من يحمي حق المواطن من الخدم

[doha1]

السلام عليكم


1-الكثير منا يعاني من فترة استقدام الخدم التي تتراوح من شهر الى 45 يوم تحديدا

2-والكثير منا يصرف مايقارب ال1000 ألالاف على الفيزا

3-والسيء فالامر المهله ( 3 شهور )

4-أخطاء الكثير من الخدم تظهر بعد المهله وهذا دهاء من اغلب مكاتب الاستقدام


طيب كمواطن كنت او مقيم ماهو ذنبي من هذا كله انتظر مده طويله عشان تجيني خدامه

ماتبي تشتغل أو بلاويها ماتخلص ....الخ من المشاكل

ليش نستمر دوم في "أنت وحظك" ياتصيب ياتخيب

مش معقوله كل مره برجع الخدامه وبطلب وحده ثانيه وبنتظر هالمده

في بيوت ماتتحمل هالامور وبالذات كبار السن اللي يحتاجون رعايه ومحتاجين خدم.


ليش هالقانون مش مع المواطن؟لاني اشوف المواطن ماله حق اذا مشاكل الخدم تطلع بعد 4 شهور تعال جمع 10000 او 9000 او ..الخ من قيمة الفيزا عشان تشوف لك خدامه غيرها

الفلوس مب فالبحر في ناس ع قد حالها وتحاول تضغط عمرها؟

لم ينتهي الحوار ولا القلم ولكن ..:secret:

[غير البشر]

اخوي محد يحميك الا رب العالمين
مالك شي ولا راح تشوف شي لو شردت الخادمه بلغ عنها وانسى موضوع الفلوس
جمع للخادمه الثانيه

واذا صادوها تشتغل في مكان ثاني تدفع الخادمه المخالفه ووتتسفر والمخالفه للأسف لخزينه الدوله وليس للكفيل


الله المستعان

[حسن]

المفروض منا نشتكي على سفارات بلدانهم في منظمات حقوق الانسان لكن احنا شعب كسول ادفع وبس ول انت مهب غلطان
مثل مهب حقوق الانسان تتهمنا بالعبوديه وهذا كله كذب وافتراء
بعد احنا امفروض نحشرهم بالشكاوي والدعاوي على النصب والاحتيال اللي كل يوم ينصبون فيه على الدوله وماطنينها
مثل ماتتدخل دولهم وسفاراتهم في فرض الزياده بالقوه دون رضى العامل فالمفروض
دولنا بعد تتدخل لتحمي نفسها اولا وثم مواطنيها من النصب والاحتيال

المشكله فينا تقديم شكوى لحقوق الانسان
والضغط عليهم لوقف ابتزاز شعوبنا

الى متى ونحن الظالمين وفي الحقيقه هم مع منظماتهم

[كازانوفا]

شي يموت قهر والله

[خزامئ]

المفروض منا نشتكي على سفارات بلدانهم في منظمات حقوق الانسان لكن احنا شعب كسول ادفع وبس ول انت مهب غلطان
مثل مهب حقوق الانسان تتهمنا بالعبوديه وهذا كله كذب وافتراء
بعد احنا امفروض نحشرهم بالشكاوي والدعاوي على النصب والاحتيال اللي كل يوم ينصبون فيه على الدوله وماطنينها
مثل ماتتدخل دولهم وسفاراتهم في فرض الزياده بالقوه دون رضى العامل فالمفروض
دولنا بعد تتدخل لتحمي نفسها اولا وثم مواطنيها من النصب والاحتيال

المشكله فينا تقديم شكوى لحقوق الانسان
والضغط عليهم لوقف ابتزاز شعوبنا

الى متى ونحن الظالمين وفي الحقيقه هم مع منظماتهم



احسنت بيض الله وجهك

[basma222]

كان عندي خادمه دفعت للمكتب 10500 و المندوب علشان البصمه 500 الاقامه 500
و بعد 9 اشهر قالت بروح وراحت والفلوس خسرتها انا

[وحيد-الشوق]

القانون معاهم للآسف اما الكفيل يطق راسه بالطوفه :telephone:

الخدامة صارت ب10000 ريال وزود على وشو تجيك من بلادها وتتدلع اهنيه اكل وياكلون وملابس ويلبسون والخ وفي ناس ماتقصر معاهم كلش وعقب 3 شهور انا مايبي شغل ليش يا مال الويعه :anger1:

الفلوس الي دفعتها تروح في شربة ماي طيب لو بطران ما بتفرق معاه لكن مواطن او مقيم على قد حالة شنو يسوي !!!!

