الدراجات الناريه وخصوصيتها !!!

[PGR]

السلام عليكم , بما اني احد ملاك الدراجات الناريه (هارلي) في هالجو نكثر الطلعات ونستغل الجو الحلو ,,, حبيت اتكلم عن حادثه صارت لنا من كم يوم في سوق واقف ,,, الدراجة تعتبر ملك خاص كانها سياره يعني مش من حق اي شخص انه يركب عليها او يلمسها بدون استأذان,, اللي صار انه صفينا دراجاتنا وعقب ما رجعنا لها حصلناها مبصمه من كل مكان غير شموخ الجواتي وحتى اقنعة الوجه ملبوسه ,, صار مافي اي احترام لخصوصيه الملكية,, والمشكلة مافي مواقف مخصصه للدراجات في جميع الاماكن عندنا وكان مالها حق تتواجد في الشارع,, في كتارا مسوين باركينج صغير للدراجات وهالمكان هو المكان الوحيد ,, شالحل مع هالناس ؟؟ هل كل ما اروح مكان اوقف حارس شخصي على الدراجة تمنع اي احد يقرب منها ؟؟؟ ياخي بتصور على الدراجة صور بس بحضوري عقب ما تستأذن مب تعفس كلشي وتروح ,,, حبيت اطرح هالموضوع لعل وعسى يكون في حل لنا على مستوى جميع الاماكن ,, وشكرا للجميع

اخوكم/ بومحمد

[عيون الدوحة]

الله يعينك

[حسن]

والله يابو محمد

تبي نصيحه اخو اترك هل البطبطه عنك ابرك لك ولسلامتك
مهب كل شي في الغرب يسونه واحنا نسويه
عني انه لو تذبحني ماركبت بطبطه وادور في الشوارع

[Rider]

مشكلة البعض ينظر حق اهل الدراجات بنظر اخرى

[Aaziz]

السلام عليكم

هواية الدراجات و خصوصا الهارلي هوايه حلوه و ممتعة ،، اذا ماصار فيها الامور الي مرفوضه في مجتمعنا و ديننا .

و الحادثه الي صارت لدراجاتكم هذا شي مش عادي ،،، مستحيل اني مثلا اركب ولدي على دراجه و اصوره او اني اركب دراجه ما اعرف راعيها و اصور عليها ،،، لا مش عادي يعني الي سوا هذي الحركه فعلا تعدا عليكم بتصرفه هذا و لك حق اذا شفته تطلب له الامن .
انا لو مكانكم احاول ما اوقف الا و الدراجه قدامي او انه كل شوي حد يتفقد الدراجات .
المواقف المخصصة للدراجات ماراح تنهي المشكله ،،، الشخص هذا بيروح للدراجه سواء واقفه في مواقف مخصصة للدراجات او مواقف عادية .

بصراحه موقف يضايق فعلا

[الزلزال]

هذا تصرفات شخصيه

كل واحد وتربيته فيه ناس تستأذن وفيه ناس مسوينها بحري مش في الدرجات بس

[الزعفراني]

هذا تصرفات شخصيه

كل واحد وتربيته فيه ناس تستأذن وفيه ناس مسوينها بحري مش في الدرجات بس

اتفق مع هالرأي ..

[البحار00]

ليتها جات علا البطابط ياخوي

سيارتي لقيت واحد متسند علا البانه ولا فوق هالشي

حاط عشاة وقوطي البيبسي فوق البانه

ومرة واحد متسند علا الباب يدوخ زقارة

جيته فتحت له الباب قلت له شرايك اشغل لك المكيف وتدخن علا راحتك

صخ وسكت ولا نطق بكلمه

ثق تماماً ان محد يسوي هالسوالف الا الأجانب

لان هالقطر متربين وشايفين خير

[PGR]

والله تعبنا من هالتصرفات اللي ماتصدر من هل قطر ,,, الاجانب(البعض) عندنا ويعفسون ويسوون اشياء احنا ما نرضاها ,,, يعني حتى السيارات تشوف واحد متكي على بانة السياره وعادي عنده جنه متكي في البيت

