بسبب منعها من الغش..طالبة تعتدي على معلمة قطرية بالضرب

[غزلان]

بسبب منعها من الغش..طالبة تعتدي على معلمة قطرية بالضرب







تعرضت معلمة قطرية للتهديد والإهانة ومحاولة الإعتداء عليها بالضرب والصفع من طالبة في الصف الثالث الثانوي بسبب تشديد المدرسة الرقابة داخل لجنة الامتحان لمنع الغش ، وكانت الطالبة قد تهجمت على المدرسة محاولة صفعها على وجهها والانقضاض عليها لولا تدخل عدد من الطالبات تصادف وجودهم حالوا دون نجاح الطالبة في الاعتداء على المعلمة .

بداية التفاصيل
واقعة مؤسفة بدأت تفاصيلها حيث كلفت المعلمة بالتوجه الى إحدى المدارس المسائية للمراقبة في امتحانات نهاية الفصل الدراسي الأول وفوجئت بحالات غش داخل اللجنة فرفضت الأمر وحاولت تشديد الرقابة ومنع أية محاولات للغش وأصرت على منع الغش حتى لا يظلم أحدا وقبل نهاية الامتحان بحوالي ربع ساعة اكتشفت بالصدفة احدى الطالبات وبحوزتها " براشيم " مدون عليها اجابات جميع أسئلة الامتحان فقامت باتخاذ الاجراءات اللازمة ضدها وأبلغت المسؤولين لحرمانها من الامتحان وحررت مذكرة بالواقعة ولكن الغريب في الامر أنه فور علم عدد من المدرسات المراقبات بالمدرسة بالواقعة أسرعوا الى المعلمة وطلبوا منها أن تترك الطالبة لأن ما تفعله حرام مطالبين اياها بعدم اتخاذ اية اجراءات ضد الطالبة وأنه لا داعي لكتابة اية مذكرات بواقعة الغش ، فرفضت واستكملت اجراءاتها القانونية ضد الطالبة الغشاشة وقامت بتحريز " البراشيم " مع ورقة الاجابة واسئلة الامتحان بالمذكرة التي حررتها .

انتقام الطالبة
وفي اليوم الثاني حاولت الطالبة الانتقام من المعلمة فانتظرت الى حين انتهاء الامتحان ودخلت على المدرسة في اللجنة اثناء وقوفها مع مجموعة من الطالبات وقامت بالاعتداء عليها باللفظ ثم قفزت فوق أكتاف الطالبات محاولة صفع المعلمة على وجهها وضربها ، إلا أن محاولتها باءت بالفشل بعد تدخل الطالبات اللاتي نجحن في منعها وظلت الطالبة الغشاشة تهدد المدرسة بأنها سوف لا تتركها وهي تصرخ داخل اللجنة بالسب .

التقت " الشرق" بالمعلمة القطرية التي روت تفاصيل الواقعة التي تعرضت لها داخل احدى المدارس المسائية فتقول إنني مدرسة في احدى المدارس المستقلة وتم تكليفي للمراقبة في مدرسة مسائية بخصوص امتحانات نصف العام الدراسي وبالفعل توجهت الى المدرسة ودخلت الى اللجنة لمراقبة طالبات المنازل وهم في المرحلة الثانوية وكان وقتها امتحان الفلسفة

وتضيف المعلمة قائلة وخلال تواجدي باللجنة وجدت إحدى الطالبات وبحوزتها " براشيم " وقمت باتخاذ كافة الاجراءات المنصوص عليها خاصة انها نقلت اجابات الامتحان كله عن طريق الغش وطلب مني المراقبات تركها وعدم التشديد فرفضت وفي اليوم الثاني وبعد علم المجلس الاعلى للتعليم بالواقعة تم اخطاري بأن أتولى المشرف العام على المراقبة في اللجان .



هنا (http://www.al-sharq.com//ArticleDetails.aspx?AID=235603&CatID=64&Title=%d8%a8%d8%b3%d8%a8%d8%a8+%d9%85%d9%86%d8%b9% d9%87%d8%a7+%d9%85%d9%86+%d8%a7%d9%84%d8%ba%d8%b4. .%d8%b7%d8%a7%d9%84%d8%a8%d8%a9+%d8%aa%d8%b9%d8%aa %d8%af%d9%8a+%d8%b9%d9%84%d9%89+%d9%85%d8%b9%d9%84 %d9%85%d8%a9+%d9%82%d8%b7%d8%b1%d9%8a%d8%a9+%d8%a8 %d8%a7%d9%84%d8%b6%d8%b1%d8%a8)

[بـارود]

لا حول ولا قوة إلا بالله ، راحت هيبة المعلم
نعم الجيل ونعم التربية !

[يوسف0]

مسكينه الطالبه :weeping:

[النهار]

بال وعندها وجه بعد صج قوية عين ماتستحي
فور علم عدد من المدرسات المراقبات بالمدرسة بالواقعة أسرعوا الى المعلمة وطلبوا منها أن تترك الطالبة لأن ما تفعله حرام مطالبين اياها بعدم اتخاذ اية اجراءات ضد الطالبة وأنه لا داعي لكتابة اية مذكرات بواقعة الغش
ايش الي هو حرام ولاحلال مفروض تنسجن والمدرسات والمراقبات يدخلون تحقيق

[Bo jassim 33]

الحين بيطلع لنا احد الاعضاء ولا العضوات ويقول الغلط كالعاده من المجلس الاعلى

[غزلان]

الجرأه عندها بزياده

[غزلان]

بال وعندها وجه بعد صج قوية عين ماتستحي
فور علم عدد من المدرسات المراقبات بالمدرسة بالواقعة أسرعوا الى المعلمة وطلبوا منها أن تترك الطالبة لأن ما تفعله حرام مطالبين اياها بعدم اتخاذ اية اجراءات ضد الطالبة وأنه لا داعي لكتابة اية مذكرات بواقعة الغش
ايش الي هو حرام ولاحلال مفروض تنسجن والمدرسات والمراقبات يدخلون تحقيق


--

صدقت

الله يعين

[غزلان]

الحين بيطلع لنا احد الاعضاء ولا العضوات ويقول الغلط كالعاده من المجلس الاعلى


الا الجرأه لزياده وعدم الأحترام للقوانين وللمدرسه هو السبب

[غزلان]

مسكينه الطالبه :weeping:


شلون يعني مسكينه؟

[يوسف0]

الخلل طال عمركم من المجلس الأعلى للتعليم :)

[Bo jassim 33]

الخلل طال عمركم من المجلس الأعلى للتعليم :)


ههههههههههههههههههههههه يا يوسف

[GENIUS]

ياريت يرجعون إسم التربية قبل التعليم

[دربوه]

كسرت خاطري الطالبه

ههههههههههههههههههههههه

[يوسف0]

شلون يعني مسكينه؟

الموضوع كله من جهة المدرسة او المراقبة يمكن في خفايا فالموضوع وما انسمع رأي الطالبه يمكن تتغير النظرة للموضوع ولا بس كلمة المراقبة وخلاص
ولا شرايج غزلان؟
وفيها ضياع مستقبل طالبه مهب شئ سهل

[يوسف0]

ههههههههههههههههههههههه يا يوسف

هههههه :victory:

[تغلبية]

الموضوع كله من جهة المدرسة او المراقبة يمكن في خفايا فالموضوع وما انسمع رأي الطالبه يمكن تتغير النظرة للموضوع ولا بس كلمة المراقبة وخلاص
ولا شرايج غزلان؟
وفيها ضياع مستقبل طالبه مهب شئ سهل



^^^

من صجك يوسف ؟!

[غزلان]

الموضوع كله من جهة المدرسة او المراقبة يمكن في خفايا فالموضوع وما انسمع رأي الطالبه يمكن تتغير النظرة للموضوع ولا بس كلمة المراقبة وخلاص
ولا شرايج غزلان؟
وفيها ضياع مستقبل طالبه مهب شئ سهل


صحيح ماسمعنا للطالبه بس اخوي ذكروا انها كانت تغش مثل ماقالت المراقبه ,وماعرف الا المراقبه تألف على الطالبه ؟؟

عيل ليش تهجمت على المدرسه ؟ هل فيه سبب غير ولا كل السالفه تأليف والله ماعرفت شي:rolleyes2:

[غزلان]

كسرت خاطري الطالبه

ههههههههههههههههههههههه


لأنها امسكوها وهي تغش:secret:

[غزلان]

ياريت يرجعون إسم التربية قبل التعليم


يبيلهم لن التربيه مبين مكانها

[يوسف0]

صحيح ماسمعنا للطالبه بس اخوي ذكروا انها كانت تغش مثل ماقالت المراقبه ,وماعرف الا المراقبه تألف على الطالبه ؟؟

عيل ليش تهجمت على المدرسه ؟ هل فيه سبب غير ولا كل السالفه تأليف والله ماعرفت شي:rolleyes2:

يمكن يمكن والله أعلم

راحت للمدرسه وشرحت لها الموضوع والمعلمه قالت لها كلام منرفز جداً وأنفجرت غضباً من قهر

يمكن البرشامه مش لها ووحده وهقتها

يجب هناك لجنه لتقصي الحقائق وحقوق الطلاب مع المجلس الأعلى والتعليم

[يوسف0]

^^^

من صجك يوسف ؟!

اي منصجي :)

[تغلبية]

اي منصجي :)

الاحتمالات اللي ذكرتها كلها جايزة .. لكن لو رجعنا على الافتراض الطبيعي من الموضوع انه فعلا في كانت الطلبة في حالة غش .. وصادتها المراقبة ..
هل بيكون الغلط غلط المراقبة .. والطالبة المسكينة هي المظلومة وهي اللي بيضيع مستقبلها ؟

[كود نمبر]

الله يستر على اختنا لأجل Qt
اخبر ادور على مدرسه ثانويه عندها مراقبه:omg:

والله قويه ها البنت قامت تطلع على أكتاف البنات تبي توصل للمدرسه

[النهار]

تذكرت سالفه قديمه قال لي مراقب على مدرسه مسائيه
يقول مره شكيت في 2 من الطلبه قمت ارقبهم من قريب والا الاخ يقول للمراقب لوسمحت فج
يرد عليه اسف ماعندي فكه هو عارف ايش يقصد الطالب رد عليه هوينا رد عليه لا الهواء هني زين
خذ كرس ولزق فيهم الا واحد فيهم يقول تفج ولا رد عليه وقال له انا اليوم قاعد لك عظم في البلعوم يانك تنجح بمجهودك وتنفع ديرتك ولا مافي داعي الاختبارات وتظلم نفسك ومجتمعك
يقول اليوم الثاني الاثنين ماجاو الاختبار
قلت له لو انفردوا فيك برع ايش تسوى قال والله موكفو واحد منهم يمد يديه لومد يده اخذ حقي منهم وبعدها اطالب بحقي منهم من الجهات المختصه ( هذي على ايام التربيه والتعليم )

[حنان k]

غزوووله

الطالبة طامرت فوق أكتاف الطالبات :eek5:

تهقين أنها أنثى مو طرزان :rolleyes2:

[يوسف0]

الاحتمالات اللي ذكرتها كلها جايزة .. لكن لو رجعنا على الافتراض الطبيعي من الموضوع انه فعلا في كانت الطلبة في حالة غش .. وصادتها المراقبة ..
هل بيكون الغلط غلط المراقبة .. والطالبة المسكينة هي المظلومة وهي اللي بيضيع مستقبلها ؟

لا طبعاً بيكون الغلط على الطالبه وتعطى صفر على القوانين الي لحقت عليها انا شخصيا ًولان التنبيه موجود بان الي يغش يعاقب

ومايكون فيه تساهل وعلى حسب كلام الي قريته ان المراقبه كلموها بان تمشي السالفه و الي دار في ذهني ان الغش كان عادي ويوم جات هي شددو مرة وحده مايصير يا انك اتكون شديد من البداية لين النهاية وتمشي على القوانين صح او العكس صحيح.

واستنكر واتسائل لماذا تهجمت الطالبه على المعلمه.

ومالها حاجه المراقبه انه تروح او تشهر القضيه فالجرائد اذا كانت على حق بيكون الموضوع فالمحاكم وغيره
ولا هي تبغي توضح شئ للناس؟امر غريب:omen2:

ودائما من وجهة نظري تلقا الخفايا في تحقيقات الحريم خصوصا

[الأصيلة]

من زمان واحنا نعاني من بعض طالبات المسائي
وكانوا يمتحنون في المدارس الصباحية..
ويحاولون الغش بكل الوسائل ويكتبون البراشيم على ثيابهم
وفي كل مكان ...
طبعا هذولا البنات اللي ماعندهم ذرة خوف لا من الله ولا من الناس...
يعني هذا الشيء مب غريب أبد على طالبات المسائي..

[Dana’1]

عقب هالاخبار الكثيرة عن الغش والهوشات بالذات مع هالكبار بالمسائي المفروض يعملون كالأتي
ظ،- يصدرون قرار إن ما فية أي بنت تكمل مسائي إلا إذا وقعت تعهد إنها موافقة على تفتيشها من قبل الإدارة لها تفتيش كاااااامل لها ولأغراضها قبل دخولها الإختبار .. والي ترفض مو لازم تكمل تعليم

ظ¢- ويتم توزيعهم على اساس ان الغرفة الدراسية الوحدة يكون فيها عدد قليل ومن فصلين مختلفين عشان محد يلتفت للثاني....ويغش
ظ£ - يكون فية تسجيل صوتي محمي في كل قاعة أي صوت يصدرونة الطالبات من غش او قلة أدب يسجلة ومحد يمسكة ويوقفة الا بعد انتهاء الاختبار وعن طريق الإدارة يكون دليل عليها فتحرم من الاختبار وتعيد المادة

الاهم ان يكون كل ما ذكر واضح جدا جدا جدا للطالبات حيث يجتمعون قبل الاختبارات ويوضحون كل ما ذكر
ولو اضطروا يشرحون لهم وحدة وحدة عشان ما يكون لهم اي عذر

طبعا هذافي نظري ممكن يكون حل لعدم اشتباك المعلمة المراقبةوالي بعضهن ممكن يكون ما عندها أسلوب في التوجية
مع الطالبات من هالنوعية ويصير الي بالوجة هي ادارة المدرسة



غريبين هالمسائي شلون يبغون يكملون تعليمهم من حب وبالغش
يمكن لو بنات صغار بالإنتظام ويدرسون بقول اهلهم فاوضين عليهم والا هم ما ودهم بس مسائي!!!!!
الله يعين ويوفق الجميع

[يوسف0]

تذكرت سالفه قديمه قال لي مراقب على مدرسه مسائيه
يقول مره شكيت في 2 من الطلبه قمت ارقبهم من قريب والا الاخ يقول للمراقب لوسمحت فج
يرد عليه اسف ماعندي فكه هو عارف ايش يقصد الطالب رد عليه هوينا رد عليه لا الهواء هني زين
خذ كرس ولزق فيهم الا واحد فيهم يقول تفج ولا رد عليه وقال له انا اليوم قاعد لك عظم في البلعوم يانك تجنح بمجهودك وتنفع ديرتك ولا مافي داعي الاختبارات وتظلم نفسك ومجتمعك
يقول اليوم الثاني الاثنين ماجاو الاختبار
قلت له لو انفردوا فيك برع ايش تسوى قال والله موكفو واحد منهم يمد يديه لومد يده اخذ حقي منهم وبعدها اطالب بحقي منهم من الجهات المختصه ( هذي على ايام التربيه والتعليم )

هههههههههه

عاد ايام التربية ترا مهب بذيكي المثاليه

والله اتذكر مدرس 6 ابتدائي يعطي كفوف وبوكسات واذا دخل الصف كانه محد فالصف صخه

والله اكره لين اليوم على ماسوى معنه مالمسني الحمدلله وقابلت مره طالب من الي صارله موقف مع الاستاذ طبعاً الاستاذ ما تأثر لاكن الطالب ترك المقاعد الدراسية من النفسية الي صادته والتهزئ والله اعلم وينه الحين

فيالله الحمد لله افتكينا من علة التمدرس لافادت ولانفعت

[mr.hamouda]

ليش المدرسات قالوا اتركيها ! يعني هم تركوا غيرها و غيرها.....

شيء متوقع بعد ما شالوا التربيه من التعليم !

[Anas_G]

اول شي مكتوب تعتدي وفي الخبر محاولة الاعتداء بعدين مكتوب لولا تدخل عدد من الطالبات تصادف وجودهم شلون تصادف وهم في قاعة الامتحان يعني مش صدفة وجودهم هاي وانا ما قريت الخبر كامل بس اول سطرين

[ريم 28]

الله العالم ما الذي حصل بالضبط

الكل بيألف قصه

الموضوع اصلا سهالات الغش
فالكل ماخذ راحته
فانصدمت الطالبه من المراقبه هذه

وظنت انها تعاديها وقاصده اذيتها

لان هذا ما يحصل عندما يعتاد الجميع على نظام معين

لا ابحث لها عن حجج
ولكن الوضع من البدايه غلط

[لاجل QT]

الله يستر على اختنا لأجل Qt
اخبر ادور على مدرسه ثانويه عندها مراقبه:omg:

والله قويه ها البنت قامت تطلع على أكتاف البنات تبي توصل للمدرسه

ابشرك رفضت المراقبة ورديت مدرستي:nice:

بس اشلون قامت تطلع على اكتاف الطالبات:eek5:

وايش خلت للصغار:eek5:

[R 7 A L]

المفروض تتحول للنيابة

[qatara]

راحت هيبه المعلم

فالمعلم هيبته كمربي مثل هيبة الاب

فكيف نريد جيل متربي ومتعلم

؟

[امـ حمد]

لا حول ولا قوة الا بالله

هذه الطالبه عينها قويه وجريئه

[qatarman8008]

اذا احنا قاعدين نسمع ان الغش على افا من يشيل ...
اشلون تتسامح معاهم كلهم وتروح تمسك واحد بس ..؟؟
اسمح للكل او امنع الكل ..

