وين حقنا ياهل المناطق الشماليه من الرياضه ؟؟؟؟؟؟

[alhaayaa]

نبي حديقه مثل سباير لنا ياهل المناطق الشماليه المتوسطه.

نبي مكان امن نقدر نمارس فيه رياضه المشي بعيد عن الشوارع

نبي مكان لعيالنا يلعبون ويتمتعون بالهواء الطلق بدل حكرة البيت


نبي شي قريب لنا مانبي نطق مشوار في هالزحمة لسباير.

[naklan]

والله ياخوك المفروض يسوون حديقة للمنطقة الشمالية المنطقة ضخمة
وما فيها حدايق لو يسوون في المنطقة الي شمال دحيل خلف الجامعة في الارض
الي شرق النعيم وخلف محطة وقود منطقة حلوة لعمل حديقة ومول نفس سباير
وفيلاجيو وبتخدم المنطقة المحيطة كلها وبتكون على طريق الخور الساحلي
يعني حتى هل الخور بيستفيدون منها ان شاء الله التخبيط العمراني
يسمع النداء ويسوون حديقة الناس تعبوا بيوت محشورة بلا
مرافق وبلا حدايق ما يصير يا اهل التخطيط :)

[Chambray]

تصدق مع اني في الدوحة
بس قلت خلني اتمشى في الفريج ( عايش اجواء فرنسا ) هههههههه

لا في ممشى للناس
ولا في ( معابر للمشاه )
ولا احترام للي يمشي !!!!!!!

[alhaayaa]

والله ياخوك المفروض يسوون حديقة للمنطقة الشمالية المنطقة ضخمة
وما فيها حدايق لو يسوون في المنطقة الي شمال دحيل خلف الجامعة في الارض
الي شرق النعيم وخلف محطة وقود منطقة حلوة لعمل حديقة ومول نفس سباير
وفيلاجيو وبتخدم المنطقة المحيطة كلها وبتكون على طريق الخور الساحلي
يعني حتى هل الخور بيستفيدون منها ان شاء الله التخبيط العمراني
يسمع النداء ويسوون حديقة الناس تعبوا بيوت محشورة بلا
مرافق وبلا حدايق ما يصير يا اهل التخطيط :)

اهم شي مكانها مايكون بين البيوت نبي مكان عام بعيد عن الزحمه وعلى طريق عام

[alhaayaa]

تصدق مع اني في الدوحة
بس قلت خلني اتمشى في الفريج ( عايش اجواء فرنسا ) هههههههه

لا في ممشى للناس
ولا في ( معابر للمشاه )
ولا احترام للي يمشي !!!!!!!

المفروض كل فريج فيه ممشي

ترا زادت الهشاشه والسمنه عندنا ياهل قطر

[q6ri_vip]

عندكم شارع الرفاع ممشى ولا أحلى .. وفي حدايق للأطفال في أزغوى وفالخريطيات

[alhaayaa]

عندكم شارع الرفاع ممشى ولا أحلى .. وفي حدايق للأطفال في أزغوى وفالخريطيات

مانبي شوارع للمشي مافيها خصوصيته

وبعدين الحدائق اللي ذكرت هل تقارن بسباير ولا مساحتها مساحة بيت شعبي وكلها عمال وفي الليل تخاف تقعد فيها لانها ظلام

[ANONYMOUS]

يمدحون حديقة ام صلال علي

[m.m.76]

سلمولي على المجلس البلدي

[m.m.76]

نبي حديقة بحجم سباير وبجودة تصميمها..لايسوون لنا وحده كبر دحل الحمام ويهملونها مثل ما اهملوا الدحل..لا نظافة ولا العاب كافيه ولا حتى الالعاب نظيفة ولا دورات مياه نظيفه

[m.m.76]

بصراحة سباير لو تجلس فيها لوقت متأخر ماتتواحش..لا بيوت سكنية ولا شوارع مظلمة..بالعكس مجمعات مفتوحة لاخر الليل وتنظيم ونظافه..

[Fhad]

تصدق مع اني في الدوحة
بس قلت خلني اتمشى في الفريج ( عايش اجواء فرنسا ) هههههههه

لا في ممشى للناس
ولا في ( معابر للمشاه )
ولا احترام للي يمشي !!!!!!!

اشوف فرجان فرنسا فيها ممشى او عبور مشاة
اتحمد ربك اذا افتكيت من الخوال او المغاربة ..

قالي عايش اجواء فرنسا ، قم بس

[Chambray]

اشوف فرجان فرنسا فيها ممشى او عبور مشاة
اتحمد ربك اذا افتكيت من الخوال او المغاربة ..

قالي عايش اجواء فرنسا ، قم بس

شهالاسلوب !!! تكلم باحترام يا اخ يا محترم

والخوال والمغاربه اذا تتمشى باحترامك الكل بيحترمك

لكن الكتاب واضح من عنوانه

فشئ طبيعي بتحصل رده فعل سيئه منهم :nice:

[Aaziz]

مدير البلدية هو المسؤول الاول

[مشاكل]

اتوقع والله اعلم نادي لخويا والمنطقة اللي حواليه بتكون على غرار اسباير زون والتخطيط الحالي يوحي بقوة الى هذا الشي

[H H]

وفالوكره نفس الحاله !! مافي الا الشارع الي قدام مستشفى الوكرة
ومن بعد صلاة العشا تشوف الناس كلها تمشي فيه مع انه ماهو ممشى
مجرد رصيف عادي بس العالم مالها الا هالمكان عشان تمشي فيه

[رُفق المجنّا]

هناك توسع لإنشاء مساحات خضراء و حدائق اولمبية وأراضي بمبالغ كبيرة تم تحويلها إلى حدائق في منطقة الدوحة

ولكن هل تواصلت واو حتى ببريد إلكتروني مع عضو المجلس البلدي او طلب للجنة الاولمبية

ترى ما كل ما ينشر هنا يحل ، يعني لازم تجتهد

[راشد محمد]

مفروض في المناطق الشمالية حديقة والجنوبيه حديقة والغربية حديقة..

[ابوحشر]

سلمولي على المجلس البلدي

يسلمون عليك

ويقولون مافيه حدائق اللي عندكم يكفيكم مافيه فلوس هههههههههههههه

[alhaayaa]

جزاكم الله خير كلكم جميعا


بس حبيت اسئل وين اللي ممكن نتواصل معاة علشان هالشي

[التيما]

سمعت عن مشروع ضخم نفس اللولوة في الخور بيبنونه وشبه متأكدة بس رفيجتي هناك تقولي مافي شئ للحين ..

[تغلبية]

يمدحون حديقة برزان بأم صلال علي

[khalid525]

مع احترامي للجميع الحدايق موجوده في معظم الفرجان وصار من المستحيل تشوف فيها عايلة قطرية ، كل الموجودين عوايل من جنسيات مختلفة ،وما تحصل قطرين ، اعرف ناس بيوتهم قريبة من الحدايق وعمرهم ما طبوا هالحديقة الا مرة او مرتين في حياتهم .

[بصمة قطرية]

بعد 28 سنه فكروا يسوون حديقة في فريجنا
قدام بيت هلي بالضبط :nice:
من الوناسة إفتتحناها قبل موعدها :secret:
كنا صغار و ما عندنا شي في الفريج
الحين عيالنا بيستمتعون فيها :victory:
صج صغيرة بس العوض و لا الحريمة :nice:

أعتقد هاي دور المجلس البلدي ..!!
شوفوا من اللي يتبع هالمنطقة
ووصلوا له مطالبكم :victory: