الزواج البسيط ام الزواج المتكلف

[بنت قطريههه]

اختي تقدم لك انسان محترم بكل ما تحمله هذه الكلمه من معنى ولكن لا يريد زواج متكلف في القاعه الفلا نيه ولن يدفع المهر المشروط عليه ليس بخلا ولكن في باله انهم ناسبوا رجل حفل بسيط يجمع بينهم وبدايه موقفه بدون ديون هل تقبلين هذا ام يهمك كلام الناس وشمعنى فلأنه احسن مني جزاكم الله خيرا ووفقكم للصواب

[ريم 28]

وجهة نظري في هذا الموضوع
أن المظاهر خداعه وخاصه لمن مستوئ دخله
متوسط. وليس هناك داعي لتلك الديون التي تصرف على قاعات وكراسي ومفارش ووو

أما من يستطيع فليفعل ذلك من أجل زوجة المستقبل لا ذنب لها فالأسعار مرتفعه في كل شيء ويكلف في الدوحه.
وعن تجربه أمر بأحداثها الآن خواتي لا يريدون عرس مكلف. فقط حفل بسيط ولكن أهل المعاريس أرفضوا واصروا على عرس مكلف.
أحيانا ليست العروس هي من تطالب بعرس مكلف.
والمهر في حدود 80 إلى 100 ألف في النهايه ستتجهز من أجله ومثل ما قلت الأسعار مرتفعه جدا.

[Al-Kuwari]

ما عاد فيه شي اسمه زواج بسيط

الله المستعان

[البرشلوني]

لا هذا ولا ذاك

[♫ احسـاسـ طفلـهـ ♫]

لا جا رجال محترم بمعنى الكلمه .. هاي تحتها الف خط ..


يصير خير ان شاء الله وقتها لان في ناس تتقدم والكل يقول عنهم ولا في احسن منهم والبنت تتنازل واخر شي يطلع العكس صحيح والبنت خسرت كل شي ..


اما لو صج محترم فوقتها الله العالم شنو بيجي على بالنا .. بس عدم المبالغه في العرس هاي شي مطلوب عشان ما نصير اخوان الشياطين ..


بس العرس بطريقه معقوله ومتوسطه التكلفه افضل بكل الاحوال ..

[بنت قطريههه]

السلام عليكم ورحمه الله أخت ريم اتفق معاك ان المظاهر لا يستفيد منها الا اصحاب القاعه والمحلات ويمكن بعد التكلفة لا يرضي المدعوين لإرضاء الناس غايه لا تدرك ولكن اذا نفس حالتكم عرضتوا عليهم الامر رفضوا فهذا ذنبهم

[بنت قطريههه]

اختي إحساس طفله لماذا التشاؤم يوجد رجال فيهم الخير ولكن عنده مبدا حفل بسيط للاشهار وسفريه الى مكه وكان الله غفور رحيم

[بنت قطريههه]

الاخ البرشلوني لم افهم معنى لا هذا والا ذاك ارجو التوضيح

[بنت قطريههه]

الاخ الكواري لا يااخي انت غلطان فيه عوائل تشتري رجل ولا يهمها المظاهر الزائفه الله ييسر على كل من أراد الستر

[ريم 28]

الاخ الكواري لا يااخي انت غلطان فيه عوائل تشتري رجل ولا يهمها المظاهر الزائفه الله ييسر على كل من أراد الستر

:rolleyes2: محد بيصدقج
لو رجعتي للمواضيع السابقه بتلقين اعيد واكرر نفس الكلام
لكن خلوني اغرد بروحي :omen2:

[البرشلوني]

الاخ البرشلوني لم افهم معنى لا هذا والا ذاك ارجو التوضيح

اقصد لا الزواج البسيط ولا الزواج المتكلف، مايحتاج حفلة زواج من الأساس، حجز تذاكر وشهر عسل على طوووول (:

[الخزرجي قطر]

معظم الناس هالايام تهمها المظاهر والتنافس على الصرف في الزواج علشان
الناس يتكلمون عن حفلة العرس ومين جابو تغني والديكورات وغيره وغيره كثير
لكن انا عن رايي الله يبارك في الزواج البسيط المعتدل دون اسراف او تبذير من الطرفين

