شلون تبونا نوصل دواماتنا؟! شوفوا لنا حل!!

[Marazeem]

أطالب المسؤولين وأناشدهم الله أن يرحمونا من هالعذاب اليومي!!
أنا يوميآ أطلع من البيت الساعة 5:30 وأنزل ولدي في المدرسة
ودوامي في الكورنيش.. والله العظيم اني صعب أقدر أوصل قبل 8!!

لا طرق مثل الناس ولا تخطيط جيد والأجانب أكثر من المواطنين
ودوامات المدارس مع دوامات الموظفين..

شوفوا لنا حل!!!!

هذي الصفحة مخصصة لاقتراح الحلول علها تصل للمسؤولين
أو من بيده الأمر

[ريتويت]

الله المستعان كل شي له حل الا الزحمه

[R 7 A L]

تدري وين المشكلة ان المسئولين كلهـــم

الي في اشغال
والي في الوزارات
والي المرور
عندهم سائقين ومضبطين امور بيوتهم

[Marazeem]

حلول مقترحة:

1- دوام المدارس الساعة 7 والموظفين 9

2- بدل التوقيع مرتين في اليوم للحضور والانصراف
نكون مثل الدول الأخرى توقيع واحد فقط قبل الانصراف

3- نظام الساعات : بمعنى أن يعمل الموظف 7 ساعات عمل مثلآ في اليوم
يبدأ الوقت من 7 صباحآ حتى 5 مساءآ.. والموظف يختار الساعات التي تلائمه خلال هذا الوقت

بالمناسبة جميع الحلول المقترحة مطبقة في دول أخرى

واللي عنده حل ثاني ياليت يضيفه

[khalid Qtr]

للاسف حتى الشوارع الداخلية البديلة صارت زحمة ..

الحل هو ان دوام الموظفين يصير الساعة 8

[غير البشر]

:telephone:

[ضوى]

اليوم شي مب طبيعي الزحمة دوار قطر للديكور المعمورة مدماك شي مب طبيعي ابدا الله يعين

[حمد 2002]

الحل انه اشغال اتوفر 3 ادريوليه لكل بيت وتتكفل ابمعاشاتهم

[غير البشر]

اليوم شي مب طبيعي الزحمة دوار قطر للديكور المعمورة مدماك شي مب طبيعي ابدا الله يعين


من قطر للديكور الى مدماك سببها شاحنه محمله بالحديد اشوفها واقفه مع الشرطه
مادري شنو سالفتها هي السبب لكن لما تعدين الشاحنه مافي زحمه

[رجل الجزيرة]

المفروض يراعون أولياء الأمور.

[ضوى]

من قطر للديكور الى مدماك سببها شاحنه محمله بالحديد اشوفها واقفه مع الشرطه
مادري شنو سالفتها هي السبب لكن لما تعدين الشاحنه مافي زحمه

شفتها بس من عقبها مسكرين الشارع اللي يدخلك لدوار مدماك واضطريت اطق لين رامادا

الشارع بالنسبة لخط سيري من دوار السوق المركزي لين هالمدماك وكله شورت كت اليوم واول مرة اسويها

[غير البشر]

شفتها بس من عقبها مسكرين الشارع اللي يدخلك لدوار مدماك واضطريت اطق لين رامادا

الشارع بالنسبة لخط سيري من دوار السوق المركزي لين هالمدماك وكله شورت كت اليوم واول مرة اسويها



لااااااااااااااااااااااااااااااااااااا :omg:
مفتوح اختي ضوى حرام عليج :(

بس مالومج والله الفتحه صغيره وماتبين
في فتحه صغيره تروحين حق دوار مدماك والفتحه الكبيره الواضحه حق الجسر
مره ثانيه خلج ماسكه اليمين وبتشوفين التحه قدامج


الله يعينج رحتي لدوار رامادا :rolleyes2:

[غير البشر]

اختي ضوى انا بعد اشوي عندي شغله ذاك الصوب

بصور لج الفتحه وبحطها لج عشان اتعرفين تطلعين من المتاهه :rolleyes2:
وانتي سوي برنت للصوره وحطيها على الطبلون ههههههههههههههه

