ابي خبرات العوايل في سفرة تايلاند

[دنيا حظوظ]

سافرت ويا اليهال كم بلد في اوروبا ولقيت الاماكن النظيفه
وسافرنا ماليزيا وبعض دول شرق اسيا واستمتعنا

لكن سافرت فقط من دونهم علاج الى تايلاند وانصدمت بعدم نظافتها

فالسؤال الحين انا شبه امفلس :(

واجازه منتصف الفصل الثاني جايه وفي شباب انصحوني اروح تايلاند عشان العيال راح يستانسون

فهل هناك برنامج لمدة 10 ايام تنفع للعوايل الخليجيه


ناطر اقتراحاتكم

[al-obaidly]

روح بتايا وايد حلوه اوبوكت اوسنغ ماي او كوشان

[Al-Kuwari]

نصيحه من اخوك ، دامك شبه مفلس اقبض دارك ، منت مجبور تسافر في كل اجازة

هذي نصيحة ولك حرية قبولها او رفضها

[سهم ماينزل]

نصيحه من اخوك ، دامك شبه مفلس اقبض دارك ، منت مجبور تسافر في كل اجازة

هذي نصيحة ولك حرية قبولها او رفضها

كلام منطقي
والله ويفق الجميع

[Nasser Mohd]

أنا أنصحك دام ميزانيتك قليلة شغل سيارتك وودهم الخبر

أنا عن نفسي صار لي هالشي منذ كم سنة لأنه كانت علي ديون والتزامات وأشرح لأولادك إن ميزانيتك قليلة وإن شاء الله بعد ما تتيسر الأمور بتوديهم المكان الي يبونه

[سارا البدر]

ابتعد عن بتايا وخصوصا انت رايح مع العيال

نظموا رحلات لسفاري والسوق النهري

والجزر عندهم حلوووه وعلى طول الرحلات موجود للجزر

[دنيا حظوظ]

تسلمون من كل شر

وعن موضوع اني امفلس هذي استعاره بلاغيه

بس انا احب السفر اكثييييييييير واحب اونس اعيالي لان العيال مثل الرزنامه تنضاف في حياتهم ذكريات جميله وانا احب فرش البسمه على اشفاهم

[بوخالد911]

هلا

تايلند لو أروحها مليووون مرة ولا أزهق منها

عموما
4 ايام بوكيت : تروح رحلات : فانتازيا + جزيرة جيمس بوند + واختار ما يناسك من البروشور
6 ايام بانكوك : مجمعات + رحلات
وعلييييييييييك بشوربة التوم ياام

والله يحفظكم

[مـراحـب]

تايلند لو اروح لها مليون مرة ما أتملل

قمه الوناسه بتايلند

قريب بروح لها بأذن الله

[N2323]

السلام عليكم

تنزل فوكيت على طول

لمده 4 ليالي خمس ايام

تزور فيها فانتازيا لاند

و بعض الجزر في فوكيت

وبعدها ترجع بانكوك

عندك مجمعات تجاريه

سيام براجون

تيرمينال 21

سنترال شاتلوم

سوق الليل الجديد ( اسيا تيك ) روعه انصح بزيارته

وعندك الرحلات

سفاري وارلد

سيام وارلد

Chocolate Ville

وربي يوفقك ان شاء الله

[Realestate]

بانكوك ما تنفع للعيال
بوكيت أحلى و فيها نشاطات أكثر

[Abdullah_89]

معاك يهال وحريم لاتروح بتايا


اماكن بانكوك السياحيه واااايد :

سفاري ( حديقه الحيوانات المفتوحه + عروض ومسرحيات + ألعاب )
دريم وورلد ( مدينه ملاهي )
حديقة التماسيح
وفي مدينه الالعاب المائيه
وايد اماكن وانصحك تحجز عن طريق مكتب موسى البانكوكي في نانا شارع العرب في الوسط تدفع له قيمه التذاكر ويوفر لك سياره من الفندق تاخذك والسواق يتكلم عربي ويتم معاك طول اليوم

بوكيت حلوه وعائليه ورحلاتها وايد بس احجز طيران داخلي عن طريق المطار في بانكوك او عن طريق احد مكاتب السياحه في شارع العرب

الفنادق في بانكوك انصحك في زينيث او اماري ريزيدنس سوكموفيت او فندق ستي بلازا



كل التوفيق واجازة سعيده

[Abdullah_89]

بالنسبه للأسواق ابتعد عن الاسواق اللي عند شارع العرب

عليك مجمع اسمه بلاتينبيوم فاشن مول : عباره عن 3 مجمعات ملاصقه ومرتبه اول طابقين للملابس النسائيه واكسسواراتها

الدور الثالث والرابع ملابس رجاليه ونسائيه

ادور الخامس تخصص في ملابس الاطفال

اما المجمع اثالث فيه احذيه وشنط نسائيه ( 7 طوابق)

روح هالمجمع للتسوق وراح تدعيلي


عنوان المجمع ( بلاتينيوم فاشن مول - باتينام )