أم محمد 90
22-01-2013, 08:51 AM
السلام عليكم ورحمة الله وبركاته ..
انا ترددت وايد وايد قبل لا اكتب الموضوع ولكن بعد ماقابلت المدير وسمعت كلام ماله داعي قلت اكتبه ، انا واثقة ان هالمنتدى يدخلونه شريحة كبيررة من اهل قطر
سواء كانو اولياء أمور ، مدراء ، رؤساء ، او اشخاص عاديين ..
أملي كله بإيجاد حلول أو مساعدات أو الاقي اشخاص في هالبلد نفس وضعي عشان ما احس اني شاذه ..
انا موظفة منذ 4 سنوات ولما توظفت قلت فالمقابلة اني راح اكمل جامعة لو عديت التأسيسي ومدير ادارتي ماكان عنده اعتراض لما عديت التاسيسي كنت اجيب جدول الجامعة واطلع اثناء الدوام وارجع لين ما استحق التفرغ الدراسي (وهذا كان وعد من رئيسي).. وكان خروجي اثناء الدوام بموافقة من رئيسي ثم مديري ..
خروجي كان 3 مرات اسبوعيا وكنت مرتاحة ومعدلي جيد
من سنة ونص تقريبا (تقمبعت السالفة على قولة اخوي) تغير المدير ..
صار يدقق ع الحضور يلزمنا الا 7 بالضبط نكون فالمكتب مع ان رؤساء الاقسام مايدامون الا 8 او 8 وشي والله نجي 7 نحط يدنا ع خدنا بس سوالف لين يالله يالله يجون ويبدأ الشغل
احنا ادارتنا شغلها يعتمد على رئيس القسم ليش؟ لان الايميلات والبريد كله عندهم مانحرك شعره الا بأمرهم ..
المهم انا حضوري كان 7 و 20 او 7 ونص واحيانا (تصير مرتين فالشهر) من الزحمة الرهيبة عند دوار القوس 7:45 .. تم تنبيهي بضرورة الدوام الساعة 7 بالضبط بالرغم من ان غيري يداوم 8 ويطلع 1 حتى الي وياي فالمكتب تداوم 7 و20 او 7 وربع وتنصدم لما يطرشون لي تنبيه تقول ليش مايكلموني انا بعد؟
حطو لنا نظام جدا جدا سخيف :-
تضرب بطاقتك واذا متاخر ينخصم من راتبك ولك ساعات معينه تطلع فيها خلال الشهر اذا تعديتها ينخصم من راتبك
والله مايجي اخر الشهر الا مقصوص من راتبي 4 الاف وماتكلم مايهمني اهم شي ادرس
بعدها قمت اسجل ف مواد اختيارية لمدة كورسين والله ارجع البيت 6 ونص او 7 ونص لان مواد دينية اختيارية مالها خص بتخصصي بس اهم شي اكمل ساعات
لين مانزل معدلي الى 2.2
الحين تغير رئيس قسمي بعد والله العظيم شيطان مادري من وين ربي سلطه علي قاعد على الوحدة لو انزل الحمام يتصل وين رايحة وليش ماتردين على التلفون اروح عند الطابعة ارجع الاقيه متصل 6 مرات ولما اكلمه يصارخ علي ، صيح الي وياي فالمكتب من اسلوبه ومن فتره صيحني انا ، متصل يسأل وين تروح انتي الساعة الفلانية ؟ اقول له انزل للصلاة يقول تبين صلي ف مكتبج انا احتاجج فالمكتب مب على كيفج تنزلين هني طولت لساني ولاول مرة انفجر واصرخ عليه وصارت سالفة كبيرة وتم يهددني بتقيمي وان ينقلني
قسسسم كاااامل مافيه الا 3 موظفين ؟؟؟ ورئيس !
