المستشفى الاهلي يرفع الاسعار من ٣٠٠ الي ٥٠٠

[meme_222]

قبل كم يوم رحت طوارئ الاهلي و تفاجات ان سعر الكشف ٥٠٠ انا اذكر انها ٣٠٠ و يوم سالت الموظف قالي توهم زايدين الاسعار كلها من بداية السنة ...


السؤال وينكم يا حماية المستهلك

.

[النهار]

300 ريال ونقول واجد والحين 500 والله حرام مايصير
وين وزارة الصحه

[cavok]

ولين الحين ما شفتو شئ من الأهلي

[captin]

لا حسيب ولا رقيب

شركة وتبي تربح
وتترس جيوب الملاك

[كازانوفا]

شركة تجاريه بحتتتتتتتتتتتتتتتتته لا بارك الله في الطمع

[رجل الجزيرة]

روحوا وإشتكوا بدل ما تكتبون.

[airbus]

اوف 500 ربي يكون في العون الي ماعنده تأمين صحي

[خالد العمادي]

بكل بساطه المستشفى الأهلي رفعوا أسعارهم في هذه الفتره بالذات لأن التأمين الصحي سيكون خلال شهرين تقريبا من الأن وطبعا هم رفعوا السعر لكي يخفضوه مره أخرى لشركات التأمين لأن شركات التأمين لهم سعر خاص يختلف عن سعر الأفراد وبهذا سيرجع السعر كما كان عند تطبيق التأمين الصحي والمستشفى سيحافظ على أسعاره كما كانت ولن يخسر عند التخفيض لشركات التأمين

[Realestate]

الأهلي دوم يرفعون أسعارهم
و ياخذون على كل حركة يسووها
من دون تأمين صحي بتطلع من عندهم دافع بالألوف

[بونـ ايف]

للعلم وموظفينهم يستلمون اقل روااتب

[المستور]

المستشفى الاهلي مبالغ كثير باسعاره ...

[ww1000000]

المستشفى مجرد مكان وليس أداء دكاترتهم الله بالخير

[السليطي]

هل جربت بتقديم شكوي علي حماية المستهلك علي هاتف : 8005000

[حميداني]

.... بل
نصب عيني عينك

[ريتويت]

لا حسيب ولا رقيب

[السليطي]

جزء كثير من الاماكن ترفع والسبب المستهلك لانه لايقوم باي اجراء ضدهم
خل صاحب الموضوع يرفع شكوي رسمية لحماية المستهلك ونشوف ردة فعلهم

[كازانوفا]

للاسف بس نسمع شكاوي
ولو حد فيهم قدم شكوى واجاه الرد ما يخبرنااااا
ايش الفايده ؟؟؟

[السليطي]

للاسف بس نسمع شكاوي
ولو حد فيهم قدم شكوى واجاه الرد ما يخبرنااااا
ايش الفايده ؟؟؟

هذا جزء من مشكلتنا المستهلك لايعرف حقوقه ولايتواصل مع من بيده القرار
كل الي يسير فضفضه وبس ..

من كم يوم واحد اعرفه دخل حلاق لم يجد عنده لوحة اسعار ( طلب منه يجرب الاتصال في حماية المستهلك ) اتصل يقول بعد اسبوع دخل الحلاق ولايشوف معلق لوحة الاسعار ولا بالخطاء الي يخيلك من مسافه تشوفه :victory:

[أم خـالد]

و ازيدكم الغرفه في اليوم من 1500 لــ 3000 توني رايحه من 3 ايام :)

[OREO]

و ازيدكم الغرفه في اليوم من 1500 لــ 3000 توني رايحه من 3 ايام :)

من يومين ولدي كان مرقد في الاهلي و الغرفة كلفتني ٩٠٠ ريال قطري لكل ليلة ،،

[بونووف]

من واقع تجربتين مستشفى الاهلي يدور الفلوس فقط لا غير خصوصا اذا عندكم تامين صحي

اول تجربه زوجتي كانت حامل في الشهر الخامس وحبينا نتطمن على وضع الجنين قبل لا نسافر .. الا تقولنا الدكتوره انه المشيمه نازله وايد وممكن يأدي الى سقوط الجنين وقالت لازم نسوي منظار بأسرع وقت احنا انصدمنا لانه قبلها بأسبوعين كنا عند عيادة الدوحه وماقالوا لنا شي .. وعقبها بيومين رحنا عيادة الدوحه قالت لنا انه المشيمه مكانها طبيعي وورتنا اياه وقالت تقدرون تسافرون...