[بريق الحق]

في ناس الا من رحم ربي مايملي عينهم الا التراب

[Al-Kuwari]

الاخ الكواري لا يااخي انت غلطان فيه عوائل تشتري رجل ولا يهمها المظاهر الزائفه الله ييسر على كل من أراد الستر

اختي انا اتكلم عن الواقع

واحد من الربع تزوج قبل سنه تقريباً

والله انه ماتكلف وكل شي كان عادي وبسيط وقاعة العرس عادية

الزبده دفع بين 350 , 400 الف للعرس كامل

وين بسيط ؟؟

اقل مبلغ لعرس عادي جداً جداً وصل حروة 400 الف

وين البساطة فالموضوع ؟؟

[ريم 28]

اختي انا اتكلم عن الواقع

واحد من الربع تزوج قبل سنه تقريباً

والله انه ماتكلف وكل شي كان عادي وبسيط وقاعة العرس عادية

الزبده دفع بين 350 , 400 الف للعرس كامل

وين بسيط ؟؟

اقل مبلغ لعرس عادي جداً جداً وصل حروة 400 الف

وين البساطة فالموضوع ؟؟

لحظه يا اخوي يالكواري
هل المبلغ مع المهر ام تكلفة الحفل فقط
لان لو حفل بسيط ما يصل لهذه الدرجه
اكيد في مبالغه في الكوشه والتصوير والفيديو والاضاءه والزفه والطقاقات والتوزيعات ومفارش الكراسي والطاولات وترتيب الحفل ككل
والقاع تكون كبيره وفخمه مثل الدفنه في الشيراتون

اما قاعة سلوى في الشيرتون تصل الى 60 الف
والكوشه تكون على 25 الف
و25 للطق
تقريبا 110 مب اكثر وان زاد شي بسيط

الحين محد بيعرس من كلامك :rolleyes2:

[امـ حمد]

افضل الزواج البسيط افضل من الزواج المتكلف
المهم يكون الرجل على خلق ودين

[NINA RICCI]

الشخص بنفسه يحدد اذا يبي العرس مكلف او لا ..

في محلات تجهيز الافراح في الغالي وفي الرخيص , حتى القاعات في الغاليه وفي الرخيصه .. وحتى الطق في اللي ب 4000 وفي اللي ب 50 الف وفوق

استغرب من الناس الي تتذمر وهي اصلا ترووح للمكلف ..

[بنت قطريههه]

صباح الخير لكل الاخوان والأخوات لو عرف الناس الهدف من الزواج بالمعنى الصحيح ولو درس الاطفال في المدارس ان البساطة في كل شي افضل وغرس فيهم هذا ولو عرفوا ان الله سيبارك لهم في الزواج اذا خلت الحفلات من الموسيقى التي نهي عنها والبذخ الذي يذهب اغلبه الى إلقمامه ويذهب بالزوج الى الدين الذي هو هم باليل وكرب وكرب بالنهار

[ضوى]

دايما اقول العرس اروع بالبساطة بس الحين حتى البساطة تكلف اضعاف المتكلف ، للعمل صار البرستيج البسيط اغلى بوااااايد

طلعت لنا كيت زوجة وليام بفستانها البسيط اللي كله دانيتل من غير ولا حبة كريستال ومكلف الالاف ، وقلدوها كل البنات اللي عرسوا جديد ، فستان دانتيل بسيط بسيط بسيط ب14 الف متخيلين ؟

لا البساطة تريح ولا التكلف يريح وفي الاخير الزجين اللي بيعيشون في دوامة الدين والتعب ، اللي الله منعم عليه ربي يفتحها عليه ويبارك له في اللي عنده يسوي اللي يبيه براحته ، لكن اللي ماعنده ويقط على ظهره ديون تقص الظهر هذا ماينفع الدين ذل بالنهار وهم بالليل ، صاروا الحين ياخذون سلف عشان يظهرون بالمظهر اللي يسعدهم

الله يوفق الجميع لما يحب ويرضى

[خالد1]