وانا والي وياي ف المكتب شايلين الشغل ضغط مب طبيعي ومايبون يعينون احد كل اجتماع نتكلم نبي حد ويانا مافي اي استجابة الحين ماعرف شسوي
بعد ماقابلت المدير بخصوص دراستي توصلت للآتي :-
-ما يبون يعطون تفرغ لشخص يدرس بجامعة قطر .. يقولون (ماقد صارت)
- ان انا طماعة يا اختار الشغل يا اختار الوظيفة
- اذا مب عاجبني ادور مكان ثاني
- ممنوع منعا باتا اطلب خروج للجامعة اذا ابي ادرس ، ادرس عقب ساعات العمل
- موافقة مديري السابق غير معترف فيها لان ماعطاني ورقة فيها موافقة رسمية لدراستي
- مايبي موظفة تخرج اثناء الدوام بشكل شبه يومي نهائي نهائي (على لسانه ) انا مابي موظفة مب موجودة فالدوام شسوي فيها وتخصصج مايفيدني انا يفيدج انتي شسوي فيج لا تخرجتي بتتركين الهيئة !
حاولت اروح للاكبر منه ولكن للاسف عندنا نظام التدرج الوظيفي اذا مديرك مب موافقك الاكبر منه مايوافق
والله مقهورة هو قاعد يدرس ماجستير وانا انحرم من البكالريوس
رحت قدمت ف كذا مكان السي في مالي قوي لاني اشتغلل بقسم فعال وقوي لكن كل ما اسوي مقابلة اجيب طاري الجامعة وجههم ينصفففق كاني ساطرتهم ولا كاته عليهم ماي حار
شنو الضرر ودي اعرف وافهم ؟
اذا انت يا مدير ماتبي توظف موظفين زيادة وقاط شغل كامل على 3 موظفين فقط
مايقدرون يغيبون او يتنفسون لدرجة الكافتيريا مانقدر نروح وعلى هالاساس ماتبي موظفة تخرج اثناء الدوام لانك محتاج كل موظف هاي مشكلتك مب مشكلة الموظف
كل الابواب مسكرة في وجهي لدرجة فكرت اطلع من الجامعة الكل قال لي حرام مكملة 52 ساعة وربي حرام
من يوم عمري 18 وانا اتعب واتعب وادرس واسهر لدرجة اخذ احيانا 9 ساعات بعد موافقة القبول والتسجيل لان مالاقي مواد الظهر وعادي اتأخر بالتخرج مب مطيورة مردي بتخرج بس اهم شي احصل الشهادة وانا وايد احب تخصصي
لا تقولون لي سبونسر لان السبونسر لازم اجيب معدل عالي 3 وفوق
حرام اترك جامعتي عشان هالوظيفة
والمشكلة قامو يطفروني اتذكر اخر ايام امتحاناتي ماكنت قادرة اخذ اجازة لان الي وياي اجازة كنت اداوم واطلع اقدم امتحان وارجع الاقي كمية شغل مب طبيعية
انا توظفت لاني محتاجة الراتب ماقدر اهد وظيفتي وماشوف في اي شي يمنع ان اتوظف وادرس اعرف ناس وايد يسون هالشي بس مع الاسف واسطتهم قوية انا لا حول ولا قوة لي
حاولت ارضيهم والله اني اطلع احضر كلاساتي وارجع الدوام اقعد لين 6 المغرب
وفالنهاية مالقيت منهم شي لقيت مدير تحلطم يقول انتي مب كل يوم ترجعين عقب الدوام
استح على ويهك انا بنت صغيرة هادة بيتي واهلي يسألون عني اجي اقعد فالدوام ثلاث ساعات بس جذي عشان اسكتك وفالنهاية تقول لي انتي مب يوميا تجين تغطين ساعات العمل؟
والي قاهرني اكثر ان يمدحون شغلي يعني مرة اتصلت في رئيس قسم ثاني أسال عن شي قال لي رئيسج يمدحج وايد وقام طرش لي تقرير اضبطه له
واحيانا يتصلون فيني اقسام ثانية يسمعون اني شاطرة بالتقارير والاكسل شيت والتصميم يطلبون مني اصمم بطاقات دعوة أو اسوي لهم تقرير انا ماعارض كلش
ليش تمدحوني اذا انتو ماتبوني ؟
الحين باخذ اجازتي السنوية لاول مرة مع اني كنت كل سنة ابيعها واقعد فالدوام وبتم ادور على وظيفة وين الاقي دوام يخلص 12 مثلا او الاقي مدير ينقال عنه (بشر ) مب (حجر)
يسمح لي اطلع مرتين اسبوعيا الساعة 12 ؟
موضوعي مب صعب بس الي وياي خلوه صعب علي
حسبي الله ونعم الوكيل :weeping:
انا ترددت وايد وايد قبل لا اكتب الموضوع ولكن بعد ماقابلت المدير وسمعت كلام ماله داعي قلت اكتبه ، انا واثقة ان هالمنتدى يدخلونه شريحة كبيررة من اهل قطر
سواء كانو اولياء أمور ، مدراء ، رؤساء ، او اشخاص عاديين ..
