تحذير هام جداً !!!

[بن غيث]

أولا : المسجد يسمى بالإنجليزية: Mosque ... لماذا ...؟؟؟؟

انها تعني في لغتهم : بيت البعوض ...
فمن الضروري تسميته: Masjid واجبارهم على لفظها كما نلفظها باللغة العربية

... ... ثانياً: مكه تسمي بالأنجليزية: Mecca
ولاحظوها في معظم قنواتهم الاخبارية
وهي تعني: بيت الخمر ..
فمن الضروري تسميتها: Makkah


ثالثاً :عدم إختصار إسم سيدنا محمد صلى الله عليه وسلم
بهذا الأسم: Mohd

لأنها تعني اختصار لجملة : الكلب ذو الفم الكبير!! .. أكرم الله نبينا
فمن الضروري كتابة الإسم كامل mohammad وعدم اختصاره

ارجوا الانتباه جيداً لتلك الكلمات

[R 7 A L]

جزاك الله خير

وانا اقول ليش اكثر المساجد في امريكا مكتوب عليها Masjid

[العلم]

عجييييييييب ..:omg:


اول مره ادري ان معناه بيت البعوض ... ووشلون كانوا يدرسونه انه معناه المسجد .. !!!!!!!!!

[نوار قطر]

تسلم اخوي بن غيث على هالمعلومات والتنبيه ربي يجعله في ميزان حسناتك

[GENIUS]

مشكور اخوي بن غيث . بس ملاحظة واجبة الذكر بأن الجماعة عندنا في الجوازات يكتبون اسم محمد اختصارا ب mohd وشوف بطاقة أي شخص إسمه محمد للأسف بتلاقي هالخطأ . وجزاك الله كل الخير

[حميداني]

وانتو للحين الله يهديكم استصغركم كل من هب ودب
امس استهبلو عليكم بالايميلات واليوم بالبلاك بيري وهالخرابيط

أولاً الكلمه Mosque ترجمه لمسجد أو جامع وهي صحيحه ما فيها باس لانها من ورى الاسم هدف فهو مش مجرد اسم
الباعوض ينكتب بهالطريقه Mosquito وكلمة بيت معروفه ما يبيلها تفسير بعد وما لها اختصار
جرب اتقولها لانقليزي وانت ماسك بيت باعوض وشوف ردة فعله عليك

اقل شي جرب ترجمة قوقل او افتح الدكشنري قبل ما انصدق اي شي

ثانياً كلمة مكه مجرد اسم لمنطقه .. فطبيعي الاسم بيكون نفسه
mekkah, macca نفس الحاله

وعلشان يرتاح البال هم بعد افتحو الدكشنري ودورو على الكلمه علشان لا تصيرون مقصه
بتلاقون احذى mecca .. مكه المكرمه

ثالثاً : محمد عليه الصلاة والسلام مش اول شخص في الكون تسمى بهذا الاسم
فمحمد مجرد اسم عام يتسمى فيه اي واحد ..

وهذا اختصار عادي مافيه اي شي ومن اختصره اعتبرو قصده ولد عمي حمود
لاحول ولاقوة الا بالله صج شاكين باعمارنا

لا يكبر الموضوع

[بن غيث]

حميداني ..

.. اشكرك على اسلوبك الراقي في الرد وهذا يعكس ثقافتك وفهمك
.. وبعد .. شكراً على الترجمة ..

[حميداني]

الموضوع مش شخصي اخوي بن غيث واسمح لي على حدتي فيه , السالفه اتنرفز
لان هالمواضيع تنتشر ولا حد حتى يفكر يتأكد من الموضوع الي جاه او الي قاعد يعرضه
الكثير يصدقها وتعال شوف الغل وقلة الوعي وانتشار الجهل بينا لين وين يوصل

مثل هالامور لها ناس فاضيه تكتب مثل هالاكذوبات بس علشان اكذوبتها تشتهر
او شلة كفار يجون بين بعض يتحدون قول شوفو شلون تخلف المسلمين بالي اكتبه وكيف راح يصدقونه
لاني صادفت مثلهم وشي يقهر لما يثبتون اننا فعلا على وجيهنا نتسحب بالكلام من غير ما نفكر

السموحه على الاسلوب بس واجب عليك تحذر المره الجايه قبل ما تنشر اي شي
نرفزني تجاوب الشباب اكثر من الموضوع نفسه بن غيث

[العلم]

انا الصراحة ماتأكدت من شيء .. لأني كنت متوقع إن بن غيث مب منزل موضوع إلا باحثه ومتأكد منه :rolleyes2: