×××مطعم لؤلؤة الشرق×××

[shgawia]

السلام عليكم ورحمة الله وبركاته

امس قلنا خلنا نغير جو ونروح مطعم لؤلؤة الشرق المهم رحنا المطعم :secret:

اول شي بذكر لكم ايجابياته :nice:

من ناحية المكان فهو قمة في الذوق والروعة الجمالية

من ناحية الموظفين كلهم محترمين ومؤدبين

ثانيا سلبياتة :- :anger1:

نظافة المكان 40%

عدم تنظيم الموظفين للكاستمر والمواعيد 10%

طبعا قلنا على هالزحمة المكان والاكل وااااو قعدنا ننتظر ساعتين ونص ولا دخلنا وتخيلوا الناس اللي بعدنا يجون يدخلونهم لانهم 4 او 3 واحنا بس شخصين

طلبنا الاكل وهو عبارة عن المقبلات : حمص - فتوش - تبولة - مسقعة - شيبس - بطاطا حارة

الطبق الرئيسي : طلبنا طبقين جابوا لنا بس واحد وهو مشاوي مشكلة لشخص واحد

الحلويات : كنافة بالجبنة

المشروبات : سفن اب - غرشة ماي صغيرة - نسكافية حتى فالمعصرة مايبيعونة - قهوه تركية لوعة الله يعز النعمة

طبعا رايي فالاكل 1% تخيلوا لاي درجة من كثر ماهو يلوع الجبد الله يدوم النعمه :eek5:

السعر مبالغ فيه جدا جدا اطلعت الفاتورة 500 وشوي لدرجة الاكل اللي انحط انشال نفس ماهو حتى الجرسون مستغرب ليش ماكلناه صج المكان ماعليه كلام واستراتيجي ولو اكل يستاهل معليه بس وايد اوفر

بس حبيت اعرض لكم تجربتي في هالمطعم وانتظر ارائكم

[Khaled Qatar]

وين مكان المطعم

[هارودز]

مطعم فاشل يعني

[shgawia]

المطعم مكان كبابجي سابقا في الحديقة اللي ورى المتحف القديم

[shgawia]

اي والله فاشل ماتوقعته بصراحة لاويقولون ان الايام الجاية بيسوون اكسترا جارج على الغرف الخاصة والغرف الخاصة عبارة عن مكان مفتوح من الجنبين :) ماعرف اشلون هي خاصة

[كازانوفا]

كمان بصراحه استراتيجي وين الاستعمار عنه
وجدا غاااااااااااااااااااااااااااااااااالي كابتشينو طلع مقلب استغفر الله والتركش كوفي الحساب 70
من باب التجربه وللاسف لازم حجز على ايشششش مش عارفه
واللى جايب الزباين هي الشيشه لا اقل ولا اكثر

[راشد محمد]

من كلامك العيوب اكثر من المزايا

[shgawia]

هاللي شفته

[shgawia]

كمان بصراحه استراتيجي وين الاستعمار عنه
وجدا غاااااااااااااااااااااااااااااااااالي كابتشينو طلع مقلب استغفر الله والتركش كوفي الحساب 70
من باب التجربه وللاسف لازم حجز على ايشششش مش عارفه
واللى جايب الزباين هي الشيشه لا اقل ولا اكثر

مش كابتشينو للاسف نسكافية وجايبين النسكافية والكوفي ميت اللي ينباع في الجمعيات 3in1

والله مهزلة

[lina]

و لو بتزورهم بالنهار وبتقعد بالقسم الاجنبي فوق بييقولون لك ما تقدر تطلب غيز باستا او بيتزا
و حتى سعر البيتزا 90 ريال!!!!!!
والله كتير

[كازانوفا]

و لو بتزورهم بالنهار وبتقعد بالقسم الاجنبي فوق بييقولون لك ما تقدر تطلب غيز باستا او بيتزا
و حتى سعر البيتزا 90 ريال!!!!!!
والله كتير

امحق مطعم :rolleyes2:

[Tiger]

أسعار خيالية
أكل عادي جدا
أروح بوفيه الشيراتون و اكل سي فود يطلع أرخص

[وحيد-الشوق]

على وشو والعالم ضرب نعل وزحمة!!!!!

