الطوارئ مايردون !!!!!!!!!!!!!!!!!!!

[jeep-srt8]

السلام عليكم

قبل اسبوع بالظبط

صار معاي موقف

كنت انا وواحد رادين من الخور كان صباح سبت

ونتمشى ريقي ونسولف

شفت ليت موتر ف الصحرا !!!!!!!انا قلت يمكن ليتات الحفريات

عدينا عن الليت الا اشوف رفيجي يقول حاااااااااااادث

رجعنا والله والسواق قام يأشر لنا يوقفنا

كنا اول الواصلين

موتر كورولا منقلب وشكله نام عالخط وقام يوم وصلنا له

تعال اتصل وبلغ ......999 مايردون !!!!!!! انا شغال مع الاسعاف وفحصت الرجال والحمدلله مافيه شي كدمة بس ف يده

المهم 5 دقايق كلش محد يرد !!!!! انزين لو كانت اصابه خطيرة ولا حريق ولا شي !!!!!!!!

اتصلت على 112 وردوا والحمدلله خلال دقيقتين الفزعة عندي و3 دقايق الاسعاف عندي

ارجو الانتباه من الاخوان الي شغالين على بدالة الطوارئ ....وظيفتكم مهمة جداً وانسانية بشكل اكبر ....

[النهار]

اتصلت على 112 وردوا والحمدلله خلال دقيقتين الفزعة عندي و3 دقايق الاسعاف عندي
من اي خط تتصل كيوتل وفودا فون ساعات تكون مشكله في الشبكه
112 هذالرقم دولي للطواري لورحت اي دوله ماتعرف رقم الطواري عندهم دق على 112

999 او 112 هم نفس الشي

[┋أَجِوَدًيّ┋]

يمكن كانوا سهرانين يتابعون برنامج المجلس !!


هذه حياة انسان وكل ثانية فيه كارثة وخطر


لنفترض أن هالشي حدث في دول متقدمة أوروبية


لقامت الدنيا ولم تقعد


لا حول ولا قوة الا بالله

[بنت مريخ]

خدامتنا امس جاها ضيق تنفس وطلبت لها الإسعاف
وجو وشلوها
قعدت في الطوارق ساعتين ونص وأمجا الدكتور يشوفها والنرس قالت لها يمكن الدكتور يجئ الساعه ثنتين او ثلاث
ماليه غير دكتور ين في الطوارى وزحمه

[وحيد-الشوق]

حسبي الله ونعم الوكيل

حلوة هذي طورائ ومايردون

سؤال 112 رقم شنو :telephone:

[jeep-srt8]

112 رقم طوارئ بعد اخوي - وحيد الشوق

[R 7 A L]

فعلاً

عمليات الداخليــة ماعادت مثل ماكانت
اعتقد العاملين فيها الان مدنيين



منا الى المسئولين

[7llo]

غريبه ماخبر 999 مايردون , واول مره اسمع عن 112

[راشد محمد]

112 حق شنو؟؟
فعلا وظيفتهم حساسه الطوارس بس يمكن يصلون او اي شي والله اعلم

[Dana’1]

مثل موقف صارلي مع إختلاف الحدث ..اتصلت وماردوا علي وعدت الإتصال عقب كم رنة قريب تنتهي ردوا!!
وشي رفع ضغطي