شسالفة حساب الكميات ؟

[عايش فرحان]

السلام عليكم

اثناء قرائتي لهذا المنتدى جاء ذكر حساب الكميات من قبل احد الاعضاء.

حبيت اعرف شسالفته .. و من المفروض انه يعمله.. الاستشاري اللي يصمم البيت؟ والا الاستشاري اللي يشرف على البنيان؟ والا المقاول؟
وتكلفته تنحسب بشكل منفصل؟ .. والا ينحسب ضمن واحد من الاعمال المذكورة اعلاه بشكل تلقائي ؟

وشكرا

[قطري قديم]

حياك الله اخوي
بخصوص حساب الكميات يكون بناء علي خريطه البناء والجداول الموضحه فيها كميات الخديد والخرسانات وشكل الفيلا في الخريطه ومافيها من ديكورات خرسانية ووارش وجبلونات ( الهرم الخرساني ) الي يركب فوقه قرميد وايضا تحسب كميه ونوعيه الطابوق احمر ام اسمنتي عادي ام عازل بفوم وايضا نوعيه الحديد عادي ام اخضر مجلفن (ايبوكسي)
بناء علي تلك المعطيات نحصل علي تكلفه البناء
واي استفسارات اخري احنا حاضرين
وبخصوص من يقدر يحسب الكميات اي مهندس استشاري او معماري او انشائي يستطيع حساب الكميات
وبالتوفيق طال عمرك

[معماري قطري]

السلام عليكم

اثناء قرائتي لهذا المنتدى جاء ذكر حساب الكميات من قبل احد الاعضاء.

حبيت اعرف شسالفته .. و من المفروض انه يعمله.. الاستشاري اللي يصمم البيت؟ والا الاستشاري اللي يشرف على البنيان؟ والا المقاول؟
وتكلفته تنحسب بشكل منفصل؟ .. والا ينحسب ضمن واحد من الاعمال المذكورة اعلاه بشكل تلقائي ؟

وشكرا

عليكم السلام ورحمة الله وبركاته

انا الله يسلمك أكتب موضوع عن العقود وبيجي فيه حساب الكميات وبنموذج مفصل، وهو يعمله في الغالب المقاول ويضيف عليه أرباحه ويخليه عنده سري ما يطلع عليه العميل، بس لو سويته انت جزء من العقد يكون حقك مضمون وواجب يسعره المقاول كامل ويمشي عليه للتنفيذ، فهو يكون مواصفة الشغلة مع حساب كميتها مع طريقة تنفيذها، وإن شاء الله باوصل لشرح مفصل له وباعطي نموذج عنه قريب.

[عايش فرحان]

مشكورين يالربع على الردود الطيبة ..



عليكم السلام ورحمة الله وبركاته

انا الله يسلمك أكتب موضوع عن العقود وبيجي فيه حساب الكميات وبنموذج مفصل، وهو يعمله في الغالب المقاول ويضيف عليه أرباحه ويخليه عنده سري ما يطلع عليه العميل، بس لو سويته انت جزء من العقد يكون حقك مضمون وواجب يسعره المقاول كامل ويمشي عليه للتنفيذ، فهو يكون مواصفة الشغلة مع حساب كميتها مع طريقة تنفيذها، وإن شاء الله باوصل لشرح مفصل له وباعطي نموذج عنه قريب.

يعني المصمم و الاستشاري مالهم شغل .. انا اعطي المقاول المواصفات و هو يحسب الكميات بمعرفته.. !؟

هذا اللي فهمته..

[سهم عتيج]

اي والله بعد انه ابغي اعرف عن الكميات خاصة ان المقاول الحين طالب علي مبلغ يعتبر كبير بسبب زيادة قوة الاسمنت على قولته من مادري كم نيوتن لين مادري كم

ياريت نعرف اشوي عن قوة الاسمنت وتغييرها وتأثيرها على التكلفة النهائية

وماتقصرون جميعا

[معماري قطري]

مشكورين يالربع على الردود الطيبة ..




يعني المصمم و الاستشاري مالهم شغل .. انا اعطي المقاول المواصفات و هو يحسب الكميات بمعرفته.. !؟

هذا اللي فهمته..

