تنبيه لكل شخص يتعامل مع (أرامكس) شركة الشحن ~ [الأرشيف]

أم محمد 90

20-01-2013, 09:47 AM

السلام عليكم ،،

حبيت اقولكم بالي حصل معاي وافتح عيونكم اذا كنتو مثلي مدمنين طلبات اون لاين

عندي حساب ف ارامكس وصار لي تقريبا سنة ونص وانا اطلب والله العظيم كل مرة اروح استلم 11 او 10 باكجات اقل مرة كانت 5 باكجات والاوراق عندي تثبت

لاحظت ان كل مرة ادفع 1000 ريال وفوق واقل مرة كانت 400 ريال وشوي
واتضايق من نفسي اقول انا اطلب اشيا رخيصة جدا مثلا شوز فلات سعره حوال الخمسين ريال ليش ادفع 107 ريال شحن له ؟
واخر المرات طلبت اغراض لقطوتي والله كلفتتتتني صج صج مع ان البيت الي طالبته لها ب 135 ريال شحنه ب 474 ؟!

المهم اخر مرة رحت من 4 ايام استلم 10 باكجات و 7 منهم كفرات جوال وجارجات جوال للسيارة واثنين منهم لقطوتي وواحد شوز الله يكرمكم

قالت لي الحساب كامل 808 ؟!
انا شكيت قلت شدعوة كفرات جوال خفيفة جدا ليش شحنها ب 32 و 26
قلت لها لو سمحتي يصير اوزن كل باكج ؟ قالت اي جابت الميزان
قلت لها الكيلو الواحد بكم ؟ قال 74 ! قمت اوزن كل شي واضرب وزنه ب 74
وطلع رخييييييييييص شي بريالين وشي ب8 ريال هي انصدمت قلت لها انتو كاتبين على الباكج وزنه 0.25 وهو وزنه 0.6 !!! قالت مب منا هاي من شركة الارامكس بدبي قلت لها ولو لما يوصل سلوى لازم انتو تردون توزنون كلللل شي مايصير

وبعد ماحسبت كامل حسابي طلع 649 ، لان اغراض قطوتي ثقيلة وغالية شحنها ب 400 وشوي قلت لها من يوم ورايح انا باجي باوزن كللل باكج يخصني ولاتزعلون ونادت المسؤولة وتمت تعتذر وسمعتهم حجي قلت لها انا زبونة دايمة واطلب فوق ال10 اغراض كل مرة وبنفسج تشوفين وتعرفيني ليش كل هالاحتيال والنصب وتمت تحلف ان مب منهم

رجعت البيت طلعت كللل اوراق ارامكس الي عندي وتميت احسب انا يمكن دافعة لهم فوق ال5000 ريال على الفاضي وايد انقهرت والله كل مرة 1000 ريال او 800 او 400 اقل شي

حتى قلت بيني وبين نفسي لو الكراتين للحين عندي جان رجعت اوزنهم قدامهم واخذ حقي حتى لو ارفع قضية او اروح حماية المستهلك اثبت لهم بالاوراق غش ارامكس

مب منهم فتحو فرع يديد وعلى الفلوس الي ينهبونها جان زين يفتحون افرع قريبة سكرو فرع الاند مارك وفرع اللجنة الاولمبية

انتبهو اذا انتو دايما تروحون ارامكس تستلمون باكجات اوزنو كل شي واضربوه ف 74

يعني مثلا لو باكج وزنه 0.19 اضربوه ف 74 وبيطلع لككم الناتج 14.06 ريال

حبيت انبهكم بس ..

sout qatar

20-01-2013, 09:59 AM

شكرا اختي عالتنبيه

بس انا الي اعرفه انا اي شي تطلبه لو ان شاء الله حماية شاشه لازم تدفع اقل شي 41 ريال بغض النظر عن الوزن مادري اذا هالمعلومه صح ولا غلط لاني دوم اطلب عن طريقهم

بس اخر مره طلبت كرسي يهال على 300 وشي ويوم جيت استلمه دفعت عالوزن 500 وشي عقبها قلت خلاص مافي امل اطلب شي عن طريقهم لان وايد امبالغين باسعار الشحن والوزن

أم محمد 90

20-01-2013, 10:02 AM

لا اخوي انت لو وزنته وضربت وزنه في سعر الكيلو الي هو 74 ريال كان طلع لك ارخص
انا معاك طلبت لي مرة ماوس وجدا خفيف الماوس سعره كان 41 ريال بس لو وزنته كان ارخص

هم يتبعون طريقة اسمها (الراوند اب) مثلا او انا اطالبك 164 ريال اقولك يلا عطني 200 ولا تعطيني خردة

يعني هو الوزن يطلع مثلا 0.16 يحطون لك الراوند اب وهو 0.25 يطلع 41

اتمنى انك فهمت علي ..

dream~qa

20-01-2013, 10:37 AM

إذا أنتي تطلبين وايد في بريد أمريكي أسمه nybox ميزته أنج كل شي تشترينه ترسلينه لبريدج عندهم وقت ما تبين يشحنون أغراضج تطلبين منهم أنهم يجمعون كل أغراضج في بوكس واحد ويطلع الوزن أقل .

almaf1a

20-01-2013, 12:18 PM

الوزن بالكيلو او الباوند؟

أم محمد 90

20-01-2013, 12:19 PM

الوزن بالكيلو مش بالباوند

almaf1a

21-01-2013, 09:01 AM

بعد سؤالي لبعض الاخوان
اتضح ان سعر الشحن لا يرتبط بالوزن فقط
بالوزن والحجم ايهما اعلى

بوجاسم 75

21-01-2013, 09:11 AM

الله يجزاج الف خير اختي أم محمد ، وبيض الله وجهج

airbus

21-01-2013, 09:24 AM

الصراحة انت سويتي غلطة كبيرة

اول شي ادا تبي تشتري متلا كفرات او اغراض خفيفة حاولي تجيبيها من نفس البائع او شركة وحدة حتى ينشحن في كرتون واحد وتجيك ارخص بوايد

تاني شي ادا شريتي متلا جهاز وزنه ربع كيلو على طول بينحسب نصف لانه الوزن يقربلك على كل نصف كيلوا يعني لو شريتي 1.6 كيلو على طول يحسبوهلك على 2 كيلو

وهده الشركة ارخص شركة شحن في شركات تعتمد على الوزن الحجمي يعني طول وعرض البكج مع الوزن بيطلع السعر خيالي

زقرتي ومزاجي

21-01-2013, 10:54 AM

الله يخليلكم القطوه ان شاء الله

وطن

21-01-2013, 11:02 AM

اختي
انتي لو تدخلين على الموقع مالهم

في مكان تحسبين فيه سعر الشحن على حسب الوزن

مره كنت بطلب سرير مال العرايس حق اليهال
طلع الوزن لو شحنت عن طريق ارامكس راح ادفع عليه 500 ريال

و هو سعره رخيص وايد ما يسوى ادفع هالكثر شحن..
شيكت ولقيت انهم يشحنون على الدوحة دايركت
طلبته على الدوحة مباشرة بدون ارامكس و طلع علي سعر اللعبة مع الشحن 300 ريال !!

و بعد السعر والوزن يتحدد من امريكا .. أو بريطانيا على حسب اي صندوق انتي طالبه عليه
مب من دبي

انا لين اطلب من امريكا اتابع الشحنة من توصل البريد هناك
وهم يحطون عليها الوزن و السعر على طول
وادفع اون لاين وبعدها يروح السايق يستلم

حميداني

21-01-2013, 06:07 PM

يعطيج العافيه ام محمد على المعلومات , بيض الله ويهج
ما قصرتي

بوخالد911

21-01-2013, 06:23 PM

يسلموو للتنبيه

باقي تبلغين حماية المستهلك

وعن التكيسللللللللللللللللللللللللللللللللللل بلييززززززززززززززززززززززز

وشكرا

Aaziz

21-01-2013, 06:25 PM

قولي امين ... ان شاءالله اشوف هالقطوه تطامر من فريج لين فريج
فيه اوادم بشر ذابحهم البرد و الجوع و انتي تبذرين فلوس على قطوه .

