سخان المطبخ و مراوح الحمامات ( جلكم الله )

[عايش فرحان]

السلام عليكم

الموضوع باخنصار اني قاعد اصمم بيتي .. وكنت ناوي اركب سخان خاص للمطبخ الخارجي غير السخان المركزي مال البيت .. الاهل معارضين لانه يشوه المطبخ على قولتهم.. وسؤالي للمجربين هل تنصحون انه اخلي السخان المركزي يخدم الملاحق او المطبخ الخارجي على الاقل.

بخصوص مراوح الحمامات (وانتوا بالكرامه) الاهل طالبين اني اركبهم على قزاز درايش الحمامات .. وانا احس انه تركيبهم على الطوفة اقوى و اضبط .. هل فيه مشكلة في تركيب مراوح من النوع القوي و الجيد على الزجاج ؟

وشكرا.

[Chambray]

السلام عليكم

الموضوع باخنصار اني قاعد اصمم بيتي .. وكنت ناوي اركب سخان خاص للمطبخ الخارجي غير السخان المركزي مال البيت .. الاهل معارضين لانه يشوه المطبخ على قولتهم.. وسؤالي للمجربين هل تنصحون انه اخلي السخان المركزي يخدم الملاحق او المطبخ الخارجي على الاقل.

بخصوص مراوح الحمامات (وانتوا بالكرامه) الاهل طالبين اني اركبهم على قزاز درايش الحمامات .. وانا احس انه تركيبهم على الطوفة اقوى و اضبط .. هل فيه مشكلة في تركيب مراوح من النوع القوي و الجيد على الزجاج ؟

وشكرا.

المراوح الناس طايحين في مراوح السقف .. أرتب للحمام وانظف .. وماتدخل غبار وقوه الشفط اكبر ..


اذا شبكت المطبخ مع الملاحق والفيلا الرئيسيه يعني ( خزان واحد فقط ) الي هو خزان الفيلا الرئيسي راح يغذي الفيلا بالملاحق والمطبخ

ناس وايد تسوي هالطريقه

لكن انا حطيت خزان منفصل فوق الملحق وجعلت سخان خاص للمطبخ وسخان خاص لغرفه الخدامه ..

والسخان المركزي للفيلا ( يخدم بس الفيلا )

والرأي الاول والاخير ( لك انت ولا قتناعك بالي تسويه )

[MAZEN37]

بعد اذن صاحب الموضوع
مراوح السقف تركب كيف فتحه علويه او في الجبس مع قناه للخارج
احد عنده صور

[الســـهم]

السلام عليكم

الموضوع باخنصار اني قاعد اصمم بيتي .. وكنت ناوي اركب سخان خاص للمطبخ الخارجي غير السخان المركزي مال البيت .. الاهل معارضين لانه يشوه المطبخ على قولتهم.. وسؤالي للمجربين هل تنصحون انه اخلي السخان المركزي يخدم الملاحق او المطبخ الخارجي على الاقل.

بخصوص مراوح الحمامات (وانتوا بالكرامه) الاهل طالبين اني اركبهم على قزاز درايش الحمامات .. وانا احس انه تركيبهم على الطوفة اقوى و اضبط .. هل فيه مشكلة في تركيب مراوح من النوع القوي و الجيد على الزجاج ؟

وشكرا.

هلا اخوي عايش فرحان ..

بالنسبة للاستفسار الأول , اذا حاب تفصل خزان المطبخ والملاحق عن خزان الفيلا , فأنصحك تركب سخان خارجي (50 جالون ) بأعلى الملحق جنب الخزان , وهالنوعيه من السخانات تلقاها عند شركة محمد واخوانه , انا مجربها من 6 سنوات والحمدلله بدون اي مشاكل ..

