مطعم بسوق واقف صاير كنه مرقص وين الرقابة؟

[Google]

سبحان الله مريت قبل شهر على مطعم بيروت واحصل صوت قوي وازعاج في مطعم في اخر الشارع بعد بيروت بمطعم (اخر مطعم بعد بيروت على اليمين). المهم احسبه صوت استيريو واقول ليه رافعين صوت المسجل كذا قالي العامل لا هذا صوت فرقه غنائية فأنا قلت يمكن احتفال بمناسبة مرور سنة على افتتاح مطعهم او بأي مناسبة اخرى . المهم رحت وجيت بعد شهر واحصل نفس الاغاني والازعاج اللي واصل في اخر شارع المطاعم. المهم رحت لهم واطلع فوق ابي اشوف شسالفه واحصل العجب ناس ترقص للاسف شباب وبنات من الجنسيات العربيه وربي اني انصدمت من المنظر اللي شفته مابي اقول بس ياليت الرقابة تمر عليهم لان هالعادات دخيله على مجتمعنا لاهي منا ولا حنا منها. هذا مطعم مب مرقص . واللي يبي يرقص يروح بيته ويرقص.


:weeping: :weeping: :weeping: :weeping: :weeping:

[أم محمد 90]

سوق واقف مكان تجمع الجنسيات العربية وهذا شي معروف ..

انصدم والله لما اروح هناك ..

[راشد محمد]

مطاعم سوق واقف كلها حدث ولا حرج

[(محمد)]

سبحان الله .... وين اللي يستغرب من مقاطعتي واهلي لسوق واقف .

اللهم لا تحاسبنا بما فعل السفهاء منا

[عليه العوض]

من زمان ما مريت سوق واقف

[Dana’1]

الرقابة دورك إنت تبلغهم بما إنك شفتهم فوصل لهم الخبر من نفس المكان..إن كان هالشي مسموح ماراح يقدرون يسون لهم شي!...وإن كان لا راح ينهونة

[رجل الجزيرة]

سبحان الله .... وين اللي يستغرب من مقاطعتي واهلي لسوق واقف .

اللهم لا تحاسبنا بما فعل السفهاء منا

أنا والحمد لله من يوم بنوا سوق واقف الجديد عمري ما دخلته ولا بداخله طول ما أنا عايش لين يعدلون مثل الأغاني والتشيش وغيره من الخرابيط.

[مضارب دوسري]

عيل ماشفت شي ياخوي مارحت الدمشقي عشان تشوف الصحون تهتز من الموسيقى والاغاني والبنات اللي لايمثلون الا تربيتهم والشباب كذلك

[شبح الصمت]

لو حصلوا رآدع لهم ما كانوا أستمروا

بس ناس تمر وتسكت وغيرها وغيرها :secret:

ايى على العرضات بس ياليت سوق واقف يكون بس للعرضات فقط لا غير

[بـارود]

إن لم تستحي .. فاصنع ما شئت !

[doha1]

واجبك انت تتصل فالامن الوقائي وتبلغ

كثرة الشكاوي فالمواقع فقط ماتفيد

دورك انت كمواطن والاهم كمسلم غيور

[شبح الصمت]

أسمه سوق واقف

مع احترامي والله

مفروض يكون كل شيء خآص بقطر وآهلها فقط في البرامج

رآيي واشوفه أفضل شيء

[Doha Sun]

ليتني هناك كان نفشتهم وبلغت عنهم .. بس للاسف من زمان عن سوق واقف

[هارودز]

بلادنا مقبله على مناسبات عالمية لازم هاي الاشاء تكون موجوده

[al_maystro]

هو بس رقص وخلع وايد اشياء تصير
حسبنا الله ونعم الوكيل

[كازانوفا]

ياريت تهتم بالموضوع وتعرف لنا من الجهه المسؤوله عن اي اساءة تحصل هناك
عشان الكل يستفيد ويعمل مثل ما تفضلت

[مساهمة بسFresh]

سبحان الله مريت قبل شهر على مطعم بيروت واحصل صوت قوي وازعاج في مطعم في اخر الشارع بعد بيروت بمطعم (اخر مطعم بعد بيروت على اليمين). المهم احسبه صوت استيريو واقول ليه رافعين صوت المسجل كذا قالي العامل لا هذا صوت فرقه غنائية فأنا قلت يمكن احتفال بمناسبة مرور سنة على افتتاح مطعهم او بأي مناسبة اخرى . المهم رحت وجيت بعد شهر واحصل نفس الاغاني والازعاج اللي واصل في اخر شارع المطاعم. المهم رحت لهم واطلع فوق ابي اشوف شسالفه واحصل العجب ناس ترقص للاسف شباب وبنات من الجنسيات العربيه وربي اني انصدمت من المنظر اللي شفته مابي اقول بس ياليت الرقابة تمر عليهم لان هالعادات دخيله على مجتمعنا لاهي منا ولا حنا منها. هذا مطعم مب مرقص . واللي يبي يرقص يروح بيته ويرقص.