PGR

22-01-2013, 10:22 AM

يا ناس الشحن ما يعتمد فقط على الوزن بل يعتمد بعد على حسب المساحة اللي بياخذها في الطائره فما يصير تحسبين الوزن وتهملين الاشياء الثانيه

راشد محمد

22-01-2013, 10:52 AM

يعطيج العافيه

أم محمد 90

22-01-2013, 11:08 AM

الصراحة انت سويتي غلطة كبيرة

اول شي ادا تبي تشتري متلا كفرات او اغراض خفيفة حاولي تجيبيها من نفس البائع او شركة وحدة حتى ينشحن في كرتون واحد وتجيك ارخص بوايد

تاني شي ادا شريتي متلا جهاز وزنه ربع كيلو على طول بينحسب نصف لانه الوزن يقربلك على كل نصف كيلوا يعني لو شريتي 1.6 كيلو على طول يحسبوهلك على 2 كيلو

وهده الشركة ارخص شركة شحن في شركات تعتمد على الوزن الحجمي يعني طول وعرض البكج مع الوزن بيطلع السعر خيالي

عفواً أختي /

غلطتي كانت اني ماكنت اتاكد من الوزن فالبداية
وانتي لو تتعاملين في امازون او موقع اي باي
راح تعرفين ان كل بائع له متجره الخاص
انا يعجبني كذا شي وكل بائع يشحن اغراضه بنفسه
ولو جمعت كل الشحنات بباكج واحد

أولاً / الشحن بيطلع اغلى لان الباكج بيكون كبير
ثانياً / اغراضي ببتأخر لان لازم انتظر لين كل الي طلبته يتجمع وينحط بباكج واحد
ثالثاً / الموقع نفسه يفرض سعر غالي لو راح اجمع الاغراض كلها بباكج واحد..

شاكرة لج مرورج

H H

22-01-2013, 11:10 AM

اذا كنتي من النوع الي يشحن اغراض كثيره فأرامكس ماينفع
لان ارامكس ماعنده خاصية تجميع الشحنات

عندك شركة worldship عندها هالخاصيه واشتراكها يندفع مره وحده مثل ارامكس
وتقدرين تطلبين كثر الي تبين ويحطونها عندهم فالمخزن واذا اكتفيتي تقولينلهم يشحنونها وتجيك فباكج واحد بس !!

وهم يشحنونها عن طريق فيديكس او دي اتش ال انتي تختارين الي تبين والي اقرب لبيتكم
اشتركي فيه ماراح ياخذ اكثر من اربعين او خمسين ريال واشحني عليه مره مرتين جربيه
وبتشوفين الفارق المهول في الاسعار , ومافي مضرّه من التجربه بدال ماتنحكرين على
شركه وحده او خلي ارامكس للغرض الواحد الثقيل والثاني خليه للشحنات الصغيره الكثيره

أم محمد 90

22-01-2013, 11:16 AM

اذا كنتي من النوع الي يشحن اغراض كثيره فأرامكس ماينفع
لان ارامكس ماعنده خاصية تجميع الشحنات

عندك شركة worldship عندها هالخاصيه واشتراكها يندفع مره وحده مثل ارامكس
وتقدرين تطلبين كثر الي تبين ويحطونها عندهم فالمخزن واذا اكتفيتي تقولينلهم يشحنونها وتجيك فباكج واحد بس !!

وهم يشحنونها عن طريق فيديكس او دي اتش ال انتي تختارين الي تبين والي اقرب لبيتكم
اشتركي فيه ماراح ياخذ اكثر من اربعين او خمسين ريال واشحني عليه مره مرتين جربيه
وبتشوفين الفارق المهول في الاسعار , ومافي مضرّه من التجربه بدال ماتنحكرين على
شركه وحده او خلي ارامكس للغرض الواحد الثقيل والثاني خليه للشحنات الصغيره الكثيره

وايد انصحوني فيها وانا الحين اقرا عنها بالانترنت

شكراً جزيلاً

انا موضوعي للتنبيه للاشخاص الي دوم يتعاملون مع ارامكس

نوار قطر

22-01-2013, 11:42 AM

عمري ماشيكت على الوزن بكم يطلع لي انا ادفع وبس

كازانوفا

22-01-2013, 11:54 AM

قولي امين ... ان شاءالله اشوف هالقطوه تطامر من فريج لين فريجفيه اوادم بشر ذابحهم البرد و الجوع و انتي تبذرين فلوس على قطوه .

كيف راح تعرفها ؟؟؟:nice:

وانت ايش لك يمكن البنت ربي فاتح عليه ويش اللى قاهرك:tease:

عزووز قطر

22-01-2013, 01:18 PM

تتربى القطوة في عزكم

ومشكورة على التنبيه

Al-Kuwari

22-01-2013, 01:21 PM

الله يخلي لكم القطوة العزيزة

نوار قطر

22-01-2013, 09:09 PM

ههههههااااي خليتو الموضوع وركزتو على القطووه

aboNoor

24-01-2013, 05:55 AM

شكرا عالتنبيه

eXpert*

24-01-2013, 07:39 AM

السلام عليكم ،،

حبيت اقولكم بالي حصل معاي وافتح عيونكم اذا كنتو مثلي مدمنين طلبات اون لاين

عندي حساب ف ارامكس وصار لي تقريبا سنة ونص وانا اطلب والله العظيم كل مرة اروح استلم 11 او 10 باكجات اقل مرة كانت 5 باكجات والاوراق عندي تثبت

لاحظت ان كل مرة ادفع 1000 ريال وفوق واقل مرة كانت 400 ريال وشوي
واتضايق من نفسي اقول انا اطلب اشيا رخيصة جدا مثلا شوز فلات سعره حوال الخمسين ريال ليش ادفع 107 ريال شحن له ؟
واخر المرات طلبت اغراض لقطوتي والله كلفتتتتني صج صج مع ان البيت الي طالبته لها ب 135 ريال شحنه ب 474 ؟!

المهم اخر مرة رحت من 4 ايام استلم 10 باكجات و 7 منهم كفرات جوال وجارجات جوال للسيارة واثنين منهم لقطوتي وواحد شوز الله يكرمكم

قالت لي الحساب كامل 808 ؟!
انا شكيت قلت شدعوة كفرات جوال خفيفة جدا ليش شحنها ب 32 و 26
قلت لها لو سمحتي يصير اوزن كل باكج ؟ قالت اي جابت الميزان
قلت لها الكيلو الواحد بكم ؟ قال 74 ! قمت اوزن كل شي واضرب وزنه ب 74
وطلع رخييييييييييص شي بريالين وشي ب8 ريال هي انصدمت قلت لها انتو كاتبين على الباكج وزنه 0.25 وهو وزنه 0.6 !!! قالت مب منا هاي من شركة الارامكس بدبي قلت لها ولو لما يوصل سلوى لازم انتو تردون توزنون كلللل شي مايصير

وبعد ماحسبت كامل حسابي طلع 649 ، لان اغراض قطوتي ثقيلة وغالية شحنها ب 400 وشوي قلت لها من يوم ورايح انا باجي باوزن كللل باكج يخصني ولاتزعلون ونادت المسؤولة وتمت تعتذر وسمعتهم حجي قلت لها انا زبونة دايمة واطلب فوق ال10 اغراض كل مرة وبنفسج تشوفين وتعرفيني ليش كل هالاحتيال والنصب وتمت تحلف ان مب منهم

رجعت البيت طلعت كللل اوراق ارامكس الي عندي وتميت احسب انا يمكن دافعة لهم فوق ال5000 ريال على الفاضي وايد انقهرت والله كل مرة 1000 ريال او 800 او 400 اقل شي

حتى قلت بيني وبين نفسي لو الكراتين للحين عندي جان رجعت اوزنهم قدامهم واخذ حقي حتى لو ارفع قضية او اروح حماية المستهلك اثبت لهم بالاوراق غش ارامكس

مب منهم فتحو فرع يديد وعلى الفلوس الي ينهبونها جان زين يفتحون افرع قريبة سكرو فرع الاند مارك وفرع اللجنة الاولمبية

انتبهو اذا انتو دايما تروحون ارامكس تستلمون باكجات اوزنو كل شي واضربوه ف 74

يعني مثلا لو باكج وزنه 0.19 اضربوه ف 74 وبيطلع لككم الناتج 14.06 ريال

حبيت انبهكم بس ..

هههههههههههههههههههه

ترى الشيخة أنتي الغلطانة في الحسبة ..

الحسبة مب بالطريقة اللي تحسبينها ..

معروف أول نصف كيلو = 43 ريال قطري..

و أي نصف كيلو زيادة فوق النصف كيلو الأول = 35 ريال قطري

للعلم أرامكس ما يتعامل بالكسور في الوزن .. فأي شئ أقل من 0.50 يحسب على أنه 0.50 .

و إذا الغرض وزنه 0.60 يحسب على أن 01.00

أول 0.50 بتحسب على أنها 43 ريال قطري

بقية 0.10 بتحسب على أنها 35 ريال قطري

كنت أتمنى أنك تكونيّ قرأتي شروط و قوانين أرامكس فبل لا تفتحين معاهم حساب ، علشان تكونين على وعيّ بـ التسعيرة و طريقة الحسبة بدل التهم التي قذفتيها جزافاً.

ألحقي وغيريّ الموضوع لا يرفعون عليج هم قضية .. :nice:

مع تحياتيّ

أم محمد 90

24-01-2013, 08:31 AM

هههههههههههههههههههه

ترى الشيخة أنتي الغلطانة في الحسبة ..

الحسبة مب بالطريقة اللي تحسبينها ..

معروف أول نصف كيلو = 43 ريال قطري..

و أي نصف كيلو زيادة فوق النصف كيلو الأول = 35 ريال قطري

للعلم أرامكس ما يتعامل بالكسور في الوزن .. فأي شئ أقل من 0.50 يحسب على أنه 0.50 .

و إذا الغرض وزنه 0.60 يحسب على أن 01.00

أول 0.50 بتحسب على أنها 43 ريال قطري

بقية 0.10 بتحسب على أنها 35 ريال قطري

كنت أتمنى أنك تكونيّ قرأتي شروط و قوانين أرامكس فبل لا تفتحين معاهم حساب ، علشان تكونين على وعيّ بـ التسعيرة و طريقة الحسبة بدل التهم التي قذفتيها جزافاً.

ألحقي وغيريّ الموضوع لا يرفعون عليج هم قضية .. :nice:

مع تحياتيّ

أهلين وسهلين ..

يالله انا بالي طويل والله ~

اول شي انا كلمت حماية المستهلك وخذو مني كل الاوراق الي تثبت انهم مغلطين في حساب الوزن

ثاني شي لو انا غلطانة ليش مرتين خلوني احسب وخلوني ادفع اقل من السعر ؟
ولو انا غلطانة ليش كلمتني مسؤولة هناك مادري مديرة تقول لي حماية المستهلك بيكتبون فينا تقرير هاي مش خطأنا هاي خطأ السيستم يحسب الوزن غلط

قلت لها مايصير اذا سستمكم غلط وماتبون تطورونه معناته اكثر من 20% من ارباحكم حرام لان الناس تجي وتدفع مبالغ خيالية

عيل مرت اخوي شارية شرشف سرير شحنه ب 928 ؟؟
هاي من فترة والله لو جا ف بالي هذيك الفترة كان وزنته وكانت منصدمة وايد تقول جداً خفيف والا شرشف ليش دافعة هالكثر ..

اخوي حتى لو مكتوب في قوانينهم وشروطهم و و و و ..

بس بعد هم لهم اخطاء كثيرة انا ماتكلم عن كسور

اتكلم عن شحنة تجيك خفيفة جدااااا حاطين ان وزنها نص كيلو ولما انت توزنها تطلع وايد اقل

انا اتكلم عن حساب الوزن وحساب الحسبة النهائية عندهم فالسستم

ترى اغلاطهم كثيرة وعندي ورقة بتاريخ 6/1 لما دفعت 428 وطلعت وانا بالسيارة اطالع ومستغربة كل الي خذته شوز واغراض اي باد لما حسبت طلعو ماخذين زيادة 172 رجعت لها مرة ثانية وتمت تتأسف تقول السستم حسب المبلغ غلط

وفي اشكالية بكلامك لان انا وايد استلمت اغراض طلع وزنهم ب 9 ريال و 4 ريال بدون لا انا اقيس الوزن
فلو كان اقل شي 35 ريال ماكان اشحنو لي شي بهالمبالغ البسيطة

ترى مايصير ندافع ونقول هاي شروطهم وهاي قوانينهم

ماصار شرط وقانون نهب فلوس المواطن :) ..

أم محمد 90

24-01-2013, 08:35 AM

كيف راح تعرفها ؟؟؟:nice:

وانت ايش لك يمكن البنت ربي فاتح عليه ويش اللى قاهرك:tease:

انا تجاهلت ردهـ لان ربي هو يحاسبي على النعمة الي عطاني اياها مب البشر ..
شكلهم منصدمين اني اصرف على قطوة

غيري يصرف على خيول ونوق بالملايييييييييييييييييييييييييييييييييييييييييين :tease:

بونووف

24-01-2013, 08:48 AM

اختي
اللي اعرفه انه اقل مبلغ ندفعه هو 41 بس يعني مهما كان الوزن ريشه راح تدفع 41 ريال

شلون تقولين انه تدفعين 9 ريال مادري 8 ريال ...؟

eXpert*

24-01-2013, 08:56 AM

أهلين وسهلين ..

يالله انا بالي طويل والله ~

اول شي انا كلمت حماية المستهلك وخذو مني كل الاوراق الي تثبت انهم مغلطين في حساب الوزن

ثاني شي لو انا غلطانة ليش مرتين خلوني احسب وخلوني ادفع اقل من السعر ؟
ولو انا غلطانة ليش كلمتني مسؤولة هناك مادري مديرة تقول لي حماية المستهلك بيكتبون فينا تقرير هاي مش خطأنا هاي خطأ السيستم يحسب الوزن غلط

قلت لها مايصير اذا سستمكم غلط وماتبون تطورونه معناته اكثر من 20% من ارباحكم حرام لان الناس تجي وتدفع مبالغ خيالية

عيل مرت اخوي شارية شرشف سرير شحنه ب 928 ؟؟
هاي من فترة والله لو جا ف بالي هذيك الفترة كان وزنته وكانت منصدمة وايد تقول جداً خفيف والا شرشف ليش دافعة هالكثر ..

اخوي حتى لو مكتوب في قوانينهم وشروطهم و و و و ..

بس بعد هم لهم اخطاء كثيرة انا ماتكلم عن كسور

اتكلم عن شحنة تجيك خفيفة جدااااا حاطين ان وزنها نص كيلو ولما انت توزنها تطلع وايد اقل

انا اتكلم عن حساب الوزن وحساب الحسبة النهائية عندهم فالسستم

ترى اغلاطهم كثيرة وعندي ورقة بتاريخ 6/1 لما دفعت 428 وطلعت وانا بالسيارة اطالع ومستغربة كل الي خذته شوز واغراض اي باد لما حسبت طلعو ماخذين زيادة 172 رجعت لها مرة ثانية وتمت تتأسف تقول السستم حسب المبلغ غلط

وفي اشكالية بكلامك لان انا وايد استلمت اغراض طلع وزنهم ب 9 ريال و 4 ريال بدون لا انا اقيس الوزن
فلو كان اقل شي 35 ريال ماكان اشحنو لي شي بهالمبالغ البسيطة

ترى مايصير ندافع ونقول هاي شروطهم وهاي قوانينهم

ماصار شرط وقانون نهب فلوس المواطن :) ..