والله موضوع يقهر ياما تكلمنا وناقشنا وبدون فايدة :(

[النهار]

المفروض منا نشتكي على سفارات بلدانهم في منظمات حقوق الانسان لكن احنا شعب كسول ادفع وبس ول انت مهب غلطان
مثل مهب حقوق الانسان تتهمنا بالعبوديه وهذا كله كذب وافتراء
بعد احنا امفروض نحشرهم بالشكاوي والدعاوي على النصب والاحتيال اللي كل يوم ينصبون فيه على الدوله وماطنينها
مثل ماتتدخل دولهم وسفاراتهم في فرض الزياده بالقوه دون رضى العامل فالمفروض
دولنا بعد تتدخل لتحمي نفسها اولا وثم مواطنيها من النصب والاحتيال

المشكله فينا تقديم شكوى لحقوق الانسان
والضغط عليهم لوقف ابتزاز شعوبنا

الى متى ونحن الظالمين وفي الحقيقه هم مع منظماتهم


مثل ما سفارات هذه الدول تضع شروط عند استقدام العماله من دولهم على الدوله ان تضع شروط على تلك السفارات تحفظ حق الكفيل تكون السفاره ملزمه برد المبالغ في حال عدم رغبة الخادمه اوالعامل بالعمل اوهروبه من الكفيل

[alhaayaa]

السؤال اللي يطرح نفسه هالعشرة الاف اللي ندفعها للمكتب وين تروح. فيه حد ممكن يفهمنا ؟؟؟؟؟؟؟؟

لوفرضنا قيمه التذكره اربعة الاف وين السته الباقيه.

ليش المواطن يتحمل التكاليف كلها ليش مايخلون الخدامه تتحمل جزء من التكاليف علشان

تحسب وتحمل مسئوليه تواجدها للعمل

بس اعتقد اول كانت الخادمه تدفع فلوس علشان تجي تشتغل بالخليج. الحين شكلهم يعطونها فلوس. علشان كذا تبي كل شوي ترجع وتهمش لها همشه

الله يعينا يارب ويصبر قلوبنا ع كل هالبلاوي


((( حاسدينا)))

*

[الكبير الله]

الحل كما ان الدول المصدرة للخدم تسن قوانيين تحفظ حق مواطنيها يجب على الدول المستوردة سن قوانيين تحفظ حق مواطنيها علماً ان موافقة الاستقدام لا تتم اللا بعد اتفاقية توقها الدولتين

الحل الثاني /

اعطاء موافقة لمكاتب الاستقدام لتأجير الخدم بأن تسمح للمكتب بأستقدام خدم على كفالة المكتب وكل مكتب على قدر استطاعته مع كنترول بسيط من ادارة العمل في ما يتعلق بالتوزيع
وتقدير احتياجات البلاد من الخدم

مثال (اصدار فيز للمكتب بعدد 100 خادمة (مثلاً) يتولا المكتب استقدام الخدم ببيع الفيز على الراغبين بالعمل والاتفاق على الاجر الشهري وتوفير سكن الى حين تأجيرهم بفائدة معقولة يستطيع منها صاحب الترخيص تسديد اللتزاماته )

والمواطن يقوم بستئجار الخدم من المكتب مباشرة بدون دفع رسوم استقدام ولا فيزا الخ الخ
وله حرية الاختيار بين المكاتب واللي بدورها بتتنافس لجذب الزبون

[سارآ]

السؤال اللي يطرح نفسه هالعشرة الاف اللي ندفعها للمكتب وين تروح. فيه حد ممكن يفهمنا ؟؟؟؟؟؟؟؟

