القسائم التعليمية والمطلقات.. [الأرشيف] - منتديات شبكة الأسهم القطرية

راشد محمد

29-01-2013, 10:19 AM

اللي اعرفة انه المطلقات واللي عيالهم في مدارس خاصة ما ينصرف لهم القسائم التعليمية..
اتوقع الموضوع تحت الدراسة..
بس حرام هالفئة تدفع عشان عيالها بالرغم من وجود القسائم..
سمعت انه اللي النساء اللي تبي القساءم التعليمية لازم تكون عندها حضانه واعاله لعيالها..
انتظر تعليقاتكم وياليت اللي عنده فكرة يفيدنا..

راشد محمد

29-01-2013, 12:10 PM

للرفع وننتظر الردود

ضوى

29-01-2013, 12:13 PM

اذا مطلقة الاب جهة عمله تتكفل بمصاريف تعليم الابناء

واذا ارملة وينصرف راتب الزوج من هيئة التقاعد فهيئة التقاعد تتكفل بمصاريف تعليم الاولاد

اما اذا الأب والام مختلفين فالله يعين هالمراة على الحياة

نوار قطر

29-01-2013, 12:36 PM

راشد محمد

29-01-2013, 01:00 PM

راشد محمد

29-01-2013, 01:02 PM

فعلا لازم ورقة اعاله من المحكمه تثبت ان الام هي الي تصرف على عيالها وحط تحت كلمة اعاله الف خط لازم هالكلمه تكون مكتووبه في الورقه يعني حتى كلمة تصرف ماتمشي عندهم ،،،اما بالنسبه للحضانه مب شرط ورقه تثبت هالشي لان المعروف ان العيال في حضانة الام الا فيما ندر ،،،،

هاي اللي يقهر انه لازم ورقة اعاله..
طيب الريال ما راح يصرف على عياله
شهالقانون التعيس ..
يعني المراه تختار النفقة او الاعالة عشان القسائم

كازانوفا

29-01-2013, 01:32 PM

لازم القاضي ينظر في الموضوع هذا رائي

نوار قطر

29-01-2013, 01:37 PM

هاي اللي يقهر انه لازم ورقة اعاله..
طيب الريال ما راح يصرف على عياله
شهالقانون التعيس ..
يعني المراه تختار النفقة او الاعالة عشان القسائم

للاسف هذي الي صاير ياخوي يقولون لك دام الابو هو الي يعطي عياله النفقه يعني بعد القسائم تكون من صووبه ،،، طبعا الامور بتكون سهالات حق الرياييل العدلين الي يخافون ربهم بيسوون حق عيالهم وبيدخلونهم ضمن القسائم ،،، بس اذا كان الابو مناحس ومايخاف ربه وكل بلاوي الدنيا فيه المره اهني شتسوي الله يعينهم الصراحه

حسن

29-01-2013, 02:32 PM

للاسف هذي الي صاير ياخوي يقولون لك دام الابو هو الي يعطي عياله النفقه يعني بعد القسائم تكون من صووبه ،،، طبعا الامور بتكون سهالات حق الرياييل العدلين الي يخافون ربهم بيسوون حق عيالهم وبيدخلونهم ضمن القسائم ،،، بس اذا كان الابو مناحس ومايخاف ربه وكل بلاوي الدنيا فيه المره اهني شتسوي الله يعينهم الصراحه

لازم تكون هناك اليه واضحه وصريحه
بدل هل البهدله ولخبطه

تخبط في تخبط

نوع من تخفيف الضغط على الهجوم للمجلس الاعلى

FAUCHON

30-01-2013, 08:13 AM

السلام عليكم

اخوي راشد اذا بغيت مساعده بخصوص هالموضوع ياليت تراسلني على الخاص

حسن

30-01-2013, 01:00 PM

بالنسبه للمطلقه المفروض تطلب من طليقها يجيب لها ورقه من عمله
واذا رفض تبلغ مجلس الاسره وهو المفروض يتصرف معه

هذا اللي اعرفه

السهم الشمالي

31-01-2013, 06:56 AM

أخي الكريم
إذا مطلقه وعندها شهادة إعالة هنا تستحق القسائم التعليمية ، وأما خلاف ذلك فتكون القسائم عن طريق الزوج أو ( ولي الأمر ).

نوار قطر

31-01-2013, 08:56 AM

بالنسبه للمطلقه المفروض تطلب من طليقها يجيب لها ورقه من عمله
واذا رفض تبلغ مجلس الاسره وهو المفروض يتصرف معه

هذا اللي اعرفه

صباح الخير
والله ياحسن لين تروح المجلس الاعلى للاسره ويشوفون سالفتها وينادون الابو ويسالونه ليش ماليش قد الطيور طارت بارزاقهاا وخلصو التسجيل في هالحاله اتوقع ان الام بتدفع حق عيالها من جيبها مثل ماكانت تسوي ولا انها تروح واتبهدل من مكان لي مكان

راشد محمد

03-02-2013, 09:20 AM

للاسف هذي الي صاير ياخوي يقولون لك دام الابو هو الي يعطي عياله النفقه يعني بعد القسائم تكون من صووبه ،،، طبعا الامور بتكون سهالات حق الرياييل العدلين الي يخافون ربهم بيسوون حق عيالهم وبيدخلونهم ضمن القسائم ،،، بس اذا كان الابو مناحس ومايخاف ربه وكل بلاوي الدنيا فيه المره اهني شتسوي الله يعينهم الصراحه

:victory:
قلتيها الاب مناحسوما يخاف ربه..

راشد محمد

03-02-2013, 09:22 AM

أخي الكريم
إذا مطلقه وعندها شهادة إعالة هنا تستحق القسائم التعليمية ، وأما خلاف ذلك فتكون القسائم عن طريق الزوج أو ( ولي الأمر ).

هل كل المطلقات لازم يتنازلون عن النفقة عشان القسائم..

راشد محمد

03-02-2013, 09:24 AM

طيب اذا نظام المدرسة انه لام تدفع الرسوم وتاخذ الفواتير عشان الزوج يسترد المبلغ من دوامه(قطاع خاص),,وبالتالي الزوج ياخذ فلوس ويحطها على الشوارب ,,
شالسواه..

دااانة قطر

03-02-2013, 09:27 AM

مدري هالنااس ايش تستفيد من المنااحس
والضحيه هالعياال

راشد محمد

03-02-2013, 09:29 AM

مدري هالنااس ايش تستفيد من المنااحس
والضحيه هالعياال

الله المستعان..
ما يدرون انه عيالهم هم الضحايا..
ناس قلوبها سودا شنسوي فيها ..

ضوى

03-02-2013, 09:30 AM

طيب اذا نظام المدرسة انه لام تدفع الرسوم وتاخذ الفواتير عشان الزوج يسترد المبلغ من دوامه(قطاع خاص),,وبالتالي الزوج ياخذ فلوس ويحطها على الشوارب ,,
شالسواه..

معقولة بيضيع مستقبل عياله عشان شغل نحاسة ؟؟ فيه ناس للحين تفكر بهالطريقة الغبية ؟؟

شوري لها لو اني مكانها طلعتهم من الخاص ودخلتهم مستقلة وجذي بيتعلمون وجذي بيتعلمون بالعكس صارت المستقلات احسن من الخاص

نوار قطر

03-02-2013, 10:01 AM

معقولة بيضيع مستقبل عياله عشان شغل نحاسة ؟؟ فيه ناس للحين تفكر بهالطريقة الغبية ؟؟

شوري لها لو اني مكانها طلعتهم من الخاص ودخلتهم مستقلة وجذي بيتعلمون وجذي بيتعلمون بالعكس صارت المستقلات احسن من الخاص

والله ياضوى في رياييل مايدرون بعيالهم لانفقه ولا زياره ولا شي من الي يسويه اي اب طبيعي حق عياله والسبب انه مناااحس الام ,,, زين اليهال شذنبهم ؟؟

راشد محمد

03-02-2013, 10:10 AM

والله ياضوى في رياييل مايدرون بعيالهم لانفقه ولا زياره ولا شي من الي يسويه اي اب طبيعي حق عياله والسبب انه مناااحس الام ,,, زين اليهال شذنبهم ؟؟

فعلا هذا اللي صاير ..
:secret:عالعموم اذا ضاقت الدنيا هالام بتطلع عياله وتوديهم مستقله او تتحمل وتدفع رسوم مدارس عيالة والاب الله فوقه..

نوار قطر

03-02-2013, 11:40 AM

فعلا هذا اللي صاير ..
:secret:عالعموم اذا ضاقت الدنيا هالام بتطلع عياله وتوديهم مستقله او تتحمل وتدفع رسوم مدارس عيالة والاب الله فوقه..

ليش تطلعهم ياراشد هي كانت من قبل تدفع ليش تكسر قلب عيالها الا اذا ظروفها الماديه تعسرت .. بس طول ما المره تقدر لا بالله تخليهم وماتحسسهم ان شي تغير عليهم.. يعني مااتوقع ابو بهالمواصفات انه يناحس ويسوي المشاكل بيكون قلبه على عياله وبيكون من قبل يدفع لهم .. اصلا لو كان يدفع من جيبه بتخف عنه المسؤوليه وبيفتك من الرسوم وبيطلع لهم القسائم بكل سهوله
:victory:

حسن

03-02-2013, 11:44 AM

:victory:
قلتيها الاب مناحسوما يخاف ربه..