أختي أنا ما أبي أدخل في (جدل بيزنطي) ،،

على العموم بالتوفيق :nice:

أم محمد 90

24-01-2013, 08:59 AM

اختي
اللي اعرفه انه اقل مبلغ ندفعه هو 41 بس يعني مهما كان الوزن ريشه راح تدفع 41 ريال

شلون تقولين انه تدفعين 9 ريال مادري 8 ريال ...؟

تفضل :) ..

http://im36.gulfup.com/qiPw1.png (http://www.gulfup.com/?ruukHl)

http://im36.gulfup.com/tewb2.png (http://www.gulfup.com/?okxagA)

http://im36.gulfup.com/c0Q23.png (http://www.gulfup.com/?wNQn9H)

http://im36.gulfup.com/uIjr4.png (http://www.gulfup.com/?z3NaUx)

نوار قطر

24-01-2013, 09:34 AM

اختي
اللي اعرفه انه اقل مبلغ ندفعه هو 41 بس يعني مهما كان الوزن ريشه راح تدفع 41 ريال

شلون تقولين انه تدفعين 9 ريال مادري 8 ريال ...؟

سووري اخوي على المداخله بس لا انا صادف لي كم مره ادفع اقل من 41 ممم مره كانت 16 ريال ومره شي و30

بونووف

24-01-2013, 09:57 AM

غريبه ولا مره دفعت اقل من 41 ريال

بونووف

24-01-2013, 10:15 AM

كذا وزن وكله نفس المبلغ

http://im31.gulfup.com/VGmH2.png (http://www.gulfup.com/?HvzQJP)

http://im31.gulfup.com/IPjq1.png (http://www.gulfup.com/?zDW2Vd)

أم محمد 90

24-01-2013, 10:22 AM

كذا وزن وكله نفس المبلغ

http://im31.gulfup.com/kzbn1.png (http://www.gulfup.com/?1yoged)

http://im31.gulfup.com/qwxs2.png (http://www.gulfup.com/?ovn0qx)

http://im31.gulfup.com/q2583.png (http://www.gulfup.com/?77mn9a)

http://im31.gulfup.com/ax0x4.png (http://www.gulfup.com/?s0gsy6)

لو وزنتهم اخوي كان طلعو عليك اقل ..

جرب المرات الجاية توزن باكجاتك

Realestate

03-02-2013, 01:06 PM

شكراً

تغلبية

05-02-2013, 01:53 AM

الله يجزاج خير ويرحم والديج الشيخة

لاحظت نفس ملاحظاتج بس ما كنت ادري ان ممكن نعيد وزنه عندهم ويعيدون لنا التسعيرة

مرات كنت انا احسب بالكولكيتر اللي في موقعهم على وزن الشحنة المذكور يطلع لي الحساب

ولما توصل الدوحة الشحنة يكون السعر أكثر من الكولكليتر!!!!

Qdvc

انا تطلع لي مرات شحنات ب 6 ريال و9 و8 و16

هذا دليل تلاعبهم فعلاً ان كان سيستم مو مضبوط او تلاعب مقصود بتغيير التسعيرات

حسن الاحمد

05-02-2013, 02:08 AM

قولي امين ... ان شاءالله اشوف هالقطوه تطامر من فريج لين فريج
فيه اوادم بشر ذابحهم البرد و الجوع و انتي تبذرين فلوس على قطوه .

خلها على الله يارجال
كل يوم يموت اكثر من 5 اطفال في سوريا بسبب البرد
ومن يموت خارجها في المخيمات اكثررر

همر

05-02-2013, 10:47 AM

خل يبوقوني برضاي ولا يبوقوني تجار الغفله غصب !!!

عيل اكزوز الدراجه ب5000 ريال ينباع في الدوحه
شريته من امريكا ب1500 وشحنته ب2000 ريال !!!

انا معاكم ان الشحن غالي .. وانا معاكم ان سعره اغلى من البضاعه
نفسها.. لكن التوتال 3500 مش 5000 !!!

وبعدين موقع امازون يكتب لج وزن الشحنه وقت الشحن ليش ماتقارنينها بوزن الشحنه يوم توصل ارامكس ؟!!

صراحه امورهم مضبوطه وخدمتهم راقيه وسريعه والشي اللي اشتريه اليوم يوصلني بعد اسبوع الى 10 ايام بالكثير..

بس موضوع الشحنات بو تعش وستعش وثمانيه ريال هذي غريبه صراحه !!!
على قولة الشباب عمرنا مادفعنا اقل من المنمم 41 ريال حتى لو طالب ورقة فاين !!!

الظاهر حسابات لقطاوه غير حساباتنا ..

هدوء العاصفة

05-02-2013, 12:29 PM

يا شباب هم ماياخذون كسور .. شلون على ناس وناس !!!!!! مرة 50 جرام حسبوا علي نص كيلو كلمت المديرة قلت لها خمسين جرام يعني حتى ما وصل 100 جرام شلون تحسبونه نص كيلو وشالته بعد جهد جهيد ..

والعادة لو مية جرام يحسبونه نص كيلو .. ومايجمعون يعني لو كل غرض جا بروحه كل بضاعة لها حسبة بروحها ... جشع تايم عندهم عشان جذيه صرت ما اطلب الا مظطر

aljooker

05-02-2013, 01:13 PM

السلام عليكم

انا عن نفسي دوم اشحن عن طريق ارامكس و اوزان كبيره اقل وزن شحنته 10 كيلو وكل شي كان اوكي
وعقب فتحوا خدمه ف الشركه اسمها شب اند شب انصحكم فيها بس لازم تتاكدون من الشركه او الموقع اللي تتعاملون معاه اذا كان يتعامل مع شركه ارامكس ولا لا ، لانه اذا يتعامل مع ارامكس وفي خدمه شب اند شب يعطونه سعر اقل ولك بعد وبعض الشركات لها سعر اقل من انك تشحنه وانت تدفع قيمه الشحن
انا عن نفسي دوم اسوي جي اخلي الشركه هي تدفع قيمه الشحن لانه سعرها اقل من سعري .
وللاستفاده اكثر تقدرون تدخلو موقع الشركه وتتاكدون او تتصلون عليهم وتستفسرون منهم

برويقن

05-02-2013, 01:16 PM

وانتو كل شي تشترونه من النت !!

انا عندي سياسة في الشراء

اشتري الشي الي مب متوفر في الدوحة او خلص او ان سعره في الدوحة وايد غالي مع عمل مقارنة لسعر الدوحة وسعر امريكا مع شحن ارامكس

وجربت خدمة myus نفس نظام ارامكس وعندهم خدمة تجميع الشحنات ويوصلونها لين البيت بـDHL بس اسعارهم غاليه في الشحن بالمقارنة بارامكس

sout qatar

05-02-2013, 01:21 PM

تفضل :) ..

http://im36.gulfup.com/qipw1.png (http://www.gulfup.com/?ruukhl)

http://im36.gulfup.com/tewb2.png (http://www.gulfup.com/?okxaga)

http://im36.gulfup.com/c0q23.png (http://www.gulfup.com/?wnqn9h)

http://im36.gulfup.com/uijr4.png (http://www.gulfup.com/?z3naux)

الله يجزاج خير اختي عالشرح المفصل لأن خليتينا ننتبه لشي ماكنا منبهينله وهم يستغلون العميل انه مايوزن ويضربون عليه واغلبيتنا مفكرين ان اقل مبلغ يندفع 41 ريال

أم محمد 90

05-02-2013, 01:25 PM

اذا وصل كذا باكج مع بعض يحسبون كاباكج واحد

اقل شي للدفع 41
كل كيلو زيادة 35 ريال

اخر مرة يوم رحت لهم طلعو لي ورقة بهالكلام
وعمموا هالكلام على كل الزباين ..

من بعد ماجاتهم ادارة حماية المستهلك ..

Dhl أفضل واحسن ..

الزلزال

05-02-2013, 01:25 PM

جزاج الله خير

أم محمد 90

05-02-2013, 01:28 PM

خلها على الله يارجال
كل يوم يموت اكثر من 5 اطفال في سوريا بسبب البرد
ومن يموت خارجها في المخيمات اكثررر

اتمنى ماشوف ردود خارج موضوعي ..
وكل شخص حر باللي ربي يرزقه اياه ..
مافي أي انسان له حق انه يتكلم كيف الشخص يصرف فلوسه
اهم شي انا ماصرفتها بشي حرام ..

وشاكرة لكم مروركم

لؤلؤ و مرجان

05-02-2013, 07:53 PM

جزاك الله الف خير

حميداني

05-02-2013, 09:07 PM

اذا وصل كذا باكج مع بعض يحسبون كاباكج واحد

اقل شي للدفع 41
كل كيلو زيادة 35 ريال

اخر مرة يوم رحت لهم طلعو لي ورقة بهالكلام
وعمموا هالكلام على كل الزباين ..

من بعد ماجاتهم ادارة حماية المستهلك ..

Dhl أفضل واحسن ..

ههه الله يستر عليهم الحاقدين على هالقطوه المسكينه

تذكر بدل ما تشترلك اكسوز ان في فقير يموت والتكلفه وناستك
ولا بدل ما تركب مرسدس ولا جكس كنت تقدر تاخذ لك عراوي تمشيك وبفلوسهم
تعيش ثلاث عوايل لسنين في بعض الدول الفقيره
الحين كل يوم تاكلون كنتاكي وماكدونالز ومطعم مادري ايش بأسعار 3 اضعاف
في الوقت الي تقدرون تشترون كرتون من الجمعيه , كل هذا وخانقين البنت على قطوه تربيها
ما عليج ولا حد يضيق صدرج يا ام محمد , لج اجرها ان شاءالله وتتربه فعزج وتكون لج ونيس
ياما قطاوه تنفع اهل البيت اما بباعاد القوارض والزواحف او كثير من الفوايد بعد

الحمدالله كل منا يمشي على قده وطول ما فلوسه حلال وضميره مرتاح يزكي ويصلي
محد له الحق يفرض عليه او ينتقده في كيف يتصرف في ماله

ما تشوفه تبذير يشوفه البعض عادي وما تشوفه عادي يشوفه كثار تبذير

ما دري شبلاهم االربع ماكلين حصى

المهم

سمعت ان dhl وايد غالي بالمقارنه مع الموجودين في السوق
أحسن شلون من ناحية الخدمه ولا الاسعار ولا الاثنين مع بعض ؟

حميداني

05-02-2013, 09:10 PM

يسلموو للتنبيه

باقي تبلغين حماية المستهلك

وعن التكيسللللللللللللللللللللللللللللللللللل بلييززززززززززززززززززززززز

وشكرا

بوخالد بطلي في هالقسم :nice:

أم محمد 90

06-02-2013, 08:40 AM

ههه الله يستر عليهم الحاقدين على هالقطوه المسكينه

تذكر بدل ما تشترلك اكسوز ان في فقير يموت والتكلفه وناستك
ولا بدل ما تركب مرسدس ولا جكس كنت تقدر تاخذ لك عراوي تمشيك وبفلوسهم
تعيش ثلاث عوايل لسنين في بعض الدول الفقيره
الحين كل يوم تاكلون كنتاكي وماكدونالز ومطعم مادري ايش بأسعار 3 اضعاف
في الوقت الي تقدرون تشترون كرتون من الجمعيه , كل هذا وخانقين البنت على قطوه تربيها
ما عليج ولا حد يضيق صدرج يا ام محمد , لج اجرها ان شاءالله وتتربه فعزج وتكون لج ونيس
ياما قطاوه تنفع اهل البيت اما بباعاد القوارض والزواحف او كثير من الفوايد بعد

الحمدالله كل منا يمشي على قده وطول ما فلوسه حلال وضميره مرتاح يزكي ويصلي
محد له الحق يفرض عليه او ينتقده في كيف يتصرف في ماله

ما تشوفه تبذير يشوفه البعض عادي وما تشوفه عادي يشوفه كثار تبذير

ما دري شبلاهم االربع ماكلين حصى

المهم

سمعت ان dhl وايد غالي بالمقارنه مع الموجودين في السوق
أحسن شلون من ناحية الخدمه ولا الاسعار ولا الاثنين مع بعض ؟

بيض الله وجهك وصح لسانك ماقصرت يالشيخ ..

dhl كذا تاجرة عندي ف اللستة امدحوه لي لان فكرته تجميع الشحنات مع بعض وارسالها مرة وحدة ف يصير السعر للشحن اقل ..

ويمدحون خدمتهم .. ان شاء الله احاول اروح لهم صار كم يوم اقول بروح بروح

وبعطيكم التفاصيل

الواعد

06-02-2013, 09:05 AM

السلام عليكم

انا انصحكم بهالموقع

https://www.borderlinx.com

يعطي للزبون عنوانين امريكي وبريطاني

ويشحن للدوحة عن طريق الـ DHL وتوصل خلال 3 أيام فقط فقط فقط

وتقدر تتابع الشحنة عن طريق موقع الـ DHL

بس التأخير يكون من البائع في البداية بس

اذا وصلت الأغراض للعنوان توصل منه للدوحة في 3 أيام

وتقدر ماتشحن الاغراض لحد ماتوصل الاغراض كاملة لعنوانك وتشحنها مع بعض

صحيح ان اسعاره شوي غالية بس اسرع من غيره وأنا بصراحة مرتااااح معه

حميداني

07-02-2013, 04:32 PM

قوااااكم الله , ماقصرتو ام محمد والواعد

airbus

07-02-2013, 07:41 PM

لكن بوردر لنكس غالي يحسب عن طريق الوزن الحجمي

qatar_86

22-04-2013, 06:01 AM

صادني نفس الموقف

fhd123

22-04-2013, 08:07 AM

يمكن الوزن بالباوند

miss.qa

06-05-2013, 10:07 AM

اختي
اللي اعرفه انه اقل مبلغ ندفعه هو 41 بس يعني مهما كان الوزن ريشه راح تدفع 41 ريال

شلون تقولين انه تدفعين 9 ريال مادري 8 ريال ...؟

اي والله شلون :omen2:

التاج الملكي

07-05-2013, 03:16 PM

الله يجزاج الف خير اختي أم محمد ، وبيض الله وجهج

وطن

07-05-2013, 08:35 PM

اي والله شلون :omen2:

لا مافي لمت اختي حق اقل وزن
انا ادفع مبالغ احيانا اقل من 10 ريال

عادي

:victory:

airbus

08-05-2013, 03:09 AM

لا مافي لمت اختي حق اقل وزن
انا ادفع مبالغ احيانا اقل من 10 ريال

عادي

:victory:

تدري ليش دفعتي 10 ريال لانه اجو شحنتين مع بعض في حسابك شوب اند شيب وبعدها يجمعوا الشحنتين و تقسم على كل شحنة بي سعرها متلا

شحنة وزنها 900 غرام

وشحنة وزنها 100 غرام

الشحنتين وصلوا نفس اليوم لي ارامكس في امريكا متلا فيتم جمع الشحنتين بيطلع الوزن كيلو فيعطي الشحنة الاولة متلا 30 ريال و الشحن الاقل 11 ريال

هده كل القصة وما فيها

بونووف

08-05-2013, 08:36 AM

تدري ليش دفعتي 10 ريال لانه اجو شحنتين مع بعض في حسابك شوب اند شيب وبعدها يجمعوا الشحنتين و تقسم على كل شحنة بي سعرها متلا

شحنة وزنها 900 غرام

وشحنة وزنها 100 غرام

الشحنتين وصلوا نفس اليوم لي ارامكس في امريكا متلا فيتم جمع الشحنتين بيطلع الوزن كيلو فيعطي الشحنة الاولة متلا 30 ريال و الشحن الاقل 11 ريال

هده كل القصة وما فيها

الصراحه كلامك منطقي :nice:

دلال قطر

09-05-2013, 04:22 PM

ياحبيبتي انا طلبت شامبو وبلسم سعره من امازون ماوصل ال200
وجيت ارامكس دفعت لهم 700

هل يعقل شحن شامبو ب700؟
نصابين عيني عينك من يومها حولت على dhl

airbus

10-05-2013, 02:36 AM

ياحبيبتي انا طلبت شامبو وبلسم سعره من امازون ماوصل ال200
وجيت ارامكس دفعت لهم 700

هل يعقل شحن شامبو ب700؟
نصابين عيني عينك من يومها حولت على dhl

اصلا ارامكس ماتشحن سؤال !!؟؟ كيف شحنولك وبهدا السعر !! كم حبة طالب

musel999

10-05-2013, 07:48 AM

سؤال بسيط
انا ماعرف اشتري من النت
اروح ارامكس وافتح حساب يعطوني عنوان احطه ويجبون لي الاغراض
بس لو لو واحد يشرحلي علشان اشتري جزاكم الله خير

لبيبة

10-05-2013, 08:36 AM

ياحبيبتي انا طلبت شامبو وبلسم سعره من امازون ماوصل ال200
وجيت ارامكس دفعت لهم 700

هل يعقل شحن شامبو ب700؟
نصابين عيني عينك من يومها حولت على dhl

اصلا ارامكس ماتشحن سؤال !!؟؟ كيف شحنولك وبهدا السعر !! كم حبة طالب

ارامكس صارت تشحن سوائل وبخاخات لكن ياخذون زيادة 10 دولار على الشحنة، تفاصيل
http://www.shopandship.com/service-updates/45589/special-commodity-faqs

airbus

10-05-2013, 02:27 PM

ارامكس صارت تشحن سوائل وبخاخات لكن ياخذون زيادة 10 دولار على الشحنة، تفاصيل
http://www.shopandship.com/service-updates/45589/special-commodity-faqs

اها اوكي اوكي الحين تذكرت

doha_vip

10-05-2013, 10:47 PM

من زمان تركت ارامكس .. لان نظامهم فاااااشل ..لا عندهم توصيل ولا عندهم تجميع .. كل قطعه تنشحن بروحها حتى لو وصلت القطع مع بعض .. هذا اللي يقهر

ومن تقريبا فوق السنه .. حولت على شركه اسمها woldship

والحمد لله مرتاح .. اهم شي عندهم تجميع الطلبات لمدة 40 يوم .. وتوصيل الطلبات لي البيت .. مش مثل نظام ارامكس تعال ووقف طابور وزحمه

باراكودا

25-05-2013, 12:53 AM

شكرا جزيلا على التنبيه .