اما بخصوص مراوح التهوية والشفط , فأنصحك من تجربة أيضا , عليك بالشفاط اللي يتعلق بالسقف , صج يمكن يكلفك فالبداية بحدود من 500 الى 800 ريال للشفاط الواحد , بس صدقني انظف واحلى مليون مرة من المراوح العادية , ولو تعطل الشفاط كلها برغيين تفك فيهم المروحة القديمة وتركب المروحة الجديدة بـ 150 ريال او اقل , حاليا مركب نوعية شريتها من شركة الدرويش بـ 550 ريال ماركة اكسبلير من 6 سنوات , واختربت علي مرة وحدة وبدلت المروحة بـ 140 ريال , واذا تبي ضمان خمس سنوات على الشفاط وبسعر 800 ريال بتلقاه عند شركة اينوكس بشارع الخليج ..

الله يوفقك ويعينك على البنيان ووجع الراس ..

[الســـهم]

بعد اذن صاحب الموضوع
مراوح السقف تركب كيف فتحه علويه او في الجبس مع قناه للخارج
احد عنده صور

اخوي mazen ..

هالنوعية من الشفاطات تتركب ووتعلق بالسقف قبل تركيب الجبس او الانتردوجلاس , ولها دكت بايب بحجم 4 انش يجي معاها , وتسوي لها فتحة بحجم 4 انش فالجدار فوق مستوى الجبس , ويتركب لها كفر خارجي يغطي فتحة التهوية ..

الشغلة جدا بسيطة ومش معقدة , تقدر تشتري الشفاط من الدرويش او اي شركة ثانية وتجيب الكهربائي يركبها , واذا بغيت شركة تبيعك اياها وتركبها لك عندك شركة اينوكس بشارع الخليج , كل اللي عليك انك تفتح لهم فتحة 4 انش بالجدار واهم يكملون الباقي ..

[دااانة قطر]

بعد اذنكم كلكم ايش افضل سخانات الماي ومن وين؟؟

[ضوى]

بعد اذنكم كلكم ايش افضل سخانات الماي ومن وين؟؟

السخانات العادية فالنسيا زين وثيروموكس زين والخزف السعودي زين وكلهم جربتهم وعاشوا عمر معاي

[الســـهم]

http://www.qatarshares.com/vb/showthread.php?t=453295

هذا موضوع سابق عن مروحة الشفط اتمنى يفيدكم ..

[دااانة قطر]

السخانات العادية فالنسيا زين وثيروموكس زين والخزف السعودي زين وكلهم جربتهم وعاشوا عمر معاي

تسلمين عزيزتي
بس وين الاقيهم

[ضوى]

تسلمين عزيزتي
بس وين الاقيهم

الخزف السعودي موجودة الشركة في شارع سلوى جنب وكالة المرسيدس

فالنسيا وثيرموكس في نابينا وحتى محلات الادوات الصحية تجيبه لج اذا بغيتي وطلبتيه بالاسم

[عايش فرحان]

شكرا للجميع على الردود الكريمة ..
واخص بالذكر الاخوان chambray و الاخ السهم ..
بارك الله فيكم ماقصرتوا

[دااانة قطر]

الخزف السعودي موجودة الشركة في شارع سلوى جنب وكالة المرسيدس

فالنسيا وثيرموكس في نابينا وحتى محلات الادوات الصحية تجيبه لج اذا بغيتي وطلبتيه بالاسم



جزااج الله خير

[MAZEN37]

شكرا السهم نفس ما كنت متوقع ومتصور
جزاك الله خير على المعلومات

[K.A]

السلام عليكم

اخوي نصيحه
البيت خله مركزي
والمحلق والسايق وكل اللي مب مرتبط في البيت خذ له صخان سعودي صغير افضل لكثر الاستخدام
اما من ناحيه المروحه انصحك في اللي في السقف انا ركبت وافضل بس افتح لها مخرج من الطوفه
ولما تشتري المروحه مايجي معاها الكونكت للخارج
في قطعه 6متر مثل الاسبرنغ تنباع بروحها

نصيحه البيت خله 5 نجوم
والملحق وغيره خل طبيعي لكثر الاستخدام

[مواقف النجادة]

هلا اخوي عايش فرحان ..

