هيئه الأمر بالمعروف والنهي عن المنكر بقطر

[حمد 2002]

السلام عليكم ورحمه الله وبركاته

هل نحن بقطر محتاجين لهيئة الأمر بالمعروف والنهي عن المنكر نفس ماهو معمول ببعض الدول كالسعوديه مثلا ؟ واذا نحتاجها ليش ماهي الاسباب ؟ واذا مانحتاجها ماهي الاسباب كذلك ؟
تحياتي لكم

[نوار قطر]

والله ياخوي الي بايعها وضارب في راسه الشيطان ولا هو خايف ربه ولا بيحافظ على عمره لو يحطون بدال الهيئه الف هيئه مب راده شي وبيسوي الي يبيه ،،، الرقاابه تبدا من الانسان نفسه رقاابته حق نفسه مب محتاج حد يراقبه ويرده عن فعايله

[الدوحي7]

الله يسمع منك يارب،،

[النهار]

بس انت حط الصلاحيات الممنوحه لهم بعدها نناقش الموضوع

[حمد 2002]

بس انت حط الصلاحيات الممنوحه لهم بعدها نناقش الموضوع

صلاحيات غير محدوده :)

[حمد 2002]

والله ياخوي الي بايعها وضارب في راسه الشيطان ولا هو خايف ربه ولا بيحافظ على عمره لو يحطون بدال الهيئه الف هيئه مب راده شي وبيسوي الي يبيه ،،، الرقاابه تبدا من الانسان نفسه رقاابته حق نفسه مب محتاج حد يراقبه ويرده عن فعايله

بس الهيئه بتظبطهم :)

[حمد 2002]

الله يسمع منك يارب،،

آمين :nice:

[R 7 A L]

كل مجتمع فيه الصالح والطالح
اعتقد لو وزارة الأوقاف تجتهد وتعمل
برامج ودورات ونشاطات بيكون افضل

[نوار قطر]

بس الهيئه بتظبطهم :)

اتهقى بيقدروون عليهم ممم ان شالله ربي يهديهم ويصلحهم

[فيصل الفيصل]

انا ضد هذا
لان الامر بالمعروف والنهي عن المكنر
غير محصور على رجال الدين او الملتزمين
بالعكس لو طبقنها تطوعيا لها مفعول اقوى بس محتاجين توعيه
واذا تم تأسيس الهيئة راح تكثر المشاكل وفئة كبيرة راح تكره رجال الدين

[جفى الجوارح]

ياليت والله

ع الاقل عشان تختفي الاعراس الي في المجمعات والتحرش الي منتشر

[khalid525]

لا ، الشرطة المجتمعية افضل بكثير

[OREO]

الهيئة ما بتكون لها دور في ضل عدم تطبيق بعض مواد الدستور من قِبل الحكومة ،،

فلذا ما أأيد بدخول الهيئة في الوقت الحالي لأن دخولهم بوسط المجتمع بيكون لها اثار سلبية على الملتزمين دينياً ،،

[ms-qtr]

ضد اقامة هيئة نفس السعودية
ولكني مع ان يكون هناك عناصر من الفزعة أو العضيد في كل مجمع تجاري
ليتم ايقاف بعض المتمادين عند حدهم

[ريم 28]

قمة التناقض.

لان بيأمرون وبينهون في اماكن معينه.

وسيتركون الحبل والقارب في اماكن ثانيه.

امور كثيره تحتاج لتغيير من جذورها
وثم نفكر في هيئة الامر بالمعروف والنهي عن المنكر حتى لا يستنكر ما يفعلونه احد.

[التيما]

لامانبي

[الخزرجي قطر]

اعتقد الهيئه بالسعوديه استغلت الصلاحيات الممنوحه لها وتدخلهم في كل شي باسلوب
تم رفضه من قبل المواطنين والمقيمين مما تسبب في وجود تنافر وعدم قبولهم وكان الاولى
ان يتم النصح والتوجيه بالحسنى والكلام الطيب وليس بالقوه والتهديد والوعيد وغيرذلك من
الاساليب المرفوضه حاليا ولكن لاننسى الايجابيات في طبيعة عملهم اذا تم تقنينها ووضع الضوابط
واستخدام الاسلوب والحكمه والموعظه الحسنه والكلام الطيب لكسب ثقة افراد المجتمع والحد من المنكر

[storm..]

ضد اقامة هيئة نفس السعودية
ولكني مع ان يكون هناك عناصر من الفزعة أو العضيد في كل مجمع تجاري
ليتم ايقاف بعض المتمادين عند حدهم


:nice::nice:

[البرشلوني]

ضد الفكرة تماماً، ولو سوو مثل هيئة السعودية باهاجر ثاني يوم..

[قطري بحري]

يا احبتي في الله

لا بد اولا ان يتم تطبيق الشريعة بكاملها

وان تكون هي المصدر الوحيد للتشريع

فعندها ستنتشر العفة وسيتقلص بشكل كبير ما نراه من انحلال

وبدون تطبيق الشرع كيف تحط هيئة اذا الشرع مو مطبق

ولن يكون للهيئة تأثير الا بالسعي اولا لتطبيق الشرع كاملا

فكثير من المؤسسات الرسمية الان مخالفة للشريعة

ولا تلتزم باحكام الشريعة الغراء

فالحل اراه والله اعلم اولا السعي لتطبيق الشريعة

وذلك عن طريق بعض الوسائل المعروفه

حفظكم الله

[الوان]

وين دور الشرطة

وين دورالبلدية و الاوقاف في وضع ضوابط اماكن التجمعات البشرية

مفروض يكون فيه مفتشين يفتشون على هالتجمعات من حيث التزامهم بعادات بلدنا الاسلامية

مثلا انا كنت في محل معروف في اللاند و اذن الظهر ... و الاغاني السخيفة تمت مستمرة مع صوت الاذان ... فكلمت الفلبنيات و الفلبينيين اللي يشتغلون و يتهزهزون مع الموسيقى ... على اساس انه مفروض يسكرون الاغاني ... قالوا فيه حد قاعد يحاول ايسكر ...طبعا ما قدرت استحمل طلعت دخلت المحل اللي حذاه نفس الشي ... من عند الباب طلعت حتى ما حاولت اكلم اللبناني اللي يشتغل ..

لوكان فيه مكتب للبلدية او لاي جهة رسمية ممكن نرجع له ... كنت ممكن رحت لهم و بلغتهم ... بس ؟؟

اما هيئة امر بالمعروف اظن راح تتسلط على القطري و تترك الاجانب على اساس انهم مش مسلمين ...

[حفيد الأنصار]

مابي اتكلم عن محتوى الموضوع لانه شي يخصكم وماقدر ابدئ رايئ فيه
لكن أتمنى محد يتكلم باسم المواطنين والمقيمين بالسعودية ويتهم الهيئة عندنا لاني لاحظت هالشي بالردود ,,
اللي مايبي شررع الله بكيفه وكلن بياخذ جزاااه لكن لايطررح أفكااره علينا ويووفرها له ولبلده ,,
انا يوميا اشووف وأقرأ بالصحف الحالات اللي تنجززها الهيئة وهي أكثر الاجهزة الحكومية فعالية ومساعدة لعمل الخير من محاربة الدعارة والقبض على المروجين واللي يبتزون ويلعبون باعراض البنات ,,
ومعرووف ان الهيئة محاربة ,, لذلك مش اي شي يلفقوونه عليهم معناه صحيح وتصدقوونه ,,
خاصة اذا عررفنا ان فيه بعض الاعلاميين لاتتماشى افكارهم مع ماتقوم به الهيئة ولهم مارب اخرى ,,
ماانكررر ان للهيئة أخطاء ولكن فرردية وقلييييييييلة جدا بالنسبة لايجابياتهم ..

[حمد 2002]

مابي اتكلم عن محتوى الموضوع لانه شي يخصكم وماقدر ابدئ رايئ فيه
لكن أتمنى محد يتكلم باسم المواطنين والمقيمين بالسعودية ويتهم الهيئة عندنا لاني لاحظت هالشي بالردود ,,
اللي مايبي شررع الله بكيفه وكلن بياخذ جزاااه لكن لايطررح أفكااره علينا ويووفرها له ولبلده ,,
انا يوميا اشووف وأقرأ بالصحف الحالات اللي تنجززها الهيئة وهي أكثر الاجهزة الحكومية فعالية ومساعدة لعمل الخير من محاربة الدعارة والقبض على المروجين واللي يبتزون ويلعبون باعراض البنات ,,
ومعرووف ان الهيئة محاربة ,, لذلك مش اي شي يلفقوونه عليهم معناه صحيح وتصدقوونه ,,
خاصة اذا عررفنا ان فيه بعض الاعلاميين لاتتماشى افكارهم مع ماتقوم به الهيئة ولهم مارب اخرى ,,
ماانكررر ان للهيئة أخطاء ولكن فرردية وقلييييييييلة جدا بالنسبة لايجابياتهم ..

رأيك ونحترمه اخووي الحربي ، وياهلا ويامرحبا بك :nice:

[الخــوري]

ماهو معمول ببعض الدول ؟؟؟؟؟؟ كالسعوديه . و ايش الدول الثانيه ياشيخ ؟
هيئة الأمر بالمعروف والنهي = الاسره
سمعته مرة . وكتبها لك .
البيت مثل السفينة و الخروج من البيت اهو البحر .
علم عيالك شلون يسبحون في البحر و يرجعون لسفينه مرة ثانية .( والمعنى بين السطور )

[بزنس كاتس]

الهيئة بتكون خطوة كبيرة باتجاه تطبيق الشريعة والصراحة بتكون نعمة كبيرة علينا مع اللي صاير فقطر هالجم سنة ! ):
الله يرزقنا اياها او اي شي مشابه له ويصلح لنا قطر ويدحر الفاسدين

جزاك الله خير

وين نوقع عشان نصوت خخخ

[قوت القلوب]

هيئة الامر بالمعروف والنهي عن المنكر

والمراقص والخمور فالفنادق شغاله !!!!!!!