[خذاني الشوق]

انا اشوف والله ان الزحمه 24 ساعة لاصبح ولاضهر ولاعصر والعصر ادمررر بعد
والصبح ان صار الدوام 8 بعد ماتوصل الامتاخر انا اقول ان يخففون شوي من هالاجانب اللي تارسه الديره يعني طغوووو علينا بشكل رهيب وبتخف الزحمه ان شالله

[نوار قطر]

من صوب قطر للديكور والمدمااك احنا دخلنا من الدواعيس بس بعد زحمه وخاصة انهم مسكرين وحاطيين حواجز صوب الجسرر :secret:

[ضوى]

لااااااااااااااااااااااااااااااااااااا :omg:
مفتوح اختي ضوى حرام عليج :(

بس مالومج والله الفتحه صغيره وماتبين
في فتحه صغيره تروحين حق دوار مدماك والفتحه الكبيره الواضحه حق الجسر
مره ثانيه خلج ماسكه اليمين وبتشوفين التحه قدامج


الله يعينج رحتي لدوار رامادا :rolleyes2:

والله ياخوي قابضة اليمين ولا لفيت من عقب الشاحنة مدري ليش صار جذي

ياللا معليه كل طراق بتعلوم

[ضوى]

تسوي خير تصور لي رمادا ماينبغى اعوذ بالله

[ام محمد2012]

اظن لو يتم تنسيق مواعيد الدوام للمدارس والموظفين
المرحلة الابتدائية يداومون الساعة 7
المرحلة الاعدادية 7:15
المرحلة الثانوية 7:30
وباقي الجهات من وزارات وهيئات الساعة 8

[ضوى]

اظن لو يتم تنسيق مواعيد الدوام للمدارس والموظفين
المرحلة الابتدائية يداومون الساعة 7
المرحلة الاعدادية 7:15
المرحلة الثانوية 7:30
وباقي الجهات من وزارات وهيئات الساعة 8

ام محمد حبيبتي المشكلة الزحمة مب وقت الدوامات بس صارت بكل وقت بكل وقت يعني من نطلع الصبح لين الليل وهالشوارع زحمة

بنية تحتية ضعيفة وحتى التعديل والتطوير الحاصل مايغطي عدد السكان

[دااانة قطر]

الله المستعاان
كل مكاان زحمه
واللي يقهرني ولااحظته من كم سنه ان فترة الاختباارات تتسكر المدااخل لأي فريج ويبتدي الشغل
طيب وينكم في الاجاازات صخه ليش وقت الاختباارات والله اني ملااحظه هالشي في كل سنه سوااء التريم الاول او الثااني
مدري هو تعمد ولا ايش بالضبط
خااطري اوصل شغلي 7 وربع

[لاجئ عاطفي]

الحل ان اي موظف متزوج وعنده عيال في مداؤس يسمحون له بساعة تاخير او ساعة ونص يعني لو الدوام الرسمي 7 يداوم 8 او عالاقل 8 ونص لان فعلا صعب على اولياء الامور يوصلون عيالهم ويداومون في نفس الوقت هذا من سابع المستحيلات ومهب من ذنب الموظف التخطيط السيء للطرق فالحل السماح للموظف الاب بالتاخير

[Marazeem]

الحل الأكيد
يكون دوام المدارس 7
ودوام الموظفين 9


أو يلزمون الرجال يداومون ببطابط
والحريم والأطفال سيارات :victory:

[ابوحشر]

ماشفتوا شي من الزحكه للحين !!!

المشاريع القادمه عملااااااااقه وجباره، والرواتب للاجانب خياليه والبلد ماشالله صار وجهه للاجانب

******مره كنا في مشروع مقابلات مهندسين بالخارج صارت المقابلات زحمه حيل لما سألتهم المتقدمين قالو لي قطر فيها رواتب عاليه والاجاانب مرتاحين ورايقين اخر رواقه عشان كذا الكل يبي يروح

[راشد محمد]

كل مكان زحمه..لاعت جبودنا

[أسير الأحلام]

الحل هو منع دخول جميع انواع الشاحنات وسيارات النقل الكبيرة وباصات نقل العمال إلى الدوحة نهائياً وعلى مدار الساعة وطول العام .. ووضع مخالفة صريحة وفورية قيمتها 100.000 ريال ( مائة الف ريال ) تدفع فوراً وحجز السيارة و سائقها لمدة شهر ... بس انا متأكد ما يقدر أي مسؤول يتأخذ هذا القرار والأسباب معروفة للجميع

[أسير الأحلام]

ماشفتوا شي من الزحكه للحين !!!

