بلييييز اللي عنده خبرة

[المسافرة]

ابي مشور تكم واتمنى محد يبخل علي بأي معلومة

انا حابة يكون عندي مصدر دخل غير راتبي وبنفس الوقت ماقدر افتح اي مشروع لاني ماقدر اجابله ابي شي سهل واربح فيه وايد :ok: لحد يقولي خيالاتج واسعة ادري وايد يسونها وبراس مال جدا بسيط
من اسبوع قالي واحد نتشارك في واحد يبي كفالتنا بس وهو مسؤول عن مشاريع البناء واحنا ناخذ بالنسبة وطبعا مشاريع البناء يكسب بالملايين واحنا الكفالة بس ناخذ النسبة ويمكن يطلع بالشهر عشرين الف بس يا فرحة ماتمت شكله استانس للمشروع وقال يبه خلها حق نفسي بدون مشاركة وقطع عني :rolleyes2:
قلت بستفسر هني لعل وعسى اجد ظالتي :rolleyes2: واحد منكم يشورني بشي بإخلاص وأمانة
يالله عاد همتكم حق اختكم اللي ما عندها خبرة بالتجارة للأسف

ويعطيكم العافية

[شموخ دائم]

,

,


مرحبا

اختي الكريمه

ان شاء الله الاعضاء يفيدونك والله يوفقك ويرزقك الرزق الحلال

بالنسبه لموضوع ( الكفاله ) او تأجير السجل

هذا موضوع مو سهل وخطير

لان الكفيل او صاحب السجل هو المسئول امام القانون وامام المحاكم

عن فلوس الناس

:)

حبيت اوضح هذا الموضوع

,

,


اخوك


شموخ دائم

[حمد 2002]

الله أيوفقج أنشاءالله

[المسافرة]

اخوي شموخ
بس وكالة او كفالة اللي اعرفه في نوع مو كل شي يقدر يسويه في أمور يرجع لنا فيها او يكون في العقد وعند المحامي أن هو المسؤول عن كل شي وأي مشكلة هو يتحملها
وشكرا على التوضيح

ويوفقك اخوي حمد

[شموخ دائم]

,

,


اختي الكريمه

حتى لو العقد بينكم مسويه محامي
المسؤليه القانونية على صاحب السجل

يعني لو هو استأجر مكتب للشركه واستأجر سكن عمال
واخذ سياره اقصاد للشغل
ودائما الايجار والاقصاد باسم الشركه
نفرض هو ما قدر يدفع لان ما عنده فلوس بالشركه يدفع

هذا الي انا اقصده انتي مسئوله عن هذي الشيكات
لانك صاحبه السجل
والكل بيتصل فيك انتي ما بيتصلون في هذا الشخص بهذي الحاله
يدورون الكفيل

واحنا مو مال مشاكل ومن الطبيعي بنحل الموضوع
:)
وماله حل الا بالدفع

حتى العقد عند محامي وهو متحمل المسئوليه
بكل سهوله بيقول
ماعندي
من وين اجيب الشركه خسرانه

وياما صارت لنا ولغيرنا

ردي هذا للتوضيح فقط

طبعا ما ننسى ان هناك عشرات الشركات ماشيه تمام ومافيها مشاكل والاثنين يربحون
اذا كان الشخص الاجنبي شخص ممتاز ويشتغل بالحلال وعنده الخبره الكافيه
ويتعب في شغله ويعرف كيف يربح

بالتوفيق

,


,


اخوك



شموخ دائم

[زقرتي ومزاجي]

,

,


اختي الكريمه

حتى لو العقد بينكم مسويه محامي
المسؤليه القانونية على صاحب السجل

يعني لو هو استأجر مكتب للشركه واستأجر سكن عمال
واخذ سياره اقصاد للشغل
ودائما الايجار والاقصاد باسم الشركه
نفرض هو ما قدر يدفع لان ما عنده فلوس بالشركه يدفع

هذا الي انا اقصده انتي مسئوله عن هذي الشيكات
لانك صاحبه السجل
والكل بيتصل فيك انتي ما بيتصلون في هذا الشخص بهذي الحاله
يدورون الكفيل