*

نفس السؤال اللي سألته رآعي المكتب وماحصلت منه رد مقتع على آيش عشرة الأف ؟!
كنت رايحه أقدم على خدامه هنديه وش طلبوا مني أخذ صورة جوازها وأروح بنفسي للجوازات
وأقدم على فيزة زياره شهر ولما أطلع الفيزا أرجع المكتب وأعطيهم الفيزا وهم عليهم
يجيبونها بس وبعدين اذآ جاءت وعجبتني أرجع أروح الجوازات وأحولها على كفالة الوالده هاي كل (أنا أنا أنا اللي كنت بسوي) >> طيب أنتم على ايش 10 ألف ريال رسوم المكتبه !!!!

حطيت الاوراق على طاولة وطلعت :shy:
حسبي الله على المكاتب والخدم

[راشد محمد]

حسبي الله على المكاتب والخدم

[بنت قطريههه]

السلام عليكم ورحمه الله وبركاته قد يكون جوابي يغضب بعض الناس ولكن يااختي ماشفت خادمات عند الأوربيات اذا احتاجت جابت بالساعات يااختي النظام في المنزل تتغير أمور الحياه لماذا لايعطى كل شخص مهمه في البيت اولا كانوا أمهاتنا يشتغلون جميع الاعمال نتيجه الخدم واضحه في أجسامنا في صحتنا الان اذا طلبت اي شئ قالوا وين الخادمه اصلا صار مباهاه بكثرة الخدم واصبح العمل في البيت فقط الخادمه نتيجه ذلك كثرت طلباتهم وعندما تهرب الخادمه تصبح حياتنا جحيم وعندما تتزوج البنت اول شروطها الخادمه

[بنـ الدحيل ـت]

السلام عليكم ورحمة الله

كنت احاول احضار خادمة

لكن كنسلت الموضوع

علما بانني خادمة لاطفالي وسائقة لهم

فالحمدلله على كل حال

[Northqatar]

السلام عليكم

في الوقت الحالى وحسب النظم المعمول بالدولة

وزارة العمل
ادارة الأستقدام - قسم مكاتب جلب الأيدي العاملة

ومقرهم
في نجمة با أدارة تفتيش العمل بالدور الأول - مقابل مبنى جريدة الراية


وأختصاص الأدارة
كتالي :

من بداية تعاقد المواطن او المقيم مع المكتب
الى أن توصل هنا في قطر
وضمان لمدة 3 أشهر

والقانون يستنى في حالة واحدة ان الضمان

اذا الحالة الأمنية فيها شي يعنى الخادم جاه ابعاد مثلاً

بعد فترة الضمان

المكتب ملزم بالضمان

وهذا رابط الوزارة به موضح اسماء المكاتب ودرجة تصنيفهم

http://www.mol.gov.qa/arabic/Documents/Copy%20of%20officejune.pdf



واي استفسار عن هذه الأدارة والخدمات التى تقدماه ممكن افيدكم

[الخزرجي قطر]

المفروض وضع قوانين تحمي الكفيل والعقد محدد لايقل عن سنتين بين الكفيل والمكفول
اذا ماتبي تشتغل او عليها مشاكل تدفع الخادمه مبلغ مقابل عدم التزامها بعقد العمل .

[ولد العلي]

والقانون يستنى في حالة واحدة ان الضمان
اذا الحالة الأمنية فيها شي يعنى الخادم جاه ابعاد مثلاً
بعد فترة الضمان
المكتب ملزم بالضمان


في هذه الحالة .. هل أستطيع إختيار خادمة جديدة بدلا منها ؟

[بنـ الدحيل ـت]

أتمنى من حكومتنا الرشيدة أن تضع قوانين صارمة للخادمات

مثلا لو هربت تسجن لمدة ستة أشهر أو سنة

[المقاول]

هذا موضوع بسيط في حال النظر الية بالانسانية الحمد لله احنا في خير اولا
ولازم نتذكر ان هذة الخادمة مخلوق ضعيف سافرت وتغربت عن اهلها وعيالها
من اجل لقمة العيش .. ممكن تتحمل الغربة وتكمل عندك سنتين وممكن ما تستطيع
التحمل وتقولك سفرني على اهلي .. كبر قلبك واعمل شي لله وسفرها .. والمبلغ
اللي دفعتة ممكن تدفعة في سفرة مالها لازم .. انا شخصيا قبل اسبوع سفرت خادمة
فلبينية كبيرة في السن بعد مرور سنة واحدة فقط .. وحجزت لها تذكرة توصلها الى
المدينة التي تعيش فيها داخل الفلبين .. وهذا الشي اعطى اطمئنان اكثر للخادمات
الاخرى ... وربك كريم .

[Northqatar]

في هذه الحالة .. هل أستطيع إختيار خادمة جديدة بدلا منها ؟



نعم
او
تعاد اليك ما دفعته ماعاد رسوم الجوازات (( 300 ))

[ولد العلي]

نعم
او
تعاد اليك ما دفعته ماعاد رسوم الجوازات (( 300 ))

جزاك الله خير

[التيما]

الخطأ في القانون ومكاتب الاستقدام والخادم ماله ذنب .. قالوا يا فرعون وش فرعنك !!!

[التيما]

أتمنى من حكومتنا الرشيدة أن تضع قوانين صارمة للخادمات

مثلا لو هربت تسجن لمدة ستة أشهر أو سنة

ترا هاي مب حل !!! تنسجن وقاعده بالسجن اكل ومرعى وبس !!! لازم يكون في قانون رادع .. مثلا اللي تسافر قبل ما تخلص سنتين تمنع من دخول دول مجلس التعاون خمس سنوات .. أو اللي تغير كفيلها أكثر من مرتين خلال ست شهور تغرم راتب شهرين والمكتب يغرم مبلغ وقدره ..

[ღغروريღ]

ألسلام عليكم الحل سهل ياخوي بس ربعك مايبون هم مستانسين على استنزاف اموال الكفلاء اسهل امر رفع مده المهله سنه واتحداك اذا مكتب فكر يجيب خدم اي كلام ياخي انت وانا والكل شايف انه الوضع زاد عن حده بس وين الي بيتكلم ولا بيطالب شعب ميت احقوقه تظيع جدامه ولا يقدر ينطق اذا تبي قم انا اونت والناس المتظررين نجتمع ونروح ادرارة العمل والي فوقهم لين انشاالله نوصل حق بومشعل المهم يشوفون حل ولا كلام في المنتدى مراح يقدم ولا ياخر لازم نبداء نفكر صح ونعرف حقوقنا ونطالب فيها اذا لك خاطر طرش على الخاص ونحاول نجمع اكبر عدد وشوف وانا اخوك شلون بيتغير الوضع .

ملاحظة بيدش في موضوعك بعض السفهاء الي صدق انه القطري انسان متوحش يعامل الخدم مثل العبيد طالع رده واضحك لانه واحد من اثنين ياعنده مكتب خدم والموضوع بيضره يانه ماجرب حسرة الخدامه تقعد 3 شهور ويوم وتشرد ودايم تشوف دخلة حرام مسكينه عندها ظروف جايه ادور رزق وووو الخ

[doha1]

هذا موضوع بسيط في حال النظر الية بالانسانية الحمد لله احنا في خير اولا
ولازم نتذكر ان هذة الخادمة مخلوق ضعيف سافرت وتغربت عن اهلها وعيالها
من اجل لقمة العيش .. ممكن تتحمل الغربة وتكمل عندك سنتين وممكن ما تستطيع
التحمل وتقولك سفرني على اهلي .. كبر قلبك واعمل شي لله وسفرها .. والمبلغ
اللي دفعتة ممكن تدفعة في سفرة مالها لازم .. انا شخصيا قبل اسبوع سفرت خادمة
فلبينية كبيرة في السن بعد مرور سنة واحدة فقط .. وحجزت لها تذكرة توصلها الى
المدينة التي تعيش فيها داخل الفلبين .. وهذا الشي اعطى اطمئنان اكثر للخادمات
الاخرى ... وربك كريم .