:weeping: :weeping: :weeping: :weeping: :weeping:
:shy:
اهم شي اخوي انك كتبت في المنتدى ومابلغت احد
لا العضيد ولا غير العضيد:shy:

[مواقف النجادة]

الشيشة من التراث القطري الاصيل ..
اجدانا كانو يشيشون على ظهور المراكب ليرتاحوا من عناء الغوص والبحث عن الؤلؤ.
و عند عودتهم من الغوص في موسم القفال .. كانت نسائهم تستقبلهم بمعسل تفاح على انغام الدبكة .
و كان وجهاء قطر .. لا يستنكرون ان تدخن نسائهم امام الاغراب و العوائل و الاطفال و نفثهم الدخان في وجوه الناس بوقاحة .

كفو ياقطر.. كفو يابلادي..

[اناقه]

البلى يا اخوي ان السياح اللي يجون من برع يعتقدون ان هاي بناتنا و هاي عاداتنا

و الله شي مخزي

المفروض يكون فيه قسم في البلدية او اي جهه مختصة يمنع هالاشياء

صراحه سوق واقف افتقد عبق الماضي و اصالته و صار ملوث بدخان الشيشه و ثقافات غريبة عجيبة

الله يرحم ايام زمان و الله يسامح اللي غيرها بحجة التطور (( امحق تطور ))

[آي تي الدوحة]

جنسيات عربية ؟؟؟ انتم ايش جنسيتكم ؟؟؟
بسم الله الرحمن الرحيم
( ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون ( 11 ) )
لا تعمم وبخصوص صاحب المطعم الله يهديه

[qatjar195]

البلى يا اخوي ان السياح اللي يجون من برع يعتقدون ان هاي بناتنا و هاي عاداتنا

و الله شي مخزي

المفروض يكون فيه قسم في البلدية او اي جهه مختصة يمنع هالاشياء

صراحه سوق واقف افتقد عبق الماضي و اصالته و صار ملوث بدخان الشيشه و ثقافات غريبة عجيبة

الله يرحم ايام زمان و الله يسامح اللي غيرها بحجة التطور (( امحق تطور ))

المخرج عاوز كده

[فارس قطر]

ياريت تهتم بالموضوع وتعرف لنا من الجهه المسؤوله عن اي اساءة تحصل هناك
عشان الكل يستفيد ويعمل مثل ما تفضلت

انا سئلت في سوق واقف من المسؤل عن سوق

قالوا لي المسئول عن سوق واقف المكتب الخاص

كنت ناوي ارفع قضية على الي يدخنون الشيش في الطريق بس يوم قالو لي المكتب الخاص غيرت راي
وقلت انا مالي خص.

[MAZEN37]

بلغ البلديه ترا اختصاصهم هههه مزاولة نشاط من غير ترخيص
شر البليه ما يضحك

[mr.hamouda]

صارلي اكثر من 6 أشهر ما رحت سوق واقف

[qatarman8008]

صاحب الموضوع .. يشهد الله اني اعلم ان نيتك طيبة ..
لكن ..
تراك ومن غير قصد .. سويت دعاية للمطعم ..

[Class - Qtr]

السلام عليكم

انا اجوف الواحد بين دوامه ومجلسه في البيت وزيارة الاقارب ويحاول يدور له واسطه يطلع له عزبه

قريبه من الدوحه يعيش مرتاح ويخلى المجمعات وهالاماكن حق اللي يبي الزحمه ويجرح عيونه بالمناظر

اللي هل قطر اللي فيهم خير مايحبونها ولا يحبون يجوفونها

[مستر راشد]

ماحصلو الي يردعهم

[بومحمد المطاوعه]

سوق واقف اخترب من زمان

وجود الشيشه في الممرات وفي كل مكان

واغاني ومصخره وخربطه وبلاوي سوووده

قبل كنت اروح استانس الحين اروح اتضايق

وقبل كنت اروح اتمشى واتذكر ايام الوالد الله يرحمه يوم يتمشى ويانه ونشتري اغراض للعيد يوم كنا صغار

الحين لا ابي اروح ولا ابي اتذكر

لأن مكان فاسد ومكان انا استحي من نفسي اذا ادخل هالمكان

في اماكن في سوق واقف لايشرفني امر صوبهم

ولاكن مهما تكلمنا مافي فايده

الله يهديهم ويستر عليهم

[اناقه]

انا سئلت في سوق واقف من المسؤل عن سوق

قالوا لي المسئول عن سوق واقف المكتب الخاص

كنت ناوي ارفع قضية على الي يدخنون الشيش في الطريق بس يوم قالو لي المكتب الخاص غيرت راي
وقلت انا مالي خص.



ههههههه

خفتووووووون :nice:

[رجل مثالي]

المفروض فقط في سوق واقف الاغاني الشعبية القطرية

ولا غير لان سوق واقف تراث قطري

[لاجل QT]

بك ينو هالعالم

وش مناسبة الرقص انشالله؟؟

[الدوحه1]

انا سئلت في سوق واقف من المسؤل عن سوق
قالوا لي المسئول عن سوق واقف المكتب الخاص
كنت ناوي ارفع قضية على الي يدخنون الشيش في الطريق بس يوم قالو لي المكتب الخاص غيرت راي
وقلت انا مالي خص.

النائب العام قال "لا أحد في قطر فوق القانون "!!

المصدر:

http://www.raya.com/news/pages/ba2da247-b531-42c9-a3b1-6fc8219d268e

[الحياة الخالدة]

النائب العام قال "لا أحد في قطر فوق القانون "!!

المصدر:

http://www.raya.com/news/pages/ba2da247-b531-42c9-a3b1-6fc8219d268e


بس السؤال المهم .. هل القانون يمنع ؟؟

[فلور]

والله الصراحه أنا رحت سوق واقف مرتين او ثلاث. بس الصراحه احس نفسي غلط ماكاني في ابلادي *

[فراغ]

السلام عليكم

انا اجوف الواحد بين دوامه ومجلسه في البيت وزيارة الاقارب ويحاول يدور له واسطه يطلع له عزبه

قريبه من الدوحه يعيش مرتاح ويخلى المجمعات وهالاماكن حق اللي يبي الزحمه ويجرح عيونه بالمناظر

اللي هل قطر اللي فيهم خير مايحبونها ولا يحبون يجوفونها
كلامك جميل لكن لا ترى بأنه هروب من الواقع والمستقبل
وكيف سيكونون رجال المستقبل

[بوخالد911]

بلغ السيلُ الزبى

[ms-qtr]

العوائل القطرية صارت ما تقدر تاكل في مطاعم سوق واقف
من كثر الأغاني والشيشة

[المريخي77]

من سوق قطري شعبي ، إلى قرية عالمية
مطاعم سورية ، عراقية ، لبنانية ‘ يمنية ، هندية ، ....
كل مطعم بشيشة ، وكل شامي مع فلبينية .... الخ

[لولو2022]

والله بلادنا عليها العوض
انشوف ومانقدر انتكلم

[امـ حمد]

لا حول ولا قوة الا بالله
إن لم تستحي فاصنع ما شئت
المفروض يكون في رقابه عليهم

[الأصيلة]

جنسيات عربية ؟؟؟ انتم ايش جنسيتكم ؟؟؟
بسم الله الرحمن الرحيم
( ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون ( 11 ) )
لا تعمم وبخصوص صاحب المطعم الله يهديه

جنسيات عربية يعني غير خليجية
وها الإسم مافيه أي سخرية أو تنابز بالألقاب...
والكل يتداوله من زمان..بالعكس كلمة جنسية عربية
تدعو إلى الفخر والإعتزاز بالعروبة...
فعلا هي مزيج من جنسيات عربية وغير خليجية والكل يشوف ..
ترقص في المطعم وتهز مع زوجها أو أخوها
تتوقع تكون قطرية أو سعودية او إماراتية
لا طبعا ..
وكل واحد على حسب تربيته ومعروف إن بعض العائلات العربية
عندهم الرقص عادي ومافيه أي حرج في المطاعم والأماكن العامة...
والبعض منهم ماشاء الله قمة في الإحتشام والإستقامة.. والخوف من الله ...

