلله استجاب للعلاج معاه
QAT2020
18-01-2013, 08:09 PM
بارك الله فيكم اخواني واخواتي على النصائح ، ولكن انا تعبت معاها والله كل يوم تقول خلاص ابي اروح ولم نوصل تصيدها حاله هستيرية اطلعني من طوري ، واللي يعرف احد في الصحه المدرسية او الرميله ابيه يقدم لي الموعد لاني بسافر في اول فبراير للعلاج وماعندي وقت ضيق الوقت لدي ، ارجوكم اللي يعرف احد لايبخل علي ...
الفارس
19-01-2013, 03:56 AM
روحي مستشفي الوكره لاسنان عند عند الدكتور عبد الكريم المندني وهوقطري مدير قسم الاسنان في مستشفي الوكره عيالي كلهم عنده جدا ممتاز وممكن يدخلها علي طول متخصص اطفال
لاجل QT
19-01-2013, 05:32 AM
يعتمد على اسلوب الدكتور..لازم يكون ودود مع الطفل وبالة طويل

الله يعينج انا مريت بنفس الظرف.. بنتى عمرها 9 سنوات..عقب ماطلعت من الدكتور وهي تصارخ وتبكي وماسوينة لها ضرسها اللى منفخ وجهها

قعدت اصيح في السيارة...خوفا عليها ومن الحيرة ماعرف شاسوي

ثاني يوم جاتنى تقولي ودينى ماما الدكتور وباتحمل على شانج مابي اشوفج تصحين ..الظاهر حالى ذاك اليوم اثر في نفسية بنتى وخلها تتحمل الم الابرة والورور وهذا اللى صار فعلا

اجلسى جمها وامسكي يدها وحاولى تطمئنينها واوعديها بايس كريم لين خلصتو او مشوار محبب لها

ماتشوف شر الصغيرة
Dana’1
19-01-2013, 07:09 AM
في دكتورة بعيادة خاصة تخصص أسنان للأطفال ممتازة مشاءلله عليها عن تجربة مع بنتي يدها خفيفة تسايس الطفل...حتى ما تشوف إيش بيدها كلش كلش...أول جلسة لا عبتها بالماي وتنظيف خفيف وتوريها إياة زي الفرشاة وتجربها على اليد وتصوير تكسر حاجز الخوف بس وبعد كل جلسة تعطيه لبعة بسيطة يو يو وهالشغلات ينبسط الطفل فيها
عقب ثاني موعد تشتغل عليها بعد بخفية يد..عطيها خبر إن البنت عندها رعب
بس أسعارها مرتفعة

عيادة الدكتورة سلوى درويش
QAT2020
19-01-2013, 10:24 AM
بارك الله فيكم على النصائح ، والله يا اخواني وياخواتي ان وجها انتفخ وموب راضية تروح تتحمل الالم ولا تروح للاسنان على فكرة بنتي عمرها 4 سنوات انا اكلمكم عن عمر اربع سنوات ، شاسوي معاها ماتبي تروح اربطها واوديها للعيادة والله ما اعرف شاسوي .. :eek3::eek3::eek3:
QAT2020
19-01-2013, 09:53 PM
طيب حد فيكم يعرف احد في الصحه المدرسية .. ضروري بارك الله فيكم .
أبورودي
20-01-2013, 11:13 AM
حاولى مباشرة مع الرميله لان التخدير الكلى هناك وتعملى كل اسنانها
ولد العرب
20-01-2013, 11:25 AM
نصيحه اخى لا تستعمل الترهيب مع ابنتك لان نفس المشكله كانت مع ابني
الحل الوحيد انك تطلب موعد فى الرميله وتعمل علاج اسنان كامل تحت تخدير كلى وتقوم بمعالجه كل الاسنان مره واحده ولايوجد بها خطوره مطلقا
طبعا انا مقيم لم استطع تحصيل موعد سريع فذهبت للقاهره وسويت العمليه فى مستشفى اسنان متخصص تحت تخدير كلى والحمدلله الامور طيبه

لكن نصيحه لا داعى للتخويف او ترهيب الطفل اطلاقا الموضوع فعلا صعب نفسيا على الاطفال
واذا تبي معلومات اكثر راسلنى برقمك على الخاص
تقديري

نفس الكلام اخونا الدكتور
كازانوفا
20-01-2013, 02:19 PM
نفس المشكله عندي ونفس العمر ولا في فايده الكل قالي لازم تخدير كاااااااااااامل
elders
20-01-2013, 09:50 PM
شوفي اختي عندج عياده الكندي في النصر تدخلين صور المخازن بكون على يدج اليسار وكملي سيده لين ما تاخذين الشارع اجباري يمين عيادة الكندي على يسارج
في دكتور تحت له باب بروحه يسار الدرج اسمه محمد نبيه
ممتاز وحلو شغله ومرتب والرجال ما عنده خرابيط انا اسوي اسناني عنده

يا الله ما احسنو هاد الدكتور ...الله يوفقو
شرقاويه
20-01-2013, 11:22 PM
حبيبتي الصحه المدرسيه فيها طوارئ طول الاسبوع وصراحه شغلهم لا يعلى عليه نفس بنتي جننتني واخوها نفس الشي والحين علئ طول يسوون لنا مواعيد دوريه لين يكبرون وانا سوو لعيالي تخدير كامل عقب ارتحت صراحه