انا مارحته ولا بروحه ان شاء الله :)

[king fish]

السلام عليكم ورحمة الله وبركاته

امس قلنا خلنا نغير جو ونروح مطعم لؤلؤة الشرق المهم رحنا المطعم :secret:

اول شي بذكر لكم ايجابياته :nice:

من ناحية المكان فهو قمة في الذوق والروعة الجمالية

من ناحية الموظفين كلهم محترمين ومؤدبين

ثانيا سلبياتة :- :anger1:

نظافة المكان 40%

عدم تنظيم الموظفين للكاستمر والمواعيد 10%

طبعا قلنا على هالزحمة المكان والاكل وااااو قعدنا ننتظر ساعتين ونص ولا دخلنا وتخيلوا الناس اللي بعدنا يجون يدخلونهم لانهم 4 او 3 واحنا بس شخصين

طلبنا الاكل وهو عبارة عن المقبلات : حمص - فتوش - تبولة - مسقعة - شيبس - بطاطا حارة

الطبق الرئيسي : طلبنا طبقين جابوا لنا بس واحد وهو مشاوي مشكلة لشخص واحد

الحلويات : كنافة بالجبنة

المشروبات : سفن اب - غرشة ماي صغيرة - نسكافية حتى فالمعصرة مايبيعونة - قهوه تركية لوعة الله يعز النعمة

طبعا رايي فالاكل 1% تخيلوا لاي درجة من كثر ماهو يلوع الجبد الله يدوم النعمه :eek5:

السعر مبالغ فيه جدا جدا اطلعت الفاتورة 500 وشوي لدرجة الاكل اللي انحط انشال نفس ماهو حتى الجرسون مستغرب ليش ماكلناه صج المكان ماعليه كلام واستراتيجي ولو اكل يستاهل معليه بس وايد اوفر

بس حبيت اعرض لكم تجربتي في هالمطعم وانتظر ارائكم



ب 500 ريال بسويلك

20 صحن حمص مقبلات
مسقعه ل 10 اشخاص
مشاوي مشكله كيلو وليس صحن
جاط تبوله ل 5 اشخاص
صحن شيبس
كرتون سفن اب
كرتون ماء

[shgawia]

و لو بتزورهم بالنهار وبتقعد بالقسم الاجنبي فوق بييقولون لك ما تقدر تطلب غيز باستا او بيتزا
و حتى سعر البيتزا 90 ريال!!!!!!
والله كتير

القسم الايطالي يفتح بس بعد الظهر :omen2:

[shgawia]

امحق مطعم :rolleyes2:

:victory:

[shgawia]

أسعار خيالية
أكل عادي جدا
أروح بوفيه الشيراتون و اكل سي فود يطلع أرخص

اي والله صدقت :shy:

[shgawia]

على وشو والعالم ضرب نعل وزحمة!!!!!

انا مارحته ولا بروحه ان شاء الله :)

قالت وحدة من الأخوات عشان الشيشة :anger1:

[shgawia]

ب 500 ريال بسويلك

20 صحن حمص مقبلات
مسقعه ل 10 اشخاص
مشاوي مشكله كيلو وليس صحن
جاط تبوله ل 5 اشخاص
صحن شيبس
كرتون سفن اب
كرتون ماء
:omg::omg::nice:

[عوآآآآشـي]

نفس مطعم شكسبير الاكل الله يزيد النعمه
وغالي

بس ديكوره حلو وراقي

[كازانوفا]

نفس مطعم شكسبير الاكل الله يزيد النعمه
وغالي

بس ديكوره حلو وراقي


يعني الزبون هو اللى قاعد يدفع قيمه الديكور :rolleyes2:

[[DieT]]

المطعم مكانه حلو والقعده حلوه
بس نظامه مب ذاك الزود كانه مطاعم سوريا اللي ع الجبل ، وصادني موقف اول ماقعدت جاب غرشة ماي كبيره وصبها ومحد شرب منه وحطها في الفاتوره وماطلبنا ماي اصلن
وقلت له وتوهق وقال خلاص باشلها من الفاتوره وبدفعها انا قلت له اوكي يبي يحرجني بس معروفه هالحركات. وسعر الغرشة ب 20 ريال مايعجزنا هالمبلغ بس ماعجبني الاسلوب .

[زهرة بنفسجية]

;8694621']المطعم مكانه حلو والقعده حلوه
بس نظامه مب ذاك الزود كانه مطاعم سوريا اللي ع الجبل ، وصادني موقف اول ماقعدت جاب غرشة ماي كبيره وصبها ومحد شرب منه وحطها في الفاتوره وماطلبنا ماي اصلن
وقلت له وتوهق وقال خلاص باشلها من الفاتوره وبدفعها انا قلت له اوكي يبي يحرجني بس معروفه هالحركات. وسعر الغرشة ب 20 ريال مايعجزنا هالمبلغ بس ماعجبني الاسلوب .

حركة الماي هاي في اغلب المطاعم
و اخدينها من مطاعم سوريا
اول شي يجيب الماي و يصب منها

المهم··
المطعم كمكان جدااا راقي و صاحبه على حسب علمي انه سوري
ة عامله على الطراز السوري سواء من الديكورات و المكان و الاطلاله تكون عالبحر
طبعا هذا كله يجذب الزباين
فمن الطبيعي انهم ما يهتموا بالاكل
انا ما زرته لكن قبل ما يفتح رحت شفته صرااحه فخامه و ديكورات تحفه
توقعت انه يكون اسعاره نااار
و توقعت انه اكله ما يناكل
لانه اغلب هالمطاعم تهتم بالمظاهر و بس
لكن مع ذلك بتشوف الزحمه فيه
لانه الناس تحب المظاهر و القعده الحلوة

نتمنى ان نرى مطاعم و اماكن ترفيهيه على طول الكورنيش
قطر ماشالله كلها بحر
ليش ما نشوف مثل هالمشاريع الاستثماريه كثير
و الله حرام قطر بكبرها ما فيها الا كم مطعم عالبحر
و ياريت يسروا الخاطر

[أم محمد 90]

اي مطعم فيه شيشة راح يجذب زباين وهاي شي معروف ..

امم والله كان خاطري اروحه مع هلي بس يوم قلتو فيه شيشة هونت

لان معروف ممنو الناس الي تزوره
نحب العافية ابرك

[الخمسه شموع]

يعني اللي يروح يطلب له عصير

[المستور]

عيل كل هالزحمه عليه ليييييش

[ريتويت]

غريبه؟؟؟

[كازانوفا]

المكان بس يجي وقت المغرب يقلب لدنيا ثانيه من شدة روعته وجمااااااله
بس للاسف الاقبال الكبيرررر كان واضح على الشيشه والاسعارر مبالغ فيها
غرشة الماي ب 20 ريال ليششششششششششش

[وكر الذيب]

الخدمة تعبانة والاكل الله يعز النعمة
المطعم اعطية نسبة 10%

[A bin M]

أكل مثل ايي مطعم لبناني .. بس المكان رائع ..!

[لـؤلـؤة الـخـلـيـج]

عن تجربة شخصية كنت مع صديقاتي وحاجزين بالتليفون لما وصلنا قالوا مافي حجز والي حجزت لكم - مغربية - خلص الشفت حقها وما سجلت اي شي باسمكم المهم حاولوا يطلعون لنا طاوله وتفاجانا ان رتب طاولتين لاصقين في بعض وخلال دقايق جاوا شباب سلموا على الجرسون فجابهم وقعدهم على الطاولة الاولى وجانا قالنا الطاولة جاهزة قمت اطالعه قلت له ان ما تعرف عادات وتقاليد اهل البلاد اشلون تقعد شباب معانا وشنو ردت فعل اي احد يشوفنا واشلون بالاساس بنرضاها قال عاجبكم هاي الموجود مش عاجبكم في الف شخص ينتظر مكانكم طبعا طلعنا والا حتى فيهم احد افتكر يسالنا ليش انقهرت عليهم وحلفت اني ما احط ريلي هناك مره ثانية .:anger1:

[eXpert*]

ما راح يهتم بجودة الأكل طالما أن الشعب القطري حتى لو سمع أن المطعم مب حلو أكله بيروح ياكل ويشوف الديكور ويدفع لمجرد أنا كلت في لؤلؤة الشرق ..

هو خلال هالفترة يهمه يقلل مصاريفه علشان يزيد أرباحه وذلك عن طريق تقليل جودة الطعام ..