[الغريب70]

الله يعطيك خيرها ويكفيك شرها يابو محمد والله يعينك على هالنوعية بس تبي الصراحه شكل الهارلي رزه و انا من محبين الهارلي بس مب انا الي ركبت على الهارلي حقتك :)
وشوري عليك لو تاخذ لك طربال مناسب للحالات هذي

[BoFahed]

والله هاي حركات قليل ذوق واحساس وانا اشوف عدوى قلة الذوق انتشرت في البلد هاليومين في السواقة و الاسواق في الشغل في الشارع في البر في البحر مادري شلون يعني الله فتح علينا رواتب ورفاهية وسفر برا بس ما فيه فايد تحصل الواحد كاشخ ولا بس ارقى الماركات بس حركاته جنقلية لاقصى درجة

[معماري قطري]

السلام عليكم , بما اني احد ملاك الدراجات الناريه (هارلي) في هالجو نكثر الطلعات ونستغل الجو الحلو ,,, حبيت اتكلم عن حادثه صارت لنا من كم يوم في سوق واقف ,,, الدراجة تعتبر ملك خاص كانها سياره يعني مش من حق اي شخص انه يركب عليها او يلمسها بدون استأذان,, اللي صار انه صفينا دراجاتنا وعقب ما رجعنا لها حصلناها مبصمه من كل مكان غير شموخ الجواتي وحتى اقنعة الوجه ملبوسه ,, صار مافي اي احترام لخصوصيه الملكية,, والمشكلة مافي مواقف مخصصه للدراجات في جميع الاماكن عندنا وكان مالها حق تتواجد في الشارع,, في كتارا مسوين باركينج صغير للدراجات وهالمكان هو المكان الوحيد ,, شالحل مع هالناس ؟؟ هل كل ما اروح مكان اوقف حارس شخصي على الدراجة تمنع اي احد يقرب منها ؟؟؟ ياخي بتصور على الدراجة صور بس بحضوري عقب ما تستأذن مب تعفس كلشي وتروح ,,, حبيت اطرح هالموضوع لعل وعسى يكون في حل لنا على مستوى جميع الاماكن ,, وشكرا للجميع

اخوكم/ بومحمد

بعد يا اخوي الكثيرين ممن يقودون هذه الدراجات يتطللون وهم يتلفتون "ببراءَة" في وجوه سائقي السيارات وبعضهم معاه شوفات.

والكثير منهم يرعبون مستخدمي الطريق بأصوات دراجاتهم العالية.

والكثير منهم يقودون بسرعة جنونية ويمشون على تاير واحد.

وبما أن الدراجة ملكية خاصة، وتعامل كالسيارة، لماذا وقت الزحام تتغلغل بين السيارات وتصل لأول الصف ولا تقف خلف السيارات؟ وهذا نظام مروري متبع في أغلب الدول.

[أسد الجزيرة]

البعض من راعين الهارلي و الدراجات باع دينه بمتاع الدنيا الفاني و قام يركب خلفه الساقطات وراه كأنه هذا هو قمة التطور

[MAZEN37]

ذكرتني ايام الدراسه كنت اخلي ناطور على البايك وين ما اروح نفس الشي
شيء يضايق خصوصا انه فيها اشياء سهلة الكسر

[بوعلي2]

الله يعينك

[الارض]

ركزوا على موضوع الريال يرحم امكم

الريال يقولكم الدراجات وخصوصيتها والبعض فتح مواضيع مالها دخل من الأساس

[R 7 A L]

الشكوى لله ياخوي

[PGR]

بعد يا اخوي الكثيرين ممن يقودون هذه الدراجات يتطللون وهم يتلفتون "ببراءَة" في وجوه سائقي السيارات وبعضهم معاه شوفات.

والكثير منهم يرعبون مستخدمي الطريق بأصوات دراجاتهم العالية.

والكثير منهم يقودون بسرعة جنونية ويمشون على تاير واحد.

