استفسار عن فنادق قطر

[بنت شرق]

السلام عليكم ورحمة الله
ناس من اهلنا بيزورنا قريبا بقطر بنهاية الاسبوع القادم ان شاء الله ...طلبوا منا ندلهم على فندق خدماته جيدة
وماعندنا خبرة ..من ناحية جودة الخدمات ايش الافضل ....يرغبون بالحجز على فندق اول
مرة اسمع عنهم مثل كورال واوريكس روتانا ...هل ننصحهم بالحجز فيهم ...

[Mohammed2]

عندك فندق سانت ريجنس

اللي خلف ارض المعارض
او فندق المرقاب في سوق واقف

[غرِيبهـ]

عليكم السلام و رحمة الله وبركاته

اختي دخلي على موقع بوكينج وشيكي على هالفنادق و موقعها
وبعدها زوريهم وشوفيهم على الطبيعة وقرري

فعلاً ترى وايد فنادق بالدوحة جديده ومب الكل يعرف عنها شي

[غير البشر]

اختي اوريكس روتانا زين زحلووو انا سكنت فيه مرتين
والسويت مالهم بعد وفي بلكونه تطل على المطار والطيارات :p

عيب الفندق مافي شي جنبه



اذا عددهم كبير يعني 4 او 5 اشخاص او اكثر وكلهم اهل
عندهم فندق كمبنسكي وايد زين وانصح فيه وبقوووووووووووووووووه
سكنت فيه كذا مره
هو نظام شقق فندقيه
شقه بوغرفتين مع غرفه الخادمه
وشقه بو 3 غرف + غرفه خادمه + 3 حمامات الله يكرم السامع + مطبخ حجمه حلوو
وصاله كبيره ومعاها طاوله طعام حق تقريبا 10 اشخاص


وعندهم شقه ارضي + دورين
ومصعد خاص داخل الشقه + درج
وعدد كبير من الغرف
يعني شي ترتيب
وفيها حضانه للأطفال
والفندق جدا هادئ
واسعاااااارهم واايد حلوه انصح فيه وبقوه

[abdo222]

فندق كورال جيد جدا, وموقع استراتيجي (المتحف الاسلامي وسوق واقف والكورنيش)

[بونووف]

موفنبيك ... فندق ريان ريتاج .. هيلتون .... هالفنادق كلها خدمتهم جيده جدا من واقع تجربه وكلهم مقابل الستي سنتر
عندج بعد فندق ميلينيوم فالسد
فندق هيرتج اللي في اسباير خدمتهم جيده وغرفهم حللوووه

[بن غيث]

:nice:
موفنبيك ... فندق ريان ريتاج .. هيلتون .... هالفنادق كلها خدمتهم جيده جدا من واقع تجربه وكلهم مقابل الستي سنتر
عندج بعد فندق ميلينيوم فالسد
فندق هيرتج اللي في اسباير خدمتهم جيده وغرفهم حللوووه

ولا تنسى الانتر .. من يوم ما أستوى وانا زبونهم ..

[Khaled Qatar]

فندق الشعله رائع وجنب فلاجيو يعني قريب منهم السوق / فندق دبليو بعد حلو / سانت ريجز

[بوفاطمه]

السلام عليكم ورحمة الله وبركاته ....
الله يسعد صباحج بنت الشوق.
يوصلون سالمين غانمين الى دار بومشعل .
انصحج بفندق روتانا اوريكس جنب مطار الدوحة الدولي المغادرون .
لانة احنا سوينا فية عدة اجتماعات ،واسكنو الضيوف بعد.
اذا تلقين نظرة بعد احسن.
عسى اجازة نهاية اسبوع طيبة . Have anice weekend

[لمعة الالماس]

شوفوا فندق قريب من الاماكن اللي يبون يروحون لها

ويعتمد على السعر اللي يبونه

[للصبر اخر]

اذكر مره جونا ناس
سكنو بفندق ريتاج رويال
ولما زرتهمم الغرفه كانت كبيره وفخمه صراحه اعتقد السعر كان الليله 500 جناح
قريب من سوق واقف
عند الصحه المدرسيه
والسعر واايد حلو بحجم الغرفه

[للصبر اخر]

هاي الصفحه في بوكنيج

http://www.booking.com/hotel/qa/retaj-royale.ar.html?aid=357026;label=gog235jc-index-XX-XX-XX-brand-qa-com;sid=e064c850e668f6f58d210e6ac9e3b229;dcid=1

[sweet qatar]

كمبنسكي - فرايزر سويتس .. حلوين للعوائل.. كورال مب شين بس اقل منهم..
جربي اقتراح للصبر آخر.. ريتاج رويال شكله حلو..


اوريكس روتانا حلو للترانزيت.. ما ظن يصلح لهم..


اما الفنادق سانت ريجس.. يعجبني..