حسستني الشيخ ان الفلوس فالبحر طايحه

الله يرحم والديك هالمثاليه اللي تتكلم عنها

مش كل بيت قادر يسويها

تتكلم عن 10000 ريال يعني مبلغ وقدره اقطه منيه والدرب واخرتها تروح الفلوس فالهوا

حدث العاقل بما يعقل :telephone:

[doha1]

السلام عليكم

في الوقت الحالى وحسب النظم المعمول بالدولة

وزارة العمل
ادارة الأستقدام - قسم مكاتب جلب الأيدي العاملة

ومقرهم
في نجمة با أدارة تفتيش العمل بالدور الأول - مقابل مبنى جريدة الراية


وأختصاص الأدارة
كتالي :

من بداية تعاقد المواطن او المقيم مع المكتب
الى أن توصل هنا في قطر
وضمان لمدة 3 أشهر

والقانون يستنى في حالة واحدة ان الضمان

اذا الحالة الأمنية فيها شي يعنى الخادم جاه ابعاد مثلاً

بعد فترة الضمان

المكتب ملزم بالضمان

وهذا رابط الوزارة به موضح اسماء المكاتب ودرجة تصنيفهم

http://www.mol.gov.qa/arabic/documents/copy%20of%20officejune.pdf



واي استفسار عن هذه الأدارة والخدمات التى تقدماه ممكن افيدكم

عارفين هالنظام 3 شهور فترة اختبار لها

لكن لما توصل قطر يبيلها 45 يوم تقريبا

طيب بعد هالانتظار واختبرتها وماجازت لنا ارجعها المكتب واطلب غيرها

او استرجع فلوسي واروح لمكتب ثاني ونفس الحكمه انتظر 45 يوم

فالنهايه مااستفدت ولا حاجه

[بومحمد المطاوعه]

الله المستعااان

محد بيحميك اخوي

رب العالمين يحمينا من هذي المفاسد الي نشوفها

9000 ريال تروح في غمضه عين

واذا سلمت نفسها للشرطه بكل فخر يتصلون تعال ادفع التذكره

نعم ياحبيبي. وال 9000 وين راحت ؟؟

رجعولي فلوسي مستعد احجز لها درجه اولى

بس عطوني ال 9000 مب تعال ادفع التذكره

والله عانيت لين زهقت والحمدلله الحين عندي خدم بس والله
خساير ف خساير

[شيخ الديرة]

لازم يكون في قانون رادع .. مثلا اللي تسافر قبل ما تخلص سنتين تمنع من دخول دول مجلس التعاون خمس سنوات .. أو اللي تغير كفيلها أكثر من مرتين خلال ست شهور تغرم راتب شهرين والمكتب يغرم مبلغ وقدره ..

أنا حذرت خدامتي من أول يوم أنه اذا قالت تريد ترجع قبل السنتين أو اذا ما أشتغلت زين, أتهمها باطلا بسرقة وأسلمها للشرطة وبذلك ما تستطيع تعود للخليج للعمل لمدة خمس سنين

[qatara]

ترا هاي مب حل !!! تنسجن وقاعده بالسجن اكل ومرعى وبس !!! لازم يكون في قانون رادع .. مثلا اللي تسافر قبل ما تخلص سنتين تمنع من دخول دول مجلس التعاون خمس سنوات .. أو اللي تغير كفيلها أكثر من مرتين خلال ست شهور تغرم راتب شهرين والمكتب يغرم مبلغ وقدره ..


ليس بمشكله تاكل وترعى وتدفع ثمن الاكل هي او سفارتها
لتحس هي والسفاره ان الحقوق اننا بلد فتح مجال للعمل
والترزق لهم وليس لتلاعبهم هم ومواطنيهم

[بصمة قطرية]

للأسف حقوق المواطن مع مكاتب الخدم ضايعة
والله لو تصدر قوانين من إدارة العمل
و تكون صارمة
و ضد المكاتب والخدم
كان تسنعوا
و لا شفنا حالات الهروب
آو اللي تستلعن بعد ما تكمل الثلاث شهور
فترة الضمان
و تعال إدفع لها تذكرة
طيب و الفلوس و التعب و الإنتظار ..!!!!!