شخص ورث 20 مليون ريال .. ماذا يعمل بها ؟

[العقل الحر]

تحيه طيبه وبعد


اعرف شخص ورث 20 مليون ريال وهو في حيره من امره

ولا يعرف في التجارة

وقد سألني ماذ اعمل بها

وكيف تنصحني

اريد مشاركاتكم ونصائحكم

[رآعي موآجيب]

يحولها في حسابي ويترك عنه وجع الراس :victory:


إذا ماله في التجاره ولا حتى العقار

يودعها في أحد المصارف الأسلاميه وياخذ 5 % كل سنه وهو مرتاح ورأس ماله مضمون

يعني لو بيدخل العشرين كامله بيحصل مليون كل سنه ، يعني حوالي 80 الف شهرياً

مش بطاله :nice:

[MAZEN37]

اول شيء يروح يسوي عمره ويبنيله مسجد يكون صدقه جاريه
عقب امور الدنيا الاصلح له ولعياله والله يوفق الجميع

[حميداني]

لو انا منه اسوي لي مجمع سكني في موقع زين قريب من سباير

[حميداني]

يحولها في حسابي ويترك عنه وجع الراس :victory:


إذا ماله في التجاره ولا حتى العقار

يودعها في أحد المصارف الأسلاميه وياخذ 5 % كل سنه وهو مرتاح ورأس ماله مضمون

يعني لو بيدخل العشرين كامله بيحصل مليون كل سنه ، يعني حوالي 80 الف شهرياً

مش بطاله :nice:

والله شي :nice:
يالربع ابي سلف 20 مليون :)

[عيون الدوحة]

كم فيلا وياجرهم
او وديعة سنوية

[حمد 2002]

الحين العشرين مليون بهالزمن ماتجيب شيء بالكثير اتجيب 3 بيوت

[ellezeem]

يوزعها على الحساد ويترك عنه وجع الراس

[الدبلوماسي]

يشتري قطع اراضي وبيتيها 4 فلل على كل قطعه ارض او 3 على حسب المساحه واهم شي موقع الارض او ارض عماير مثلا الوكرة

[العقل الحر]

يحولها في حسابي ويترك عنه وجع الراس :victory:


إذا ماله في التجاره ولا حتى العقار

يودعها في أحد المصارف الأسلاميه وياخذ 5 % كل سنه وهو مرتاح ورأس ماله مضمون

يعني لو بيدخل العشرين كامله بيحصل مليون كل سنه ، يعني حوالي 80 الف شهرياً

مش بطاله :nice:

تستاهل واكثر .. عطني رقم حسابك :tease:

وفكرتك طيبه من وجه طيب


اول شيء يروح يسوي عمره ويبنيله مسجد يكون صدقه جاريه
عقب امور الدنيا الاصلح له ولعياله والله يوفق الجميع

مسوي مسجد قبل يورث والرجال ماعنده عيال مازال في متوسط عمره ويبي يأمن مستقبله ومستقبل زوجه وعيال المستقبل


لو انا منه اسوي لي مجمع سكني في موقع زين قريب من سباير

كم تسوى ارض فضاء حجمها 3000 او 4000 متر زائد البنيان اعتقد يكلف كثير


كم فيلا وياجرهم
او وديعة سنوية

فكره طيبه من عيون طيبه


الحين العشرين مليون بهالزمن ماتجيب شيء بالكثير اتجيب 3 بيوت

مثل ماقلت بس ماعتقد 3 بيوت اكثر

[elders]

يفتح مشروح ب5 مليون ويشتري بيت ويأجره ويحط 10 وديعه ....الله يباركله

[قلم محايد]

يعطيني مليون بس و بقوله شيسوي في الباقي :p

[ريتويت]

يتزوج الرابعه..