وبما أن الدراجة ملكية خاصة، وتعامل كالسيارة، لماذا وقت الزحام تتغلغل بين السيارات وتصل لأول الصف ولا تقف خلف السيارات؟ وهذا نظام مروري متبع في أغلب الدول.

اخوي الشوفات والتطلل بالسيارات حتى راعين المواتر يسوونها ما جات على الدراجات وانا ابغض الفئتين السيارات والدراجات ’’’ السرعه الجنونيه نفس الشي السيارات والدراجات ,, الاصوات العاليه عادة تكون بين السيارات تنبيه للسائقين للانتباه انه في دراجة موجوده ,,, بالنسبه انه الدراجة توقف في اول الصف هاي قانون متبع عندنا في دولتنا مالنا خص في الدول الاخرى والدليل انه دراجات المرور تشوفها على الخط السريع تتجاوز السيارات بعد فلو انا ابي اخذ دراجة عشان اوقف مع المواتر كان خذتلي موتر وشنو هي المشكلة انه الدراجة توقف في اول الصف؟؟؟ يعني كم دراجة في الدولة عشان بتسبب مشكلة زحام لو سوتها ؟؟ ارجوا اني اكون جاوبت على كل نقاطك

تحياتي لك

[PGR]

البعض من راعين الهارلي و الدراجات باع دينه بمتاع الدنيا الفاني و قام يركب خلفه الساقطات وراه كأنه هذا هو قمة التطور

صح اخوي البعض كما ذكرت انت كما انه في البعض من راعيين السيارات يعمل بالمثل لكن مافي تعليق عليهم لانهم خاشينهم داخل الموتر لكن الدراجة مكشوفه

تحياتي لك اخوي الكريم

[PGR]

الله يعطيك خيرها ويكفيك شرها يابو محمد والله يعينك على هالنوعية بس تبي الصراحه شكل الهارلي رزه و انا من محبين الهارلي بس مب انا الي ركبت على الهارلي حقتك :)
وشوري عليك لو تاخذ لك طربال مناسب للحالات هذي

تحياتي لك اخوي الكريم والله يرزقك بدراجة هارلي ان شاء الله :) ههه وحلالك اذا انت اللي بتركبها اخوي

[RO7 QATAR]

صباح الخير
اتفق معاك اخوي في الخصوصية والملكية الخاصة ... وكل شخص يتملك سيارة أو دراجة يكون صارف عليها مبلغ وقدره (مهما كان المبلغ) وما يحب أن يجيك واحد وبكل استهتار يشمخها أو يتسند عليها.
ولازم نعرف إن السواقة بكل أنواعها (سيارة، دراجة) هي فن وذوق وأخلاق، كل شي له احترامه واللي مب متربي لا السيارة ولا الدراجة بتربيه وبتحسن أخلاقه.

[Abdulraman]

فعلا كلاك الاخ صحيح في ناس كأنها ماشايفه خير
الله يعينك ويعوضك يا بو محمد

[بورصواوي]

المشكله هذي اهون من المضايقات من السيارات ويقربون مني بشكل غريب ترى لمسه وحده اروح فيها مايحسون لان اخر شي بيصلح الشمخ من التامين وهو ماشي.

ولا الي سيارته مافيها عزم بيسكل اطوفها يبي يسابق.... ولا يقولي نقز ولا عط ريسات... شايفني مهرج !!!!

ياناس شي يقهر والنهايه بعت الدراجه من القهر

[PGR]

الله يعين ان شاء الله ,, اتمنى تكون بعد في مواقف متوفره للدراجات خاصه فيها

[فراغ]

أخوي ركب لها جهاز انذار
من يمسكها الهندي تصيح البطبطه
وهنيه بيشرد الهندي
انا اتهم الهنود

[sweet qatar]

تقدر تحط جهاز انذار على الموتو.. :)

المسألة مسألة ذوق.. واحترام..