بالتوفيق :)

[عيون الدوحة]

مطاعم الدوحة كلها بايخة واسعاهم مبالغ فيها
وش زين مطعم الزرقاء ومطعم حمود

[PGR]

رحت المطعم قبل فتره ,,, المطعم ابصراحة كلش ما ينفع انه بنات محترمات يطبونه لانه كله مسخره واشكال اول مره اشوفها في قطر من كل الانواع ,,, يعني كشباب عادي اتروح لانه مب ضارك شي لكن لو بنت الله يعينها على اللي بيجيها ,, الاسعار والاكل مثل المطاعم الثانيه ماتفرق وايد ,, الاكل مقبول والخدمه عادية

[nokia30]

السلام عليكم يااخواني و انا في ري مطاعم الراقيه واسعارها غاليه بلدنا قطر وذلك عن تجربه انه بس ديكوره حلو وراقي واما الاكل دون المستوي

[دوحة الجميع]

انا رحت المطعم مع ربعي وكنا ظ£ أشخاص وطلبنا عددظ¢ شوربه وعدد ظ¢ صحن مشاوي مشكلة وعدد ظ£ بيبسي و ظ¤ صحون مقبلات مثل الحمص والحمص باللحمه وورق عنب وظ£ حبات كبه مقليه والفاتورة بالنهاية ظ¥ظ¦ظ* ريال تقريباً الشخص الواحد ظ،ظ¨ظ¥ ريال ،،،،
المطعم كله على بعضه غالي ومبالغ في الديكور والخدمة عادية جداً وموظفي الإستقبال سيئين جداً وإزعاج من الموسيقى* ،،، في النهاية مطعم سيء جداً وما أنصح فيه .

[Mohammed2]

أنا مادخلته ولامرة
وشكلي مابدخله كلش من عقب انطباع وردود الاعضاء

وفوق هذا اعرف واحد راح له يذمه ذم

[fhd4]

مارحت المطعم ... لكن كل اللي راحوه قالوا نفس الكلام ...

المكان والديكور فقط ... أما الاكل تعبان ... والخدمة زفت ... والاسعار خيالية ...

يعني المكان ما يسوى ...

[q6ri_vip]

شليت النظر عن أني أروح له حتى لو قعدته أو شيشته حلوه ولو عدل الأستف واكله لجذب الزباين بعد مب رايح له عرفت اهم من اي نوع حط خط عليهم واشتر راحتك

[المحاميه]

نفس مطعم شكسبير الاكل الله يزيد النعمه
وغالي

بس ديكوره حلو وراقي

ماتفق معاج ..

شكسبير الخدمه فيه ممتازه والاكل فيه حلو والمنيو متنوع .. انا عجبني ..


لكن لؤلؤة الشرق محد مدح هالمطعم
والمبلغ مبالغ فيه .. فعلا بوفيه مفتوح في مطعم فايف ستار بيطلع ارخص بعد :secret:

[سالي 123]

انه بعد رحت هاى المطعم الاكل موذاك الزود وصوت الموسيقى عاااالى ومافى خصوصيه الطاولات انه واختى ولد اخوى قعدنا فى طاوله اصغيره حق اربع اشخاص وقعد جنبنا فلبيني ومرته وجنبه قطري ومرته مسافه اصغيره بينه وكل السوالف تنسمع كانه طاوله وحده وريحت الشيشه تجيب الوعه فى كل مكان .

[Qaatar]

بالعربي اقعد بالمكان وادفع اجار القعده والهياط فقط
دام لا اكل ولا خدمه ولا طولات ليش العالم تروحه
مافي غيره؟

[.. الكاش ..]

مطعم فااااااااااشل بمعنى الكلمه بس مكانه رهيب لكن السرفيس تعبااااااااااااااان واتمنى تغيير طاقم الطبخ كله

[التيما]

رحته مره وحلفت يمين مارجع له كلش .. خدمه زفت زفت زفت زفت وتنقع عشان تقعد هذا إذا عبروك أصلا .. وتنقع عشان يجيبون لك الأكل .. وعادي وانت تأكل جرسون يجئ يأخذ شي من الطاولة بدون استئذان .. كراهات عليه من مكان .. لا سنع لا أدب لا ذرابة لا خدمة زينه وفوق هاي كله غااااااالي على ماميش .. مع ان المكان رووووعه صراحة

[بـن عدوان]

محد امدحه يا ريال

[ضوى]

انا رحته باجازة الربيع بالليل مع العايلة الكريمة ، وطبعا لانه معانا صغار حبينا انهم يلعبون في الالعاب الصراحة مكان الالعاب روعة ، ومارضى يدخلهم الا اذا دخلنا وقعدنا وطلبنا وجبنا فاتورة ، امحق خدمة ، المهم طلبنا بيتزيتين واثنني سيزر سالاد ، وباستا ،وريش في المطعم الايطالي طلع ب300 وشوي تقريبا سعر معقول والاكل مقبول ، لكن الشيشة ذبحتنا لا باركت فيهم ولا في مطاعمهم عمى ان شاء الله بكل مكان شيشة المكان المسكر والمفتوح قعدنا فوق بمكان صاد وهادي والحمد لله عدا هاليوم على خير بس استفدنا انه اليهال لعبوا لين 12 بالليل ووايد استانسوا يمكن هالايجابية الوحيدة فيه

