رايكم يهمني

[Mo7mmad]

اتفقت مع مقاول بناء عظم + بلاستر داخلي + كهرباء مواصفات انجليزي + الصرف الصحي والمياه بدون عازل

مساحه البناء 636 = الفيلا + الملاحق


حسب لي السعر 660 الف تقريبا المتر 1037

ارائكم ؟

[Mo7mmad]

مع العلم الخرسانه جابروا
الحديد قطري

[بن غيث]

مع العلم الخرسانه جابروا
الحديد قطري

خوش مقاول ..

عندك استشاري .. ؟؟

[Mo7mmad]

خوش مقاول ..

عندك استشاري .. ؟؟

اي يا الغالي

عندي استشاري مجربينه ربعي ومرتاحين معه

[بن غيث]

اي يا الغالي

عندي استشاري مجربينه ربعي ومرتاحين معه

ما عليه .. خذني بحلمك

والاستشاري موافق على الخرسانة .. ؟ .. وربعك مسوين نفس الصبه .. ؟

[Mo7mmad]

ما عليه .. خذني بحلمك

والاستشاري موافق على الخرسانة .. ؟ .. وربعك مسوين نفس الصبه .. ؟


اي النقد يا الغالي

اخوك ترى يجهل بعض الامور

نصائحك يالغالي

[الزلزال]

بالتوفيق

[بن غيث]

اي النقد يا الغالي

اخوك ترى يجهل بعض الامور

نصائحك يالغالي

ما جاوبتني على سؤالي ..!!

[Mo7mmad]

ما جاوبتني على سؤالي ..!!


المقاول هذا توني بوقع معاه ولاكن الاستشاري ربعي موقعين

يعني الاختلاف بيننا في المقاول

وبصراحه ما ادري بنوع الخرسانه مع مقاولهم

ومنك نستفيد

[Mo7mmad]

والى الان ما عرضت العقد على الاستشاري

[بن غيث]

أذا المقاول أهو الي شار عليك بالصبية .. شوف لك مقاول ثاني .. هذه نصيحتي لك

[Mo7mmad]

أذا المقاول أهو الي شار عليك بالصبية .. شوف لك مقاول ثاني .. هذه نصيحتي لك

جزاك الله خير يا الغالي


بس ممكن اعرف السبب ؟

[بن غيث]

يفترض ان الاستشاري يبلغك بهذه التفاصيل عن هذه النوعية من الخرسانة ..

اتصل في الاستشاري .. وعطني رده .. ويمكن أقول لك بعد غير الاستشاري ..!!

[Mo7mmad]

يفترض ان الاستشاري يبلغك بهذه التفاصيل عن هذه النوعية من الخرسانة ..

اتصل في الاستشاري .. وعطني رده .. ويمكن أقول لك بعد غير الاستشاري ..!!


هههههههههه
ابشر والله اتصلت فيه الان وما رد علي

بكلم العصر وبشوف شنو بيقول وبرد لك خبر

[بن غيث]

الله يعينك ان شاء الله .. لكن لا تحاتي

احنا هنا في هذا القسم كلنا أخوانك وبنساعدك وبنعطيك النصيحة والمشوره .. ولا تنسى اساتذتنا .. :

شموخ دائم وخلدون ومعماري قطري

[Mo7mmad]

الله يعينك ان شاء الله .. لكن لا تحاتي

احنا هنا في هذا القسم كلنا أخوانك وبنساعدك وبنعطيك النصيحة والمشوره .. ولا تنسى اساتذتنا .. :

شموخ دائم وخلدون ومعماري قطري

الله يرضى عليك دنيا واخره انت والاخوه الاعضاء

كلكم الخير والبركه

برجع اخذ باقي التفاصيل وبرد لك خبر

[بن غيث]

ربي يوفقك ان شاء الله ..

أهم شئ ان الاستشاري يكون معاك من البداية وهو الذي يختار نوعية الخرسانة واي أضافات أخرى لها
والمقاول لا يتدخل في اختيار اي مواد .. ووقت الصب يكون الاستشاري موجود ويتأكد من الخرسانة وطريقة صبها واختبارها ..

