الصحة المدرسية ( المسائية ) الله يعل العدو !!

[التيما]

عندي موعد الساعة خمس المغرب واروح الساعة اربع مالت علي قلت بخلص بسرعة وراي ادرس اليهال امتحانات .. وأنا وصلت إلا محد :rolleyes2: شسالفه !! جان يقولي السكيورتي بيجون الاستقبال الساعة خمس :omg: بخصوص أن موعدي الساعة خمس :anger1:!!! وكملها وقال الدكاترة يجون خمس ونص :weeping:
وتعالي يا التيما عقب اول ادفعي فلوس 50 ريال .. وعقب أنطري دورج !!!

سؤال ! ليش هالفوضى !!

ليش مافي أرقام نفس الصباحي في حمد !! أنا جاية مسائي وادفع فلوس عشان فوضى !!! عليتونا الله يعل العدو !!! :anger1:

حطوا أرقام للعالم الواحد يجئ وينادون بالرقم وكان الله غفورا رحيما ..

ولا الدفع !! اللهم لا تبلينا جنا مجاعة وننطر المونه !! عسا ماشر !!! الناس تتزاحم من جا اول واسمع الهواش ؟ ليش ؟ شنو هالاسلوب الغير لائق يا المجلس الأعلى للصحة !! شنو هالتعامل الفوضوي ؟ وليش ؟

الصحة المدرسية تعبر عن صورة المجلس الأعلى للصحة في أسوأ حالاته .. ياريت بس هالمسوولين في الصحة يمرون يشوفون الفوضى .. موعد الساعة خمس ولازم أجي اربع ولا راح علي !! لا واجي انطر لان الاستقبال محد يعني أضيع ساعة في يومي عشان انطر ؟؟؟؟ وعقب ساعة مثلها عشان الدكتور يشرف !!! شنو هاي بالذمة !!

والله عيب .. وصلنا لمستوا عالي في قطر وللحين هالمناظر موجودة !!

مانبي نعرف السبب ! ومن من ؟

نبي حل .. نبي ترتيب وتنظيم .. نبي أسلوب راقي .. نبي احترام لوقت المريض ووقت الدكتور .. نبي المريض يدخل في موعده ويجي قبل موعده بربع ساعة نفس الصبح .. صعبة !!!!

[طير حوران]

لك كل الحق

ونتمنى اختفاء كل هالاساليب في عدم الالتزام بالمواعيد من قبل الدكاتره والموظفين وكذلك القضاء على سلبية عدم الالتزام بالنظام من خلال الحصول على الارقام ومن ثم انتظار الدور بكل ادب واحترام للجميع

[التيما]

لك كل الحق

ونتمنى اختفاء كل هالاساليب في عدم الالتزام بالمواعيد من قبل الدكاتره والموظفين وكذلك القضاء على سلبية عدم الالتزام بالنظام من خلال الحصول على الارقام ومن ثم انتظار الدور بكل ادب واحترام للجميع

تخيل أنا من اربع وخلصت ثمان !! :weeping: اربع ساعات !!! والمشكلة بفلوس مؤ ببلاش !!

شكرًا عالمداخله ..

[بن غيث]

هذه خطة ذكية من الوزارة .. ورسالة تبلغ لجميع المواطنين بهذا الاسلوب الواعي
تقول هذه الرسالة .. الوقاية خيراً من العلاج

صــــــــــبـــــــــــاح الـــــــــــــــخيــــــــــر

[التيما]

هذه خطة ذكية من الوزارة .. ورسالة تبلغ لجميع المواطنين بهذا الاسلوب الواعي
تقول هذه الرسالة .. الوقاية خيراً من العلاج

صــــــــــبـــــــــــاح الـــــــــــــــخيــــــــــر

ههههههههههههه .. أي والله ما كذبت أخوي .. بس السن له دور وخبرك كبرنا خلاص وبدت الأمراض الله يشفي الجميع ..

وصباحك خير وسرور :nice:

[الأصيلة]

طيب ليش فلوس؟
خلاص هالسالفة انتهت من زمان في مستشفى حمد العام
العلاج المسائي صار مجاني...

[التيما]

طيب ليش فلوس؟
خلاص هالسالفة انتهت من زمان في مستشفى حمد العام
العلاج المسائي صار مجاني...

مادري اختي .. بس اللي يهمني حالة الفوضى اللي فوق الوصف .. خل يحلونها اول عقب ننتقل لموضوع الرسوم :telephone:

[R 7 A L]

اعتقد والله أعلم ان ( الصحه المدرسية )
صارت سيئة لان العاملين بها متذمرين من المكان الجديد والانظمة الجديدة
ولايعرفون هم تابعين لوزارة الصحة او الرعاية الاولية

[راشد محمد]

روحي الخاص ابرك لج

[دااانة قطر]

ااااااااااه
ذكرتوني بمواعيد الاسناان في الصحه المدرسيه .. ولا موعد عالوقت انا اجي قبلهم ويدخلون اللي جااي بعدي لين اصرخ فيهم واهاوشهم بعدها الدكتور او الدكتوره تخيس النفس وتحس ان مالها خلق تعالج او تتابع الحااله
حسبي الله عليهم

[التيما]

اعتقد والله أعلم ان ( الصحه المدرسية )
صارت سيئة لان العاملين بها متذمرين من المكان الجديد والانظمة الجديدة
ولايعرفون هم تابعين لوزارة الصحة او الرعاية الاولية

متذمرين شئ وان المكان يكون فيه فوضى شئ ثاني

[التيما]

روحي الخاص ابرك لج

ليش !! الحين هاي الحل برأيك ؟ ما تقدمنا عيل لو كل واحد بيقول روح خاص ..

[التيما]

ااااااااااه
ذكرتوني بمواعيد الاسناان في الصحه المدرسيه .. ولا موعد عالوقت انا اجي قبلهم ويدخلون اللي جااي بعدي لين اصرخ فيهم واهاوشهم بعدها الدكتور او الدكتوره تخيس النفس وتحس ان مالها خلق تعالج او تتابع الحااله
حسبي الله عليهم

الله يكون بالعون .. المشكلة الحل سهل وهو الأرقام عند الاستقبال .. الواحد يأخذ رقم اول ما يجئ وخلاص انتهينا مب معضلة ..

[ANONYMOUS]

نفس القضيه فرع الجوازات اللي بسوق واقف

المفروض يبدا الساعه 3 بس الموظفين 3 ونص يجون

هالكلام من شهرين

مادري شصار عليهم الحين هل مازالوا على نفس الوضع او يداومون 3