[Amigo]

وديعه ويفك راسه من الايجار وخلافه
والله يزيده ويرزقه بالزوجه الصالحه والذريه الصالحه

[بـومحمد]

اذا ماله في التجاره ماله الا الوديعه في البنك
والله يوفقه ويزيده اللهم امين

[STAR2012]

الله يوفقة ويرزقة ,,,

اول شي يسوي له اعمال خيرية تنفعة لدنياه واخرته مثل

1- بناء مساجد في الدول الفقيرة مثل اليمن وبعض دول افريقيا
2- طباعة مصاحف وكتب دينية بلغات مختلفة
3- يقتطع مبلغ يوزعة بالتساوي بين الجمعيات الخيرية وكفالة ايتام

( كل ماذكرته فوق مايتجاوز تكاليفة مليون ريال بس فضله عند الله اكثر من 100 مليون )

ثانيا :
يستثمر مثلا 3 الى 5 مليون في بعض الصفقات التجارية المربحة التي لاتحتاج لبناء مشاريع وعمالة ورواتب
مثلا يشتري 5 الاف طن نحاس او حديد او المنيوم ويتركها فترة شهر الى 3 اشهر خلال هذه المدة الاسعار ترتفع ويبيعها بالضعف ...

ثالثا :

يحتفظ بمبلغ لايقل عن نسبة 80% من المبلغ الاجمالي ولايخاطر بالدخول في اي مشروع مخاطرة التجارية عالية وتسبب له خسارة كوضعها وديعة في بنك اسلامي لايتعامل بالمعاملات الربوية وعسى الله يوفقة ويرزقة ويرزقنا جميعا

[سهم مديون]

الله يعطيه الكسب الحلال

[طبيب قطري]

اول شي يحمد ربه ويصلي ويدعي ربه انه يسهل اموره ويبعد عنه الشيطان واصدقاء السوء. بعد كده يبني مسجد في احد دول أفريقيا ، ويحط باقي فلوسه بالبنك ..

[qtr7]

يسأل دلال اراضي امين يكون عن فرص بيعات عقار اراضي عماير سوق او الصناعية

[نوار قطر]

اول شي يسوي له شي كصدقه جاريه مثل يبني كم مسيد او مدرسة اسلاميه في الخارج ،،، ويشتري له مم فيلا ويأجرهم على الدوله ومدخول الاجار عقب مايجمعه يستثمره في شي ثاني ،،،،

[ريم 28]

اسال الله ان يبارك له ويرزقه الزوجه الصالحه والذريه الصالحه والمكسب الحلال


انصحه ان يقسم ماله الى قسمين
10 مليون يصعها وديعه في بنك اسلامي
و10 مليون يستثمرها في الاراضي والعقارات منها في مواد بناء فدخلها مريح ومنها استثمار طويل الاجل مثل بناء عماره وتاجيرها او بيع وشراء في الاراضي ويبتعد عن المضاربه ولا يطمع اكثر ويبيع مجرد الربح البسيط ويزيد ماله.


المهم لا يبني العماره الا من شركته وبتكون التكلفه اقل ويختار مكان جيد للبناء وهكذا يكبر من شركته ويزيد دخله.
ولا ينسى ان يظهر نسبه مناسبه لاعمال الخير

وبالتوفيق

[khalid525]

لا يسوي اي مشروع بأكثر من 4 مليون ، والباقي يربطها وديعة سنوية تكون فائدتها ما تقل عن 2.5 في المية على الاقل تغطي زكاتها ، الين يبدا يجني من مشروعه الاول يفكر في الثاني والثالث .

وانصحه يتريث ويحسب المخاطر اي مشروع قبل اي شي ، والله يعينهز

[Bozizoo]

ارض عماره 4 ادوار بمساحة 900 متر مربع
بسعر تقريبا 6 مليون ونص
وبنفس السعر يبنيها
تقريبا 16 شقه و2 بنت هوس
اجارهم على الميت 50 الف ريال شهري

[البرونزي]

اول شي يبني مسجد في احد الدول
ويوزع الباقي
10 مليون وديعة في بنت اسلامي طبعا يشوف اكثر ربح في كل بنك
10 مليون يشتري 3 اراضي مساحه ماتزيد عن 600م ويبنيها فلل
ويأجرها اتوقع التكلفه 8 ملايين , ومليونين ياخذ فيها اسهم مصرف الريان وينساها
لمده ماتقل عن 5 سنوات
والله يوفقه

[ولي العهد]

يحل مشكلة العنوسة ويشجع التعدد

[CH Engineer]

يشتريله فلل صغيره ف الخور ب15 مليون تطلع له 10 فلل
كل فيلا يأجرها ب8 الف
80 الف بجيبه شهريا
سبب اختيار الخور اتوقع ترتفع بالمستقبل واذا مارتفعت راس ماله عنده وفوقهم اجار شهري
و5 مليون يفكر بمشروع العمر واذا مايبي يعور راسه
يشتريله مطاعم ويجيب محاسب يجمعله فلوسه كل شهر

[نوار قطر]

يحل مشكلة العنوسة ويشجع التعدد

بل انتو الواحد ما تيي له كمن بيزه الا قلتو يعرس ويحل مشكلة العنوسه ،،، زين هو واحد بياخذ 4 والباقي من بياخذهم ،،، بينطرون لين واحد غيره وغيره يورثووون ،

[BoFahed]

لا وديعة ولاهم يحزنون ليش يدش في الشبهة وما يطلع له الاالفتات مادام انه مب تاجر ماله الا العقار ياخذ ارض ولا ارضين عماير في موقع ممتاز ويبنيها وعقب ياجرهم ويتعامل مع مقاول ثقة من معارفه

او مثل ما ذكر الاخوان ارض كبيرة في الدوحه ويقسمها فلل اذا ما جاز له الايجار يبيع ويبني واموره في الروب ان شالله

[ولي العهد]

بل انتو الواحد ما تيي له كمن بيزه الا قلتو يعرس ويحل مشكلة العنوسه ،،، زين هو واحد بياخذ 4 والباقي من بياخذهم ،،، بينطرون لين واحد غيره وغيره يورثووون ،

الباقي انا والنوخذة وحسن وبوعلي ننطر الدعم اللوجستي عشان انثني ونثلث ونربع بس ننطر الراش يهل علينا ههههههههههه

[نوار قطر]

الباقي انا والنوخذة وحسن وبوعلي ننطر الدعم اللوجستي عشان انثني ونثلث ونربع بس ننطر الراش يهل علينا ههههههههههه

يمه منكم خلكم جذي واااايد احسن اصلا البنات مايبون يعرسون عاجتهم حرية العزوبيه :secret:

[وحش قطر]

الثلث وديعه
والثلث في الاسهم طويله الأجل
والثلث في العقار

أما إذا كان تاجر ابن تاجر يمسك صنعه أجداده

[شموخ دائم]

,

,


مرحبا

بعد الصدقه وهو اعلم فينا ماذا يحتاج منها

انا ضد الوديعه لان الفلوس تفقد قيمتها مع الزمن

يعني في التسعينيات سعر الكروزر 140 الف
لو حط 140 الف وديعه وطلعها الحين مايقدر يشتري كروزر فيها
ولو كانت 140 الف حطها في ارض ذيك الايام الحين تجيب له ملايين
ان شاء الله فاهم قصدي

اسهل طريقه اذا هو ماله في التجاره يشتري ( عماره جاهزه )
وايجارها يكون طيب ما يقل عن 100 الف

ومن الايجار وبعد سنه او سنتين
بيكون ان شاء الله اخذ خبره زينه في العقار
ويقدر يتوسع في امور كثيره من اراضي ومن محلات تجاريه

الايجار مضمون باذن الله ودخل ثابت
ومنه يقدر يقرر مستقبلا الانسب له ويقدر ياخذ من الايجار ويستثمر

والله يبارك له ويرزقه الرزق الحلال

,

,


اخوك


شموخ دائم

[شميرام]

يتبرع بالثلث ويستثمر الثلث ويخش ثلث للزمن

[QtrGate]

يروح بنك التنمية
ويأخذ له دورة
عن طرق التجارة

ويدخل المجال الي يناسبه

[بريق الحق]

يفعل خير في دنياه حتى تعينه في اخرته
ينشاء مركز تحفيظ القران في احد الدول الفقيرة مسجد مساعدات انسانيه وهو يشرف عليها بنفسه
الله يزيده ويبارك له

[الخزرجي قطر]

يشتري عماره جاهزه مأجره ويخل له ايراد شهري مناسب

[وحيد-الشوق]

ابي 300 الف من ال20 مليون انا مب طماع وايد :)

والله مادري ياخوك بس مافي احسن من الاراضي وايجار البيوت

الله يزيده ويرزقه من فضله ولاتنسى تخليه يتصدق عشان يحس بالبركة في الفوس

[مرحباني @]

سلام عليكم اخوي اولا الله يبارك له فيها ويبني له شيي كصدقه جايه لوالديه

وعقب يتبنى موهبتي وافتح لي مطعم والمكاسب كولها له ماابي شي بس ابا اشتهر وافتح

سلس مطاعم مرحباني ف الخليج العربي والدول العربيه

وشوي شوي نوصل لتركيا وشرق اسيا وعقب اوروبا واصير انفع من كنتاكي وماك

[تغلبية]

اشوف مهما سوا من افكار تجارية وهو ماله في التجارة .. بيجيه يوم حد بيقص عليه أو تروح فلوسه لأنه مب عارف في التجارة ..

نصيحتي إنه يتركد ولا يستعجل على تشغيلها .. خلها مبدئياً وديعة والا في حساب توفير .. هذا أضعف الايمان
و .. مهم جداً إنه يجالس التجار أهل المال والحلال .. يسمع منهم وياخذ الشور والخبرة والتجربة .. بعدها يقدر يتصرف وياخذ قراره .. ويبخص الأمين من الغشاش .. على الاقل يضمن إن مايدش فلوسه شي حرام

ومع طبعاً إنه يتصدق ويعمل أعمال خيرية فيها ... والله يسهل عليه ويبارك له فـ حلاله

[الأصيلة]

لا يسمعه بس لبناني أو سوري
ويشفطهم منه ...بما إنهم يعرفون إنه ماله في التجارة والإستثمار
يخليهم ذخر حق عياله ..

[رُفق المجنّا]

الله يوفقه ويبارك له في رزقه وانا بنصحه كما لو كانت عندي

- نصف المبلغ وديعه في احد البنوك الإسلامية ذات العائد الجيد

- شراء أسهم في شركات إسلامية متوقع لها مستقبل جيد مثل بروة ، الريان ، صناعات ( لكن ليس في هذا الوقت ) بقيمة لا تتعدى مليون وهذا يتطلب متابعه للتحليل والعملية في ذاتها ممتعه

- العقار

خويك اذا يبي يطور وينمي ثروته لابد يتعب شوي ويتعرف ع المجال اللي يهواه ، فرص كثيرة متوفرة في قطر وفي دول خليجية أخرى

[امـ حمد]

يشتري أراضي ويبنيها شقق
ويأجرها بسعر رخيص للمستحقين من ذوي الدخل المحدود

[بن غيث]

السلام عليكم ورحمة الله

لو تنزل الموضوع في النقاش الاقتصادي يكون افضل .. وان شاء الله الاعضاء المهتمين في هذا المجال يفيدونك ..

لأن فتح موضوع مثل هذا في الحوار العام لايفيد احد .. بل يثير شكوك

والله يوفق الناس جميعاً

[king fish]

لا يسمعه بس لبناني أو سوري
ويشفطهم منه ...بما إنهم يعرفون إنه ماله في التجارة والإستثمار
يخليهم ذخر حق عياله ..


:secret::secret::secret:

[cavok]

يروح فيها las vegas
ولا اروع

[بوالبيض]

والله شي :nice:
يالربع ابي سلف 20 مليون :)

فكرتك وايد حلوه وشي مضمون 80 الف مبلغ وايد حلو ولا عوار راس وسنداره

[الوسيط العقاري]

عقار وبس

[جفى الجوارح]

يشتري له فلل صغيره ويأجرها ابرك له من الوديعه الي مامنها فايده

او عماره افضل له والربح مضمون


لان لو اشترى ارض بيعور راسه مع البناء وبيبيض شعره من المقاولين وبينطر له 3 او 4 سنين لين تجهز العماره وماراح يجني اي ربح خلال هالمده

ياخذ له شيء جاهز اضمن له او يشتري له محلات تجاريه وياجرها

نصيحه لا يدخل البورصه ويكره عمره

[خبير صيانة]

اذا ابو مليون في قطر يصير اخر السنه مليونيين التجاره يا الربع التجاره

[blackjacket]

يعطيني اياهم كوديعه سنويه بعطيه شهريا 200 الف ارباح
:)

[.. الكاش ..]

يشتري عماره اب 10 مليون و8 مليون يشتري قطع صغيره مثل الثمامه او المشاف او ام صلال علي يبني ويبيع فيه مدخول حلو ومليون يعدل وضعه فيه من سيارات وسفرات وتاثيث بيته ويشتري فيه ساعات ويكشخ والمليون الي باقيه يسوي فيه عمل خيري مسجد بير توزيع مصاحف كفاله يتيم والله يوفقه ان شاءالله

[Sociable]

يحولها في حسابي ويترك عنه وجع الراس

[جنوب الدوحه]

بالنسبه لاعمال الخير .. الاقربون اولى بالمعروف

بالنسبه للاستثمار .. انصح في المجال العقاري

والله يوفقه ويزيده اللهم امين

[ضابط عقار]

تحيه طيبه وبعد


اعرف شخص ورث 20 مليون ريال وهو في حيره من امره

ولا يعرف في التجارة

وقد سألني ماذ اعمل بها

وكيف تنصحني

اريد مشاركاتكم ونصائحكم


وعليكم السلام ورحمة الله وبركاتة

يا اخى العزيز . الله سبحانه وتعالى انعم علينا بنعمة العقل يعنى اعرف اشخاص كتير ما كان معهم شىء والحين ربنا فتحها عليهم لان هما اجتهدو وصبرو كتير جدا
يعنى اقولك ان المافى معه فلوس عمل فلوس مابالك المعاه 20 مليون تفتكر كام يعمل اذا كان رجل يحب العمل ويخاف الله وربنا يزيده ويفتحها عليه ويرزقة اكتر منهم اذا كان يخاف الله

(فى مشروع كبير جدا ويحتاج اكثر من 20 مليون لكن مدخوله كتير خلال سنتين بيكون حصل اكتر من عشرين مليون ) والله الموفق

[m.m.76]

الله يعطيه خيرها ويكفيه شرها وشر الحساد..يبني مسجد ويعتمر ويعمل مشروع وقفي له والباقي ياخذ بهم فلل

[m.m.76]

احذررر تدخل مشاريع شراكة او تستعين بمكاتب تستثمر فلووسك انتبهّ!!!!!

[Chambray]

احذررر تدخل مشاريع شراكة او تستعين بمكاتب تستثمر فلووسك انتبهّ!!!!!

نفس الرأي ..
في ناس تستغل هالناس المساكين وتوهمهم باوهام الربح السريع

[غلا زايد]

يسلفني أبي أروح العمره

[حمد 2002]

الموضوع كأنه صار فييه نوع من المزح والهزل ، الرجال يبي افكار ، واالي ايقول سلفني والي يقول مادري شنووو ،،،

يرجى اخذ مثل هالمواضيع بجديه ، ولا تسكيرها افضل حل ،، مع احترامي لصاحب الموضوع والاداره والأعضاء المحترمييين ،،،

تحياتي للجميييع

[مضارب دوسري]

يحولها في حسابي ويترك عنه وجع الراس :victory:


إذا ماله في التجاره ولا حتى العقار

يودعها في أحد المصارف الأسلاميه وياخذ 5 % كل سنه وهو مرتاح ورأس ماله مضمون

يعني لو بيدخل العشرين كامله بيحصل مليون كل سنه ، يعني حوالي 80 الف شهرياً

مش بطاله :nice:
:nice:
:nice:
وفي وقت الوديعه يفرغ نفسه للدراسه ويدرس ادارة اعمال
وعقب مايخلص دراسه يبدا يسوي اللي درسه
اما موضوع مغامرات في شي مايعرفه فالخساره مضمونه 100%

[الزعفراني]

يستثمر في العقار .. ولا شيء غير العقار ..