أملي كله بإيجاد حلول أو مساعدات أو الاقي اشخاص في هالبلد نفس وضعي عشان ما احس اني شاذه ..
انا موظفة منذ 4 سنوات ولما توظفت قلت فالمقابلة اني راح اكمل جامعة لو عديت التأسيسي ومدير ادارتي ماكان عنده اعتراض لما عديت التاسيسي كنت اجيب جدول الجامعة واطلع اثناء الدوام وارجع لين ما استحق التفرغ الدراسي (وهذا كان وعد من رئيسي).. وكان خروجي اثناء الدوام بموافقة من رئيسي ثم مديري ..
خروجي كان 3 مرات اسبوعيا وكنت مرتاحة ومعدلي جيد
من سنة ونص تقريبا (تقمبعت السالفة على قولة اخوي) تغير المدير ..
صار يدقق ع الحضور يلزمنا الا 7 بالضبط نكون فالمكتب مع ان رؤساء الاقسام مايدامون الا 8 او 8 وشي والله نجي 7 نحط يدنا ع خدنا بس سوالف لين يالله يالله يجون ويبدأ الشغل
احنا ادارتنا شغلها يعتمد على رئيس القسم ليش؟ لان الايميلات والبريد كله عندهم مانحرك شعره الا بأمرهم ..
المهم انا حضوري كان 7 و 20 او 7 ونص واحيانا (تصير مرتين فالشهر) من الزحمة الرهيبة عند دوار القوس 7:45 .. تم تنبيهي بضرورة الدوام الساعة 7 بالضبط بالرغم من ان غيري يداوم 8 ويطلع 1 حتى الي وياي فالمكتب تداوم 7 و20 او 7 وربع وتنصدم لما يطرشون لي تنبيه تقول ليش مايكلموني انا بعد؟
حطو لنا نظام جدا جدا سخيف :-
تضرب بطاقتك واذا متاخر ينخصم من راتبك ولك ساعات معينه تطلع فيها خلال الشهر اذا تعديتها ينخصم من راتبك
والله مايجي اخر الشهر الا مقصوص من راتبي 4 الاف وماتكلم مايهمني اهم شي ادرس
بعدها قمت اسجل ف مواد اختيارية لمدة كورسين والله ارجع البيت 6 ونص او 7 ونص لان مواد دينية اختيارية مالها خص بتخصصي بس اهم شي اكمل ساعات
لين مانزل معدلي الى 2.2
الحين تغير رئيس قسمي بعد والله العظيم شيطان مادري من وين ربي سلطه علي قاعد على الوحدة لو انزل الحمام يتصل وين رايحة وليش ماتردين على التلفون اروح عند الطابعة ارجع الاقيه متصل 6 مرات ولما اكلمه يصارخ علي ، صيح الي وياي فالمكتب من اسلوبه ومن فتره صيحني انا ، متصل يسأل وين تروح انتي الساعة الفلانية ؟ اقول له انزل للصلاة يقول تبين صلي ف مكتبج انا احتاجج فالمكتب مب على كيفج تنزلين هني طولت لساني ولاول مرة انفجر واصرخ عليه وصارت سالفة كبيرة وتم يهددني بتقيمي وان ينقلني
قسسسم كاااامل مافيه الا 3 موظفين ؟؟؟ ورئيس !
وانا والي وياي ف المكتب شايلين الشغل ضغط مب طبيعي ومايبون يعينون احد كل اجتماع نتكلم نبي حد ويانا مافي اي استجابة الحين ماعرف شسوي
بعد ماقابلت المدير بخصوص دراستي توصلت للآتي :-
-ما يبون يعطون تفرغ لشخص يدرس بجامعة قطر .. يقولون (ماقد صارت)
- ان انا طماعة يا اختار الشغل يا اختار الوظيفة
- اذا مب عاجبني ادور مكان ثاني
- ممنوع منعا باتا اطلب خروج للجامعة اذا ابي ادرس ، ادرس عقب ساعات العمل
- موافقة مديري السابق غير معترف فيها لان ماعطاني ورقة فيها موافقة رسمية لدراستي
- مايبي موظفة تخرج اثناء الدوام بشكل شبه يومي نهائي نهائي (على لسانه ) انا مابي موظفة مب موجودة فالدوام شسوي فيها وتخصصج مايفيدني انا يفيدج انتي شسوي فيج لا تخرجتي بتتركين الهيئة !
حاولت اروح للاكبر منه ولكن للاسف عندنا نظام التدرج الوظيفي اذا مديرك مب موافقك الاكبر منه مايوافق
والله مقهورة هو قاعد يدرس ماجستير وانا انحرم من البكالريوس
رحت قدمت ف كذا مكان السي في مالي قوي لاني اشتغلل بقسم فعال وقوي لكن كل ما اسوي مقابلة اجيب طاري الجامعة وجههم ينصفففق كاني ساطرتهم ولا كاته عليهم ماي حار
شنو الضرر ودي اعرف وافهم ؟
اذا انت يا مدير ماتبي توظف موظفين زيادة وقاط شغل كامل على 3 موظفين فقط
مايقدرون يغيبون او يتنفسون لدرجة الكافتيريا مانقدر نروح وعلى هالاساس ماتبي موظفة تخرج اثناء الدوام لانك محتاج كل موظف هاي مشكلتك مب مشكلة الموظف
كل الابواب مسكرة في وجهي لدرجة فكرت اطلع من الجامعة الكل قال لي حرام مكملة 52 ساعة وربي حرام
من يوم عمري 18 وانا اتعب واتعب وادرس واسهر لدرجة اخذ احيانا 9 ساعات بعد موافقة القبول والتسجيل لان مالاقي مواد الظهر وعادي اتأخر بالتخرج مب مطيورة مردي بتخرج بس اهم شي احصل الشهادة وانا وايد احب تخصصي
لا تقولون لي سبونسر لان السبونسر لازم اجيب معدل عالي 3 وفوق
حرام اترك جامعتي عشان هالوظيفة
والمشكلة قامو يطفروني اتذكر اخر ايام امتحاناتي ماكنت قادرة اخذ اجازة لان الي وياي اجازة كنت اداوم واطلع اقدم امتحان وارجع الاقي كمية شغل مب طبيعية
انا توظفت لاني محتاجة الراتب ماقدر اهد وظيفتي وماشوف في اي شي يمنع ان اتوظف وادرس اعرف ناس وايد يسون هالشي بس مع الاسف واسطتهم قوية انا لا حول ولا قوة لي
حاولت ارضيهم والله اني اطلع احضر كلاساتي وارجع الدوام اقعد لين 6 المغرب
وفالنهاية مالقيت منهم شي لقيت مدير تحلطم يقول انتي مب كل يوم ترجعين عقب الدوام
استح على ويهك انا بنت صغيرة هادة بيتي واهلي يسألون عني اجي اقعد فالدوام ثلاث ساعات بس جذي عشان اسكتك وفالنهاية تقول لي انتي مب يوميا تجين تغطين ساعات العمل؟
والي قاهرني اكثر ان يمدحون شغلي يعني مرة اتصلت في رئيس قسم ثاني أسال عن شي قال لي رئيسج يمدحج وايد وقام طرش لي تقرير اضبطه له
واحيانا يتصلون فيني اقسام ثانية يسمعون اني شاطرة بالتقارير والاكسل شيت والتصميم يطلبون مني اصمم بطاقات دعوة أو اسوي لهم تقرير انا ماعارض كلش
ليش تمدحوني اذا انتو ماتبوني ؟
الحين باخذ اجازتي السنوية لاول مرة مع اني كنت كل سنة ابيعها واقعد فالدوام وبتم ادور على وظيفة وين الاقي دوام يخلص 12 مثلا او الاقي مدير ينقال عنه (بشر ) مب (حجر)
يسمح لي اطلع مرتين اسبوعيا الساعة 12 ؟
موضوعي مب صعب بس الي وياي خلوه صعب علي
حسبي الله ونعم الوكيل :weeping: