ماذا تعمل لو كنت مكاني

[بنت قطريههه]

السلام عليكم ورحمه الله اختي ابدقصتي معكم عن اسره مكونه من اب وأم كبار في السن وابنتين متزوجات وولد واحد متزوج الاب وآلام في منتهى الطيبة كل الجيران يحبونهم مثل والديهم وكانوا يبذلون الغالي والرخيص لاول ادهم كبروا في السن فقلت حركتهم ومن في سنهم توفى الى رحمه الله ولكن الأولاد اصبحت زيارتهم قليله ودقائق معدوده وعندما يحضرون فقط تاديه واجب اشتكوا لي انه ليس هناك من يتكلم معهم لأنني مقربه منهم أبنهم الوحيد دائماً في غرفته مشغول في دنياه في عالم اخر ماذا اعمل فانا لست حره بالذهاب لهم يوميا ولا أسبوعيا تحكم نئ الظروف أتعذب لرؤية دموعهم حاولت النصيحة فأصبحت العدوه ماذا تعملون لو كنت مكاني

[R 7 A L]

كلمي بناتها
خليهم يزورونها

[بنت قطريههه]

كلمتهم وقالوا انهم يزورونهم وها وشوا أهلهم أيش اعمل

[ضوى]

الولد بحكم طبيعته دايما مشغول مع انه احيانا مايكون عنده شي ، لكن البنات من واجبهم زيارتهم كل يوم ويشوفون طلباتهم وبالنهاية الظروف احيانا تحكم الانسان ويكون غصبا عنه
ترا حتى البنات معذورات لو الزوج رفض انهم يطلعون من البيت كل يوم ، والاولى طاعة الزوج بالنسبة لشرع الله
اما الولد فما اشوف له عذر وهو راح يكون محاسب امام الله عن عدم وصلهم

[NINA RICCI]

الولد بحكم طبيعته دايما مشغول مع انه احيانا مايكون عنده شي ، لكن البنات من واجبهم زيارتهم كل يوم ويشوفون طلباتهم وبالنهاية الظروف احيانا تحكم الانسان ويكون غصبا عنه
ترا حتى البنات معذورات لو الزوج رفض انهم يطلعون من البيت كل يوم ، والاولى طاعة الزوج بالنسبة لشرع الله
اما الولد فما اشوف له عذر وهو راح يكون محاسب امام الله عن عدم وصلهم


انا مب مقتنعه في ان البنات معذورات لو الزوج رفض :rolleyes2:.. يرفض زيارة البنت لوالديها الكبار فالسن اللي محتاجينهم الحين ؟؟؟ المفروض ماتسمع كلامه في زيارتهم وتفهمه ان يوميا تروح لهم حتى لو ساعه .. لان هذا واجب عليها من رب العالمين ..

والله يهديهم , ياكثرهم الي من يتزوجون ينسون والدينهم .. بس الدنيا دواره , عيالهم بيعاملونهم بالمثل ..

انتي سويتي الي عليج وقلتي لهم .. لو انا مكانج خلاص ماقدر اسوي شي غير اني اوصل الشيبه والعيوز ..

[عمر الفاروق]

اقول لابنائهم وبناتهم لم يبخلو عليكم يوم ان كنتم محتاجين لحنانهم

فعلام تبخلون عليهم الان يوم ان احتاجو اليكم

اهذا جزائهم

[نوار قطر]

الولد بحكم طبيعته دايما مشغول مع انه احيانا مايكون عنده شي ، لكن البنات من واجبهم زيارتهم كل يوم ويشوفون طلباتهم وبالنهاية الظروف احيانا تحكم الانسان ويكون غصبا عنه
ترا حتى البنات معذورات لو الزوج رفض انهم يطلعون من البيت كل يوم ، والاولى طاعة الزوج بالنسبة لشرع الله
اما الولد فما اشوف له عذر وهو راح يكون محاسب امام الله عن عدم وصلهم

اسمحي لي اختي ضوى مب من حق الزوج يمنع مرته عن امها وابوها وخاصة انهم كبااار في السن ومحد عندهم ... لو صار خير بلا شر لو توفو وهم زعلانين ومب راضيين ععلى بناتهم حزتها الريل بينفعهاا ... والله مافي شي يعوض الام والابوو ورضا الله من رضا الوالدين..

اما بالنسبه للي مايزورون اهاليهم ياويلهم من ربهم والله محد له العذر لا شغل ولا غيره سوااء كانت بنت او ولد ... ربع ساعه كل يوم مب ماخذه من وقتهم ولو صادف يوم مااقدرو على الاقل يرفعون السماعه ويكلمونهم...حاولي انج تكلمين بناتها ايوون يزورونهم ويخصصوون مثلا يوم الجمعه يجتمعون العيال كلهم بس حراااام مايخلونهم جذي ..

الله يقدرنـي على بـر وطاعـة امي وابوي

[بنت قطريههه]

اختي نوار قطر ليس لهم اي عذر المحزن والمبكي ان أزواجهم يزورونهم بدون زوجاتهم وباعتراف واحده قالت ان زوجها يحذرها من عدم زيارتهم

[بنت قطريههه]

الأخت ضوى ليت أزواجهم منعو هم كان هانت لا متوفر لهم موافقة الزوج والمواصلات ولكن اين الوصل

[بنت قطريههه]

الاخ عمر الفاروق لو تعرف طيبه الوالدين وحنان هم عليهم وعلى أولادهم انظر الجزاء

[ريم 28]

اختي تواصلي مع البنات حتى لو كان في احراج

الانسان محتاج الى تذكير وترهيب وترغيب

ذكريهم بشكل يومي وقولي اليوم امك قالت بناي فلانه طيبه وان الام تتذكركم ومشتاقه لكم وتعتب عليكم وتبكي قهرا.

كلميهم بكل طيب وتذكير ولج الاجر باذن الله.

واعلم جيدا ان لا عذر لهم

الزوجه لو ارادت اي شي ستقنع زوجها

اما الولد لا اعذره ابدا

بر الوالدين واجب كيف ينسون تعبهم ومعانتهم حتى يكبروا ويعتمدوا على انفسهم والان يلهون بكل بساطه وبكل اريحيه هذه القلوب تحتاج الى الموعظه.

فحاولي ولا تيأسي معهم وجزاك الله خير

[بصمة قطرية]

اللي مافيه خير في هله
ما فيه خير في الناس ..
الله يهديهم و يصلحهم ..

[نوار قطر]

اختي نوار قطر ليس لهم اي عذر المحزن والمبكي ان أزواجهم يزورونهم بدون زوجاتهم وباعتراف واحده قالت ان زوجها يحذرها من عدم زيارتهم

يعني الحين ذي شنو عذرهاا؟؟؟ الله لايبلانا في نااس قلوووبها صخرررر

[راشد محمد]

الله يهديهم و يصلحهم ..

[بنت قطريههه]

صباح الخير اختي بصمه قطريه اي الله اللي مافيه خير لأهله مافيه خير للناس

[بنت قطريههه]

صباح الخير اختي ريم 28 والله تواصلت وذكرت ولمحت وعمك أصمخ كأنهم احسن بنات وبعدين تكلمت على المكشوف وقالوا انت ما تعرفين الظروف أنا وحده اشتغل ارجع البيت مهدوده وبعدين أقابل العيال والزوج وبعدين لازم ارتاح قلت طيب نهابه الاسبوع ليش متخصصين يوم كامل تغدين معاهم وتشوف ين حالتهم قالت هذا يوم راحتي كلمي الثانيه الثانيه تجئ كانها وحده من الظيوف لمشاكلها تشتكي فقط وما تستمع لأي شكوى الولد متواجد شكليا ولكن مافيه اي نقاش عايش في عالمه اللي مانعرف عنه شئ

[حميداني]

سجلوهم في دار العجزه وخلي الدريول كل ثلاث او اربع ايام لما تكون ما فيها زيارات يوديهم اهناك
الشايب يسولف مع ربعه الشياب والعيوز مع العيايز ويردهم الدريول العصر او على المغربيه
وصو الدار على أدويتهم وكل شي وهم ان شاءالله بيتكفلون فيهم ومايقصرون

يعتبرون دار العجزه مثل نادي لا أكثر ولا اقل
الله يخليهم لهم , ترى مايذبح الواحد الا الملل والوحده
أحيوهم بالناس عسى الله يوسع صدورهم

قواج الله اختي بنت قطريههه

[ريم 28]

سجلوهم في دار العجزه وخلي الدريول كل ثلاث او اربع ايام لما تكون ما فيها زيارات يوديهم اهناك
الشايب يسولف مع ربعه الشياب والعيوز مع العيايز ويردهم الدريول العصر او على المغربيه
وصو الدار على أدويتهم وكل شي وهم ان شاءالله بيتكفلون فيهم ومايقصرون

يعتبرون دار العجزه مثل نادي لا أكثر ولا اقل
الله يخليهم لهم , ترى مايذبح الواحد الا الملل والوحده
أحيوهم بالناس عسى الله يوسع صدورهم

قواج الله اختي بنت قطريههه

البعض يا اخوي لا يسجلهم ويريحيهم علشان كلام الناس

ولا يقابلهم لو في الاجازه

والله كلام قطريه مأثر

الحين ما تطلعون يا بنات للسوق او غيره
الام والاب والله يحسون بكل شي صاير حولهم
ليش يقصرون معاهم. على الاقل ايام معينه قابلوهم اخذوهم معاكم.


