الحمام ريحته كريهه ونتو بكرامه

[حمد 2002]

السلام عليكم ورحمه الله وبركاته

موضوعي وباختصار اني باني فيلا جديده والحمام عندي ريحته كريهه وايد ونتو بكرامه مادري شالسبب معني جربت كل الطرق ولا فييه فايده ، هل المقاول غشني:anger1: ولا شالسبب ؟

تحياتي للجمييع

[Aaziz]

الشباب اهل الاختصاص راح يفيدونك اكثر ،، ولكنك ذكرت اني راح تبني ،، او انك فعلا بنيت .

اتوقع احد الاسباب ممكن انه مافيه فتحت تهويه الي هي عباره عن ماسوره تروح لي السطح (التنسيم)
او ان تسليك المجاري مافيه كوع الي يمنع وصور الريحة

[حمد 2002]

[QUOTE=Aaziz;8680026]الشباب اهل الاختصاص راح يفيدونك اكثر ،، ولكنك ذكرت اني راح تبني ،، او انك فعلا بنيت .

اتوقع احد الاسباب ممكن انه مافيه فتحت تهويه الي هي عباره عن ماسوره تروح لي السطح (التنسيم)
او ان تسليك المجاري مافيه كوع الي يمنع وصور الريحة[/QUO

مشكور على الرد الطيب اخووي ، البيت بنيته وخلصت ، بس شالحل من وجهه نظرك هل المقاول غشني وهل هالشي بيتم للأبد !!!

[alshobaki7]

السلام عليكم ورحمه الله وبركاته

موضوعي وباختصار اني باني فيلا جديده والحمام عندي ريحته كريهه وايد ونتو بكرامه مادري شالسبب معني جربت كل الطرق ولا فييه فايده ، هل المقاول غشني:anger1: ولا شالسبب ؟

تحياتي للجمييع

على الارجح السبب من المقاول، واحتمال السبب يكون واحد من ثلاثة
- ما يكون في تهوية لخط الصرف
- أو ما يكون في U trap الي تمنع وصول الروائح
- أو يكون شابك الصرف النظيف مع صرف الكرسي وانتو بكرامة

[naklan]

هلا اخوي حمد 2002 اخوي
مشكلة الحمام ما تطلع من الاتي
الاول اسفل كرسي الحمام ما ركب لها قازقيت لعزل الروائح
صورة للتوضيح للقازقيت :)

http://www3.0zz0.com/2013/01/21/17/169568907.jpg (http://www.0zz0.com)


او البي تراب الي يجي في نص الحمام قد يكون ركب في بايب المجاري
بميول زائد عن الحاجة لذالك يدخل هواء ملوث من الصرف وللتاكد بواسطة النظر
هل الماء يغطي البي تراب من الداخل او لا

ثالثاً تاكد من بيبات الحمام من الخارج هل له هواية او لا وهل الصرف بايبين
او بايب واحد تستطيع التاكد بالنظر خلف الحمام وتتاكد :omen2:

رابعاً ممكن السدادة الي داخل البي تراب قد فتحت او حد عبث بها من الخدم
اذا ازيلت فمعناها ان جميع الهواء من الصرف سيرتد لحمامك

والله يوفقك اخوي حمد 2002

[MAZEN37]

طيب الحل مع السباكين
من يعرف شركه متخصصه وعمالتهم محترمه للسباكه فقط

[معماري قطري]

هلا اخوي حمد 2002 اخوي
مشكلة الحمام ما تطلع من الاتي
الاول اسفل كرسي الحمام ما ركب لها قازقيت لعزل الروائح
صورة للتوضيح للقازقيت :)

http://www3.0zz0.com/2013/01/21/17/169568907.jpg (http://www.0zz0.com)


او البي تراب الي يجي في نص الحمام قد يكون ركب في بايب المجاري
بميول زائد عن الحاجة لذالك يدخل هواء ملوث من الصرف وللتاكد بواسطة النظر
هل الماء يغطي البي تراب من الداخل او لا

ثالثاً تاكد من بيبات الحمام من الخارج هل له هواية او لا وهل الصرف بايبين
او بايب واحد تستطيع التاكد بالنظر خلف الحمام وتتاكد :omen2:

رابعاً ممكن السدادة الي داخل البي تراب قد فتحت او حد عبث بها من الخدم
اذا ازيلت فمعناها ان جميع الهواء من الصرف سيرتد لحمامك

والله يوفقك اخوي حمد 2002


ما قصر إخوي نكلان

الرد هذا وافي وحبيت أضيف حاجة بسيطة عليه، عندنا مختصين السباكة بعضهم دخلاء على الشغلة ولا يفهمون فيها، وشيء مهم يكون عندك إستشاري فاهم في هذي الشغلة يتابع ويعاين المواد ويوافق عليها، وأوقات يجيك شيء بسيط يخرب الشغل بالكامل، ودوم الإستشاري الفاهم يسوي فحص قبل الإستلام وفحوصات وقت التنفيذ قبل وضع البلاط ويكون متأكد من كل شيء، فدور الإستشاري اللي فاهم ومختص في هذي الشغلة مهم جداً ومتابعته من قبل المالك أهم.