ثاني تجربه قبل يومين وديت بنتي المستشفى لانه طلعت لها دمله وشيكت عليها الدكتوره وقالت لازم تترقد لمدة يومين ونعطيها مغذي ومضاد حيوي عن طريق الوريد ولازم نسوي فحص ونزرع الدم والغي اللي راح يطلع من الحبه والبنت عمرها 5 شهور شنو خرعونا وقالت بنستشير دكتور ثاني وجا قالنا نفس الكلام وانه هاي التهاب ... والمهم البنت كان عندها تطعيم في المركز الصحي الدكتور شاف الحبه وبطها من غير لانقوله شي قال خلاص خلال يومين راح تطيب لاتكبرون الموضوع وانه الحبه تطلع حق اغلب اليهال عادي

بعد هالسالفتين عرفت انه المستشفى الاهلي مايبي غير الفلوس

وقبل 3 سنين وحده من اهل المره ربت عندهم وحالة الجنين تدهورت وماكانت عندهم الاجهزه المطلوبه قاموا طرشوا الجنين لمستشفى حمد يراقبون حالته الصحيه

[كازانوفا]

من يومين ولدي كان مرقد في الاهلي و الغرفة كلفتني ٩٠٠ ريال قطري لكل ليلة ،،

مني منك بحجز بالشيراتون وبونس عمري :nice:

[كازانوفا]

من واقع تجربتين مستشفى الاهلي يدور الفلوس فقط لا غير خصوصا اذا عندكم تامين صحي

اول تجربه زوجتي كانت حامل في الشهر الخامس وحبينا نتطمن على وضع الجنين قبل لا نسافر .. الا تقولنا الدكتوره انه المشيمه نازله وايد وممكن يأدي الى سقوط الجنين وقالت لازم نسوي منظار بأسرع وقت احنا انصدمنا لانه قبلها بأسبوعين كنا عند عيادة الدوحه وماقالوا لنا شي .. وعقبها بيومين رحنا عيادة الدوحه قالت لنا انه المشيمه مكانها طبيعي وورتنا اياه وقالت تقدرون تسافرون...

ثاني تجربه قبل يومين وديت بنتي المستشفى لانه طلعت لها دمله وشيكت عليها الدكتوره وقالت لازم تترقد لمدة يومين ونعطيها مغذي ومضاد حيوي عن طريق الوريد ولازم نسوي فحص ونزرع الدم والغي اللي راح يطلع من الحبه والبنت عمرها 5 شهور شنو خرعونا وقالت بنستشير دكتور ثاني وجا قالنا نفس الكلام وانه هاي التهاب ... والمهم البنت كان عندها تطعيم في المركز الصحي الدكتور شاف الحبه وبطها من غير لانقوله شي قال خلاص خلال يومين راح تطيب لاتكبرون الموضوع وانه الحبه تطلع حق اغلب اليهال عادي

بعد هالسالفتين عرفت انه المستشفى الاهلي مايبي غير الفلوس

وقبل 3 سنين وحده من اهل المره ربت عندهم وحالة الجنين تدهورت وماكانت عندهم الاجهزه المطلوبه قاموا طرشوا الجنين لمستشفى حمد يراقبون حالته الصحيه




حسبنا الله ونعم الوكيل فيهم

[qatar_86]

انا اقول المركز الصحي الحكومي زين

[boahmed]

يطلبون فحوصات ما لها لازم

[S.T.Y.L.E]

على اساس ان مستشفى زين !!
والله اني سويت عمليتين عندهم ولين الحين مب مترقع
الاولى سواها وفنفس الاسبوع قالي ها نسيت وسوى الثانيه
وبعد مب مترقع

حسبيالله ونعم الوكيل فيهم

[ww1000000]

مستشفى زباله
الله يعز القارء

[moaamal]

مشكلتي مع الاهلي رحت بمشكلة خرجت بمشكلة اكبر.
بصراحة، هي بحاجة لمدير طبي مناسب ويكون كفؤ بغض النظر عن جنسيته، واذا كان متوقف من قبل وزارة الصحة عن العمل الطبي كيف يبقى مدير طبي، لا اعلم!!!!!!