لحظه يا اخوي يالكواري
هل المبلغ مع المهر ام تكلفة الحفل فقط
لان لو حفل بسيط ما يصل لهذه الدرجه
اكيد في مبالغه في الكوشه والتصوير والفيديو والاضاءه والزفه والطقاقات والتوزيعات ومفارش الكراسي والطاولات وترتيب الحفل ككل
والقاع تكون كبيره وفخمه مثل الدفنه في الشيراتون

اما قاعة سلوى في الشيرتون تصل الى 60 الف
والكوشه تكون على 25 الف
و25 للطق
تقريبا 110 مب اكثر وان زاد شي بسيط

الحين محد بيعرس من كلامك :rolleyes2:




اي ستين الف الله يهداج انا حاجز حق اخوي 150000 وهذا من سنتين
واي كوشه 25000
اذا تلبيس الطاولات 70 و80 الف

[بنت قطريههه]

السلام عليكم اختي ضوى ولكل الاخوان والأخوات البساطة انواع واقتناعات ليش اقلد فستان كيت زوجه وليام وهل هي قدوه علشان اقلدها ممكن اذا احنا لنتكلم عن البساطة حفله مختصره للأهل وعمره الى بيت الله والسلام

[Al-Kuwari]

لحظه يا اخوي يالكواري
هل المبلغ مع المهر ام تكلفة الحفل فقط
لان لو حفل بسيط ما يصل لهذه الدرجه
اكيد في مبالغه في الكوشه والتصوير والفيديو والاضاءه والزفه والطقاقات والتوزيعات ومفارش الكراسي والطاولات وترتيب الحفل ككل
والقاع تكون كبيره وفخمه مثل الدفنه في الشيراتون

اما قاعة سلوى في الشيرتون تصل الى 60 الف
والكوشه تكون على 25 الف
و25 للطق
تقريبا 110 مب اكثر وان زاد شي بسيط

الحين محد بيعرس من كلامك :rolleyes2:

المبلغ شامل المهر وعرس الرجاجيل وكل شي

يعني من الالف الى الياء

وعلى فكرة قاعة سلوى حالياً حسب علمي قيمتها ظ§ظ¤,ظ¨ظ*ظ* ريال مع عشاء فقط

وحطي فبالج مصاريف تجهيز الطاولات , الكوشة , الى خلافة

[ضوى]

السلام عليكم اختي ضوى ولكل الاخوان والأخوات البساطة انواع واقتناعات ليش اقلد فستان كيت زوجه وليام وهل هي قدوه علشان اقلدها ممكن اذا احنا لنتكلم عن البساطة حفله مختصره للأهل وعمره الى بيت الله والسلام

حتى الحفلة ياختي الكريمة اذا البنت اول فرحتها تبي تعزم ربعها وصديقاتها وجيرانها عالضيق شي بيزعلها خاصة اذا كانت صغيرة ، تسوي الحفلة بفندق صغير مب لازم بقاعة وااو وشهر العسل عمرة مافي احسن منها ، الحفلة صغيرة والا كبيرة ترجع لقناعة البنت نفسها ، احيانا حتى ام الزوجة مايعجبها شي عالضيق تبي تباهي بولدها هي قناعات بالنهاية

[سبحاان الله]

رضى الناس غايه لاتدرك
ولاحد يتعب نفسه ويحمل نفسه فوق طاقته عشان يرضي الناس
حلات الزواج حفله وسفر وخلاص ،، حتى ربي يبارك ان شاء الله بحياتهم الزوجيه الي مافيها تبذير من بدايتها

[راشد محمد]

اهم الشي الزوج ما يكون عليه ديون .لانها اذا بدوا حياتهم بديون بيتعبون..
في النهاية كله يعتمد على العروس واهلها..

[daekan]

الله يعين الشباب

[نتفـه]

وسط .. واهم شي الرجال اذا محترم كل شي يهون وممكن يوصلون الى حل وسط اما اني بنت ابي عرس حالي حال غيري حتى لو كان وسط مو بسيط جدا ولا متكلف يكسر ظهورنا ..