لو عندك إستشاري متابع المفروض يجي يشوف شالقصة ويقترح الحل، وبعدين المقاول مجبور بالقانون ان يكون ضامن شغلة وأي خلل واجب إن يصلحه على حسابه حسب القوانين القطرية، وأحيان كثيرة المقاول تهمه سمعته ويتحرى الحلال ويجي يصلح أي خلل، وإذا كانت فيه دفعة ضمان ممسوكة عليه يجي يركض على رموش عينه.

[حمد 2002]

المشكله اخووي معماري انا دفعتله كل الدفعات واستلمت البيت ، والمقاول من الجنسيه(( السوريه ))اتهقى بيرجع ايصلح العيب ؟! ، والأستشاري المصري للأسف كان مايجي الا للتوقيع فقط وقت انتهاء المرحله والدخول لمرحله آخرى معني ادفعله 1000 ريال كل شهر جعلها حرام بجبده

[Chambray]

انا عندي بايب واحد طالع من كل حمام !!!!!
يعني شابك الكرسي مع صرف الحمام

هل فيها مشكلة في الريحه مستقبلاً ؟؟؟؟؟؟؟

المشكلة بلطت وخلصت وعلى وشك ان البيت يجهز

[معماري قطري]

انا عندي بايب واحد طالع من كل حمام !!!!!
يعني شابك الكرسي مع صرف الحمام

هل فيها مشكلة في الريحه مستقبلاً ؟؟؟؟؟؟؟

المشكلة بلطت وخلصت وعلى وشك ان البيت يجهز

الله يعين الجميع .. صراحة من يتعامل مع هالأشكال الدخيلة على شغل البناء والعمارة لازم بيطلع في النهاية مثقف هندسياً والكلام لك ولصاحب الموضوع.

هذا غش ما يبي له كلام لأن فيه شيء مهم أولاً وقبل الرسومات وكل شيء فيه أُصول الصنعة وحسن التنفيذ، وبعض الجهلة يلعبون لعبتهم ويوفرون حتى 50 أو 100 ريال ويضرون المالك ضرر كبير .. تعلمت من أحد مهندسين الميكانيكا إن الصرف الصحي يكون بايب واحد لكرسي الحمام وينشبك معاه بايب صغير للبديه إن وُجِد، وبايب آخر للمغسلة وللشور وللبانيو وللبي تراب، وينشبك معاهم صرف التكييف، وانا عن تجربة الأفضل كل واحد يسوي إحتياط بايب ثاني لتصريف ماي المكيف برا على زراعة أو إصيص في الحوش.

[معماري قطري]

المشكله اخووي معماري انا دفعتله كل الدفعات واستلمت البيت ، والمقاول من الجنسيه(( السوريه ))اتهقى بيرجع ايصلح العيب ؟! ، والأستشاري المصري للأسف كان مايجي الا للتوقيع فقط وقت انتهاء المرحله والدخول لمرحله آخرى معني ادفعله 1000 ريال كل شهر جعلها حرام بجبده

حاول فيهم يا اخوي المفروض هذا واجبهم ويعدلونه، إنت لو شريت سلعة رخيصة ورحت البيت حصلتها خربانه ترجعها شلون السلعة بيت كامل وفيه خلل بسيط ممكن يتصلح، ولعلمك ضمان المقاول المفروض 400 يوم حسب المواصفات القطرية، وأي مقاول في قطر لازم يشتغل حسب هذي المواصفات والشروط العامة... وصج والله مكس يخوف سوري ومصري .. شوف شمسوين في عمارة بلادهم وبتعرف

[alshobaki7]

انا عندي بايب واحد طالع من كل حمام !!!!!
يعني شابك الكرسي مع صرف الحمام

هل فيها مشكلة في الريحه مستقبلاً ؟؟؟؟؟؟؟

المشكلة بلطت وخلصت وعلى وشك ان البيت يجهز

احتمال كبير انك راح تعاني من مشكلة الروائح الكريهة وممكن ما تظهر الروائح في الوقت الحالي ولكن مع مرور الزمن وطبعا تعتمد على عدة عوامل منها ميول بايبات الصرف واذا استخدم اكواع 90 بشكل افقي بالاضافة الى مكان الكرسي اذا كان بعيد عن الجدار الخارجي... عموما الله يعينك على المقاول لان هذا الخطأ يعتبر جسيم.

[MAZEN37]

احتمال كبير انك راح تعاني من مشكلة الروائح الكريهة وممكن ما تظهر الروائح في الوقت الحالي ولكن مع مرور الزمن وطبعا تعتمد على عدة عوامل منها ميول بايبات الصرف واذا استخدم اكواع 90 بشكل افقي بالاضافة الى مكان الكرسي اذا كان بعيد عن الجدار الخارجي... عموما الله يعينك على المقاول لان هذا الخطأ يعتبر جسيم.
ممكن اخي الكريم تشرح التركيب السليم لبيب التصريف هل تقصد انه لازم يكون الكوع مائل وليس على شكل 90 درجه

[بن غيث]

ممكن تعرض المواصفات للأعمال السباكة ( الصحي ) بالعقد مع المقاول

[alshobaki7]

ممكن اخي الكريم تشرح التركيب السليم لبيب التصريف هل تقصد انه لازم يكون الكوع مائل وليس على شكل 90 درجه

كثرة استخدام اكواع 90 درجة تزيد من فرصة الانسداد وطفح المجاري ... ويفضل اذا دعت الضرورة استخدام كوعين 45 درجة ستعطي نفس النتيجة.
طبعا المقاول المحترم ممكن يركب البيبات بدون اي كوع أو على الاقل يستخدم اكواع 45 درجة بشكل طفيف....... بس لا يخفى عليك أن كثير من المقاولين يركبلك حمامين جنب بعض بشبكة صرف وحدة ولهذا السبب بستخدم اكواع 90 درجة اسرع في التركيب.

[معماري قطري]

كثرة استخدام اكواع 90 درجة تزيد من فرصة الانسداد وطفح المجاري ... ويفضل اذا دعت الضرورة استخدام كوعين 45 درجة ستعطي نفس النتيجة.
طبعا المقاول المحترم ممكن يركب البيبات بدون اي كوع أو على الاقل يستخدم اكواع 45 درجة بشكل طفيف....... بس لا يخفى عليك أن كثير من المقاولين يركبلك حمامين جنب بعض بشبكة صرف وحدة ولهذا السبب بستخدم اكواع 90 درجة اسرع في التركيب.

صادق والله وهذي كلها مخالفات لأُصول الصنعة وللمارسة الصح والبركة في الإستشاري المشرف قبل المقاول العليمي.

وقبل لآنسى أوقات تكون مشكلة البيت الجديد إن العمال إستعملوا تكرمون الحمام بدون ماي .. وبعد سكن المالك يكتشف هذي الروائح وتخف تدريجياً مع الغسيل والإستخدام، وإن شاء الله يكون الوضع كذلك ومنزل مبارك بإذن الله.

[بن غيث]

قوة معماري .. رجعت لك :)

في اكثر من 4 او 5 اسباب لهذه المشكلة .. ولكن لا تستطيع تشخيص المشكلة قبل الكشف على المكان .. وايجاد حلول عملية لها ..

أنصح الاخ العزيز الاستعانة بمختص لمعاينه المكان والبحث عن المشكلة ..

[معماري قطري]

قوة معماري .. رجعت لك :)

في اكثر من 4 او 5 اسباب لهذه المشكلة .. ولكن لا تستطيع تشخيص المشكلة قبل الكشف على المكان .. وايجاد حلول عملية لها ..

أنصح الاخ العزيز الاستعانة بمختص لمعاينه المكان والبحث عن المشكلة ..

هلا إخوي بن غيث .. صح كلامك وهذا الأساس بس الرجال بيته جديد وإحتمال فيه انسداد أو من أستعمال الحمام من العمال قبل وصول الماي.