لا يا اخوي لهم شغل والأفضل والأضمن تسويها قبل عن طريق الإستشاري، وبتحصل مقاولين كثيرين ما يعبون هذي الجداول ومثل هالمقاولين تستبعدهم، وهالنوعية من المناقصات لازم تستوي عن طريق استشاري متمكن .. وانا دوم قصدي بالمناقصة اللي هي المفاضلة بين عدة عروض ونحاول قد ما نقدر نخليها عروض متساوية في شروط المناقصة حتى نقدر نعرف من الأفضل والأنسب لنا.

المقاول يسوي حساب كميات خاص به، ويعرف كل الثغرات اللي يقدر يوفر فيها ويربح فيها وحتى بعضهم يتلاعب فيها، وعلى ضوء حساب الكميات يضمن ربح ما ينزل عنه، لأن عنده في نفس الوقت حساب تكلفة العمالة والمصاريف الجارية الأُخرى وكل هالأُمور تحتاج ناس مختصة في الحسابات.

تخصص حاسب كميات يا اخوان تخصص فريد وصعب وقليل اللي عندهم مؤهل دراسي فيه ودراسته تستغرق حوالي 5 سنين، وهذي دعوة للشباب لدراسة هذا التخصص لتوجه الدولة نوعاً ما في المشاريع الكبرى لإعتماد الكميات المعاد حسابها في المشاريع أو ما يسمى بالإنجليزي " Remeasured Quantity Projects " .. وهو حساب كميات مبدئي مسعر ومن ثم تعاد الحسابات وقت التنفيذ وتخصم أو تضاف أي فروقات في الكمية الفعلية المنفذة.

تابع هذا الموضوع وإن شاء الله تحصل الإجابة كاملة.

http://www.qatarshares.com/vb/showthread.php?t=536017

[العاصم]

عبارة عن جداول توضح الكميات الخرسانة والطابوق والبلاسترو الصبغ....إلخ وعادة يستخدم حساب الكميات في طرح مناقصات المشاريع الكبيرة
ويستخدم في تحديد نسبة الإنجاز للمقاول لصرف دفعاته (دفعات شهرية) وهو أدق بكثير من نظام الدفعات المتبع في المشاريع الضغيرة مثل نظام دفعات قرض بنك التنمية


http://im32.gulfup.com/yYAn1.jpg

[النهار]

مشكورين على هذه المعلومات

[معماري قطري]

اي والله بعد انه ابغي اعرف عن الكميات خاصة ان المقاول الحين طالب علي مبلغ يعتبر كبير بسبب زيادة قوة الاسمنت على قولته من مادري كم نيوتن لين مادري كم

ياريت نعرف اشوي عن قوة الاسمنت وتغييرها وتأثيرها على التكلفة النهائية

وماتقصرون جميعا

إخوي عقودنا في قطر Lump Sum اللي هي سعر إجمالي، ومن واجب المقاول يتغاضى عن أُمور كثيرة ويسويها ولا يحاسب على كل كمية أما هو أخطأ فيها أو كانت حتى محسوبة خطأ من جانب حاسب الكميات.

وزيادة قوة الإسمنت من طالبها؟ إذا الإستشاري شالأسباب؟ هم أصلاً في التصميم يبالغون مبالغات خيالية، وعلشان تعرف الفرقية في قوة الإسمنت وتكلفتها شوف الفرق عند مورد الردي مكس، وانا خايف هذي لعبة باديها معاك الإستشاري ومن تتساهل معاه ما تكمل الا يكون مدفعك مبالغ الله يعلم بها.

بعدين يا اخوي خلنا نفترض قال الإستشاري زدنا قوة الخرسانة من 30 إلى 40 نيوتن، هل يضمن لك هو ولا المقاول ولا شركة الردي مكس إن القوة بتكون بعد 21 يوم هي 40 نيوتن وما تقل عنها في كل جزء من صبية الخرسانة؟ طبيعي انك تحصل فحص المكعبات اللي تكون محفوظة ومرشوشة بماي 40 نيوتن أو أكثر ونفس الوقت لو تسوي فحص على الخرسانة المصبوبة عندك في عمود أو سقف بتحصلها تحت ظروف تختلف ولا تم رشها بالماي وبتكون قوتها أقل أو أكثر.

بالتوفيق لك بس وضح لي هالنقاط واطلب توضيحها من الإستشاري والمقاول.

[معماري قطري]

عبارة عن جداول توضح الكميات الخرسانة والطابوق والبلاسترو الصبغ....إلخ وعادة يستخدم حساب الكميات في طرح مناقصات المشاريع الكبيرة
ويستخدم في تحديد نسبة الإنجاز للمقاول لصرف دفعاته (دفعات شهرية) وهو أدق بكثير من نظام الدفعات المتبع في المشاريع الضغيرة مثل نظام دفعات قرض بنك التنمية


http://im32.gulfup.com/yyan1.jpg

هذا الجدول مثلاً معد إعداد سيء، وهذي البنود كلها تذكر كمواصفة وبدون ما يكون لها سعر .. يعني نفترض البند الأول إن الأعمال كلها تكون حسب شروط العقد ويكون لهذا الشرط سعر! وحتى الكمية مذكورة إنها إل إس = لآمب سآم .. وهي مجموع سعر، وفي نفس الوقت مذكورة كسعر وحدة، وعندك 1.04 مكتوبة إملائياً غلط.

وصحيح مثل ما ذكرت إخوي جدول الكميات حق تحديد نسبة الأعمال وتكلفتها .. يعني ما تجيك الدفعات ثابتة .. مره مثلاً 109802.28 ريال حتى محسوبة بالدرهم، ومره تجيك بسعر بسيط كلش، ومره تدفع بعد شهر بسبب إنتهاء المرحلة بسرعة ومره تدفع بعد 3 شهور بسبب إن المرحلة تأخرت، وحلو الجدول يسهل لك وشي الأعمال اللي عليك تسويها قبل وتتفق عليها.

[khaldoon]

حساب الكميات يتم عمله من قبل الاستشاري اولا و المقاول يشيك عليه.....لو الكميات في الجداول اكثر من الواقع فالمقاول راح يطنش لانه هذا مكسب له اما لو كانت اقل و المقاول سكت فراحت عليه
قوة الخرسانة تصمم بعد  يوم مب 

[المقاول]

حساب الكميات يتم عمله من قبل الاستشاري اولا و المقاول يشيك عليه.....لو الكميات في الجداول اكثر من الواقع فالمقاول راح يطنش لانه هذا مكسب له اما لو كانت اقل و المقاول سكت فراحت عليه
قوة الخرسانة تصمم بعد  يوم مب 

هذا هو الكلام الصحيح .. خلدون ملم بالمسألة
بس حساب الكميات سلاح ذو حدين ممكن يكون لصالح المالك وممكن يكون
ضدة .. والاستشاري لازم يخطي في جدول الكميات .

[العاصم]

جميع العقود عقود مطقوعية و جدول الكميات تكون الكميات فيه استرشادية يعني لو بند الخرسانة فيه 100 متر والمقاول صب 120 ليس له حق في طلب الفر وكذلك لو صب 80 متر ليس للمالك الحق في طلب الفرق وانما للتحكم في الدفعات والمقارنة بين الشركات في العطاءات

[معماري قطري]

جميع العقود عقود مطقوعية و جدول الكميات تكون الكميات فيه استرشادية يعني لو بند الخرسانة فيه 100 متر والمقاول صب 120 ليس له حق في طلب الفر وكذلك لو صب 80 متر ليس للمالك الحق في طلب الفرق وانما للتحكم في الدفعات والمقارنة بين الشركات في العطاءات

صحيح وفيه توصيف للمواد ولطريقة البناء محدد ودقيق .. وممكن لو ذُكر انه فيه إعادة حساب للكميات أثناء التنفيذ يكون فيه إعادة حساب مثل كثير من الدول .. بس في قطر الأولوية للرسومات وحساب الكميات يكون للتحكم في الدفعات مثل ما تفضلت وللمقارنة وأيضاً يساعدنا في إختيار المقاول الفاهم، وأيضاً لو تم طلب إضافات يفترض يكون حجمها مذكور في العقد ويكون حساب الكميات هو مصدر التسعير النهائي لهذه الأعمال.