التيما

31-05-2013, 03:01 PM

وأنا اقوووول شسالفه !! يعطيج العافية عالتنبيه صراحة لاني وايد اطلب من النت ..

هدوء العاصفة

09-07-2013, 12:37 AM

نفس المشكلة والوزن اللي مكتوب اكثر من الحقيقي من بعد ما خليتهم يوزنون اكتشفت انهم مسعرين بتكلفة اعلى ..

اما كتجميع فحسبولي كل قطعة بروحها قالوا لي مافي تجميع !! مع الاغراض واصلة مع بعض !!

ياليت حماية المستهلك يشوفون شغلهم معاهم لانهم نصابين يخرب بيتهم

مليونيرة مفلسة

31-07-2013, 03:55 AM

نصابين
حتى يأخرون توصيل الاغراض يوصلونها حبة حبة عشان يخلونكم تدفعون اكثر
نصب و خدمة بطيئة الله يخسهم

لبيبة

14-08-2013, 12:05 PM

نصابين
حتى يأخرون توصيل الاغراض يوصلونها حبة حبة عشان يخلونكم تدفعون اكثر
نصب و خدمة بطيئة الله يخسهم
هذي اختبرتهم فيها وكنت طالبة جهازين ايفون مع بعض من ابل بريطانيا، ومن موقع ابل عطوني تنبيه ان الجهازين انشحنوا مع بعض مع رقم واحد لتتبع الشحنة، لما وصلوا ارامكس فرقوا الجهازين وحاسبوني على كل جهاز انه شحنة وصلت بروحها، جادلتهم في الموضوع ولكن ما تجاوبوا معاي، حطيت عليهم X كبير وصرت اتعامل مع ايباي واشتري من اللي يشحنون مباشرة لقطر، ارخص وايد، ومن غير شروط ارامكس واسعارهم المرتفعة.

بشكل عام كله اتعامل مع ايباي، لكن في بعض الحالات اجد ان الشراء من مواقع اخرى والشحن بارامكس يطلع ارخص، فاتعامل معاهم فقط اذا كنت محتاجة الشي وما لقيته في اي مكان ثاني او كان ايباي اغلى، للاسف لا زال الشحن بارامكس بين شركات اعادة الشحن هوالارخص بينهم، جربت بوردرلينكس وكان غالي جدا بالتجميع لولا ان انقذتني بعض كوبونات الخصم وقتها، فلا انصح به ابدا، هو خدمة من DHL وتابع لهم.

جربت شركة viaddress كانت جيدة وجمعت لي الشحنات بسعر معقول، واستخدمتهم لتجربة خدمة Concierge Service وهي انهم يشترون شي بالنيابة عنك لان الموقع يتطلب بطاقة دفع امريكية. تجربة جيدة واسعار معقولة.

باقي الشركات ما جربتها لكن قارنت الاسعار وشفتها مرتفعة مقارنة بارامكس.

فــلان

18-08-2013, 05:12 PM

اذا كنتي من النوع الي يشحن اغراض كثيره فأرامكس ماينفع
لان ارامكس ماعنده خاصية تجميع الشحنات

عندك شركة worldship عندها هالخاصيه واشتراكها يندفع مره وحده مثل ارامكس
وتقدرين تطلبين كثر الي تبين ويحطونها عندهم فالمخزن واذا اكتفيتي تقولينلهم يشحنونها وتجيك فباكج واحد بس !!

وهم يشحنونها عن طريق فيديكس او دي اتش ال انتي تختارين الي تبين والي اقرب لبيتكم
اشتركي فيه ماراح ياخذ اكثر من اربعين او خمسين ريال واشحني عليه مره مرتين جربيه
وبتشوفين الفارق المهول في الاسعار , ومافي مضرّه من التجربه بدال ماتنحكرين على
شركه وحده او خلي ارامكس للغرض الواحد الثقيل والثاني خليه للشحنات الصغيره الكثيره

جعله الله في ميزان حسناتك قريت كلامك رحت سجلت فيه دايركت

أختي أم محمد كان الله في عونج ومعوضه مخلفه إن شاءالله

sheme

25-08-2013, 03:22 PM

بصراحه شي جدا يقهر! لان مثل ما قلتي تشترين اشيا مثل الريشه وتجين تدفعين لهم كل مره فوق ال35 و 75 و 109 على اشيا تافهه!

Qatar dealer

05-09-2013, 08:59 PM

شكرج لج اختي

pinky-qtr

11-09-2013, 04:12 PM

انا استنكرت حسبتهم بس ما عمري فكرت احسب ادفع واطلع

جزاج الله خير ع التنبيه اختي

ساس الوفا

11-09-2013, 06:18 PM

ليش ماتدفعين تكاليف الشحن عن طريق الموقع نفسه .. صح بيصير تأخير بسيط بس اوفر بوايد ولين توصل الاغراض ارامكس راح تدفعين على كل تاجر 40 ريال بسسسس ( يعني لو تاجر خذتي منه 20 شغله او شغله وحده بتدفعين 40 ريال بس )

قطرية مثقفة

13-09-2013, 09:18 AM

شكرًا أختي @@ أنه زوجي واااايد يطلب ونفسج يقول الأشياء رخيصة بس سعر الشحن وهو اللي يرفع سعره ان شاءالله بنبه @@ جزاك الله ألف خير

قطرية مثقفة

13-09-2013, 09:21 AM

هذي اختبرتهم فيها وكنت طالبة جهازين ايفون مع بعض من ابل بريطانيا، ومن موقع ابل عطوني تنبيه ان الجهازين انشحنوا مع بعض مع رقم واحد لتتبع الشحنة، لما وصلوا ارامكس فرقوا الجهازين وحاسبوني على كل جهاز انه شحنة وصلت بروحها، جادلتهم في الموضوع ولكن ما تجاوبوا معاي، حطيت عليهم x كبير وصرت اتعامل مع ايباي واشتري من اللي يشحنون مباشرة لقطر، ارخص وايد، ومن غير شروط ارامكس واسعارهم المرتفعة.

بشكل عام كله اتعامل مع ايباي، لكن في بعض الحالات اجد ان الشراء من مواقع اخرى والشحن بارامكس يطلع ارخص، فاتعامل معاهم فقط اذا كنت محتاجة الشي وما لقيته في اي مكان ثاني او كان ايباي اغلى، للاسف لا زال الشحن بارامكس بين شركات اعادة الشحن هوالارخص بينهم، جربت بوردرلينكس وكان غالي جدا بالتجميع لولا ان انقذتني بعض كوبونات الخصم وقتها، فلا انصح به ابدا، هو خدمة من dhl وتابع لهم.

جربت شركة viaddress كانت جيدة وجمعت لي الشحنات بسعر معقول، واستخدمتهم لتجربة خدمة concierge service وهي انهم يشترون شي بالنيابة عنك لان الموقع يتطلب بطاقة دفع امريكية. تجربة جيدة واسعار معقولة.

باقي الشركات ما جربتها لكن قارنت الاسعار وشفتها مرتفعة مقارنة بارامكس.

صح أرامكس يعتبر الأرخص

dohaa

17-09-2013, 01:50 AM

شكرا ع التنبية

سلطان قطرر

17-09-2013, 07:43 PM

لاتنسون تشيكون ع المحتوى
يمكن يصير خطأ ولا شي

شيخ الديرة

22-09-2013, 08:54 AM

بصراحه شي جدا يقهر! لان مثل ما قلتي تشترين اشيا مثل الريشه وتجين تدفعين لهم كل مره فوق ال35 و 75 و 109 على اشيا تافهه!

غير الواحد يحسبها قبل أن يطلب هذي الأشياء التافهة؟

يبدو المشكلة عندكم أن طلباتكم أقل من نصف كيلو, لذلك التعجب من الكلفة.

أذا تطلب قطعتين كل قطعة أكثر من نصف كيلو, فليس هناك فرق اذا حسبوها متفرقة او قطعة واحدة.

ملخص الموضوع, لا تطلب شي خفيف وتتشكى على شركة الشحن. لوائحهم تقول أقل سعر 41 ريال.

شيخ الديرة

22-09-2013, 08:58 AM

تدري ليش دفعتي 10 ريال لانه اجو شحنتين مع بعض في حسابك شوب اند شيب وبعدها يجمعوا الشحنتين و تقسم على كل شحنة بي سعرها متلا

شحنة وزنها 900 غرام

وشحنة وزنها 100 غرام

الشحنتين وصلوا نفس اليوم لي ارامكس في امريكا متلا فيتم جمع الشحنتين بيطلع الوزن كيلو فيعطي الشحنة الاولة متلا 30 ريال و الشحن الاقل 11 ريال

هده كل القصة وما فيها

رد مفهوم, ولكن ما لا أفهمه أنه ما هي شروط دمج الشحنات؟ هل هي وصولها الى مكتبهم في أمريكا؟

Amigo

22-09-2013, 12:12 PM

الحساب يعتمد على نوع الغرض والوزن
مب بس الوزن او الغرض هاي الي اعرفه وجربته عندهم

السرمد

23-09-2013, 10:39 AM

اختي ام محمد انا اتفق معاج في كل كلمه قلتيها ولو ان لي تحفظ في بعض الامور .. لكن هم فعلا الاوزان عندهم اغلب الاوقات خطا..مره كنت شاري كيمرا فيديو قالي شحنها 37 ريال اظن او شي من هالقبيل وعندي اوراق معامله كنت مستلمهم في نفس الوقت وبعد بنفس السعر ..قلت للموظفه الحين الاوارق وزنها نفس الكيمرا..يوم جابت الميزان طلعت الكيمرا ثقيله وهم كانوا غلطانين فالوزن فا حبيت بس اوضح نقطه الخطا كان بزياده او نقصان.. واختي ام محمد مب معقوله يعني بنقعد نوزن كل شحنه ..انت تشوف الطابور تزهق حياتك تقول متى بس اخلص :-(

nor85

24-10-2013, 12:24 PM

اي والله نصابين انا لما اطلب والشحن على dhl ويوصلني خلال 3 ايام لين البيت ارخص منهم بوايد لكن في مواقع نطلب منها ماتوصل دولي نضطر نشحن منهم

m90roose

08-01-2014, 09:09 PM

شكراً على التنبيه

هذا موقع شركة شحن ممتازة جداً؛ لأنها معرفتهم كبيرة في عالم الشحن . MyUS (http://www.myus.com)
1- الاشتراك ثلاثة انواع.
تقليدي 10 دولار. للمرة الاولى أو مميز سعر الاشتراك 60 دولار لكل سنه و مميز مع بريد ( مجلات و رسائل ورقية ) سعر الاشتراك 195 دولار لكل سنه وتحصل على الاشتراك المميز والمميز مع البريد خصم في سعر الشحن 12%
2- يمكن شحن العطور و المكياج . وهي الشحن الخاص 10 دولار لكل طرد يصل اليهم. بعكس الشركات العادية.
3- الشراء لك من الشركات التي لا تقبل بطاقات من خارج الولايات الامريكية.

BonBons

12-01-2014, 10:19 AM

والله جزاج الله خير على التنبيه
انا من سنين اطلب عن طريقهم وفعلا جاتني ايام ادفع سعر التوصيل لهم اكثر من سعر الغرض نفسه
بخصوص الباكيج ساعات كنت اشك انت يغيرون العلبه او الكرتون اللي من البائع الاصلي لان اطلب ساعات اشياء وزنها خفيف جدا جدا واحصل داخل اكياس الهوا وجرايد وورق ملفوف زياده بس عشان يوصل حجم الباكيج للكيلو

وسالفه الشحنات اللي اقل من 41 مثلا 6 ريال ولا 15 ريال هذي مرة سالتهم عنها قالولي ان يكون جاينا من نفس المصدر (البايع) الطلبيه مقسمه اكثر من باكج فيضطرون يحاسبوني انه باكيج واحد فيطلع باكج بسعر اقل من 41

وفعلا قبل اكنو يشحنون سوائل وبخاخات وجاتهم فتره وقفوا ونزلو تعميم بس توني ادري ان ارجعو يوصلون هالسوالف بس بفايده زياده 10%

طيب قبل كانو يوصلون مواد غذائيه مثل الشوكلت وقفوا عقب هل ارجعوا يوصلون ؟

ClassicRoyal

12-01-2014, 11:15 PM

وانا مره طلبت كرسي ب1000 ريال من النت وانصدم انه سعر الوزن2500 ريال صراحه شي يقهر بس كنت ملزوم اني اطلبه لانه مب موجود في قطر

النهار

12-01-2014, 11:31 PM

:eek5::eek5::eek5:

m90roose

15-01-2014, 03:55 PM

وانا مره طلبت كرسي ب1000 ريال من النت وانصدم انه سعر الوزن2500 ريال صراحه شي يقهر بس كنت ملزوم اني اطلبه لانه مب موجود في قطر

السلام عليكم ورحمة الله وبركاته

الاوزان الكبيرة يتم شحنها عن طريق البحر افضل وهذا موقع شحن بحري
AMID Logistics, LLC (http://www.internationalshippingusa.com/Home.aspx#.UtaDubeIrce)

m90roose

15-01-2014, 03:58 PM

وانا مره طلبت كرسي ب1000 ريال من النت وانصدم انه سعر الوزن2500 ريال صراحه شي يقهر بس كنت ملزوم اني اطلبه لانه مب موجود في قطر

السلام عليكم ورحمة الله وبركاته

الاوزان الكبيرة يتم شحنها عن طريق البحر افضل وهذا موقع شحن بحري
AMID Logistics, LLC (http://www.internationalshippingusa.com/Home.aspx#.UtaDubeIrce)

لينا

02-06-2014, 12:24 AM

مساء الخير

اخواني وخواتي عندي سوال انا فتحت بارمكس حساب وعطوني عناوين لكذا دولة
الحين مثلا طلبت من موقع بريطاني احط الحساب البريطاني ؟ طيب كيف توصلني الدوحة ؟
توني على هالسوالف ياليت حد يشرح لي الله يجزاكم الجنة

شيخ الديرة

02-06-2014, 01:06 AM

مساء الخير

اخواني وخواتي عندي سوال انا فتحت بارمكس حساب وعطوني عناوين لكذا دولة
الحين مثلا طلبت من موقع بريطاني احط الحساب البريطاني ؟ طيب كيف توصلني الدوحة ؟
توني على هالسوالف ياليت حد يشرح لي الله يجزاكم الجنة

مساء الخير

بالضبط, لما تطلب شي من الأنترنت ضروري تعرف من أين سوف يتم شحنها, اذا من بريطانيا تحط عنوانك البريطاني, وهكذا

ضروري جدا ان لا تنسى تحط الكود doh??? اللي هو يعطي مكتب أرامكس في بريطانيا أن هذه الشحنة رايحة للدوحة, من توصل الدوحة تستلم مسج على الموبايل حتى تروح تستلم الطرد من مكتبهم بأبو هامور

asad100

13-11-2014, 11:55 AM

انا تجاهلت ردهـ لان ربي هو يحاسبي على النعمة الي عطاني اياها مب البشر ..
شكلهم منصدمين اني اصرف على قطوة

غيري يصرف على خيول ونوق بالملايييييييييييييييييييييييييييييييييييييييييين :tease:

ههههههههههههه

ياخواني خلكم من القطوة اتركوها في حالها والله يهنيها هي وقطوتها

بس ردج اختي ام محمد قوي وفي منتصف الجبهه بارك الله فيج:tease:

