المساعد الشخصي الرقمي

مشاهدة النسخة كاملة : درج دائري والمشكله


بوسنافي
28-01-2013, 12:04 PM
السلام عليكم
مشكلتي بختصار اني كنت بشتري بورسلان لدرج .بس في نقطه نبهني عليها العامل ان تقطيع البورسلان لدرج يبيله واحد شاطر ولازم ازيد في الكميات عشان احتماليه انه القص مايضبط .وبسبب هالمشكله نصحني اشتري رخام لسهوله قصه وتكون درجه لونه قريبه من الارضيه .
فياليت الاي عنده خبره او مرت عليه مشكله نفسها ينصحنا كيف قدر يحلها و ايش افضل نوع لرخام لدرج.

ويعطيكم العافيه
بن غيث
28-01-2013, 12:16 PM
جزاه الله خير العامل انه نبهك !! .. و .. انصحك .. !!

والله يكون في عونك اخوي .. :)
بوسنافي
28-01-2013, 01:10 PM
الله يجزاك خير
MAZEN37
28-01-2013, 01:37 PM
كيف بتشتري بورسلان لدرج طوله اقل شيء متر وعشرين
بتركب وصلات بالدرج او في خاص للدرج ؟
وطن
28-01-2013, 01:54 PM
ركب رخام أو غرانيت أفضل

عشان ما يكون فيه وصلات خصوصا انه درج دائري
معماري قطري
28-01-2013, 02:39 PM
كيف بتشتري بورسلان لدرج طوله اقل شيء متر وعشرين
بتركب وصلات بالدرج او في خاص للدرج ؟

إذا عرض متر وعشرين ما عندك مشكلة فيه بورسلان إيطالي عند العمودي متر وعشرين في 60 سم يعني الحبة الوحده تكفي عتبتين وواجهة العتبة يقدر كاتب الموضوع يحط بورسلان لون غير أو حتى قطع بلاط مزخرف.

والوصلات يقدرون يقصونها بالواتر جت حسب الرغبة والشكل وتتركب زيرو جوينت.

إذا عرض العتبة أكثر من متر وعشرين ممكن تركب حواف حتى بلون غير أو قطع رخام أو غرانيت لون مختلف تعطي فخامة الرخام في الأطراف وتكون خلفية لعمدان الدرابزين وفي الوسط يجي البورسلان .. والإيطالي يجي سميك ومصقول ولا يتغير .. بس الحواف يبي لها شطف وتنعمل دائرية في ورشة رخام.

استعرضنا صور لهذي التشكيلات وباحاول أحطها مره ثانية.
معماري قطري
28-01-2013, 02:51 PM
مثل هذا المبدأ أقصد .. وقطعة بسطة الدرج ممكن يكون طرفها بارز شوي وجاي عبارة عن قطعتين بورسلان ملزقين ومبرومين بحيث تبين من الطرف أعرض وتعطي فخامة، وممكن وضع القطعة القائمة .. واللي هي واجهة العتبة بطريقة مايلة شوي بحيث الواحد وهو راكب ما تضرب في طرف القدم من جدام.


http://im34.gulfup.com/9tH31.bmp (http://www.gulfup.com/?YCCo06)

http://im19.gulfup.com/b5Ox1.bmp (http://www.gulfup.com/?jE4K27)
Chambray
28-01-2013, 07:35 PM
اخوي خل العامل ياخذ لك ( طبعة الدرج ) بالخشب البليوت

ووده اي محل ررخام ويقصه على حسب الطبعه الي سواها العامل

وبالتوفيق
نوت
28-01-2013, 08:20 PM
اخوي خل العامل ياخذ لك ( طبعة الدرج ) بالخشب البليوت

ووده اي محل ررخام ويقصه على حسب الطبعه الي سواها العامل

وبالتوفيق

الرخام وبس الأحلى ؤالأقوى ؤالأفخم ثم الجرانئت