[أم علي 2010]

مشكلتي مع الاهلي رحت بمشكلة خرجت بمشكلة اكبر.
بصراحة، هي بحاجة لمدير طبي مناسب ويكون كفؤ بغض النظر عن جنسيته، واذا كان متوقف من قبل وزارة الصحة عن العمل الطبي كيف يبقى مدير طبي، لا اعلم!!!!!!

انا مب بس كلمت المدير الطبي إلا التنفيذي ،،،

ولا يدري وين الله قاطه !!! المستشفى محتاج ناس تنزل تشوف شاللي صار مب مكتب مسكر و منعزل

[فانيلا روز]

عشان التامين

[Mercedece]

حتى العيادات الخاصه رفعت الاسعار من قبل مثل الكيالي مع انه دكتور ممتاز لكن اسعاره غاليه

[عنيــــد]

عليكم بالمستشفيات الحكومية ،،

افضل الف مره من المستشفيات الخاصة ،، هدفها تجاري بحت و نصب و بس تدخل يسوون لك حفله و لو ان الموضوع بسيط ،،

مع انه عندي تأمين صحي لكن تعاملت مع الاهلي مرتين و حرمت ادخل لهم مره ثانيه ،،

بعض العيادات الخاصة ممتازة اما غيرها خلك في الحكومي ابرك

[الوليد1]

وزارة الصحة عارفة الموضوع من زمان وساكتة

أصلا مايقدرون يرفعون الأسعار إلا بموافقة الوزارة

ولمصلحة من الوزارة وافقت؟؟!!

[بوخالد911]

بلغتوا حماية المستهلك؟!

[التأمل]

اوف 500 ربي يكون في العون الي ماعنده تأمين صحي

اخوي
اغلب شركات التأمين أوقفت التعامل مع مستشفي الاهلي
أنا عندي تأمين الكوت ( اكسا ) والتأمين حقنا اوقف التأمين مع مستشفي الاهلي
وعند زوجتي تأمين ( سيب ) ايضا اوقفوا التعامل مع الاهلي
وعند صاحبي قطر للتأمين كمان اوقفوا التعامل مع الاهلي
وكل الشركات اوقفوا التعامل مع الاهلي لنفس السبب لانهم غلوا عليهم الاسعار
وقالوا لنا اذا بدك تروح مستشفي الاهلي تدفع الفاتورة كلها
وبعدين هم يسددوا لك جزء من الفاتوره
حسبي الله عليهم

[تلتوله]

من قال انه الااكسا وقفت تعامل مع الاهلي
للحين تتعامل معاهم وانا واعيالي وزوجي على تامين الااكسا ونتعالج في مستشفى الاهلي وكل شي تمام امس ماخذه ولدي للاهلي
وتقريبا اكثر مستشفيات وعيادات الي بقطر تتعامل مع الااكسا

[بونووف]

انا مع قطر للتأمين ... مع شهر 8 نزلوا قوانين جديده ومنها .. التأمين يغطي فقط 20% مع مستشفى الاهلي اما باقي المستشفيات تغطيه شامله

لي رد قبل عن هالمستشفى اللي يدور على الماده قبل اي شي ثاني

[راشد محمد]

تجاااااااااريين

[هامور البورصة]

عليكم ب نسيم الربيع ، الكشف ب 50 ودكاترة هنود وفاهمين ، ولدي كان تعبان .... وديته للاهلي ، كل انواع التحاليل والفحوصات سووها لدرجة انهم حسسوني ان الولد بيروح مني ، اخرتها نقص حديد وماطلعوا بها النتيجة الا بعد ماشفطوا كم الف بس اقول الحمد لله انها على التامين

[حبوب1]

حتى الصحه اصبحت تجاره للاسف

[qatari2012]

حسبي الله ونعم الوكيل
عشان التأمين واللي ما عنده شنهو وضعه

[ya3coub]

ترى حتى الي عنده تئمين يدفع 50% كل الي يعندهم تئمين يعرفون هالشي

لأن المستشفى ارفعت اسعارها حتى على التئمين

الحين التئمين يغطي 50% فقط و الباقي على المريض