المشاريع القادمه عملااااااااقه وجباره، والرواتب للاجانب خياليه والبلد ماشالله صار وجهه للاجانب

******مره كنا في مشروع مقابلات مهندسين بالخارج صارت المقابلات زحمه حيل لما سألتهم المتقدمين قالو لي قطر فيها رواتب عاليه والاجاانب مرتاحين ورايقين اخر رواقه عشان كذا الكل يبي يروح

نقبل كنا ما نحب نروح دبي بسبب العدد الكبير للأجانب والحين صرنا ما نحب نروح مكان في بلادنا لأن نحس انا احنا ضيوف على البلد مب هالأجانب

[عوآآآآشـي]

العالم اتوسع الطرق لخمس سنوات جدام واهم يضيقون الشوارع
مثل جسر الخريطيات وشارع ام صلال

وتوهم شايفين الزحمه على جسر الشمال وقاموا يوسعون على الاطراف

الله يعين يارب

[سهم صعب]

كل يوم نفس الحالة لا ويسألونك ليش متاخر مايصدقون لا قلت لهم اني اطلع الساعه 5 ونص
الحل انه يأخرون دوام الموظفين ساعه ونص عن المدارس على الاقل الواحد يوصل الشغل مرتاح البال مو كل علل وأمراض الدنيا صابته من الزحمة وماله خلق يشوف شغل ولاحتى حد قدامه

[eXpert*]

إذا حللنا واقع السكان في قطر بنجد الآتي :

1) شريحة كبيرة من السكان هم طلبة مدارس / جامعات

2) شريحة كبيرة من السكان هم موظفون بحالة أعزب. (و أقصد هنا الأعزب و المتزوج بدون أطفال أو متزوج ومقيم من دون أسرته في قطر ألـخ )

الحل الفصل بين هاتين الفئتين بساعات الدوام :-

7:30 - 2:30 للطلبة و أولياء الأمور ممن يعولون .

8:30 - 3:30 موظفين و الموظفات بحالة أعزب أو متزوج ولا يعول .

طبعاً تم إحتساب بناء على عدد 7 ساعات عمل في اليوم ..

بالنسبة لقطاع الشركات والبنوك يتم إضافة ساعة آخر الدوام الرسميّ ليصبح إجمالي ساعات العمل 8 ساعات .

[دااانة قطر]

إذا حللنا واقع السكان في قطر بنجد الآتي :

1) شريحة كبيرة من السكان هم طلبة مدارس / جامعات

2) شريحة كبيرة من السكان هم موظفون بحالة أعزب. (و أقصد هنا الأعزب و المتزوج بدون أطفال أو متزوج ومقيم من دون أسرته في قطر ألـخ )

الحل الفصل بين هاتين الفئتين بساعات الدوام :-

7:30 - 2:30 للطلبة و أولياء الأمور ممن يعولون .

8:30 - 3:30 موظفين و الموظفات بحالة أعزب أو متزوج ولا يعول .

طبعاً تم إحتساب بناء على عدد 7 ساعات عمل في اليوم ..

بالنسبة لقطاع الشركات والبنوك يتم إضافة ساعة آخر الدوام الرسميّ ليصبح إجمالي ساعات العمل 8 ساعات .


اقتراح سليم
بس في موظفين من فئة الأعزب يقومون بمهام التوصيل مثااال الأخواات والخاالات والعماات والعماام....الخ
يعني بيصير في اعترااض كبير

[قطري !]

المفروض السنة يتم تقسيمها الى قسمين :


1 - الدوام الشتوي


2 - الدوام الصيفي



الدوام الشتوي وبسبب البرد ونزول درجة الحرارة والجو يكون باااارد المفروض الدوام يكون الساعه 9 صباحا لجميع الوزارات ويكون هناك نظام (Flexible time) , بمعني اذا داومت 9 تطلع 4 العصر .. واذا داومت 10 تطلع 5 ...