والله يهدي الجميع لما يحب ويرضى...

[× الجــوري ×]

لاحول ولاقوة الا بالله العلي العظيم :(
ماعتقد بان الجهات المختصه غافله عن مثل هالامور:rolleyes2:

[ريتويت]

كلن بحسب تربيته

[بونووف]

اخر مره دخلت سوق واقف حسيت اني مغترب مع كل هالجنسيات الموجوده

[عوآآآآشـي]

الله يهديهم ان شاء الله

[ماجد البدر]

ماعليج اتصلي 999 واهم بيسنعونهم ماشاء الله عليهم

[R 7 A L]

نصيحه اللي يبي يروح لسوق واقف
يروح الفترة الصباحية
مافية زحمة والمواقف فاضية ولا فية خرابيط
وشكراً

[ولي العهد]

جنسيات عربية يعني غير خليجية
وها الإسم مافيه أي سخرية أو تنابز بالألقاب...
والكل يتداوله من زمان..بالعكس كلمة جنسية عربية
تدعو إلى الفخر والإعتزاز بالعروبة...
فعلا هي مزيج من جنسيات عربية وغير خليجية والكل يشوف ..
ترقص في المطعم وتهز مع زوجها أو أخوها
تتوقع تكون قطرية أو سعودية او إماراتية
لا طبعا ..
وكل واحد على حسب تربيته ومعروف إن بعضالعائلات العربية
عندهم الرقص عادي ومافيه أي حرج في المطاعم والأماكن العامة...
والبعض منهم ماشاء الله قمة في الإحتشام والإستقامة.. والخوف من الله ...

والله يهدي الجميع لما يحب ويرضى...

استفسار بسيط لانه ياتني حكة من بعض فحوى ردج ... (( لا طبعاً )) تقصدين فيها هالمطعم وموضوع الاخ ولا تقصدين بشكل عام لا طبعا مافيه كلش ملش ؟؟ عشان اعرف ارد عليج

[BonBons]

نصيحه اللي يبي يروح لسوق واقف
يروح الفترة الصباحية
مافية زحمة والمواقف فاضية ولا فية خرابيط
وشكراً

بالضبط هذا اللي حاصل
احنامانروح الا الصبح يوم الجمعه او السبت نودي اليهال يستانسون على الحمام والطيور والحيوانات والخيول
نتريق في زيت وزعتر واحنا طالعين
بس المشكله ان المطاعم تكون مصكرة الصبح لكن يقدمون الشيشه للزباين وهم قاعدين بالكوفي شوب
يعني واحد قاعد في كوفي شوب طالب قهوة شوي الا شيشه طالعه من مطعم طجين رايحه له ؟؟

يعني شنسوي مثلا متى نروح ؟ الصبح شيشه وبعد زحمه هالعرب
وبالليل شيشه وزحمه وخرابيط

يعني سوق حلو وتراثي والجو حلو هالفتره ننحرم من الروحه بسبب بعض التصرفات اللي تاثر على شريحه كبيره من المجمتع

[بيانو]

السلام عليكم

انا اجوف الواحد بين دوامه ومجلسه في البيت وزيارة الاقارب ويحاول يدور له واسطه يطلع له عزبه

قريبه من الدوحه يعيش مرتاح ويخلى المجمعات وهالاماكن حق اللي يبي الزحمه ويجرح عيونه بالمناظر

اللي هل قطر اللي فيهم خير مايحبونها ولا يحبون يجوفونها



كلام سليم 100 %

ترى فى ناس من جنسيات اخرى غير قطريه ولكن ماشين على نفس الضرب الصحيح

اما بالنسبه لسوق واقف فعلا كما قال الاعضاء حدث ولا حرج مكان كله دخان وزحمه

مامريت سوق واقف بعد التجديد غير مرتين السادسه صباحا اتريق عند بيروت فى الويك اند مع الاهل فقط لا غير

[king fish]

سوق واقف مكان تجمع الجنسيات العربية وهذا شي معروف ..

انصدم والله لما اروح هناك ..


ليس جنسيات هي جنسيه عربيه وحيده مع نسوانهم بس تروح اي مكان تخليه ..........................

[معماري قطري]

للأسف مكان يعكس المفروض تراثنا وكفايه مشوا فيه جدودنا وتعاملوا كل تعامل طيب ألحين انقلب حق شو بتؤول بدنا نرؤص يا زلمه

[الخزرجي قطر]

لاحول ولا قوة الا بالله
سوق واقف ماركه مسجله عالميا للشيشه وغيره

[الصغيره]

ياليت العربيات اللي بسوق واقف ما يسيئن للقطريات بلبس العبايه

من شافهن من الزوار قال هذولي بنات قطر

عباه وتعري

الله يستر على خلقه

[أم محمد 90]

ياليت العربيات اللي بسوق واقف ما يسيئن للقطريات بلبس العبايه

من شافهن من الزوار قال هذولي بنات قطر

عباه وتعري

الله يستر على خلقه

تعتقدين لو احنا في بلادهم ونلبس مثلهم و(نتحشى مثلهم) ونسوي تصرفات تمس بسمعة بنت بلادهم بيرضون ......................؟

[بوالبيض]

الله المستعان

[رايق البال x]

المسؤولين راضيين للأسف على قولتهم اهم شي يدخل المطعم على راعيه الفلوس
والله اصحاب المطاعم ما سووا جذي الا انهم ماخذين الموافقة وحسبنا الله على من ادخل الفساد في بلادنا ،، والمشكلة ان الجاليات العربية هي اللي بلتنا ...........

[دانة الطواش]

أنا مع الاخ معماري ، سوق واقف للتراث الشعبي مش للهز والرقص ، اتمنى من المسؤولين ردع ها لمجموعة والتحفظ على تقاليدنا وهويتنا في هذا السوق .

[معماري قطري]

جنسيات عربية يعني غير خليجية
وها الإسم مافيه أي سخرية أو تنابز بالألقاب...
والكل يتداوله من زمان..بالعكس كلمة جنسية عربية
تدعو إلى الفخر والإعتزاز بالعروبة...
فعلا هي مزيج من جنسيات عربية وغير خليجية والكل يشوف ..
ترقص في المطعم وتهز مع زوجها أو أخوها
تتوقع تكون قطرية أو سعودية او إماراتية
لا طبعا ..
وكل واحد على حسب تربيته ومعروف إن بعض العائلات العربية
عندهم الرقص عادي ومافيه أي حرج في المطاعم والأماكن العامة...
والبعض منهم ماشاء الله قمة في الإحتشام والإستقامة.. والخوف من الله ...

والله يهدي الجميع لما يحب ويرضى...

عجبتيني بردج اللي يبرد القلب .. الأخ داخل بوز وجايب دليل من القرآن الكريم انا صراحة صدقته بس طلع كلامج صح ومقنع هم اللي لهم الهز.

[abo0o0od QtR]

لا تستغرب يا خوي والمثل المصري يقول الي يبي الدح ما يقول اح

العولمه وما ادارك مما العولمه

انطر 2022 وصدقني بتشوف العجب العجاب

وترى زين انك ما بلغت لانك بتحرج تفسك عالفاضي هالاشياء مسموحه في كل مكان سياحي سوق واقف كتارا الشاليهات وكل مكان سياحي

[abo0o0od QtR]

وردا على موضوع جنسيات عربية

طول ما انه مواليد قطر ما يحصلون شغل ولو حصل شغل يجيه رفض من ادارة العمل

والي يجون من برا قطر ولا يدرون بعاداتها وتقاليدها يتوظف باحسن راتب واعلى بدالات

بتشوف الي شفته واكثر :secret:

[حميداني]

الثقافات والديانات تختلف ما تدري ان راعي المطعم يدري ان هذا الشيء يسبب حساسيه لفئة مجتمعنا المحافظ
الافضل انك ما تدخل وتبلغ العضيد وهم يتصرفون ... اما انت اللهم بلغت , اللهم فاشهد

ان كان مب مصرح لهم الشي الي يسوونه راح يتوقف أسرع من البرق وان كان مصرح من حقك الاستفسار عن سبب التصريح والاعتراض

[king fish]

للأسف مكان يعكس المفروض تراثنا وكفايه مشوا فيه جدودنا وتعاملوا كل تعامل طيب ألحين انقلب حق شو بتؤول بدنا نرؤص يا زلمه

للتصحيح فقط

بدنا نرؤص ياخيي

تقول زلمه للزلمات فقط ماركه مسجله