قمة التناقض بيكون ،

[MAZEN37]

خل يطلع صوت الصلاه بالمساجد اول

[حمد 2002]

سمعنا عن العوين ولا جفنا منه شيء وسمعنا عن حمايه المستهلك ولا جفنا منها شي ، للاسف هناك الكثير من الاجهزه بالدوله بحاجه الى اعاده نظر بصلاحياتها

[حميداني]

بتستوي فوضى فحتى المقصرين ما راح يرحبون بفكرة انه رجل غريب جذي يدرعم على هله ينصح فيهم
او سوالف الحقني والحقك وهالمطاردات الي ما لها داعي أبد

طبعاً الهيئه الامر بالمعروف والنهي عن المنكر في السعوديه انجازاتهم ملحوظه وجزاهم الله خير على كثير من الاعمال الي يقومون فيها والملاحظ انهم كثير ما يسدون على تقصير الجهات الامنيه الثانيه
ويمسكون المواضيع حتى الحساسه منها ومساعداتهم للمدمنين ومشاكل التهديدات والسحر وغيره
شي ما عليه كلام وجزاهم ربي ألف خير

بس اعيبهم فشي والي هو مسبب هالمشاكل كلها من وجهة نطري والي هو الامر والنهي في أمور
فيها خلاف بين الناس من المتجه الشرعي فيها من الاغاني والتدخين وغيرها وشكل الشعر واللبس وغيرهم
لا ننسى اننا دوله سياحيه وفيه كثار من الديانات والاديان والافكار والاتجاهات فان مسكت جهه وتركو الاخرى
شوف العصبيه كيف بتحل بين الناس وكيف البعض بيحقن على اشياء كثيره

النفوس طيبه على رجال الدين و( هالبعض ) من ما يستعمل سلطته بالطريقه الصحيحه تجعل صورة المتدينين بصوره غير طيبه .... الحين من عادي وغير متدين ظاهرياً
الاغلبيه يحب هذا الشخص الي تشوفه مطوع وملحي ويحس انه يحاول قد ما يقدر يطيع ربه
لكن بكره بتتكون عداوات وكره لما يجي واحد يتكلم في امور مختلف فيها ويقعد يتدخل في امور غير مباشره في الشرع ويتعدى على خصوصيات الناس واختياراتهم بحياتهم الخاصه الي ماتضر غيرهم

مع الاخ الي قال الامر بالمعروف والنهي عن المنكر مش مسؤولية جهه حكوميه
هي مسؤولية كل شخص مسلم مقتدر , فيا بنت ان شفتي ارفيجتج ما فيها شي اتكلمينها على جنب
وتنصحينها نصيحه من قلب محب وكفي ان عرفتي ان الفكره اوصلت لها

نفس الكلام للشباب وان شفتو شي خارج عن استطاعتكم عندكم العضيد

غير أول شي خل القضاء عندنا يتحول شرعي ان شاءالله بعدين نتعمق وانشوف شسالفه
مع الشباب الي قالو ان الوظيفيه تعليميه وتوعيه وتوجيه للمجتمع بالنصيحه وهذي وظيفة وزارة الاوقاف

جداً ما عجبني منظر شيخ يمشي بمجمع ومعه شرطيين بفيديو شفته على اليوتيوب
حسيت فيها لفت نظر لهذا الشاب واحراج , ما حبيت المنظر واعتبرته فيه اعتداء على الخصوصيه

من صوبي ما راح احب اشوف مواجهات مع اللي مثلاً لابس له برمودا ولا البنت الي ام نص شيله هذي
أفضل اعطاءهم ملصقات او سيديات مع ابتسامه طيبه , شي يوصل الفكره باحترام

مثل الغطاس , ان خليته يكتم النفس تحت الماي
ما يمديه يطلع بسرعه وهو منفجر

ما نبي نضغط على العيال علشان يجون بكره يفجرون الضغط وزياده برى
بالتصرف الحكيم والاحترام واللباقه كل شي يصير ان شاءالله
بين عيونا والنفسيه طيبه كل شي بالتفاهم يصير , اما بالعناد والتحدي والتسلط على الناس
فتعال رقع الي بيستوي والله يصلح الحال

[ريتويت]

نتمني اكيد

[ابن الجزيرة]

الهيئة اصبحت عبيء على السعودية وتريد ان تتخلص منها

والعجيب ان هناك من يطالب بتطبيق نهج الهيئة الفاشل في السعودية هنا في قطر

اجهزة الدولة موجودة ...والقانون موجود فقط ينبغي تفعيل بعض الاجهزة مثل العضيد وغيره