الله يعينك اخوي.. وان شالله كل الاماكن تعمل حسابكم.. وحساب السياكل العادية.,

[Locale]

اطبع ورقتين بالعربي والانجليزي وغلفهم بالشفاف
واكتب عليهم ممنوع الركوب واللمس

اعتقد يركبون عيالهم يصورونهم

[طبيب قطري]

الحل انك تحط جهاز إنذار .. في لندن مسويين مواقف للدراجات بشكل مرتب في كل مكان ..
لكن اخوي خلينا نكون واقعيين ، اذا مافي مواقف كفايه بسوق واقف للسيارات تبي يسوون مواقف للبطبطه!

[حميداني]

الله يعطيك خيرها ويكفيك شرها يابو محمد والله يعينك على هالنوعية بس تبي الصراحه شكل الهارلي رزه و انا من محبين الهارلي بس مب انا الي ركبت على الهارلي حقتك :)
وشوري عليك لو تاخذ لك طربال مناسب للحالات هذي

حلوه فكرة الطربال واوفق الراي اخوي الغريب
والله يعينك , هالاشكال اتحصلهم في كل مكان ومثل ما قالو الشباب الموضوع يعتمد على التربيه

[alsoq]

احس انه انسان فاضي من يستخدم الدراجه

الاجانب يستخدمونه للعمل والمشاوير يعني محتد عليها
وفي امريكا يستخدمها الصيع شغلتهم من ولايه الى ولايه بدون هدف

وهنا بقطر للمغازل وقله الحيا يستخدمونها

[بـن عدوان]

استغرب من ردود بعض الاخوان

هاي مثلا :rolleyes2::rolleyes2::rolleyes2:


احس انه انسان فاضي من يستخدم الدراجه

الاجانب يستخدمونه للعمل والمشاوير يعني محتد عليها
وفي امريكا يستخدمها الصيع شغلتهم من ولايه الى ولايه بدون هدف

وهنا بقطر للمغازل وقله الحيا يستخدمونها

ياخوي ركوب الدراجات هواية

تدري شلون ؟ المفروض نستخدم سياكل لانه في صيع يستخدمون مواتر حق المغازل والاستعراض :rolleyes2:

الله يعينك ياصاحب الموضوع

[منابر خالده]

بس ياخوي انت موضوعك اهون من راعي التشوبر هههههه
مسكين واحد من الشباب تلعوز من ياهل خرب له ميزانيه الكربريتر تم يفرفر بالابره
مسكين حملها بالبركدون
اخوي نصيحه مني لاترد على بعض العقليات
ترد على طوفه احسن من انك ترد عليهم
ربي يحفظك
منابر خالده

[سعادة الوزير]

والله يابو محمد

تبي نصيحه اخو اترك هل البطبطه عنك ابرك لك ولسلامتك
مهب كل شي في الغرب يسونه واحنا نسويه
عني انه لو تذبحني ماركبت بطبطه وادور في الشوارع

سبحان الله ، الحين صارت الدراجات سنة سيئة جابها لنا الغرب؟؟؟

[تغلبية]

صحيح كلن وتربيته وأخلاقه ..

وعادة هالتصرفات ماتجي إلا من الأجانب .. البسطاء ..
دراجاتكم حلوة .. مايحصلهم يشوفنها إلا في التلفزيون والا المجلات ..
لازم بيصورون جنبها اليهال وبيجربونها على بالهم محل العاب .. !:p


امممم ممكن لما تصف البايك .. تحط لوحة صغيرونه مكتوب عليها:
ممنوع اللمس
Do not touch
نہ چھو
ধরা নিষেধ


^^ أتكلم جد !:p

[PGR]

يعطيكم العافيه الجميع على الردود الطيبه والردود الغير اللائقه عطيتها طاف ,, فكرت يا شباب بورقه مكتوب على ممنوع اللمس لكن هذيله ماتوقع راح يفهمون راح يشيلونها ويصورون ويردونها عادي عندهم

[راشد محمد]

الله يعينك يا اخوي,,فعلا موقف يضايق وينرفز