[بصمة قطرية]

رحته الإسبوع اللي طاف مع إختي
المكان رهيب بصراحة
بس الشيشة مخربة في كل مكان
رحنا داخل شيشة
طلعنا برع شيشة
قلنا لهم طيب فوق شلون قالوا بعد شيشة
حتى المطعم الإيطالي فيه شيشه ..!! :rolleyes2:

المهم
الخدمة حلوة
الأكل
كل اللي طلبناه
سندويج فلافل و صحن حمص باللحمه و فتوش
و 2 سفن آب
طلع الحساب 150
أحسه غالي
السفن آب الواحد ب 15 ريال ....!!!!!
بصراحة
كرهت المكان بسبب الشيشة اللي تلاقونها في كل مكان
في المطعم..!!

[SOUD.QA]

مطعم مقرف الله يعز النعمه

رحت له مره اللبناني اللي تحت طلبت كبه باللبن لقيت فيها شعر والعيش اللي جاي معاه فيه خيوط خيشة العيش نادوا لي يا زعم مدير المطعم يقول لي خير شو في اقول له شعر خذ صحن الكبه وبعدها تم يقلب فالعيش قال لي هذي خيوط خيشة العيش مو شعر قلت وخير يعني تشوفه نظيف مثلا حد يطبخ العيش مع خيوط خيشته

سوري بجيب لك غيره لا خلاص انسدت نفسي طيب جيب لك اشي تاني لا شكرا مالي نفس


مع اني كنت جوعااااان

:(:(:(

:weeping::weeping::weeping:

لما طلبنا الفاتوره قال لي تراني شليت الطلب من الفاتوره <<<< كان ناوي على زواله لو كان عيش بو خيش موجود

:anger1::anger1::anger1:



المقبلات ماااااااااالحه بحرررررررر من ملوحتها لو شنو ما رجعت لهالمكان مره ثانيه

:anger1:

[Riku3]

رحت من فترة الصباح احجز للدوام واتأكد من الطاولة .. استغربت عدم الاكتراث واللامبالاة في البداية والاعتذار عن قبول الحجز لانهم يحسبوني بسوي حجز عائلي .. ولما اصريت راحت الفلبينية تنادي المدير وسمعتها تقول اسمه وتخبره ان في شخص يبي يسوي حجز .. الا اشوفها جايه تقولي المدير مب موجود ما اقدر اسوي حجز !! .. ولما قتلهم الحجز بإسم الشيخ فلان بن فلان للشركة الفلانية كل واحد ركض بصوب وجاني المسئول وسوولي جولة في المكان >_> ..

وكل ساعة واحد يتصل فيني يأكد وانقلبوا محترمين سبحان الله ..

وبعد الاكل .. الحساب 2900 ريال وشخطت بطاقة الدوام ههههه .. الخدمه كانت جيدة بس يمكن علشان اسم صاحب الحجز .. بس شخصياً شفت وكلت احسن بأقل من نص سعر هالمكان .

[ام راشد 1]

رحت من فترة الصباح احجز للدوام واتأكد من الطاولة .. استغربت عدم الاكتراث واللامبالاة في البداية والاعتذار عن قبول الحجز لانهم يحسبوني بسوي حجز عائلي .. ولما اصريت راحت الفلبينية تنادي المدير وسمعتها تقول اسمه وتخبره ان في شخص يبي يسوي حجز .. الا اشوفها جايه تقولي المدير مب موجود ما اقدر اسوي حجز !! .. ولما قتلهم الحجز بإسم الشيخ فلان بن فلان للشركة الفلانية كل واحد ركض بصوب وجاني المسئول وسوولي جولة في المكان >_> ..

وكل ساعة واحد يتصل فيني يأكد وانقلبوا محترمين سبحان الله ..

وبعد الاكل .. الحساب 2900 ريال وشخطت بطاقة الدوام ههههه .. الخدمه كانت جيدة بس يمكن علشان اسم صاحب الحجز .. بس شخصياً شفت وكلت احسن بأقل من نص سعر هالمكان .

