سبب عدم زيادة الضمان الاجتماعي

[بوالعنود.]

السلام عليكم ورحمة الله وبركاتة أسعد الله صباحكم
عندي موضوع ابي اطرحه عليكم واخذ رايكم فيه الي هو اسباب عدم زيادة منتفعي الضمان الاجتماعي من الزيادة 60%التي صرفت لجميع الموظفين في قطر،ومنتفعي الضمان هم شياب هل قطر وامهاتنا الكبار والمطلقات والارامل مع العلم ان المبلغ الي يصرف لهم تقريبا من 2500 الى 3500 وانا من وجهة نظري هم اكبر شريحة في المجتمع يستحقون الزيادة في رواتبهم 400% أو اكثر لانه اذا زادوهم 60% ماتعتبر زيادة كافيه لهم فالوقت الحالي نظراً لغلاء المعيشة ومع تدني رواتبهم فالاصل .

وشكراً

[غير البشر]

السبب انها تصرف للي حالتهم الماديه ضعيفه
وكل المسئولين حالتهم زينه
من جذي للأسف محد ملتفت لهم لانهم غير مستفيدين

[الغريب70]

صبر جميل والله المستعان.
والله ياخوي بوالعنود عجزنا واحنا ننطر ولكن مالنا الا رحمة رب العالمين اولا واخيرا,
وللامانة كان عندي من فترة بسيطة مندوب من خدمة امرني علشان يخلص لي بعض الاجراءات وسألته عن الزيادة وقلت له شكلنا مالنا زيادة ..رد علي وقالي لا فية ..قلت اكيد ولا لا ..قال اكيد ..قلت متى ..قال قريب.
وهذا احنا ناطرين .
وجزاك الله خير على الموضوع واهتمامك

[حمد 2002]

يستاهلون كل خير هل قطر وانشاءالله يزيدونهم بأبوظبي ماتقل مساعداتهم لأهل الشؤون عن 8 الاف ريال شهريا

[بوالعنود.]

الله المستعان ويجزاكم خير ع المشاراكات

[بوعلي2]

الله يقدم الخير

[راشد محمد]

الله يعوضهم خير..اتوقع بتجيهم زيادة بس متى الله اعلم

[مستجدة]

والله يابو العنود انبح صوتنا ونحن نطالب صار لي سنه وانا شانه حملة من اجل الامهات والاخوات اهل الشؤون لكن المسؤولين عمك اصمخ
كل اهل قطر عندها خبر في وضع هالفئات المحزن معقوله ماوصلت ولي الامر ....؟

الله يفرجها لهم صار لنا اكثر من سنه الان ونحن نسمع قريب بزيدونهم !!!!

مادري متى هالقريب في نظر هالمسؤولين

[ابوحشر]

انا عندي اخوي معاق يتقاضى 3500 ريال شؤؤن وعنده اربع عيال

بالله قولو لي ش تسوي !!!!!!

مسكنه معاي واصرف عليه مع عياله ، ماله الا الله الاول ثم انا

[خليفة77]

الله كريم ان شاء الله .

[بصمة قطرية]

انا عندي اخوي معاق يتقاضى 3500 ريال شؤؤن وعنده اربع عيال

بالله قولو لي ش تسوي !!!!!!

مسكنه معاي واصرف عليه مع عياله ، ماله الا الله الاول ثم انا

الله يطول بعمرك و يخليك لأخوك و هلك ..
مأجور إن شاء الله ..
مثل ما قلت ما لهم غير الله ..
الحمدلله إن الرزق بيد رب العالمين
و بإذن الله بجيهم الزيادة قريب
نتأمل خير ..
الله يلطف بحالهم ( الفئة المنسية ) ..

[ام_عيالي]

اليوم 1 في الشهر والله مابقى من الشؤن غير 700 ريال بالله هذي شتسوي في 27 يوم جايات بس ما اقول غير صبر جميل والله المستعان

[Northqatar]

السلام عليكم ورحمة الله وبركاتة أسعد الله صباحكم
عندي موضوع ابي اطرحه عليكم واخذ رايكم فيه الي هو اسباب عدم زيادة منتفعي الضمان الاجتماعي من الزيادة 60%التي صرفت لجميع الموظفين في قطر،ومنتفعي الضمان هم شياب هل قطر وامهاتنا الكبار والمطلقات والارامل مع العلم ان المبلغ الي يصرف لهم تقريبا من 2500 الى 3500 وانا من وجهة نظري هم اكبر شريحة في المجتمع يستحقون الزيادة في رواتبهم 400% أو اكثر لانه اذا زادوهم 60% ماتعتبر زيادة كافيه لهم فالوقت الحالي نظراً لغلاء المعيشة ومع تدني رواتبهم فالاصل .

وشكراً

والله يا بوالعنود

احنا الموظفين اللى رواتنبنا تتعدى الــ 20 الف والــ 30 ألف
مب قادرين نلحق علىى مصاريف الحياة الأساسية

أشلون اهل الشؤون اللى على 2250

الله يفرج عليكم من واسعه ان شاء الله

ويصخر لكم بو مشعل

أسأل الله العلي القدير ان يغنيكم من فضله

[R 7 A L]

لو بيزيدونهم كان مافيه اسهل منها ومن زمان بس مايبون يزيدونهم

[الصغيره]

هالفئه مالله كاتب لها تفرح

بذمتكم

مراه لها بيتها وكيانها وتصرف بالشهر 2200 ريال وش بتكفي مش

هالفئه لهم الله الله يكون بعونهم

[قوت القلوب]

اللهم فرج هم المهمومين ونفس الكرب عن المكروبين

[بوخالد911]

الله يسهل عليهم
ويستاهلون الزيادة ومش أقل من 10000

والله كريم

[راشد محمد]

انا عندي اخوي معاق يتقاضى 3500 ريال شؤؤن وعنده اربع عيال

بالله قولو لي ش تسوي !!!!!!

مسكنه معاي واصرف عليه مع عياله ، ماله الا الله الاول ثم انا

الله يعينك اخوي وبيض الله وجهك

[مستجدة]

والله يا بوالعنود

احنا الموظفين اللى رواتنبنا تتعدى الــ 20 الف والــ 30 ألف
مب قادرين نلحق علىى مصاريف الحياة الأساسية

أشلون اهل الشؤون اللى على 2250

الله يفرج عليكم من واسعه ان شاء الله

ويصخر لكم بو مشعل

أسأل الله العلي القدير ان يغنيكم من فضله


صدقت ياخوي كفيت وفيت والله يفرجها لاهل الشؤون يارب والله بحاجة لاعادة النظر في قيمة المساعدة وزيادتهم بحد ادنى 10 الاف ريال

[غايه الطواش]

الله يفرج همهم وحسبي الله علي من تسبب عليهم