الدوام الصيفي يكون من 6:30 صباحا اللى 12:30 ظهرا لتفادي حرارة الجو في الصيف


ويكون هناك تفاوت بين دوام المدارس والعمل في باقي الوزارات

[Rider]

الاقتراحات
1- عدم خروج باصات نقل العمال وسيارات العمال في الصباح الباكر وتأخيرها حتى الساعه 8
2-الاستغناء عن السائقين وكل أب أخ يوصل الطلاب المدارس
3- المرأة التي ليس لها حاجة في السواقه بس مجرد شوفوني اني السوق تخلي اخوها زوجها اوبوها يوديها مكان عمالها
4 -أخذ الاجانب الذين يعملون في القطاعات المختلفة في باصات بدل كل واحد يجي ياخذ سيارته
5- عمل نظام سالك نفس الامارات

[تحدوهآ آلبشر]

اي والله حده زحمه

امس وصلت الامتحان ثمن ونص
ورفضو اني اقدم لين بعد طلعت الروح
والله زحمه محط يحس يعني أطير
مع الأعلم طالعه بدري><"

[معماري قطري]

ماشفتوا شي من الزحكه للحين !!!

المشاريع القادمه عملااااااااقه وجباره، والرواتب للاجانب خياليه والبلد ماشالله صار وجهه للاجانب

******مره كنا في مشروع مقابلات مهندسين بالخارج صارت المقابلات زحمه حيل لما سألتهم المتقدمين قالو لي قطر فيها رواتب عاليه والاجاانب مرتاحين ورايقين اخر رواقه عشان كذا الكل يبي يروح

أكل ومرعى وقلة صنعه

الأجنبي يجي يدخل من فتحة الإبرة وإذا بغى يروح بلاده يفتحون له بوابة المطار الكبيرة.

[معماري قطري]

كل يوم نفس الحالة لا ويسألونك ليش متاخر مايصدقون لا قلت لهم اني اطلع الساعه 5 ونص
الحل انه يأخرون دوام الموظفين ساعه ونص عن المدارس على الاقل الواحد يوصل الشغل مرتاح البال مو كل علل وأمراض الدنيا صابته من الزحمة وماله خلق يشوف شغل ولاحتى حد قدامه

تحصلهم يا اخوي مجربين وواصلين قبلك .. انا أطلع أوقات 6 الا عشر ومن غرب العزيزية وأتوغل في الدوحة وشارع السد مروراً بدوار المناعي سابقاً وأكون وصلت مقر عملي أوقات ست وشوي وأوقات لو طلعت قبل حتى 6 إلا شوي أكون واصل .. 5 ونص توصل أماكن بعيدة في قطر.

[حرم النعمه]

لو تتكلمون من اليوم لين بكره

لو تطلعون حلول لين السنه اليايه

الموضوع كله تخطيط شوارعهم غلط في غلط

ناس تطلع من 6 وتوصل الدوام 8 وللعلم الدوام مايبعد عن البيت سوى ربع ساعه اذا كثرر

المشكله مافي تخطيط باصات شطول وشعرض وشاحنات تطلع مع اوقات الدوام ليش ؟؟ والله لو يفكونا منهم ويصكون اي شاحنه مخالفه على الشارع طالعه على وقت دوامنا جان وصلنا بسلام !!!

ناس تطلع في شارعها الا هندي ياي قاطع من لفه يدخل جدامك وانت متنقع صار لك ربع ساعه على شارع واحد !!!

مافي قانون مافي مرور عدله نفس الناس تخالف السياير المخالفه

يبون بععد 2022 عندنا فالدوحه هههههههه والله مابتفضى الشوارع وبدال مانوصل 8 بنوصل 11 ويكون خلص الدوام !!

يبيله بس يشوفون لهم حلل للجسور اللي الصبح ينترس خط عالجسر من جسر لين جسر .!!!

وين بتوصل العالم لدوامها ولا بيوتها ولا توصل اليهال المدارس !!

شوفو خخطوط دبي اللهم لاحسسسد صج تنظيم وخطوط الهاي وي 7 رايح وغير الفرعي 8

والعكس حق الراجع !!!! صج تنظيم

احنا هاي وي 3 سيود ولا جا مخرج صار خطين على هاي وي ؟ وين تبون الشارع يفضى من الزحمه


السموحه صاحبه الموضوع بس هاي الكلام ماينزعل منه لان مافي تنظيم ..!

[غير البشر]

تسوي خير تصور لي رمادا ماينبغى اعوذ بالله


تفضلي اختي ضوى



http://im31.gulfup.com/PLPF1.png (http://www.gulfup.com/?GLYgEl)

[بوعلي2]

تفضلي اختي ضوى



http://im31.gulfup.com/PLPF1.png (http://www.gulfup.com/?GLYgEl)

:shy:

[MAZEN37]

لاولاد المدارس المستقله انا عندي حل
يقلبون المدارس المستقله مدارس داخليه وانا اول واحد بسجل اولادي
على الاقل موجودين بالمدرسه وينامون ويتعلمون ويعتمدون على انفسهم تحت اشراف مختصين ومراقبه بالنوم والاستيقاظ
انا متاكد انه كل الاعضاء اولادهم هم الي يرقدوهم ويغطونهم
خاطري اولادي يرقدون قبلي ههه
وبالنسبه للمدارس المستقله الداخليه بنقضي على الزحمه بالشوارع
بس يسمحون الجمعه ناخذهم*

[Abdulraman]

الحل الوحيد هو ان تتكيف مع الزحمه والملاحظ يوميا تزيد الزحمه عن اليوم اللي قبل والظاهر كل يوم يجون اجانب وخيراء ومهندسين جدد في البلاد:)

نبي كورسات عن الزحمه :nice:

كــــــــيف نفســـــــك مع الزحمــــــــــــه

[ضوى]

تدري ليش ماشفتهااخوي ؟ لان الشاحنة كانت وايد قريبة من الدخلة


ياللاماقصرت بكرة ان شاء الله باخفف وباقبض اليمين

شكرالك

[al_maystro]

الشاحنات ليش تطلع مع دوام المدارس هاللغز احاول حله ما قدرت


في لغز ثاني ما له حل ليش جهه اليسار من شارع 22 فبراير السيارات واقفه ؟؟!
وين مدير المرور شيسوي بالضبط الصبح ؟؟!




(خارج الموضوع)
احدى باصات المدارس الهنديه الكبيرة يوم السبت في سوق الخضرة تحمل صناديق خضرة وفاكهه بالباص
يعني يستغلون الباصات في امور اخرى ؟؟!

[قطرية مثقفة]

لاولاد المدارس المستقله انا عندي حل
يقلبون المدارس المستقله مدارس داخليه وانا اول واحد بسجل اولادي
على الاقل موجودين بالمدرسه وينامون ويتعلمون ويعتمدون على انفسهم تحت اشراف مختصين ومراقبه بالنوم والاستيقاظ
انا متاكد انه كل الاعضاء اولادهم هم الي يرقدوهم ويغطونهم
خاطري اولادي يرقدون قبلي ههه
وبالنسبه للمدارس المستقله الداخليه بنقضي على الزحمه بالشوارع
بس يسمحون الجمعه ناخذهم*

المدرسات جذي وطالعه عينهم @@@ بعد مدارس داخلية @@@

[بوطويشم]

السلام عليكم

لين الحين ماسكرو دوار بني هاجر و المايل وكذا شارع بيشتغلون عليهم بعد الي لين الحين ما اعلنو عنهم

الأيام القادمة بنشهد زحمة بكل ما تعنيه الكلمه من معنى

[حميداني]

الله يستر ... ماعرف شقول مع هالزحمه

[مضاد]

الحل :---

اوقفوا صرف رخص السياقة عن الـوافـدين ،

والبديل باصات كروة .