:omg:

[المريخي77]

ادارة عربية فاشله .على المكان الرائع يجب تسليمه شركه عالمية متخصصه في الضيافة

[مرتبش]

انا امر مناك اقول شنو هالمبنى الحلو وتةني عارف انه مطعم وكنت ناوي اجربه عاد الحين وين اجربه عقب كل التعليقات السلبية.

[الامل البعيد]

المطعم مبالغ في اسعاره شندويش شاورما 80 ريال !!!!!!!!

[فرهود]

من الاساس شلون تدخلون مكان فيه الموسيقى بصوت عالي والشيشه واختلاط قبل لاتفكرون بأكلهم زين او مب زين.

[بوخالد911]

ما رحته

وشكرا للنقل

[Journalist]

كل الاماكن الحلوة و المفتوحة مخربة عليها الشيشة

[OREO]

خاطري اروح اشيش عندهم و حبيت اعرف كيف مستوى الشيشة عندهم ؟

[qatarman8008]

اولا: الاسعار هي اسعار المكان والجلسة.. وليس الاكل..
لو عالاكل ما ادفع فيه نص قيمته ..
ثانيا: اللي مقوم شغل المطعم هو الشيشة .. والاشكال الغلط.. الله يعزكم..

[khalifa9090]

والله هالمطعم من عند الباب طلعت والحمدلله اني دريت منكم انه مايستاهل, السبب اني معاي عائلتي واللي شفته دخاخين الشيشه وسط المطعم, شي مقرف ولا ينفع للعائلة وغير صحي للاطفال والاكل نفسه, مستوى هابط ,البلدية المفروض تمنع الشيشة داخل المطعم وتسمح بالخارج فقط ,احنا مش مجبورين على الشيشه ترى ,في دبي تم منع الشيشه منعا باتا داخل أي مبنى او مطعم فقط الجلسات الخارجية.

[Qatar Angel]

اذا لاحظتوا اي سلبيات على اي مطعم الافضل نوصل انتقاداتنا وملاحظاتنا لهم لتحسين الخدمات

[معماري قطري]

يا زين أكل البيت ونظافته

[Charisma]

من اسوأ المطاعم اللي رحتها

تمنيت لو متعشي بمطعم الزرقا ذاك اليوم

رحت المطعم الايطالي فوق والطلب كان بيتزا وباستا وعصير وتراميسو

اولا

الاسعار مبالغ فيها وبشكل خيالي ؟!

ثانيا

الله يعز النعمه لا اطباق تفتح النفس ولا طريقه تقديم تليق بالمكان اطباق عاديه والاكل دون المستوى بالعربي مايناكل


ثالثا

اذن العشا واللاغاني للحين سالت الموظف قبل لاطلع ليش ماتصكون الاغاني قال الكنترول تحت ( هلئ بخبرو ) انا قلت ابنطر اشوف بيصكون الاغاني ولا ... لين نهايه الاذان صكوة شوي وردوا شغلوا

رابعا

ما انصح اي احد بهالمطعم نهائيا

[Alshoog84]

اهم شي ان الحمص ب55 ريال !!!!
ولا حمص بيروت احلى منه بمليون مره !

[captin]

لا شك أن الأسعار مبالغ فيها جدا مقارنة بأي مطعم آخر بالدوحة
وحتى مطاعم الفنادق الراقية .

على سبيل المثال شاي أحمر عادي كوب ماي حار وكيس لبتون
لشخصين بسعر 55 ريال .

الشيء الوحيد اللي يجذب الزبائن حسب اعتقادي هو الشيشة
وجو الأغاني داخل المطعم وكثرة الرايحين الجايين من العرب والسياح
فالمبالغ اللي تندفع مش للأكل بس للأجواء والديكور والسهرات والتمشية.

مطلوب من الجهات المختصة في الدولة وضع تصنيف للمطاعم
وتحديد مستوى أسعار لكل فئة

مثلا فنادق الدرجة الأولى تتراوح اسعار الطعام من كذا الى كذا
مطاعم خارجية درجة الأولى من كذا الى كذا
وطبقا باقي فئات الفنادق والمطاعم بنفس التصنيف الى أن نوصل
الى المطاعم الشعبية في الفرجان.

في هاذي الحالة يضمن الزبون انه فعلا دفع مقابل مستوى ومقابل خدمة .

[qatar_86]

مطعم تعبان سعره غالي واكله قليل وعادي