[Bozizoo]

بن غيث ماقالوا شي المقاول ولا الاستشاري
قاله الخرسانه جابرو بس
وهذا معروف للكل بس في ناس تجهلها و يلعب على هذا الوتر
مثل مايقولك بدك لك الدفان و برش ماي
اي واحد عادي ولا يعرف بيقول اووه بيرش ماي و يدك و يكبر الموضوع
يعني قاعد يكبر الموضوع بس يوهمك ان الشي الي يسويه لك كبير وهو عادي
وفي جملة بسيطه اتمنى كل الي يكتبون عقود للمقاوله انهم يضيفون جمله وحده وحده بس للعقد
((تنفيذ حسب المواصفات القطريه))

في نظري الشخصي سعره واااايد حلو المقاول
بس عاد كيف شغله مايندرى

[بن غيث]

ادري انه ما قال شئ .. والجابرو معتمد من ضمن المواصفات للبناء القطرية
لكن لازم ان اجعل المقدم على البناء يكون واعي وحذر

[MAZEN37]

نصيحتي لك
انك تشترط على المقاول رش الخرسانات سبع ايام مرتين باليوم
من البدايه للنهايه ترا هذا الموضوع مهم ويزيد الخرسانه قوه
والمقاولين اقلب وانا اقلب
خرسانه القواعد والميدات والعمدان والاسقف واي شيء خرساني
اكتب الشرط هذا بالعقد لا تغلط غلطتي
اتفقت مع المقاول انه الصبيات كلها جابرو لكن وقت الصبيه اكتشفت انه جايب ليم ستون
حتى كتبت موضوع هنا بالمنتدى عن الغش انتبه جيب استشاري
وبالتوفيق

[Mo7mmad]

ربي يوفقك ان شاء الله ..

أهم شئ ان الاستشاري يكون معاك من البداية وهو الذي يختار نوعية الخرسانة واي أضافات أخرى لها
والمقاول لا يتدخل في اختيار اي مواد .. ووقت الصب يكون الاستشاري موجود ويتأكد من الخرسانة وطريقة صبها واختبارها ..

يالغالي

ارسلت لك نسخه من العقد

انتظر رايك

ولو اني خذيت نسختي كان عرضته في موضوعي

[Mo7mmad]

نصيحتي لك
انك تشترط على المقاول رش الخرسانات سبع ايام مرتين باليوم
من البدايه للنهايه ترا هذا الموضوع مهم ويزيد الخرسانه قوه
والمقاولين اقلب وانا اقلب
خرسانه القواعد والميدات والعمدان والاسقف واي شيء خرساني
اكتب الشرط هذا بالعقد لا تغلط غلطتي
اتفقت مع المقاول انه الصبيات كلها جابرو لكن وقت الصبيه اكتشفت انه جايب ليم ستون
حتى كتبت موضوع هنا بالمنتدى عن الغش انتبه جيب استشاري
وبالتوفيق

تسلم يالغالي

[معماري قطري]

السلام عليكم

معليش انا داخل آخر الشباب اللي ما قصروا في إبداء الرأي والنصح.

ورايي بإختصار تعيين الإستشاري أول هو الأهم وتخليه هو يجهز العقد كامل مع إضافة أي رسم تفصيلي وأي مواصفات لكل الشغل، وبعدين يتم إختيار المقاول، وبتلاحظ مقاولين يعطونك كلام ثاني ووقت التوقيع يتحفظون على بنود كثيرة هم وعدوك شفوياً إنهم يسونها، وخل كل شيء مكتوب وحدد الدفعات ولتفوت ثغرة، وشغل الإستشاري أغلبه مكتبي وقانوني وتعاقدي، والباقي يكون بعد البدء في البناء في الموقع.

شوف موضوعي عن العقود مع اني حاولت أبسطه قد ما اقدر لكن أحسه شوي صعب خصوصاً من ناحية اللغة الإنجليزية، وأتمنى لو واحد قادر يترجم المكتوب بالعربي لباقي الإخوان،

مقدر اهتمامك وخوفك من ناحية البنيان وإن شاء الله تكون بدايتك صح وتستفيد كثير أول بأول من آراء الجميع وتتوفق في بنيانك.

[بن غيث]

^ ^ ^

اعطاك الزبده معماري .. هذا الكلام المنطقي والصحيح لاي شخص مقدم على البناء

[قطري قديم]

بالتوفيق اخوي

[Bozizoo]

انا اشهد انك ماقصرت يامعماري قطري

[معماري قطري]

تسلمون يا الربع كلكم ما قصرتوا ولا عليكم زود

ودوم نتمنى لكل إخوانا التوفيق في بنيانهم ونتمنى لقطر مباني مستدامة بحق كموقع دائم ومواد مختارة بعناية لتدوم عمر طويل .. شفنا مباني في العالم لها مئات السنين وللحين موجودة وتخدم ونبي بلادنا تسابق الركب الحضاري والعمراني.