ميزة الاستثمار في العقار ما تخسر فيه .. يعني راس مالك اليوم اللي شريت فيه العقار لو بعد 10 سنين اذا ما بعته وانت ربحان .. بتبيعه بنفس القيمة اللي انت شريته فيها

والله يبارك له في فلوسه ان شاء الله

[gamal503]

10 ملايين وديعه في بنك اسلامي

الباقي يشتري بيهم اراضي لا تزيد مساحتها عن 600 متر وبيبنيها فيلل وبعدين يعيد بيعها مره اخرى ربح حوالي في كل فيله 400 الف ع الاقل

[لما]

يحذف الموضوع من المنتدا لاتطير 20 مليون منه

[الحسام]

يحذف الموضوع من المنتدا لاتطير 20 مليون منه

:nice:


اعتقد المال اللي يجي بسرعه ممكن يروح بسرعه
خصوصا إذا كان الشخص لا يملك خبره في استثماره
نصيحتي له يحاول يثقف عمره وياخذ كورسات عن ادارة الاعمال والمشاريع .
ولا يسوي خطوه الا حاسب لها الف حساب ومستشير فيها الناس الثقات
وأذكره بـ /
عن معاذ بن جبل قال قال رسول الله صلى الله عليه وسلم
"استعينوا على قضاء حوائجكم بالكتمان فإن كل ذي نعمة محسود"


الله يوفقه ويبارك له في رزقه .

[بوعليان]

الله يوفقه ويبارك له بالرزق الحلال

[عاشق العديد]

والله في افكـار وايـد لو هو حاب ياسسس شـركه عدلـه ..

ترى في اشياء وايد ناقصتـنا فقـطر ومانجيبـها الا من بـرع ..

عندك شغل تزويـد مواتـر قراج تزويد مواتر السبورت منها الامريكي والالماني .. الطلب زايد عليـها ..

محل تاجير سيارات باسعار رمـزيه يعني يجيب له خمسين سـسياره بدريوليه ويخليهم حق تاجير توصيـل وتكون اسعارهم حلـوه فاليوم ان مادخل الف ولا الفين مب خسـران والسيارات مب خسران فيها سوق الدوحـه قايم وبينباعون فنفسس السعـر ..

لانه اعرف واحد جايب لي 8 سيارات ومعطيهم حق دريوليه وتاجير ويدخل وذاك ماعنده شـركه ويحاول ياسس شـركه ..

والله يـوفقـه .. ويزيده

[عضو مشاكس]

العقار والاسهم في حالة اقتناصها في القيعان

[حمد (بوعلي)]

يقطها في الاسهم يا تجيب ولد والا تاكل عيالها

[ورود بيضاء]

مافي الا السوق العقاري يعني يحط نص المال في العقار والنص الثاني يشتري فيه سبايك ذهب لان الذهب ذهب مايتغير علي مر الزمان في اي وقت ضاقت عليه الدنيا بلاقي الذهب ولو اشتراه بالف في اوقات بالسنة بينباع بمية الف والله يوفقك ويرزقه بالحلال
وعقبال مايكون عندي بس مية الف

[فريسيا]

يخرج صدقه ويروح عمرة مع هلة كان زوجه او ام او خوات واذا له ولدين يكرمهم ويشورهم وعقب يشور زوجته ولا يعلم حد كلش غير هلة واذا مومتزوج يتوكل على الله ويكمل نص دينه واذا يقدر يوقف شي لله فاجزاه الله خير واذا عندة ام يوقف لها شي من ماله اكرامه لولديه في حياتهم ومماتهم ومرضهم بيرد عنه البلا ويوفقه ويزيدة والصدقه تزيد ماتنقص بس يتاكد انها للمستحق والاقرابون اولى بالمعروف وعقب يتواكل على الله ويستخير الله الله سبحانه بيدله على الخير له وبيوفقه للخير بس ينتبه على عمرة من الاصدقاء مراح ينصحونه بخير الا ماندر واذا هو انسان خير الله بيوفقه واذا بعيد عن الله وعاق لولدية وقاطع رحمه مستحيل يتوفق راح يخسر كل شي انتبه والله يوفقه للي فيه الخير وصلاح دينه واخرته ويزيدة من نعيمه .

[PRO-VISION]

اذا كان في جديه في الموضوع ممكن أساعدك وأعطيك فكره أرسل رقمك في الخاص للتواصل.