والله حراااااام
الله قرن عبادته ببر الوالدين
اذا الواجب ما يعرفونه بيعرفون البر وينهم ووين البر

استغفر الله العظيم
هالعجوز والشيبه ما حولهم احد ولا كنهم خلفوا احد
هالغريبه صاحبة الموضوع مهتمه. هذا جزاهم اللهم لا تجعل ابنائنا عاقين

[حميداني]

لا حول ولا قوة الا بالله

[شموخ]

الله يكون في عونهم بالاخير بتدور عليهم الدوائر وكما تدين تدان..

[almofaq]

والله قصة تقشعر منها الابدان
ابوي وامي اتركهم لحالهم؟
على الاقل يسكنون معي ويا عيالي مب لحالهم

كان الله في عونهم !!!

على الاقل يجيبونلهم شغالة ويقدمون لهم اغراض البيت ع اليومين .

[بـومحمد]

هاذا لازم ولابد يكلمهم شيخ دين ويعطيهم ةمحاضره في بر الوالدين

[بنت قطريههه]

السلام عليكم اي والله قصه تقشعر لها الأبدان هذه مصيبه لو تعرفون جابوا خدم لهم اهل الخير من فلوس هم ولكن من يراقب الخدم ومن يعلمهم المراه كبيره في السن وحركتها صعبه الرجل كبير في السن ورضى بالأمر الواقع وما يقدم له

[Al-Kuwari]

حسبي الله ونعم الوكيل ..
حسبي الله ونعم الوكيل ..
حسبي الله ونعم الوكيل ..

[ريم 28]

السلام عليكم اي والله قصه تقشعر لها الأبدان هذه مصيبه لو تعرفون جابوا خدم لهم اهل الخير من فلوس هم ولكن من يراقب الخدم ومن يعلمهم المراه كبيره في السن وحركتها صعبه الرجل كبير في السن ورضى بالأمر الواقع وما يقدم له

الحمدلله ان في ناس مثلك تهتم لامرهم
ما زلت اقول لا تتركينهم احرجيهم كل مره وقولي لهم كلام الناس وووو

جربي كل الطرق
في ناس تخاف من الناس وكلام الناس اكثر من رب الناس


سبحان الله يوم المستشفئ قالوا دخلوا ابوكم مكان متخصص يحتاج لرعايه ولانه فقد ذاكرته ويمكن يطلع من البيت ويضيع وصعب اتراقبونه وغير نوبات الغضب ومحتاج لادويه مهدئه وابر

والله رفضنا
وتناوبنا احنا البنات عليه حتى السهر سهرنا وما عطينا فرصه لاخواني.
ابوي نفداه بارواحنا عطانا حب كبييير الله يحفظه ويشفيه.

والان مقعد ما يتحرك بس بيننا وتكفينا ضحكته والمهم ياكل ويشرب ويسولف وهو مستانس حتى لو ما يعرفنا. وسبحان الله هو الخير والبركه.فقط يدعي لنا الان.

وهالبنات وهالولد عجزانين بس يوجهون الخدم لهم او حتى يمرون عليهم
وين يلقون الراحه والبركه في حياته. الله يهديهم

انصيحهم ولا تملين والله يعينج يارب
واذا ما نفع اقنعيهم يدخلون دار العجزه على الاقل يشوفون حد آوادم قدامهم. وهم سكروا على نفسهم باب من ابواب الجنه.

[بنت قطريههه]

السلام عليكم ورحمه الله إخواني وأخواتي كلام أخت ريم يقطع القلب صحيح الوالدين لهم حق علينا وواجب وليس لنا اي فضل في مساعدتهم انسينا قول الله سبحانه فلا تقل لهما أف ولا تنهرهما وقل لهما قولا كريما واخفض لهما جناح الذل من ألرحمه وقل ربي ارحمهما كما ربياني صغيرا صدق الله العظيم