شوركم في مغسلة ملابس يالربع [الأرشيف] - منتديات شبكة الأسهم القطرية

مشاهدة النسخة كاملة : شوركم في مغسلة ملابس يالربع

المدريدي

24-01-2013, 10:47 AM

السلام عليكم

ناوي افتح محل مغسلة ملابس وابغي حد من أهل الخبرة يساعدني ويعلمني من وين اشتري الغسالات وجهاز الدراي كلين ومن وين تنصحوني اجيب عمال لاني أدور بس ابغي واحد امين يدير المحل.

وهل من يدير المحل يجب اعطائه نسبة

وشكرا لكم

المسافرة

24-01-2013, 07:43 PM

هلا اخوي سحبت سؤالي :omg: وهذا انا اللي ابي استفسر عنه هل اقدر افتح مغسلة ملابس لان البعض قالي دام راس مالي صغير فالأفضل ابتدئ بمغسلة ملابس وبما ان اختكم ما عندها فكرة بالتجارة وهي بروحها تدير المشروع شلون أتفادى الغش منهم وهل المغسلة مربحة وهل هو سهل هالمشروع

ارجوووو المساعدة قبل لا ينطفي حماسي
ويعطيكم العافية

Ashom Qatar

25-01-2013, 10:27 PM

بالنسبة للمكاين

تحتاج

مكينة غسيل - مكينة تجفيف - عصارة - كواية

انصحك اول شي تعرف النظام الكهربائي للمبنى لأني اشتريت مكينة تجفيف 23 كيلو ب 18000 الف ويوم نقلتها للمبنى تبين ان النظام غير متوافق وتورطت ورجعتها وخذيت مكينتين صغار 10 كيلو كل مكينة وشغلتها وضبطت

بالنسبة للغسالة العادية ابغيك تروح للصناعية فيه غسالات صنع محلي تتحمل 40 كيلو غسيل ويركبون فيها دينمة قوتها 3 حصان تشل الملابس دفعة وحدة وترتاح

بالنسبة للعصارة فيه عصارات ال جي تجي مكينة وفتحتها من فوق تحط فيها الملابس قبل ماتجففها لأنك لو حطيت الملابس في التجفيف من دون ماتعصرها بتخرب المجفف

والكواية بعد التجفيف ويستلم الزبون ملابسة والعملية كلها تأخذ منك نصف ساعة ( غسيل سريع )

وبالمناسبة

اذا كان راس مالك قوي

اخذ لك زيادة مكينة بخار وهذي قيمتها من ال80000 الف تقريبا وكواية بخار ضغط قيمتها 30000

اما اذا كان راس مالك بسيط يعني حول 150 الف خلك على المكاين اللي ذكرتها لك اول مرة لأن الديكور بياكل عليك واجد هو والعمال والرسوم والايجار وتكاليف المكاين

وبعد فترة طور مغسلتك وحط فيها البخار والديلفري

المسافرة

26-01-2013, 12:23 AM

المدريدي

26-01-2013, 08:20 AM

جزاك الله خير ما قصرت يا أخوي ونتمنى نشوف مشورة باقي الاعضاء اصحاب الخبرة

المسافرة

26-01-2013, 09:40 AM

شكرًا اسهم قطر على التوضيح المفصل بس يعني اذا راس مالي ظ،ظ*ظ*ظ*ظ*ظ* ما يصلح افتح
المغسلة وانت ذكرت شغلات ونقل مكائن ثقيلة هل اقدر انا اسويه ولا لازم يبيله رجال
ارجو التوضيح سرييييعا لان ماصار فيني صبر ابي اتوكل على شي قبل اصرف اللي عندي

مادري ليش مو طالع مبلغ راس مالي راح اكرره وان شاءالله يطلع الرقم 100000

Ashom Qatar

26-01-2013, 10:07 AM

المواد المطلوبه:
غسالة دراي كلين

غسالة او غسالتين
20 كيلو - 50 كيلو
يعمل بالكهرباء 3 فيز

غسالتين 10 كيلو
1 فيز

نشافتين 20 كيلو
يعمل بالكهرباء 3 فيز

مكواة و طاولة كي
من 5 - 10

ادوات تنظيف حبر

مواد تنظيف و كيماويات خاصة

المهم في الموضوع المكان يكون مهيء
من توصيل كهرباء حيث مثل هذه المغاسل
تحتاج لتجهيز كهرباء خاص

و مكان كبير لغسالة دراي كلين

إذا مالك خبر في هال المجال
انصحك انك تدرس الموضوع عدل

و تحسب تكاليفك على حسب حجم العمل

و راح تتعب في البدايه مع العمال
و لكن الله يسهل عليك السنوات المقبله

طبعا لأنك ما حددت المطلوب و حجم المشروع
فبكتفي بهذا القدر

Ashom Qatar

26-01-2013, 10:09 AM

عدد العدة على حسب حجم المحل
وانصحك تشتري العدة من الرياض لأنها بأمانة أرخص بوااااااااااااااااااااااااايد

والمنظفات هم من هناك أو من الصناعية بالجملة من مصنع الصابون

Ashom Qatar

26-01-2013, 10:18 AM

شكرًا اسهم قطر على التوضيح المفصل بس يعني اذا راس مالي ظ،ظ*ظ*ظ*ظ*ظ* ما يصلح افتح
المغسلة وانت ذكرت شغلات ونقل مكائن ثقيلة هل اقدر انا اسويه ولا لازم يبيله رجال
ارجو التوضيح سرييييعا لان ماصار فيني صبر ابي اتوكل على شي قبل اصرف اللي عندي

والله اخت مسافرة يصير بس يبيلة يكون حجم المشروع صغير مو كبير ، اشتري حبة وحدة من كل نوع من الغسالات وجيبي عاملين ، واستاجري محل صغير بمكان يكثر فيه عدد البيوت ، وتوكلي على الله

المدريدي

26-01-2013, 11:09 AM

Ashom Qatar

26-01-2013, 06:56 PM

راس المال 150000 بس حاليا ابحث عن عمال وابغي واحد يدير لي المحل

بس ابغي اعرف من وين اشتري الاغراض بالضبط اسم المحل الي بالصناعية الي يبيع الغسالات والدراي كلين

وتنصح احط جهاز كميوتر في المحل للحسابات ولا كيف

http://www.wtssa.com/

هذا محل بالسعودية واذا تبي من الديرة روح اي فرع من فروع LG او Panasonic وبتلاقي الي تبيه من المعدات واشتري عدد 1 فقط من كل نوع

المنظفات اشتريها بالجملة من مصنع او اي محل تموين

اكيد لازم تحط برنامج يحسب عدد الثياب الواردة عشان تتجنب نصب العمال
وحط كاميرا مراقبة لو تبي الامان اكثر
ولو عندك شخص عربي يدير المكان وواحد هندي او نيبالي يتولى وظيفة الغسل والتجفيف وترتيب الملابس يكون احسن لاتكثر عن عدد عمالين عشان الرواتب ما ترهقك

Ashom Qatar

26-01-2013, 06:57 PM

نصيحة

لا تدفون المحل بفريج اختاروا مكان عام والله بيفرق بالربح لأن الكل راح يجيكم مو اهل الفريج بس

طير شلوى

30-01-2013, 02:13 PM

الله يوقفك