[اللوز]

نصيحة لوجه الله
كسر ارضية الحمام واعمل مره ثانية البايبات
وبالتوفيق

[زمان]

عندي نفس المشكلة في البيت

وكسرت الحمام بالكامل وللأسف المشكلة موجودة للأن

ياريت لو حد يعرف شركة أو عامل متخصص بهذه المشاكل أن يرسل لنا رقمه

وبالتوفيق للجميع

[MAZEN37]

عندي نفس المشكلة في البيت

وكسرت الحمام بالكامل وللأسف المشكلة موجودة للأن

ياريت لو حد يعرف شركة أو عامل متخصص بهذه المشاكل أن يرسل لنا رقمه

وبالتوفيق للجميع
هل المرحاض على الحائط القريب للخارج او العكس

[مدحوب_ قطر]

عندي نفس المشكلة في البيت

وكسرت الحمام بالكامل وللأسف المشكلة موجودة للأن

ياريت لو حد يعرف شركة أو عامل متخصص بهذه المشاكل أن يرسل لنا رقمه

وبالتوفيق للجميع

الحل جيب بيب فيتر يركب كوع في البيب الخارجي في البالوعه الخارجيه خلف الحمام بيتجمع الماي في الكوع ومارح تدخل الريحه ... لا تكسير ولا عوار راس:nice:

[ضوى]

خليتوني اشيك على شغل المقاول

بس حصلت عند كل حمام 3 انابيب ، اثنين في اخرهم فتحة للتهوية وواحد موصول بالبالوعة اعزكم الله ؟ شنو يعني؟

[رذاذ]

شيك على فتحة التهوية بالبالوعة الكبيرة وجيب لها كوع لان الهوا لو من شمال يجيك قوي ويسوي تهوية تطلع من المصاريف حقت البيت .

وسلامتك هذا الى اقدر اقولك اياه

[رذاذ]

خليتوني اشيك على شغل المقاول

بس حصلت عند كل حمام 3 انابيب ، اثنين في اخرهم فتحة للتهوية وواحد موصول بالبالوعة اعزكم الله ؟ شنو يعني؟

للشور و للمغسلة وللمرحاض
التهوية للشور و المغسلة

الموصوله بالمرحاض بالبالوعة تهويته فيها البايب الى طالع منها

شغله صح بس في مشكله !! تصريفهم وين !!

[ضوى]

مممم تصريفهم تحت الارض يعني نازل من تحت البالوعة اعزكم الله هذا اللي كنت اشوفه

[حمد 2002]

اختي نصيحه خلي بايفيتر ثاني ايشيك عليهم بالبيت غير البايفيتر او المقاول الي يشتغل عندج ، ولكن بدون مايدري المقاول الي يشتغل عندج

[ضوى]

اختي نصيحه خلي بايفيتر ثاني ايشيك عليهم بالبيت غير البايفيتر او المقاول الي يشتغل عندج ، ولكن بدون مايدري المقاول الي يشتغل عندج

الحمد لله هذا اللي صار ، والامور كلها في التمام الله لك الحمد والشكر

[حمد 2002]

الحمد لله هذا اللي صار ، والامور كلها في التمام الله لك الحمد والشكر

الحمد لله

[خور العديد1]

انا ركبت كرسي الحمام
وثاني يوم قمت اشم ريحه كريهه
جبت الهندي يوم شيك قالي هالنوع في فتحه اخر الكرسي من ورى هذي الفتحه من المصنع مادري ليش امخلينها
وصكرها لي بأسمنت ابيض والحين لاريحه ولاخرابيط

[Markets]

راسلني على الخاص و انا ارسلك الي يحددلك السبب

[مضارب دوسري]

كانت عندي نفس المشكله فالملحق وطلع السبب ان فتحة المجاري اللي برى مافيها تهويه ولما سويت تهويه للبالوعه الخارجيه راحت الروايح

[مدحوب_ قطر]

الحل بسيط ركب كوع خارجي في بيب الماي والصرف في البالوعه الي يصب فيها مياة الحمام

[السندان]

اول ماشريت البيت وسكنت الغرفة الرئيسيه ريحتها ماتنطاق ومع التشييكات من البيبات والتهويات والكرسي وغيرها كل شئ تمام لكن كنت ألاحظ في الجدار الخارجي للحمام فيه بقعة رطوبه قلت يمكن اكواع الماي ولكن مع الايام قلت مافيه إلا أشيل أرضية الحمام وأشوف شالمشكله الا الاقي تمديدات الافرنجي تسرب وأبدل كل شئ حتى العازل والآن 8سنوات والحمد لله الأمور طيبه

[لاجل QT]

يوم كنت ادور على فلل للاجار لاحظت اغلب الفلل يصدر من حمامتها رائحة كريهة مع انها جديدة

ناس تقول لانها محد استخدمها يعنى هالشي طبيعي...والله اعلم