مطلوب شركة جلب ايدي عامله

[jassimqtr]

السلام عليكم ورحمة الله وبركاته
ابحث عن شركة لجلب ايدي عامله من النيبال او سيرلانكا واريد استقدامهم بشكل عاجل
اللي عنده فكره على هذا الموضوع يفيدني
ولكم جزيل الشكر

[asd_mido]

ربنا ييسر لك الامور

[شموخ دائم]

,

,


مرحبا


اخوي الكريم

شوف مكاتب جلب الايدي العامله المصنفه A
واترك عنك الي بالجرائد الوسيط وغيره كلها مكاتب طايح حظها

من موقع وزاره العمل حاطين لسته المكاتب المصنفه A

\\\\\\\\\

الطريقه الثانيه


تشوف مكتب في النيبال ( عن طريق الانترنت )

وتعمل لهم هذا الكتب المطلوبه باللغه الانجليزيه وهي عباره عن توكيل وطلب وتكليف بالنيابه عنك

power of attorney

guarantee letter

Demand letter

Agreement of Recruitmen

تحط الموافقات العماليه وتكتب رقم الموافقه ال vp

واسم الوظيفه والراتب ( 1200 ) وعدد العمال المطلوبين

1000 الراتب
200 اكل وشرب
توفير سكن
تذكره ذهاب وعوده كل سنتين
عدد ساعات العمل 8
اجازه اسبوعيه يوم راحه
احتساب وقت ساعات العمل الاظافي
علاج حسب قوانين دوله قطر
تامين على الاصابات


وبشرط يكون عمال ( عندهم خبره ) ميسون
هم يرسلون لك ال cv لكل عامل شنو يعرف وكم سنوات الخبره
وانت تختار منهم

توثق العقد من اداره العمل وغرفه التجاره مقابل السينمات
ومن السفاره النيباليه
وترسله بال dhl الى المكتب في النيبال

هذي العمليه تاخذ معاك شهر ونص الى شهرين


واذا حطيت راتب اقل من 1200 ما بتحصل حد عن طريق المكاتب
مشترطين الراتب 1200

بدون الترتيبات الي قلتها لك ما بتقدر تجيب عمال

والسموحه على الاطاله
وما اقدر اكتب اسم مكتب لكثره المشاكل بهذه المكاتب
انا وضحت الطريقه

,

,


اخوك


شموخ دائم

[jassimqtr]

يعطيك العافيه اخوي شموخ دايم
كفيت ووفيت ,,
كل الخطوات اجريتها وارسلت كل شي ولكن المكتب اللي في النيبال تأخر عن الموعد وماطل في ارسال العمال وعطيته فرصه اخرى ولم يرسل العماله وانذرته بالغاء التأشيرات ولم يوفي بوعده ثم ارسلت له بان الوقت انتهى وانا سوف الغي التأشيرات بعد يومين ولم يرد على بشي فمضى تقريبا اسبوع ثم
ارسلت له رساله يوم الجمعه اقوله هل سوف يأتون العماله ام لا .
وكان رده جدا سيء ورفض ارسالهم .
السؤال هل استطيع ان اطالبه بالتعويضات والخسائر وقيمة التأشيرات . واطالبة بشيء تأديبي مثلا . ولمن ارفع الشكوى ضده مع العلم كل مراسلاتي معه كانت عن طريق الايميل .
واعذرني اخوي على الكلام الكثير واطالة الموضوع .

[jassimqtr]

شكرا اخوي asd-mido على المرور
والله يعين العمال اللي عندي اشردو
كل اسبوع يهرب 2 او 3 والحين تورطت فالعماله ومب قادر استقدم عمال من النيبال او سيرلانكا وادراة العمل ما تبي تعطيني بنغال بالعدد المطلوب يا 2 او 3 ان كثرو . وهذي مشكله كبيره اذا ما كان عندي انجاز فالعمل ولا راح اقدر اغطي المصاريف ولا راح يكون فيه دخل للشركه وهذي مشكله كبيره جدا .

[شموخ دائم]

,

,


مرحبا

اخوي الكريم

اتصل على السفاره القطريه في النيبال
وحاول تاخذ رقم مكتب هم يثقون فيه
وبلغهم عن المكتب الي تعاملت معاه ممكن يعطونك حل للمشكله او يدلونك على الطريقه الصحيحه للتعامل مع هذا المكتب الي سبب لك تاخير

موفق ان شاء الله وعليك بالصبر
العمل بالتجاره والمقاولات عمل مرهق وعمل يحتاج الى الصبر ومتابعه
كل الامور يوميا وعمل يحتاج الى الكثير من وساعه الصدر

أي عامل جيد تلاقيه بالدوحه حاول تاخذه على كفالتك
وحاول تعمل لك ( اطقم ) 4 او 5 نجارين 4 او 5 حدادين
واعطهم بالمتر بدون رواتب
راح تلاقيهم جالسين معاك على طول
واذا قل الشغل عندك خلهم يشتغلون برى الشركه واذا جاك شغل يرجعون لك
هذا الحل الوحيد للعمال بقطر
حتى يصير استقرار عندك بالشركه

ترى السوق يغريهم كثير


الان اخذ عمال من السوق من هنا ادفع شوي زياده بالاسعار حتى تمشي شغلك ( مؤقتا )
حتى توصل عمالتك باذن الله

,

,


اخوك


شموخ دائم

[التومي]

بصراحه مافيه مكتب عنده مصداقيه كله كذب بكذب

[السيليه]

الله المستعان

[المزروعي دبي]

الله يعينك يارب الشغالات والعمال شقى وعوار راس الله يعينك يارب

والله يسهل امرك

[jassimqtr]

اشكركم جميعا على ردودكم ونصائحكم لي
لقد ذهبت بنفسي الى النيبال كاثمندو وتعرفت على اكثر من شركات جلب ايدي عامله وستقدمت لشركتي اكثر من 13 عامل وانهيت جميع الاجراءات الان واللي حاب اعطيه رقم المكتب يراسلني على الخاص
واتمنى التوفيق للجميع