[ام ناصر1]

الحل انه اشغال اتوفر 3 ادريوليه لكل بيت وتتكفل ابمعاشاتهم
خخخخ عجيب هالحل ...بس معاك حق اذا سيارة واحده توصل الكل يتوهقون هل البيت ... فلازم توزيع المشاويرعلى 3 سياير

[eXpert*]

اقتراح سليم
بس في موظفين من فئة الأعزب يقومون بمهام التوصيل مثااال الأخواات والخاالات والعماات والعماام....الخ
يعني بيصير في اعترااض كبير


طبعاً أكيد لكل قاعدة شواذ ،، و في الأخير أحنا نحاول ننظر للصورة المشرقة من الفكرة . إذا 1000 شخص يوصلون أهلهم ترى فيه 10،000 شخص يومياً ماعنده أي مشاوير الصباح غير الدوام.

طبعاً الأرقام (مجازيه) لا أحد يقول لي : لا يكون عادّهم يا (أكسبيرت) .:nice:

و للأمانة الحل الذي طرحته مجدي بنسبة فعالة لكن ليس 100٪ لأن يحتاج إحصائيات نحصر فيها أسأله كثيرة علشان تكون عندنا بيانات صحيحة على أساسها نقدر نطرح لها حلول علمية و عملية ..

تصبحون على خير .:shy:


:secret:

[رايق البال x]

الحل الامثل انك تستأذن من مدير ادارتك بموافقة من وزيركم ان يراعون اضطرارك للتأخير ساعة مثلا عن الدوام كل يوم .....
وصايرة عندنا وايد للي عندهم ظروف صعبة ، ! لان احنا في النهاية بشر مب مكاين .... والعيب من التخطيط السيء للشوارع مع التزايد المستمر للاجانب في قطر دون توقف

[قطريه ماركه]

الله المستعااااااان

[راشد محمد]

المفروض يراعون أولياء الأمور.

:nice:

[almofaq]

احسن حل تروحين الشغل توقعين حضور وبعدها تودين الولد للمدرسة

[رُفق المجنّا]

المترو + توسعة الشوارع الداخلية والخارجية بدون أخطاء هندسية + تطوير مدن جديدة والتخطيط السليم + توزيع الخدمات جغرافيا+ تفعيل الخدمات الإلكترونية

كفيلة بحل المشكلة

[تاسيتوس]

الحل الوحيد هو ان تتكيف مع الزحمه والملاحظ يوميا تزيد الزحمه عن اليوم اللي قبل والظاهر كل يوم يجون اجانب وخيراء ومهندسين جدد في البلاد:)

نبي كورسات عن الزحمه :nice:

كــــــــيف نفســـــــك مع الزحمــــــــــــه


في مثل اغريقي يقول حب الزحمة بتحبك وهذا هو الحل الوحيد علشان الحياة تمشي.

[sahrleel]

تدري وين المشكلة ان المسئولين كلهـــم

الي في اشغال
والي في الوزارات
والي المرور
عندهم سائقين ومضبطين امور بيوتهم




نعم والناس المساكين هم الي يكلون الزحمة ويبلعونها

[قلم محايد]

الحقيقة مشكلة الزحمة في قطر سببها عدم تهيئة البنية التحتية من شوارع و جسور لاستقبال عدد البشر الكبير و عدد الوافدين الكبير في قطر ، لو نلاحظ في دبي مثلا رغم ان عدد الوافدين كبير جدا لكن البنية التحتية العملاقة من شوارع و جسور و مطار و ميترو نجد ان دبي قادرة على التعامل مع الازدحام رغم عدد البشر الهائل فيها .

قطر تحتاج جديد شامل في البنية التحتية و استملاك للمناطق القديمة و بناء شوارع و جسور بمواصفات عالمية و اعتقد المادة موجودة .

[الرويـس]

هونوا عليكم ياقووووووووووووووم



اللي حاصل ان الجيل الحالي قدره انه يواجه حركة التطور والتوسع الحاصل في البنا التحتيتة واللي يخصها

اصبروا وصابروا وفالكم الزحمة السمووووووث

[بوخالد911]

افضل شي الخروج مبكرا

[mr.hamouda]

الله المستعان

[بـــــدوي]

اللي يشوف الموضوع يقول الزحمة محصوره اوقات الدوامات بس ، صارت الزحمة حتى بعد 12 فاللليل شي ماهو بطبيعي :tease: