أبي أسوي عقد إيجار محل وإجراءات السجل التجاري جديد وما خلص ؟

[المـــــ$$$ـــــتثمر]

السلام عليكم ورحمة الله وبركاتة ,,,,

ما خاب من إستشار ,,
أبي أخذ شوركم ,, ومن أهل الخبرة ,,, :ok2:

قدمة على السجل التجاري ويحتاج تقريباً 10 أيام عمل (بسبب بعض التراخيص موافقتها تتم من جهات مختلفة) ,,, يعني الموضوع يبيلة شوية وقت ,,,

للعلم :
المحل التجاري الي لقيتة ,,, اتفقت مع المكتب المسؤول عن المحل أني راح أخلص معاهم
صاحب المحل القديم طالب خلو ,,,, مبلغ وقدرة ,,,
على شرط أن صاحب العمارة لن يقوم برفع الإيجار بعد أن اتعاقد معهم (هل يذكر في العقد قبل تسليم الخلو ..؟؟؟؟؟؟)
ذكرت للمكتب أن السجل يحتاج وقت ,,, قالي : عادي جيب شيكات شخصية ,, ونكتب العقد ,,, بعدين خذ راحتك لين تخلص السجل ,,,

؟؟؟؟؟؟ طيب العقد موب مفروض انه يسجل بأسم المحل ؟؟؟؟؟؟؟؟؟ إستفهام

وشلون بيصير العقد ,,,,,:deal:


الموضوع كلة حاب أتأكد من الناس إلي عندهم خبرة ,,,, :omen2:

هل الموضوع ماشي صح ولا في شغلات يمكن ما تخطر ببالي ؟ :eek5:


لاحد يبخل علينا (( escape ))

تمنياتي للجميع بالتوفيق ,,,,,

[IT Engineer]

يالغالي شلون بيسجل العقد وللحين سجلك ما خلص ثانيا لازم تذكر في العقد ان الايجار يكون نفسه لانه الا بياخذ الخلو مو مشكلته لان اول ما عطيته الفلوس طلع من السالفة بس بالنسبة للعقد تاكد مع المكتب مرة ثانيه وقوله شلون بتسجل العقد وباسم من وبالتوفيق من الرب العالمين

[captin]

مرحبا الأخ المستثمر

الله يوفق لك في نشاطك التجاري

أولا :

انصحك تخلص وتستخرج سجلك التجاري ولا تستعجل توقع على عقد الإيجار
ربما تحدث ظروف تخليك ما تمشي في استخراج السجل التجاري لسبب او لآخر بعدين
يصير عليك إلتزام بإيجار المحل.

ثانيا :

بالنسبة للخلو إذا أنت راضي بمبلغ الخلو ومقتنع فيتم دفعه بشيك وتحصيل إيصال رسمي من المستفيد ويذكر فيه المبلغ بالحروف و( الأرقام) ويذكر انه مقابل خلو محل كذا لأن هذا المبلغ يعتبر من مصروفات النشاط اللي انت مقبل عليه ولازم يبين عندك كمصروف خلال السنة الأولى في ميزانية الشركة. وأيضا انصحك لاتدفع الخلو إلا بعد صدور السجل التجاري.

ثالثا :

فيما يتعلق بأن مالك العمارة ماراح يرفع الإيجار هذا لازم ينذكر صراحة في العقد
فإذا ناوي تسوي العقد لمدة 3 سنوات مثلا تذكر فيه أن الأجرة ثابتة طيلة مدة العقد وتسلم الشيكات عن كامل المدة حتى ما تخلي لصاحب العقار ثغرة يستغلها ويقول انك ما دفعت الأجرة وبالتالي يا يطالب بإخلاء المحل أو يساومك على رفع الأجرة.
وإلا فإن صاحب العقار التجاري له الحق حسب القانون برفع نسبة 10% عند التجديد.
فالأفضل أنك تثبت القيمة وتكون مدة العقد طويلة عشان تكون مرتاح في تجارتك وما تضطر بعد فترة تزيد الإيجار أو تغير مكان نشاطك وهذا متعب ومزعج لك.

بالتوفيق إن شاء الله .

[Bo AbduRhman]

السلام عليكم ورحمة الله وبركاتة ,,,,

ما خاب من إستشار ,,
أبي أخذ شوركم ,, ومن أهل الخبرة ,,, :ok2:

قدمة على السجل التجاري ويحتاج تقريباً 10 أيام عمل (بسبب بعض التراخيص موافقتها تتم من جهات مختلفة) ,,, يعني الموضوع يبيلة شوية وقت ,,,

للعلم :
المحل التجاري الي لقيتة ,,, اتفقت مع المكتب المسؤول عن المحل أني راح أخلص معاهم
صاحب المحل القديم طالب خلو ,,,, مبلغ وقدرة ,,,
على شرط أن صاحب العمارة لن يقوم برفع الإيجار بعد أن اتعاقد معهم (هل يذكر في العقد قبل تسليم الخلو ..؟؟؟؟؟؟)
ذكرت للمكتب أن السجل يحتاج وقت ,,, قالي : عادي جيب شيكات شخصية ,, ونكتب العقد ,,, بعدين خذ راحتك لين تخلص السجل ,,,

؟؟؟؟؟؟ طيب العقد موب مفروض انه يسجل بأسم المحل ؟؟؟؟؟؟؟؟؟ إستفهام

وشلون بيصير العقد ,,,,,:deal:


الموضوع كلة حاب أتأكد من الناس إلي عندهم خبرة ,,,, :omen2:

هل الموضوع ماشي صح ولا في شغلات يمكن ما تخطر ببالي ؟ :eek5:


لاحد يبخل علينا (( escape ))

تمنياتي للجميع بالتوفيق ,,,,,






،
.

وعليكم السلام ورحمة الله وبركاته

بالتوفيق اخوي المـــــ$$$ـــــتثمر

عشان تستأجر محل او مكتب لازم تدفع شيكات

وعشان يكون عندك شيكات باسم الشركة لازم يكون عندك حساب مفعل في البنك

وعشان يكون عندك حساب في البنك باسم الشركة لازم تطلع السجل و الرخصة

وعشان تطلع الرخصة التجارية لازم تستأجر !!

اذا الشركة ذات الشخص الواحد او مؤسسة ممكن يكون العقد شخصي باسم المالك

وحتى لو كانت شركة وفيها عدة شركاء ممكن يكون العقد شخصي

باسم واحد من الشركاء بس تاكد من هذي النقطة

بالنسبة لاحتمال رفع الايجار من قبل المالك ممكن تتاكد بسؤال

الادارة المسؤلة عن تاجير المكتب او المحل

وممكن تسألهم عن امكانية استبدال الشيكات الشخصية المتبقية بشيكات الشركة في المستقبل

بس تأكد من توافر كافة الشروط الخاصة بالسلامة الي يشترطها الدفاع المدني

لانهم بيحددون موعد للمعاينة واذا في شي ناقص تنتظر الموعد الجاي

هذا الي في بالي حاليا

ولأي استفسارات ثانية احنا حاضرين و بالخدمة :)

.
.

[المـــــ$$$ـــــتثمر]

IT Engineer
captin
Bo AbduRhman

الله يرحم والديكم وجميع المسلمين ,,
ويجزيكم ألف خير ,,,

بيض الله وجهكم ,,,,

إي والله !!! ليش العجلة ,,,,

تحياتي لكم جميعاً ,,, وبالتوفيق إن شاء الله للجميع ,,,,

[الخزرجي قطر]

الله يوفقك ان شاءالله ماقصروا الاعضاء في الرد

[كتكوت الوحش]

بالتوفيق انشالله

[الشوره]

موفق ان شاء الله