بالنسبة للاستفسار الأول , اذا حاب تفصل خزان المطبخ والملاحق عن خزان الفيلا , فأنصحك تركب سخان خارجي (50 جالون ) بأعلى الملحق جنب الخزان , وهالنوعيه من السخانات تلقاها عند شركة محمد واخوانه , انا مجربها من 6 سنوات والحمدلله بدون اي مشاكل ..

اما بخصوص مراوح التهوية والشفط , فأنصحك من تجربة أيضا , عليك بالشفاط اللي يتعلق بالسقف , صج يمكن يكلفك فالبداية بحدود من 500 الى 800 ريال للشفاط الواحد , بس صدقني انظف واحلى مليون مرة من المراوح العادية , ولو تعطل الشفاط كلها برغيين تفك فيهم المروحة القديمة وتركب المروحة الجديدة بـ 150 ريال او اقل , حاليا مركب نوعية شريتها من شركة الدرويش بـ 550 ريال ماركة اكسبلير من 6 سنوات , واختربت علي مرة وحدة وبدلت المروحة بـ 140 ريال , واذا تبي ضمان خمس سنوات على الشفاط وبسعر 800 ريال بتلقاه عند شركة اينوكس بشارع الخليج ..

الله يوفقك ويعينك على البنيان ووجع الراس ..


السلام عليكم ..

شركة محمد واخوانه .. وين مكانها؟

[abdulla999]

السلام عليكم

اخوي نصيحه
البيت خله مركزي
والمحلق والسايق وكل اللي مب مرتبط في البيت خذ له صخان سعودي صغير افضل لكثر الاستخدام
اما من ناحيه المروحه انصحك في اللي في السقف انا ركبت وافضل بس افتح لها مخرج من الطوفه
ولما تشتري المروحه مايجي معاها الكونكت للخارج
في قطعه 6متر مثل الاسبرنغ تنباع بروحها

نصيحه البيت خله 5 نجوم
والملحق وغيره خل طبيعي لكثر الاستخدام

وش هي القطعة الي تنباع بروحها هل في نفس المحل تنباع ولا غير

[الســـهم]

السلام عليكم ..

شركة محمد واخوانه .. وين مكانها؟

هلا اخوي مواقف النجادة ..

موجودة الله يسلمك بشارع نجمة , اذا تكون جاي من اشارات العاصمة ( دوار المجنون سابقا ) رايح باتجاه المطار , بتجيك اشارة نجمة وبيكون على يمينك محل الشاهين , خذها يمين وبتلقى شركة محمد واخوانه على يمينك بعد 100 متر تقريبا ..

[مواقف النجادة]

هلا اخوي مواقف النجادة ..

موجودة الله يسلمك بشارع نجمة , اذا تكون جاي من اشارات العاصمة ( دوار المجنون سابقا ) رايح باتجاه المطار , بتجيك اشارة نجمة وبيكون على يمينك محل الشاهين , خذها يمين وبتلقى شركة محمد واخوانه على يمينك بعد 100 متر تقريبا ..

مشكور يالغالي .. ماقصرت..

[عيون الدوحة]

اخوي نصيحة روح قرية بروة طريق المطار
في محل ماركة kdk خذ المراوح السقفية
أنا ركبت منهم حتى القطعة الخارجية يبيعونها وشكلها حلو والطيور مايقدرون يوقفون عليها والغبار مايدخل البيت

[ضوى]

اخوي نصيحة روح قرية بروة طريق المطار
في محل ماركة kdk خذ المراوح السقفية
أنا ركبت منهم حتى القطعة الخارجية يبيعونها وشكلها حلو والطيور مايقدرون يوقفون عليها والغبار مايدخل البيت

ايه والله حلوين وعجبوني ، وافكر فيها لحمامات الطابق الارضي ، اتوقع بنكون حلوة وايد

[عيون الدوحة]

ايه والله حلوين وعجبوني ، وافكر فيها لحمامات الطابق الارضي ، اتوقع بنكون حلوة وايد

بنزل صورها أن شاالله لي رحت البيت :)
وفي انوع تجي معاها أضاءة بس لازم طلبية تخلينهم يطلبونها لج