صحيح هناك الكثير من هل الحالات ومرت علي وعن قرب بعد
بس المفروض تكلمه ولا عندك المحكمه ولا الاسره يجرونه مثل 0000 عجل ليش مسوين هم محاكم ومجلس الاسره لهل الاشكال

نوار قطر

03-02-2013, 11:46 AM

صحيح هناك الكثير من هل الحالات ومرت علي وعن قرب بعد
بس المفروض تكلمه ولا عندك المحكمه ولا الاسره يجرونه مثل 0000 عجل ليش مسوين هم محاكم ومجلس الاسره لهل الاشكال

والمره بتقعد تنطر لي يجروونه ولين يطلع لها الحكم ...

حسن

03-02-2013, 11:51 AM

والمره بتقعد تنطر لي يجروونه ولين يطلع لها الحكم ...

انتي تبينها في يوم وليله اعتقد مجلس الاسره له دور قبل المحكمه وش تسوين في هل العالم من الازواج تسجنهم الدوله
هؤلاء مرضي ويحتاجون الطب النفسي في منهم من له ملف وفي منهم المرض مسيطر عليه والاشكال هم هم نفسهم في كل مشكله
خلاص نقزر معاهم الا ان يقضى الله امرا كان مفعولا

هل عندك اعتراض
:waiting:

نوار قطر

03-02-2013, 12:00 PM

انتي تبينها في يوم وليله اعتقد مجلس الاسره له دور قبل المحكمه وش تسوين في هل العالم من الازواج تسجنهم الدوله
هؤلاء مرضي ويحتاجون الطب النفسي في منهم من له ملف وفي منهم المرض مسيطر عليه والاشكال هم هم نفسهم في كل مشكله
خلاص نقزر معاهم الا ان يقضى الله امرا كان مفعولا

هل عندك اعتراض
:waiting:

هههههه لا ماعندي اعتراض:secret:
بس انت تدري ان المدارس الخاصه لهم وقت معين مثلا حق التثبيت لازم خلال هالفتره الطالب يدفع عشان يتثبت.. زين واذا الابو مناحس .. الام بتروح المحكمه وبتشتكي عليه وبينادونه وووو ... زين يا حسن وبعدين :secret: خلص التسجيل والعيال ماتثبتوو .. :rolleyes2:

راشد محمد

03-02-2013, 12:02 PM

ليش تطلعهم ياراشد هي كانت من قبل تدفع ليش تكسر قلب عيالها الا اذا ظروفها الماديه تعسرت .. بس طول ما المره تقدر لا بالله تخليهم وماتحسسهم ان شي تغير عليهم.. يعني مااتوقع ابو بهالمواصفات انه يناحس ويسوي المشاكل بيكون قلبه على عياله وبيكون من قبل يدفع لهم .. اصلا لو كان يدفع من جيبه بتخف عنه المسؤوليه وبيفتك من الرسوم وبيطلع لهم القسائم بكل سهوله
:victory:

انا مالي خص في الموضوع..انا مجرد وسيط اسال وبس..
الاب يشتغل في قطاع خاص ويدفعون للاب فلوس المدارس كاش بعد ما يجيب فواتير المدرسة..
طبعا حاليا الاب ما يدفع الرسوم وبالتالي الام تدفع الرسوم والاب ياخذ الفواتير ويختفي ..
وحرام الام ما استفادت من القسايم التعليميم من الطرفين

راشد محمد

03-02-2013, 12:03 PM

والمره بتقعد تنطر لي يجروونه ولين يطلع لها الحكم ...

:secret:

نوار قطر

03-02-2013, 12:03 PM

انا مالي خص في الموضوع..انا مجرد وسيط اسال وبس..
الاب يشتغل في قطاع خاص ويدفعون للاب فلوس المدارس كاش بعد ما يجيب فواتير المدرسة..
طبعا حاليا الاب ما يدفع الرسوم وبالتالي الام تدفع الرسوم والاب ياخذ الفواتير ويختفي ..
وحرام الام ما استفادت من القسايم التعليميم من الطرفين

ادري ان مالك خص:secret:

راشد محمد

03-02-2013, 12:05 PM

هههههه لا ماعندي اعتراض:secret:
بس انت تدري ان المدارس الخاصه لهم وقت معين مثلا حق التثبيت لازم خلال هالفتره الطالب يدفع عشان يتثبت.. زين واذا الابو مناحس .. الام بتروح المحكمه وبتشتكي عليه وبينادونه وووو ... زين يا حسن وبعدين :secret: خلص التسجيل والعيال ماتثبتوو .. :rolleyes2:

طريق المحاكم طووووووووووووووووووويل والمدارس ما تنطر احد