واحنا مو مال مشاكل ومن الطبيعي بنحل الموضوع
:)
وماله حل الا بالدفع

حتى العقد عند محامي وهو متحمل المسئوليه
بكل سهوله بيقول
ماعندي
من وين اجيب الشركه خسرانه

وياما صارت لنا ولغيرنا

ردي هذا للتوضيح فقط

طبعا ما ننسى ان هناك عشرات الشركات ماشيه تمام ومافيها مشاكل والاثنين يربحون
اذا كان الشخص الاجنبي شخص ممتاز ويشتغل بالحلال وعنده الخبره الكافيه
ويتعب في شغله ويعرف كيف يربح

بالتوفيق

,


,


اخوك



شموخ دائم



اخوي شموخ بدون مجاملة انت اضافة ومكسب للمنتدى بدون مجاملة
اتمنى لك بالتوفيق

[المسافرة]

شكرًا للاخوان اللي ردو بس احد عنده خبره او مشاركة وتكون لي نسبة لا يبخل علي لاني حابة ادش في هالمجال بس لعدم الخبرة مابي اسوي شي بروحي ابيه مع احد له خبرة في هالمجال وعنده افكار يفيدني

[Al-Kuwari]

نصيحه

قبل ماتدخلين بأي مجال ادرسيه وتثقفي فيه ظ،ظ*ظ*ظ*ظ*ظ*ظھ

الموضوع خطير وممكن تلاقين نفسج فالمحاكم لقلة الخبرة والقانون مابيحميج حزتها ..

[alhurmsi]

التجارة ليست بالشيء السهل وفيها الخسارة والربح .. ومن اهم النقاط قبل الدخول في التجارة وهي من واقع خبرتي :
1- الرغبة في التجارة وتسخير الوقت والجهد اللازم لها .
2- تقبل الخسارة ولو كانت ثقيلة على النفس .
3- الدراسة والخبرة ضرورية قبل الدخول فيها .
4- البيئة التجارية والعقلية المساعدة على التجارة .
5- حب التجارة والتعمق فيها والتعرف على بعض من رجال الاعمال للاستفادة من تجاربهم .
6- مصادر التمويل ضرورية في التجارة هل هي كاش او سلف من المقربين او قرض من البنك .
7- البدائل في حالة الخسارة .

أما في حالة الكفالة مقابل النسبة فهي غير قانونية وعلى درجة كبيرة من المخاطرة والمغامرة لأن الألتزامات المالية لا سمح الله حصل خسارة للشركة فالأجنبي غير مسؤؤل عنها وبالتالي الشريك القطري هو من سيتحملها

وبالتوفيق يا رب للجميع

[الصايغة]

اختي انا لي عندج فكرة حلوة ومكسبة انشاءالله في نفس الوقت وما تحتاج انج تطلعين مكان وتجابلين الشغل:

روحي مكاتب الخدم واطلبي كوافيرتين فلبنيتين, طبعاً من واقع خبرتي صعب تحصلين وحدة جاهزة تعرف شغل الخليج كله لأن الشغل هناك في الفلبين مختلف عن الخليج لكن تعرف باديكير ومانكير وعندها خبرة بسيطة في الصبغات والسشوار هذا اللي راح تلقينه عادة في المكاتب ورواتبهم 1500 ريال قطري.
بعد ما يوصلونج عطيهم دورة في شغل الصالون وانصحج اختي تبتعدين عن المحرمات من نمص ووصل شعر عشان الله يبارك لج وخلي الدورة تكون في البيت عندج يعني المدربة توصلج للبيت تعلمهم كل شي متعلق بالشعر سواء قص , صبغات , تسريحات, كريمات فير....
وعادة ياخذون على الدورة 5000 ريال بس اتفقي معاها انج تشوفين شغلها أول عشان تتاكدين انها متمكنة مو تاخذ فلوس وبس.
بعدها خليهم يشتغلون عن المقربات من العيلة ولا تطلعينهم برع لأن اختي هذه المهنة تعتمد بنسبة 20% على التعليم و80% على الممارسة ليما تحسين انهم جاهزات انهم يطلعون السوق.
الخطوة اللي بعدها اعلان بالجريدة عن فلبينيات لخدمة منزلية وبتشوفين الطلبات بعد كم شهر وبتدعين لي. بس المهم يكونون نظاف ومرتبات يعني تلبسينهم يونيفورم راقي ويكونون بشوشات.
وراح تلقين اكثر الطلبات على السشوار والتسريحات والباديكير والمانيكير. يعني اذا شغلج اوكي ما راح تقل يوميتج عن 1500 ريال واذا كانوا فنانات وأسستيهم عدل توصل يوميتج في المواسم 2500 ريال اذا رتبتي شغلج صح.
ونصيحة لج اختي اذا عطيتيهم بس الراتب ماراح يكون انتاجهم عالي لكن اذا قلتي لهم ان لهم نسبة مثلا 5% من شغلهم بالاضافة للراتب راح يتضاربون على الشغل

انشاءالله تكون اختي فكرتي تناسبج وبالتوفيق

[المسافرة]

اختي انا لي عندج فكرة حلوة ومكسبة انشاءالله في نفس الوقت وما تحتاج انج تطلعين مكان وتجابلين الشغل:

روحي مكاتب الخدم واطلبي كوافيرتين فلبنيتين, طبعاً من واقع خبرتي صعب تحصلين وحدة جاهزة تعرف شغل الخليج كله لأن الشغل هناك في الفلبين مختلف عن الخليج لكن تعرف باديكير ومانكير وعندها خبرة بسيطة في الصبغات والسشوار هذا اللي راح تلقينه عادة في المكاتب ورواتبهم 1500 ريال قطري.
بعد ما يوصلونج عطيهم دورة في شغل الصالون وانصحج اختي تبتعدين عن المحرمات من نمص ووصل شعر عشان الله يبارك لج وخلي الدورة تكون في البيت عندج يعني المدربة توصلج للبيت تعلمهم كل شي متعلق بالشعر سواء قص , صبغات , تسريحات, كريمات فير....
وعادة ياخذون على الدورة 5000 ريال بس اتفقي معاها انج تشوفين شغلها أول عشان تتاكدين انها متمكنة مو تاخذ فلوس وبس.
بعدها خليهم يشتغلون عن المقربات من العيلة ولا تطلعينهم برع لأن اختي هذه المهنة تعتمد بنسبة 20% على التعليم و80% على الممارسة ليما تحسين انهم جاهزات انهم يطلعون السوق.
الخطوة اللي بعدها اعلان بالجريدة عن فلبينيات لخدمة منزلية وبتشوفين الطلبات بعد كم شهر وبتدعين لي. بس المهم يكونون نظاف ومرتبات يعني تلبسينهم يونيفورم راقي ويكونون بشوشات.
وراح تلقين اكثر الطلبات على السشوار والتسريحات والباديكير والمانيكير. يعني اذا شغلج اوكي ما راح تقل يوميتج عن 1500 ريال واذا كانوا فنانات وأسستيهم عدل توصل يوميتج في المواسم 2500 ريال اذا رتبتي شغلج صح.
ونصيحة لج اختي اذا عطيتيهم بس الراتب ماراح يكون انتاجهم عالي لكن اذا قلتي لهم ان لهم نسبة مثلا 5% من شغلهم بالاضافة للراتب راح يتضاربون على الشغل

انشاءالله تكون اختي فكرتي تناسبج وبالتوفيق

اختي الصايغة

صراحة فكرتج دشت بالي حيل فعلا احسها مربحة بدون تكاليف بشرط اذا نجحت الفكرة خصوصا المكاتب للخدم ندفع لهم مبلغ وقدره واذا فشلو تروح علينا
بلييز اذا ممكن رقمج على الخاص او ايميلج لان ماعندي خاصية الكتابة في الخاص
وبصراحة يعطيج الف عافية على شرحج المفصل
بس حابة اكلمج اذا عندج تجربة سابقة