بومحمد المطاوعه

13-11-2014, 12:08 PM

يعطيج العافيه يالذييبه

كفو عليج

واصلن معروفين ارامكس
لو ماتعطينهم على راسهم

بينهبون وحراميه

أم محمد 90

18-11-2014, 11:14 AM

والله جزاج الله خير على التنبيه
انا من سنين اطلب عن طريقهم وفعلا جاتني ايام ادفع سعر التوصيل لهم اكثر من سعر الغرض نفسه
بخصوص الباكيج ساعات كنت اشك انت يغيرون العلبه او الكرتون اللي من البائع الاصلي لان اطلب ساعات اشياء وزنها خفيف جدا جدا واحصل داخل اكياس الهوا وجرايد وورق ملفوف زياده بس عشان يوصل حجم الباكيج للكيلو

وسالفه الشحنات اللي اقل من 41 مثلا 6 ريال ولا 15 ريال هذي مرة سالتهم عنها قالولي ان يكون جاينا من نفس المصدر (البايع) الطلبيه مقسمه اكثر من باكج فيضطرون يحاسبوني انه باكيج واحد فيطلع باكج بسعر اقل من 41

وفعلا قبل اكنو يشحنون سوائل وبخاخات وجاتهم فتره وقفوا ونزلو تعميم بس توني ادري ان ارجعو يوصلون هالسوالف بس بفايده زياده 10%

طيب قبل كانو يوصلون مواد غذائيه مثل الشوكلت وقفوا عقب هل ارجعوا يوصلون ؟

كلامك صحيح ,

ارامكس شركة ممممتااااااااااااااااااااااااازة ودقيقة وشحنها سررررريع

لكن انتبهو للاسعار حاججو لا تستحون بتوفرون وااااايد

انا عن نفسي اروح بنفسي
ماطرش الدريول ,
اشوف العلبه اذا شكيت انهم مغيرينها اقول لهم اوزنوها قدامي ويطلع الوزن غييييير

مرة طلبت مناكير طلبو ادفع 74 ريال شحنه وهو وزنه بخف الريشه

رفضت وسويت ايميل اخرتها دفعت 16 ريال

ومن كم يوم رحت كنت طالبه ستاند ارتب عليه عطوراتي ولما وصل يبوني ادفع 217 ريال قلت لها ليش حاطينه ف علبه كبييييييييييييييييييييييييييره
وهو حجمه بحجم الدلة تقريبا , وحاطينه في علبة تشيل كوميدينو والله ما ابالغ

رفضت قلت ما بستلمه تشلونه من علبته وتخلونه بعلبته الاصلية بس ع كيفكم تغيرون علب ؟

وكتبت ايميل بعد ان مافي اماكن للحريم
قالو مانقدر نوفر مكان انتظار للنساء ف صراحة صرت ادش بدون رقم اخذ اغراضي واطلع لان ما شاء الله ارامكس صار مليااااااااااااااااااان
كلن كلن كلن يطلب من النت .

وهذا شي حلو اتوقع مع الوقت محلاتنا بتتسكر هههههههههههههه

أم محمد 90

18-11-2014, 11:16 AM

ههههههههههههه

ياخواني خلكم من القطوة اتركوها في حالها والله يهنيها هي وقطوتها

بس ردج اختي ام محمد قوي وفي منتصف الجبهه بارك الله فيج:tease:

اييي الموضوع قديم قطوتي تزوجت وجابت لي قطط صوغننين
وحاليا ادور لهم على بيت لان ماقدر احتفظ فيهم يمكن اخلي اثنين بس
اما الباقي لازم اهديهم لحد يعتني فيهم , :shy:

تخيلتهم نوق الله شنو بدخل ذهب بملين :tease:

بن كعلان

30-11-2014, 01:42 AM

زين سويتي فيهم

Qatariaaa

30-11-2014, 08:44 AM

ويه استغفر الله وانا ياحظي ادفع بالالاف ولا اشيك الوزن ولاشي يطرشون مسج اطرش السايق بالفلوس :weeping:

OM_OMAR_QATAR

30-11-2014, 10:35 AM

اكبببببببر حرامممممممممية ارامكس .. اصلا كل تجاربي معاهم سيئة وكل مرة اتهاوش معاهم وبألف مشكلة يلا ينتهي الموضوع
وما يلتزمون وكل شغلهم مخربط .. وكله يطرون الاغراض خصوصا لو بالصيف مع الحر تجيني تلفانننننننة

مع هذا ان في الوزن الحقيقي والوزن ال Volume " الحجم.. مساحة الاغراض الي تاخذها كبر الصندوق ..
وياما افتح الصندوق احصل في حجاااااااار ووورقققققق واشييييييييييييييااااااااااااااااء عساس تثقل الوزن

،
الدي اج ال ......... ارتب وانظف وادق واحسن ...... وتجيك الاغراض مرتاحة وراسك مرتاح ....... وضعف السعر هههههههههه

حسبي الله ونعم الوكيل حاريني ذيلا
انتي تقولين 400 و 800
انا كل صندوق ادفع عليه 1000 ..... 1200 .......... 1600

وكله احتسب عليهم شابب راسي خلص

مليونيرة مفلسة

08-12-2014, 07:02 PM

للأسف لو عندنا شركات منافسة يمكن أسعارهم تتحسن و لا يستغلون حاجتنا هالشكل

_yousuf_

09-12-2014, 07:36 AM

موضوع جميل استفدت منه الكثير يعطيج العافيه والله يعوضج خير يارب ..

fhd4

13-12-2014, 11:56 PM

ارامكس زادوا 10 ريال على كل شحنة … الحجة انها من الجمارك قيمة البيان …

لكن البيان موجود من زمان والجمارك ما غيروا القوانين

والمفروض ان ارامكس كانت تحسب قيمة البيان من ضمن قيمة الشحن … لكنه عذر لزيادة السعر

Ms. London

26-10-2015, 05:09 PM

:omen2:انا اخر مره طلبت اغراض ماتوقع عليها وزن مبير لانهم اشياء خفيفه وانصدمت خلوني ادفع 900 ريال بس للحين ماطلعتهم من الكرتون بوزنهم وبتاكد

المبرمج صلاح

28-10-2015, 02:22 AM

:omen2:انا اخر مره طلبت اغراض ماتوقع عليها وزن مبير لانهم اشياء خفيفه وانصدمت خلوني ادفع 900 ريال بس للحين ماطلعتهم من الكرتون بوزنهم وبتاكد

يوجد عند ارامكس في الفرع ميزان لوزن الشحنة اذا انت شكيت في وزنها لانهم بيرسلون لك مسج بالوزن والسعر قبل استلام الشحنة
غالبا الوزن بيكون مكتوب في الامازون اذا حسيت بفرق كبير في الوزن فقبل استلام الشحنه قول لهم check wight بيزونو الشحنة امامك لو في فوزن خطا بيعدلونه مباشرة وبتدفع عالوزن الحقيقي

حصلت معي من اسبوع تقريبا طبعا بحكم شغلي عارف وزن كل شحنة جاية فاستغربت بالوزن في الرسالة لانه كان الضعف فرحت لهم وقلت لهم سوو لي شيك عالميزان وفعلا اكتشفو في خطأ وعدلو ودفعت القيمة الحقيقة

لان غالبا وزن الشحنات بيتم في الفرع الامريكي قبل ما تيجي الدوحة ومرات بيحصل خطأ بشري فدايما انت شوف وزن الشحنة في امازون وقارنها لمن توصل بارامكس

بالتوفيق للجميع ان شاء الله

CHESS

12-03-2016, 08:50 AM

للرفع للفائدة ��

Jspec

29-03-2016, 11:38 PM

انا عن نفسي اعلنت لهم صراااحة من ثلاث اشهر اني بقاطعهم (مع اني من اقدم زباينهم ولي معهم حول ظ،ظ، سنه) لكن وصلت حدي مع اسعارهم المجنونه

واحب ابشركم انه Qpost البريد الممتاز (اعتقد مش متاكد) راح تفتح خدمة شوب اند شب وانا عن نفسي بحول عليهم على الاقل هي شركة محله وقطريه يعني فلوسنا في ديرتنا بدل ماتروح ل ارامكس اللي رافع اسعاره ومستغلنا

جوال 11

30-03-2016, 12:45 PM

شركات التوصيل كلها تطلب مبلغ وتدعي بانه للجمارك والمبلغ خارج الفاتورة مع العلم بان الشخص يدفع كل تكاليف البضاعة والتوصيل ولا نعلم مصداقية هذه الشركات الظاهر وجدوا الامور سهلة للحصول على المال دون رقابة على فواتيرهم