المساعد الشخصي الرقمي

مشاهدة النسخة كاملة : يارجال سهالات !!؟؟


مشاكل
22-01-2013, 07:10 AM
يارجال سهالات !!!

اصبحت هذه الكلمة بمثابة بطاقة اعفاء جمركية يتخذها البعض لنفسة وسيلة لتبرير التقصير والتجاوز والتعدي على الشرع والقوانين .

ليش مقصر في شغلك ؟
يارجال سهالات !

ليش مخالف قواعد المرور ؟
يارجال سهالات

ليش مهمل مرتك وعيالك ؟
يارجال سهالات !

ليش تغش فالامتحانات ؟
يارجال سهالات !

ليش تاخذ حق غيرك بغير وجه حق ؟
يارجال سهالات !

ليش غايب عن الشغل ومسجل انك حاضر ؟
يارجال سهالات !

ليش تتعامل بالربا ؟
يارجال سهالات !

ليش غشيت الرجال اللي بعته سيارتك ؟
يارجال سهالات !

ليش ترشي وترتشي ؟
يارجال سهالات !

ليش تشرب الخمر وليش تزني وليش ترتكب الحرام ؟
يارجال سهالات !

وبكره اذا ادفنوك فالقبر وجاك منكر ونكير ,,, ماذا سيكون جوابك عند سؤال القبر؟
يارجال سهالات ؟؟!!

اللهم ارنا الحق حقا وارزقنا اتباعه ,,, وارنا الباطل باطلا وارزقنا اجتنابه
اللهم يامقلب القلوب ثبت قلوبنا على دينك
اللهم ثبتنا عند السؤال
بوحمد111
22-01-2013, 07:18 AM
انا اشهد ان هذه الكلمه تودي في داهيه وتدخل اصحابها في مشاكل هم غنيين عنها
خوي الدرب
22-01-2013, 07:23 AM
يا رجّال سَهالات :)
R 7 A L
22-01-2013, 07:28 AM
صرات تقال من غير قصد
المهم انها تشغل حيز من فراغ من حيث الحديث والسوالف
ZURICH
22-01-2013, 07:28 AM
ياكثر اللي راحوا فيها

بسبب سهالات

:)
مشاكل
22-01-2013, 06:20 PM
انا اشهد ان هذه الكلمه تودي في داهيه وتدخل اصحابها في مشاكل هم غنيين عنها
نعم ونت صادق يابوحمد
التهاون واللامبالاه لهم ضريبة أو فاتورة
ومصير راعيها يدفعها عاجلاً أم آجلاً

يا رجّال سَهالات :)
يارجال سهالات ههههه

صرات تقال من غير قصد
المهم انها تشغل حيز من فراغ من حيث الحديث والسوالف
صحيح كلامك اخوي رحال مثلها مثل ( عرفت شلون - فهمت - والله - يعني - اممممم .... الخ )
بس المصيبة اذا كان صاحبها يعنيها بمعناها الحقيقي



ياكثر اللي راحوا فيها

بسبب سهالات

:)

الله يستر علينا وعليهم وعلى جميع المسلمين ويهدينا الى صراطه المستقيم
بـارود
22-01-2013, 06:56 PM
وبعد ( خلها على الله ) !
المجروح81
22-01-2013, 07:46 PM
سهلات انشالله
مشاكل
23-01-2013, 07:03 AM
وبعد ( خلها على الله ) !
ونعم بالله
لكن ان يقترف البعض التجاوزات بدافع السهالات
هنا تكمن المشكله

سهلات انشالله

الله يسهلها علينا وعليك دنيا واخره يالمجروح
(بوطلال)
23-01-2013, 07:52 AM
للاسف الحياه عند الكثير سهالات في سهالات .
مشاكل
27-01-2013, 11:09 PM
للاسف الحياه عند الكثير سهالات في سهالات .

الله يستر علينا يابوطلال
قال تعالى : ( اقترب للناس حسابهم وهم في غفلة معرضون ) صدق الله العظيم
ريم 28
27-01-2013, 11:12 PM
صار الصح صعب
وصار الخطأ سهل

شكرا لموضوعك
Doha Sun
28-01-2013, 01:03 PM
محد وادنا في 60 داهية غير هالسهالات
qatari 111
28-01-2013, 01:59 PM
الشخص اللي يقول سهالات .. اذا عنده معامله ما خلصوها له او تأخرت اوغيرها يتم يتذمر ويتنرفز ..هذولا ماتحصلهم فمكاتبهم وياخرون المعاملات ومن هالقبيل .

سبحان الله الانسان اللي يقصر في عمله او فبيته او يسرق او يفتعل الحرام مصيره راح تقع عليه ..

اللهم اغفر لنا وارحمنا برحمتك وثبت قلوبنا بالايمان والعمل الصالح

واشكرك اخوي على موضوعك المهم