[ريتويت]

قوية عين ماتستحي

[محمد عبدالرحمن]

و أنا أطالب بإعفاء المراقبات الأخريات من مناصبهن، اللواتي أحللن الحرام "الغش" و حرمن الحلال "العدل"، و أضيف أنهن خن الأمانة و ميثاق شرف أخلاق مهنة التعليم، و من غشنا فليس منا.

تحياتي،
محمد عبدالرحمن

[كازانوفا]

بالعكس المدرسه سوت اللى راح يخلصها من الوقوف امام الله والطالبه شكلها متعوده هي واللى حواليها سواء من الطالبات او المراقبات خدو راحتكم فما توقعت ان في مدرسه فيها ذمه وضمير وتخاف الله
تستاهل.. لو انهم حرموها من تكمله الدراسه بيكون احسن لان الغش صار شي عااااادي عند الكثيرر
وبسببه ضاعت الامه والبلدان الاسلاميه

[ضوى]

هذي وقاحة ، والله لو مكانها مارتاح الا لما تنسجن وتتادب وتعرف السنع والادب ، صج قوية عين ووقحة

[نوار قطر]

صباح الخير حبيبتي غزلان

موضوعج اطرحه اخوي خليفه وقال ان وحده من هله شافت الي يصير في المراقبه من تسيب في المدارس ... والله عيب كل وحده اكبر من الثانيه ويتعدون على المراقباات عيل شخلوو حق المراهقات والله حتى المراهقات مايسوون سواتهم ... مالكم بارض دراسه ولا تعرفون شي خلاص قعدو مكانكم اقبضو ارضكم وبيوتكم ودرسو عيالكم ... الله يعين المدرساات الله يعيينهم

[دلة الرسلان]

ياحليلها الغشاشة !

ذكرتني بالطلبة في جامعات بنجلاديش مسويين مظاهرات للمطالبة بحرية الغش :)

[شبح الصمت]

وين وين

هالكلمة لازم تنوضع عند باب دخول المدرسة بالخط العالي بس اتوقع انها أنقرضت من قاموس التربية

وقم للمعلم وفهي التبجيلا كاد المعلم ان يكون رسولا

تستآهل البنت ما جاها
وكفو على المعلمة لانها راقبت الله وفي قرارت نفسها

قالت من غشنا فليس منا
وعليه طبقت ما يملي عليها ضميرها

[أبن العجي]

المدارس المستقله ( اعدمت هيبة المدرس والمدرسه )
واصبحوا كالخدم !!

(( فاشله يالمستقله ))

[قطري !]

المعلم أو المعلمة المفروض اذا حصلوا احد يغش ياخذون البراشيم ويسترون عليه





ليش الفضيحه والصجه والازعاااج

[ضوى]

المعلم أو المعلمة المفروض اذا حصلوا احد يغش ياخذون البراشيم ويسترون عليه





ليش الفضيحه والصجه والازعاااج

اخوي المراقبة مافضحت احد ، الطالبة هي اللي وقحة وتطالب بالغصب تغش يعني على شينها قواة عينها

[R 7 A L]

وين دور الشرطة النسائية
اذا عرفنا ان في وزارة الداخلية عدد كبير من النساء الموظفات بالداخلية
ليش ايام الامتحانات مايخلونهم في المدارس

[الحاقول]

يعني هذي المدرسه ماكانت تغش عندما كانت طالبه

اعتقد تصرف المدرسه كان متهور وليس هكذا نعالج

ظاهرة الغش بحرمان الطالبه من الامتحان وتدمير مستقبلها

وهجوم الطالبه على المدرسه مبرر ومنطقي وشئ متوقع وطبيعي

[شبح الصمت]

يعني هذي المدرسه ماكانت تغش عندما كانت طالبه

اعتقد تصرف المدرسه كان متهور وليس هكذا نعالج

ظاهرة الغش بحرمان الطالبه من الامتحان وتدمير مستقبلها

وهجوم الطالبه على المدرسه مبرر ومنطقي وشئ متوقع وطبيعي




ليش تبررون الخطأ على أنه صح

كلنا مش معصومين من الخطأ
وكل مدرسة ومدرس يختلف اسلوبه في مدرسين ومدرسات رآح يتغاضون عن هالشيء وفي مدرسين ومدرسات لا يبه الحق حق ..
يعني نقول دمرت حياته ويستمر مسلسل الغش ياخوي اذا هي غشت اشلون بتكمل اشلون دام الثانوية ما قدرت تاخذها تبي تكون جامعية تبي تكون لها مكان في وسط المجتمع ..

الواحد يدرس ويجتهد ياخوي
وتعيد السنه اشفيها وتراجع وتدرس وتاخذ النجاح بمجهودها ..

[NINA RICCI]

يمكن طريقة المعلمه في سحب البراشيم كانت مب حلوه ..

او يمكن الطالبه عصبيه اكثر من اللازم ..

مفروض يحطون لهم مراقبات عسكريات عشان يتخرعون

[راشد محمد]

لازم ينادون اهلها ويحاكمونها ويعاقبونها..

[Doha Sun]

ان جينا للحق الغش (من غشنا فليس منا ) في ايام الامتحانات معروفة نهايتها .. واذا جات للضرب والتعدي علي والله مايردني غير الشرطة والفزعه واللخويا والدفاع المدني وامن الدولة ونشوف الحق مع من بعدين ..

[نورهان88]

يومة مهنة التدريس تخوف

[سارونه]

المدارس الصباحية :) المدرسين يساعدون الطلاب على الغش :)

جات على المدارس المسائية :( وعليه مساكين خلهم ينجحون يمكن عندهم حالات خاصة محتاجين الشهادة :(

[أم محمد 90]

كان المفروض نسمع للطالبة ..

انتو ماتدرون شنو الواقعة

وماتعرفون ليش الطالبة تهجمت على المدرسة

تلاقون المدرسة حاطة دوبها من دوب الطالبة

وياما مدرسات سوو بلاوي بالطالبات وحطو دوبهم من دوب الطالبات ..

وفعلاً لو الطالبة غشت كان بامكان المعلمة بكلللل هدوء تحط × عند اسمها وبدون شوشرة وتهجم وحالة

تروح عندها وتقول لها تفضلي وياي برا وتحرمها الامتحان وخلاص..

اظن الوضوع كبر ع الفاضي

[شبح الصمت]

كان المفروض نسمع للطالبة ..

انتو ماتدرون شنو الواقعة

وماتعرفون ليش الطالبة تهجمت على المدرسة

تلاقون المدرسة حاطة دوبها من دوب الطالبة

وياما مدرسات سوو بلاوي بالطالبات وحطو دوبهم من دوب الطالبات ..

وفعلاً لو الطالبة غشت كان بامكان المعلمة بكلللل هدوء تحط × عند اسمها وبدون شوشرة وتهجم وحالة

تروح عندها وتقول لها تفضلي وياي برا وتحرمها الامتحان وخلاص..

اظن الوضوع كبر ع الفاضي




انزين اختي ليش ما تهجمت عليها في لحظتها ليش انطرت ثاني يوم !!

شنهو السبب

البنت لو تحشم ما تكلمت والا تلفظت بكلمات بذئية ما نقدر برر الخطا صح والصح خطأ ..

لو لها حق خذته وتقدر لين الحين اذا عندها مبرر في وقتها ..

من حقي كمدرس اخذ الورقه وارفع صوتي والا احسس الطالب اني مذلول له من اهو طالب احترمه وقبلها اهو يحترمني لاني جاي اخدمه مش جاي اوقف ضده

بس للاسف طلاب هالايام يحسبون انهم اهم الي يعطون المدرسين من مخبايهم وانهم يشتغلون عندهم ..

اخدمك اودي رسالة التدريس بس اني اكون ملطشه لا والف لا

[أم محمد 90]

انزين اختي ليش ما تهجمت عليها في لحظتها ليش انطرت ثاني يوم !!

شنهو السبب

البنت لو تحشم ما تكلمت والا تلفظت بكلمات بذئية ما نقدر برر الخطا صح والصح خطأ ..

لو لها حق خذته وتقدر لين الحين اذا عندها مبرر في وقتها ..

من حقي كمدرس اخذ الورقه وارفع صوتي والا احسس الطالب اني مذلول له من اهو طالب احترمه وقبلها اهو يحترمني لاني جاي اخدمه مش جاي اوقف ضده

بس للاسف طلاب هالايام يحسبون انهم اهم الي يعطون المدرسين من مخبايهم وانهم يشتغلون عندهم ..

اخدمك اودي رسالة التدريس بس اني اكون ملطشه لا والف لا

احترم وجهة نظرك اخوي ..
وباين تصرف الطالبة انها انتظرت لين ثاني يوم كانت مترصدة للمدرسة وتبي تحرجها نفس ماحرجتها لان وقتها الكل مسكها وابعدوهم عن بعض جات ثاني يوم ع غفلة تطلع الي في خاطرها ..


بس بعد اقول كان الافضل نسمع للطالبة والمدرسة ..

[غايه الطواش]

من سمع عن غرامه ام ظ£ظ*ظ*ظ* ريال الي طعنت الطالب كلن بشنر عن ذرعانه وبيضراب كلها الا ظ£ظ*ظ*ظ* ريال اهم شي طلعت الحره
وسوو الي في خاطرهم مادام مافيه قانون محترم يردع

[لاجل QT]

خلأص المفروض من اليوم ورايح يحطون قوة عسكرية تراقبهإو مصارع أندر تيكر 0 الطالبات يهددون بتحطيم سيارة المراقبات أللى مأتغض البصر عن الغش ههههههههه

التعليم باز يارقالة

[شبح الصمت]

احترم وجهة نظرك اخوي ..
وباين تصرف الطالبة انها انتظرت لين ثاني يوم كانت مترصدة للمدرسة وتبي تحرجها نفس ماحرجتها لان وقتها الكل مسكها وابعدوهم عن بعض جات ثاني يوم ع غفلة تطلع الي في خاطرها ..


بس بعد اقول كان الافضل نسمع للطالبة والمدرسة ..





توقعين اختي الجريدة رآح تفوت فرصة اللقاء مع الطالبه أو أهلها !!!

سبق صحفي رآح يكون لهم !! ! :eek5:

لو البنت مش غلطانه صدقيني كانوا نزلوا تبريرها ..

واحترم وجهة نظرك نفس مافي مدرسين يغلطون بس في طالب يغلطون ..

والله يستر على الجميع

[شبح الصمت]

خلأص المفروض من اليوم ورايح يحطون قوة عسكرية تراقبهإو مصارع أندر تيكر 0 الطالبات يهددون بتحطيم سيارة المراقبات أللى مأتغض البصر عن الغش ههههههههه

التعليم باز يارقالة




صج الكلام أختي لاجل اوصلت لهرمحلة بعد !!!!

[qatara]

مابني على باطل فهو باطل


فالغش حرام

وشهاده عن طريق الغش حرام

سوف ياخذ بها الطالب منصب وراتب

فطبيعي انه لا يستحق المستوى الوظيفي وراتبه لانه بشهاده مغشوشه

وبالطبيعي دخل (راتب)من وراء منصب اخذ ه بالغش بشهاده مغشوشه

فياكل منه هو واهله سحت وحرام

فكيف سيعطي وينتج وهو مستواه
الحقيقي لم يصل للفكر العلمي الحقيقي
وكيف سيبنا مجتمع ناجح

والله اعلى واعلم

صدق رسول الله صلى الله عليه وسلم :

(من غشنا فليس منا )

فنستنتج ان الغش له عواقب وخيمه
الله يبعدها عن الجميع

[لاجل QT]

صج الكلام أختي لاجل اوصلت لهرمحلة بعد !!!!

أنا يوصلنى الحجئ وافح من الضحك هههههههههه بس أللى أقولة صحيح مليون بالمئة من مصادر موثوقة. المراقبات يطالبون بوجود قوة عسكرية مدججة بالسلاح لضمان سلامتهم عند الدخول والخروج من المدرسة

[عليه العوض]

الغش على وذنه بالمدارس الليليه عند الرجال مصخره في مصخره لا رقيب ولا حسيب

[شبح الصمت]

أنا يوصلنى الحجئ وافح من الضحك هههههههههه بس أللى أقولة صحيح مليون بالمئة من مصادر موثوقة. المراقبات يطالبون بوجود قوة عسكرية مدججة بالسلاح لضمان سلامتهم عند الدخول والخروج من المدرسة




لا مفروض كل وحده تاخذ لها جلب بوليس ( الله يعزكم ) وتشيره فالسيارة والي فيها خير تقرب

ههههههههههههههههههههههههههههههههههههههاي

الله يعينكم صراحه اذا وصل الحال فيكم جذيه
صج لازم وقفه اذا توصل تهديدات صج صج خربت
:anger1:

[لاجل QT]

^^

السؤول المهم ..معقولة في قطريات جذي ..لسان ومد يد وتطاول وتهديد وترويع..غير كذا الحق مو معها ابدا هي غلطانة من ساسها لين راسها

اللى صار كان فعلا صدمة للجميع

الله يهديهم امين

[محمد إبراهيم]

^^

السؤول المهم ..معقولة في قطريات جذي ..لسان ومد يد وتطاول وتهديد وترويع..غير كذا الحق مو معها ابدا هي غلطانة من ساسها لين راسها

اللى صار كان فعلا صدمة للجميع

الله يهديهم امين


:secret:

[ابداع قلم]

:rolleyes2:لوووووووووووول
الخبر يقول انها نطت فوق الطالبات محاولة لصفع المدرسة
متاكدين انها بنت صج !!
ولا :secret:

[نوار قطر]

:rolleyes2:لوووووووووووول
الخبر يقول انها نطت فوق الطالبات محاولة لصفع المدرسة
متاكدين انها بنت صج !!
ولا :secret:

ذي الله يسلمك مشرووع بنت :shy: يمه لا تشوف شكاتبين عنها واتيينا :cry2:escape

[نوار قطر]

^^

السؤول المهم ..معقولة في قطريات جذي ..لسان ومد يد وتطاول وتهديد وترويع.. كذا الحق مو معها ابدا هي غلطانة من ساسها لين راسها

اللى صار كان فعلا صدمة للجميع

الله يهديهم امين

شدعوه لاجل يعني ماتدرين ان في واايد من هالنوعيه وبعدين القطريات حالهم حال غيرهم وانتي مدرسة تمر عليج اشكال وانواع من الطالبات بس انتي طالباتج اصغر يعني اللعانه اخف :nice:

[لاجل QT]

شدعوه لاجل يعني ماتدرين ان في واايد من هالنوعيه وبعدين القطريات حالهم حال غيرهم وانتي مدرسة تمر عليج اشكال وانواع من الطالبات بس انتي طالباتج اصغر يعني اللعانه اخف :nice:

يعنى على اد سنك تستوي لعانتك:nice:

والله والله ثم والله اول مرة اسمع عن هالفئة عندنا:eek5:

مد اليد والتطاول وتخريب املاك:eek5:

وي وي وي وي وي وي

ياحي طالباتى ماعرفت قدرهم وادبهم الا الحين ههههههههههه:nice:

[آي تي الدوحة]

الله يهديهم

[اناقه]

عشنا و شفنا

الله يرحم و الله كنا نتنافض من الخوف من المدرسات

(( قم للمعلم وفه التبجيلا كاد المعلم ان يكون رسولا ))


ما ندري هالايام العيب في البنات ولا المدرسات ؟؟؟؟

الله المستعان

[MAZEN37]

الطالبه مب غلطانه لان الوضع الطبيعي انه كل الطلاب يغشون بالمسائي
اكيد هالمراقبه جديده واكبر دليل ان كل المراقبات حاولوا يقنعوها تتراجع عن اجراءاتها وتمشي الوضع
شفتوا انه الطالبه طلعت مظلومه وتطالب بحق من حقوقها
الحين كل المستقلات فيها غش وانتم عارفين محد يدعي المثاليه

[نتفـه]

لا تعليق :)
قبل محد كفو على ايام التربيه والتعليم ساء منازل والا صباحي والا مسائي يتلفظ على اي معلم او معلمه والحين الطالب بشكل عام بايعها وقام المعلم يخاف على نفسه منهم !!!
يا دافع البلا ..

[نتفـه]

ذي الله يسلمك مشرووع بنت :shy: يمه لا تشوف شكاتبين عنها واتيينا :cry2:escape

هههههههههههههههههههههههه ضحكتيني اي والله يمه منها :tease:

[عيسى111]

معظم الطلبة يبرشمون

المدرسة تصفي حسابتها مع الطالبة

ليش قاصدة هذه الطالبة بالذات

فيه مشاكل بينهم من قبل

الموضوع يبغيله تحقيق

[Bo jassim 33]

قطريات يا اختي وصلوا للشرطه والمحاكم وسالفه قبل فتره صارت في مدرسه مسائيه للبنات بين مديره المدرسه وخواتها وطالبات ودشت فيها الفزعه والشرطه واطرحوها الاخوان اهني فتره

[التيما]

كلنا ندري ان حالات الغش مايسوون فيها شئ .. رفيجتي في مدرسة إعدادية تقول كانت في لجنة معاها مدرسة زميلة قطرية صادت طالبات يغشون وأشرت على أوراقهم ولا سوو لهم شئ .. تيتي تيتي زي مارحتي زي ما جيتي !! لا وتقولي الطالبات وقحات وجريئات بشكل وقح وقلة أدب هاي وإعدادية !! شلون الثانوية !!

[vip-30003]

التعليم الموازي .. المنازل والليلي

تعلموا من سنين الغش ومحد يكلمهم ولو سمحتوا بسنااا خرابيط

اي شي قلنا المجلس الاعلى للتعليم والله العظيم ماله دخل

هالنوعيه من الطلاب تعلموا على ان محد يكلمهم وهالمدارس معروفه

المشكله ان المراقبه المسكينه يفترض يعلمونها ان هالمناظر طبيعية

والغش سهالات والله يجزيها خير ما رضت وهذا الناتج

انا اطالب من المجلس الاعلى شطب هالطالبه فوراً لتكون عبره للكل

وبعدين ليش ما اتكون الدورية ثابته في هالدارس فترة الاختبارات

[لاجل QT]

التعليم الموازي .. المنازل والليلي

تعلموا من سنين الغش ومحد يكلمهم ولو سمحتوا بسنااا خرابيط

اي شي قلنا المجلس الاعلى للتعليم والله العظيم ماله دخل

هالنوعيه من الطلاب تعلموا على ان محد يكلمهم وهالمدارس معروفه

المشكله ان المراقبه المسكينه يفترض يعلمونها ان هالمناظر طبيعية والغش سهالات والله يجزيها خير ما رضت وهذا الناتج

انا اطالب من المجلس الاعلى شطب هالطالبه فوراً لتكون عبره للكل

وبعدين ليش ما اتكون الدورية ثابته في هالدارس فترة الاختبارات

وين ياخوك يعلمونهم

امس وصلنا على البيبي ..ان جات الفزعة تفاجج ..طالبات مصرين الا يضربون المراقبة لانها خذت البراشيم من عندهم..وقفو عند باب المديرة ..ماقدرت عليهم اتصلت بالفزعة:eek5:

مساكين المراقبات قلبي معاهم متى يخلصون على خير :(

توصلنا كل يوم اخبار عنهم لاتسر لاعدو ولاحبيب:(

ولا اللى داشين حرب:(

صدمات مازلت غير متقبلة استيعابها من بنات قطر :eek5:

[الحاقول]

الغش موجود في كل مدارس وجامعات العالم

وقد شاهدت الطلبه في الجامعات الامريكيه وهم يغشون ومن مختلف الجنسيات

يعني الغش شئ طبيعي عند الطلبه

والمراقبه اكيد راعية مشاكل

[لاجل QT]

الغش موجود في كل مدارس وجامعات العالم

وقد شاهدت الطلبه في الجامعات الامريكيه وهم يغشون ومن مختلف الجنسيات

يعني الغش شئ طبيعي عند الطلبه

والمراقبه اكيد راعية مشاكل

لا اخوى لاتظلم المراقبات هذيلا يؤدون واجبهم وهم بين نارين نار خيانة الامانة ونار رأفتها بالطالبة لكي تنجح في الاخير ماتقدر تخون الامانة اللى هي مسؤولة عنها امام الله قبل الادارة

من الازل نسمع عن الغش هذا شي مفروغ منة:)

بس ماقط سمعنا بالضرب او التهديد والترويع..ومن بنات بعد:eek5:

[بومحمد المطاوعه]

بعيد الشر

المفروض تحولها الى العاصمه وتحولها الى النيابه العامه ولاتسكت عن حقها

مثل هالاشكال من الناس الواحد مايتنازل عنهم

ولو على شي مايسوى علشان يحسون على دمهم اشوي

ويتوبون عن خرابيطهم

[معماري قطري]

لا حول ولا قوة إلا بالله ، راحت هيبة المعلم
نعم الجيل ونعم التربية !

يا ريال رايحه من زمان .. كم من معلم انضرب وحتى مره بقذيفة قرشة ماي صحة سبحته وهو يدرس .. هذي حالات شاذة وتصير في كل العالم وتدل على شخصية الطالب، وأحياناً يتهور ويحس إنه مظلوم مثل ما صار يوم توسطوا لها باقي المدرسات فحست إنها معاها الحق وحاولت تاخذ حقها بيدها.

[معماري قطري]

وين ياخوك يعلمونهم

امس وصلنا على البيبي ..ان جات الفزعة تفاجج ..طالبات مصرين الا يضربون المراقبة لانها خذت البراشيم من عندهم..وقفو عند باب المديرة ..ماقدرت عليهم اتصلت بالفزعة:eek5:

مساكين المراقبات قلبي معاهم متى يخلصون على خير :(

توصلنا كل يوم اخبار عنهم لاتسر لاعدو ولاحبيب:(

ولا اللى داشين حرب:(

صدمات مازلت غير متقبلة استيعابها من بنات قطر :eek5:

يالله تعالوا فججوا الوضع يالميلس الأعلى ولا ييبوا خبراء من برا يفججونه لكم

[الخزرجي قطر]

المفروض يتم اخذ الاجراءت القانونيه عن طريق الشرطه في عدم تعرضها للمدرسه
لأن الطالبه شكلها تبي تنتقم من المدرسه باي شكل وعينها قويه وتهديدها واضح؟؟؟

[معماري قطري]

على طاري الغش أذكر كنت ماخذ كورس بيئة صعب صعب لدرجة إن المعدل في العشرينات من 100 .. وكنت مستواي فيه جيد جداً يعني " بي " بس جانا امتحان صعب وايد وكنا محد يقدر يتجرأ بس يفكر يغش وانا صراحة قفل مخي وقعدت أطالع وحده شلون تغش .. كانت كوبية وطيبة مع العرب وعلاقتنا معاها زينه يعني سوالف ودراسه .. المهم كان المدرس يتحرك مثل الرادار وفارض الهدوء واحترامه على الصف ويمشي ويلتفت وراه فجأه يعني مستحيل حد يغش، والساحره الكوبية تفتح الكتاب اللي قاطته على الأرض تحت بريولها وتغش وتحل، وانا نزل معدلي من بي إلى دي " مقبول " بسبب اني ما جبت علامه زينه في هالإمتحان بسبب متابعتي لها ههههههه.

[أم محمد 90]

على طاري الغش أذكر كنت ماخذ كورس بيئة صعب صعب لدرجة إن المعدل في العشرينات من 100 .. وكنت مستواي فيه جيد جداً يعني " بي " بس جانا امتحان صعب وايد وكنا محد يقدر يتجرأ بس يفكر يغش وانا صراحة قفل مخي وقعدت أطالع وحده شلون تغش .. كانت كوبية وطيبة مع العرب وعلاقتنا معاها زينه يعني سوالف ودراسه .. المهم كان المدرس يتحرك مثل الرادار وفارض الهدوء واحترامه على الصف ويمشي ويلتفت وراه فجأه يعني مستحيل حد يغش، والساحره الكوبية تفتح الكتاب اللي قاطته على الأرض تحت بريولها وتغش وتحل، وانا نزل معدلي من بي إلى دي " مقبول " بسبب اني ما جبت علامه زينه في هالإمتحان بسبب متابعتي لها ههههههه.

مادري ليش احسج ماخذه مقرر قانون (البيئة) :nop:


هههههه الحين بنات الجامعة يحطون الجوال تحت العباية بين رجلهم ويطلعونه ويحلون واذا قرب الدكتور خشوه بين ريولهم عاد الدكتور مب كفو يقول قومو خل افتشكم


هههههه والله تذكرت دكتور بالجامعة البنات يغشون ويمشي بينهم يقول (عم بتساعدي رفيئتك مشان تنجح) ؟؟ يا سلام عليك بس

[البدوي]

... ايش اتقول ... بس انا مرة تعرضت لمحاولة قتل من الطلاب ... بسبب المراقبة


وكم مرة الطلاب كسروا سيارتى والسبب المراقبة

من يحميك ........ ولا من .... ينفعك .. اذا تظررت

لامدير حقير يوقف معاك .... وينصفك .... ولا محد يدري عنك

حسبي الله ونعم الوكيل

[الايرباص320]

زين سوت فالمراقبه ههههههههههه

[شبح الصمت]

... ايش اتقول ... بس انا مرة تعرضت لمحاولة قتل من الطلاب ... بسبب المراقبة


وكم مرة الطلاب كسروا سيارتى والسبب المراقبة

من يحميك ........ ولا من .... ينفعك .. اذا تظررت

لامدير حقير يوقف معاك .... وينصفك .... ولا محد يدري عنك

حسبي الله ونعم الوكيل




حسبي الله ونعم الوكيل

إذا وصل فينا الحال كذى وفي شباب نسميهم شباب المستقبل

ونبرر فعايلهم بالطيش !!

ما اتوقع شباب كبار والا صغار يكون تفكيرهم كذى !!!

الله يعينكم يالمدرسين والمدرسات

ويأجركم

[لاجل QT]

على طاري الغش أذكر كنت ماخذ كورس بيئة صعب صعب لدرجة إن المعدل في العشرينات من 100 .. وكنت مستواي فيه جيد جداً يعني " بي " بس جانا امتحان صعب وايد وكنا محد يقدر يتجرأ بس يفكر يغش وانا صراحة قفل مخي وقعدت أطالع وحده شلون تغش .. كانت كوبية وطيبة مع العرب وعلاقتنا معاها زينه يعني سوالف ودراسه .. المهم كان المدرس يتحرك مثل الرادار وفارض الهدوء واحترامه على الصف ويمشي ويلتفت وراه فجأه يعني مستحيل حد يغش، والساحره الكوبية تفتح الكتاب اللي قاطته على الأرض تحت بريولها وتغش وتحل، وانا نزل معدلي من بي إلى دي " مقبول " بسبب اني ما جبت علامه زينه في هالإمتحان بسبب متابعتي لها ههههههه.

هههههههههه هاللقافة وماتسوي :nice:

[الخمسه شموع]

اصلا اغلب المراقبات بلاذمه ولا ضمير يشوفون عدد الطالبات اللي يغشون عيني عينك ويخافون يتكلمون

ممكن ينبهون مثللا عينج في ورقتج لكن والله خاييفين انهم يكبرون الموضوع هذي المدرسة عندها ذمه وضمير

والمدرسات قصدهم مسكينه الطالبه اي والله مسكينه كل الطالبات غشو ونجحو ويت على هذي يعني اللي صادتها المراقبه ؟؟

[MAZEN37]

اصلا اغلب المراقبات بلاذمه ولا ضمير يشو فون عدد الطالبات اللي يغشون عيني عينك ويخافون يتكلمون

ممكن ينبهون مثللا عينج في ورقتج لكن والله خاييفين انهم يكبرون الموضوع هذي المدرسة عندها ذمه وضمير

والمدرسات قصدهم مسكينه الطالبه اي والله مسكينه كل الطالبات غشو ونجحو ويت على هذي يعني اللي صادتها المراقبه ؟؟
السباحه عكس التيار
الزمن هذا انقلب صار الصادق كاذب ويحارب من الجميع والكاذب صادق ومعطوف عليه من الجميع
يا رب رحمتك